~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

[*toot]

حبيبتي متى تنزلين البااارت ثاااني ؟

انشالله اليوم الفير الساعه 2 او 2 ونص:eh_s(21):

حور العيون رد :
الله يسسسسسسسسسسسترررر

اي والله ;**

 

[ابتسامة ساخره]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

حبيبتي انا اليوم قريتها قلتها توني اشوفها روووووووووووووووووووووووووعه بس مريم هذي لوتبعد جان بخير هم كملي ناطرررررررينج لالالايوقف

 

[om sa3ad]

الله يستر يلاااااااااااااااااااااااااا ناطرينج على اعصابنا

 

[هنادي 2010]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ناطرييييييينج

 

[ذلتني عيونك]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

نااااااطرين بس ام مريم طلعت حرتنا

 

[*toot]

رد: رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

حبيبتي انا اليوم قريتها قلتها توني اشوفها روووووووووووووووووووووووووعه بس مريم هذي لوتبعد جان بخير هم كملي ناطرررررررينج لالالايوقف

حبيبتي والله مرورج الاروع وتشرفني متابعتج ^_^
يلا انشالله بعد شوي انزل لكم البارت وانشالله يعجبكم:sfg:

om sa3ad رد:
الله يستر يلاااااااااااااااااااااااااا ناطرينج على اعصابنا

يلا هاانت مابقا شي وانزل البارت:eh_s(20):

ذلتني عيونك رد :
نااااااطرين بس ام مريم طلعت حرتنا

هنادي 2010 رد :
ناطرييييييينج

يلا انشالله شوي ويكون موجود ^_^

 

[*toot]

-31-


---






بالمستشفى عند عبدالله



ام عبدالله ورنا ودلال وصلو المستشفى وسألو عن عبدالله وقالو لهم انه بالعنايه
طبعا ام عبدالله موقادره تسكت من البجي وضغط ارتفع عندها ورنا ودلال يحاولون يهدون فيها بس ماكو فايده




شافو الدكاتره يركضون عند عبدالله بالعنايه
وطولو شويه بعدها طلع الدكتور والكل التم عليه كانو يبون يحاولون يعرفون حالة عبدالله من ملامح ويه الدكتور بس ملامحه ماكنت تبشر بالخير كلش


.................




ام عبدالله مسكت ايد الدكتور ( كأنها تترجاه يقول الصج عن حالة ولدها): يما بشرني قولي شفيه عبدالله ؟
الدكتور يطالعهم موعارف شيقول
رنا : دكتور تكفا تكلم قول شي شفيه عبدالله؟
الدكتور: اممم مادري شقول لكم اهو الحين بشبه حالة غيبوبه ادعوله انه يصحى
الكل انصدم موعارفين شيقولون
ام عبدالله ماقدرت توقف من الصدمه حست جسمها صار ثقيل وطاحت على الكرسي
رنا ودلال : يمااااااا





------



دانه طوول اليل مانامت قاعده تحاول ادق على عبدالله ودلال بس محد يرد عليها






-----




ثااني يوم الصبح



ريم اول ماقعدت من النوم قررت ادق على امها وتطمن عليها وتشوف شلونهم
وبدت ادق لكن محد يرد على البيت


ريم : ولين هذيل وينهم مومعقوله امي لي هالحزه نايمه ! خل اجرب ادق على دلوول
وبدت ادق مره و2 و4 و10 ماكو رد
ريم: هذيل شسالفتهم ياربي محد يرد امممم بجرب ادق على رنا جود اترد علي
دقت على رنا....
رنا ( بصوت تعبان): الو
ريم : هلا والله زين زين احد فيكم شال التلفون شلخت البيت محد يرد ودلوول همن ادق عليها ماترد وينكم!!!!
رنا : ريم احنا بالمستشفى عبيد امس سوا حادث باليل
ريم :شنووو@@ شلون ؟؟ ومتى؟؟ وليش ماقلتولي؟؟؟
رنا : ريوم مووقت اسألتج اصلا حتى احنا تفاجأنا وامي مسكينه من الصدمه ارتفع الضغط عليها والحين سادحينها
ريم : لالالا مومن صجج انزين انتو اي مستشفى ؟؟؟
رنا : الصباح
ريم : اوكي انا الحين ابدل واي مع فهد .. يلا باي
رنا : باي



ريم ( تهز فهد): فهد فهد قوووم تكفا بسسرعه
فهد( واهو يتقلب): مممممم شفيج!
ريم (شوي وبتبجي): فهد قوم الله يخليك بسرعه عبيد مسوي حادث بالمستشفى وامي همن تعبت عليهم تكفا بسرعه قوم ودني
فهد ( قام بسرعه مخترع): شنوووو@@ شلونهم الحين؟
ريم(تبجي): مادري مادري تكفا قوم بسرعه انا بقوم ابدل على ماتغسل وتخلص
فهد : اوكي اوكي يلا قومي تزهبي






----




بعد ساعه وشي وصلو ريم وفهد المستشفى ...


ريم : يماا حبيبتي شلونج (باست راس امها واهي تبجي)
ام عبدالله ( بدت تبجي ): موبخير عبدالله مادري شصار عليه الدكتور يقول انه بغيبووبه يما وديني له بروح اشوفه
ريم : يما حبيبتي هدي اهم شي صحتج انشالله عبدالله بيقوم وبيرد مثل قبل لاتحاتين حبيبتي انتي
رنا : من امس وهالضغط يانازل ياصاعد اقولها هدي بالج موزين موراضيه
فهد : ماتشوفين شر عمتي وانشالله عبدالله الحين اروح اشوف شصار عليه لاتحاتين موزين عليج
ام عبدالله : ماقصرت يما
ريم : فهد انا بروح وياك
فهد : امم اوكي

وتمو رنا ودلال قاعدين عند امهم





----





دانه مانامت من كثر التفكير والخوف كانت حاسه انه فيهم شي جايد مومعقوله محد قاعد يرد عليها وبدت ادق على دلال للمره المليون على امل انها اترد عليها وتعرف شسالفه



وبعد فتره ردت دلال على دانه


دلال: الو هلا دانو
دانه: واخيييراا رديتو !! دلوول تكفين شفيكم شفيه عبيد ادق عليه مايرد وانتي بعد بالغصب رديتي فيكم شي؟ صاير شي؟
دلال: ...........
دانه( بعصبيه وبخوف): دلووول يرحم واالديج تكلمي قوليلي شفيكم ترا والله من امس ماانمت من التفكير
دلال : دانو مادري شقولج
دانه: شنو ماتدرين دلوول تحجي خلصيني
دلال(فيها بجيه): عبدالله امس سوا حادث والحين بغيبوبه
دانه ( انصدمت حست انه الدنيا ادور فيها ): دلوول مومن صجج صح ! قاعده تتغشمرين اعرفج تحبين تخرعيني
دلال( بدت تبجي): دانو والله موقاعده اتغشمر عبيد امس سوا حادث والحين داش بغيبووبه ادعيله
دانه(من الصدمه حتى مابجت ):انتو اي مستشفى؟
دلال: الصباح
دانه : اوكي انا شوي واي لكم تكفين خلي فونج معااج عشان اول مااوصل ادق عليج موتحقرين
دلال: اوكي
دانه : باي
دلال: بايات
دانه قامت بدلت وغسلت والمشكله انه حتى دمعة وحده مانزلت منها ( كل هاذا من الصدمه ) تحس انه قاعدين يتغشمرون وياها مومصدقه الي سمعته




----





عند فهد وريم....



الدكتور : الصراحه عبدالله بحاله حرجه الحين
فهد : انزين دكتور ماقلت لنا اهو شفيه بالضبط الحين؟
الدكتور : عنده كسر بالقفص الصدري الضربه كانت واايد قويه على صدره وواايد نزف دم محتاج للتبرع بأسرع وقت وعنده شرخ بالحوض للأسف احتمال ماراح يقدر يمشي
ريم وفهد انصدموا
ريم: شنو@@ شنو يعني ماراح يمشي دكتور شهالكلام (وبدت تبجي)
فهد: ريم صلي على النبي خل نفهم من الدكتور
الدكتور: هدي بالج اختي كل شي بيد رب العالمين لاتيأسين اهو الحين اهم شي محتاج للدم لان كل ماله والاكسجين ينقص بجسمه وهاذا موزين يمكن يسببله شلل
فهد : وشناطرين ليش مايبتوله دم للحين
الدكتور : احنا بلغنا بنك الدم واول مايلقون دم راح ايبونه لنا
ريم : دكتور امي وانا نفس فصيلة دمه اخذو منا
الدكتور: مومشكله بعد شوي راح انسوي لكم فحوصات ولي نتيجة دمه تطابق مع عبدالله انشالله راح ننقله الدم





----






نزلت دانه ماشافت احد بالبيت ارتاحت عشان امها ماتحقق وياها وتشك فيها .. وطلعت بسرعه

واهي بالطريج بدت تذكر كل شي مر عليها مع عبدالله كان مثل الشريط يمر بالها من اول ماتعرفو على بعض لي حد هاليوم هاذا .. بدت تبجي بشكل هستيري

عبدالله معطي دانه سنسله ومعلقتها بالسياره وطول الطريج وكانت اتشوفها وتتذكره .. وقعدت تتذكر المواقف الي مرت عليهم
(يعني معقوله يصير كل هاذا؟؟ .. انشالله مايصير فيك شي والله ان صار فيك شي اموت اموت ماقدر اعيش من غيرك .. يارب انك تشافيه وتقومه بالسلامه يااارب)




عني تغيب شلون علمني شلون ..!
وباقي العمر وشلون يحلى بلياك ..~
حسيت مالي من بعد شوفك عيون ..
وحسيت مالي قلب ينبض بفرقاك ..~

موحش كئيب بغيبتك كل هالكون ..
خالي ولابه غير صوتك وذكراك ..~



----




بيت مريم
ام مريم : شوف ياصالح بنتك واااايد سكت عنها شكلها بتدفن راسنا بالارض امس طحت عليها تكلم واااحد وضحكها شايل شوفلك صرفه وياها انا تعبت منها
ابو مريم ( صالح): شنووو @@
ام مريم : الي سمعته
ابو مريم عصب وراح لمريم الغرفه



مريم كانت منسدحه ومالها خلق احد
دش عليها ابوها ومسكها من شعرها
بو مريم : انتي ماتستحي على ويهج يا جليلة الحيا تكلمين شباب من ورااااي هااا ( وبدا يطقها طراقات)


مريم قامت تصارخ من قوة لطراقات والطق
مريم وخرت عن ابوها وبدت تكلمه بكل صراحه موهامها احد


مريم ( واهي تبجي وتصرخ وتكلم ابوها): ااااي يبا اناا اكلم واااحد وهالواااحد هاذا خااااالد ريل رنااااااااا حبيت اقهرهم مثل ماقهروووني وخاصه عبدالله الي قص علي واخرتها بياخذ وحده غيري وحبيت انتقهم منه
بو مريم عصب اكثر ومسكها وطق فيها : يااجليلة الحيا صج ماتستحين على ويهج وين اودري ويهي من الناس ( ويطق فيها)
مريم ( واهي تبجي وتضحك بنفس الوقت): هههههههههههاي يبا خلااص عبدالله شبه ميت الحين
بو مريم هدها: شتقولين!!!
مريم ( وخرت عن ابوها) : مثل ماسمعت عبدالله امس سوا حاادث والحين شبه مييييييييت





----





اول ماوصلت دانه المستشفى دقت على دلال ودلتها اهم اي صوب بالضبط واول مادشت لقت دلال ناطرتها
دانه لمت دلال وقامو يبجون


دانه : تكفين دلوول قولي انه صحى
دلال(تمسح دموعها): الله كريم انشالله يقوم ادعيله دوين
دانه : دلوول تكفين ابي اشوفه لو دقيقه بس
دلال: اوكي انشالله عاد يدخلونج
وراحو




بعد محاولات وحنه رضو انه تدخل دانه
طبعا قبل لا دش لبست البس المعقم ودشت عليه


ماصدقت الي جدامها عبدالله كانو لافين ويه لانه شوي محترق
وعليه اجهزه واايد .. كل ماتقرب منه تحس انه قلبها يتقطع عليه اكثر
قربت اكثر ووقفت عند راسه مسكت ايده وبدت تبجي من غير صوت



دانه ( تكلمه بصوت واطي واهي ميته بجي ودها تبجي بصوت عالي عشان بس ترتاح واطلع الي بقلبها ): عبدالله حبيبي قوم انا دانه حبيبتك حبيبي ادري انك تسمعني عشاني الله يخليك قوم والله العظيم ولهانه عليك انته وعدتني انك ماراح تتخلى عني لو شنو يصير تكفا لاتخليني بروحي والله بدونك ولاشي والله ماراح احس اني ضايعه مالي غيرك لاتخليني ( وبدت تبجي بحرقه)


ومسكت ايده وباستها وادموعها تنزل على ايده
دانه كانت تتمنى تشوف اي شي فيه يتحرك عشان ترتاح بس للأسف عبدالله كان شبه ميت






-----





اول ماطلعت من الغرفه لقت دلال برا
دانه تحاول تمسك روحها بس مهي قادره بس تبجي من غير صوت



دلال: دانو حبيبتي هدي بالج وادعيله ماينفع البجي
دانه : انشالله


رن موبايل دانه ...



دانه ( بصوت تعبان): الو
ام دانه: الو انتي وينج؟
دانه ( توهقت ): ا اانا عند دلال
ام دانه: وليش ماتقولين انج طالعه !
دانه : يما والله كنت حدي مستعليه ونسيت
ام دانه : اوكي اوكي لاطولين
دانه : انشالله
ام دانه : مع السلامه
دانه : مع السلامه
دانه : دلوول انا لازم امشي الحين امي بروحها شايشه علي وانا بعد طالعه من غير لا اقول لها
دلال : اوكي حبيبتي
دانه : تكفين دلوول اي شي يصير طمنيني تكفين
دلال : اوكي
دانه : وماتشوف شر خالتي سلمي عليها
دلال:الشر مايج حبيبتي .. يوصل انشالله .. ديري بالج بالطريج
دانه : انشالله .. يلا تامريني على شي
دلال : سلامتج
دانه : الله يسلمج يلا باي
دلال : باي





----





اول ماوصلت دانه البيت لقت امها ....


دانه : السلام
ام دانه : وعليكم السلام ..
(دانه كان مبين على ويها اثار البجي والتعب)
ام دانه : شفي ويهج جذي؟
دانه عيونها بدت تلمع : مافيني شي



وصعدت بسرعه غرفتها
ام دانه : شفيها هاذي بعد !!!
( وراحت ورا بنتها)
دانه اول مادشت غرفتها قطت روحها على لفراش وميته بجي



ام دانه دشت الغرفه وشافت دانه بهالحاله خافت عليها
ام دانه : شفيج دويين ليش تبجين؟
دانه : .................
ام دانه : دوين تحجي خلصيني شفييييج ؟
دانه : يما عبيد امس سوا حادث والحين بغيبووبه ( وردت تبجي )
ام دانه استغربت : شلووون انتي موقلتي انج هديتو بعض !
دانه : اااااي قتلج جذي لانج ذبحتيني بشكج وبتهديج كل مره تشكين فيني وين ماروح كل مره تهدديني انج بتعلمين ابوي واخواني علي تعبت من معااملتج لي يليتني ماقتلج شي ولافتحتلج قلبي مادري ليش ماخذه فكره عن عبدالله انه موزين وانه اهو الي يمشيني على كيفه وغاصبني على كل شي .. كل شي تقطينه براسه .. يما تعبت من عاااملتج خلاص .. من جذي جذبت عليج

ام دانه عورها قلبها على بنتها ولمتها ودانه بدت تبجي على صدرها
.........




​

 

[Last !i Queen]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ااااااااخ ياريتج كملتي قلبي قطعني عليهم دمعت عيني وربي يقطع القلب هالبارت

يعـطيج الـعافيـه

 

[*toot]

لوووول انا قاعده اكتب البارت وضاق خلقي
الله يعافيج حبيبتي ^_^

 

[cup-cacke]

حسبي الله على ابلييييييييييييييييييسج يا مريم..الله يآخذج زييييييين

لا ان شاءالله عبيد مافيه إلا العافيه

 

[6amni bs]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

امبي عفيه لا تموتينه
كملي حبوبه يعطيج العافيه

 

[a7la banoota]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

يعطيييييييج الف الف عااافيه و تسلمم ايدج
ناااااااااااااااطريينج

 

[kity]

مشكورة حبيبتيي ماقصرتي :**

وناطرينج باجر بالبارت الأخير صح ؟

وانشالله عبدالله يصحى ومافي شي ويتزوجون يارب

 

[DALLY]

حسبي الله على من كان السبب

واه علي عبدالله مسكين مايستاهل

 

[Noufa ala]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

No comment agra w abchii Lool
Enshalla ygoom bslaamaa yaraab
eeeee 3fyaaaa ya boo mryaaam 3fyaaa mshkoor w ma g9aart w enshalla bhl 7alla w ardaaa ma rdha 7g al6eb alnafsii
WAAAAAIIIIIIIIIIITTTTTTTIIIIIIINNNNNNGGGGGGGGG 7booobaaa;;;;***

 

[MeeMeeYoo_2]

اخيييييييييييييييييه


يعطيج العافيه

 

[حنطاويه عسل]

ناطريييييييييييينج نبي بارت
يسلمووو حبيبتي عالبارت

 

[غلا دنيتي جابر]

امبي وربي عور قلي البارت
انشااء الله مافيه الا العافيه
ومريووم وربي الطق اليجاها مو كاافي حلاي هالوجه ماال بوكساات وفنااقر ما تكفي ..
شالقلب الأسود؟

 

[ابتسامة ساخره]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ياااربي البارت حددددددددده حززززززززززززين حبيبتي نبي بااارت ننطررررررج تسلمين

 

[Dlool Al7lwa]

امبيه كسرت خاطري دانه
يعطيييج العاافيه ولا تموتينه بلييز
وناطرينج