~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

[sweet.sanfoora]

ay shy

:S:S

 

[ام سدونتي]

الله يعطيج العافيه بس ما نبي القصة
وهذي السوسه العوبه لي متى لازقة بالريال مو راضية تفكهم عمه ويييييييييييييييع لزقة

 

[Dalal.E]

laaaaaaaaaaaaaaaaaaaaaah ,mamaaaaaaat

 

[ذلتني عيونك]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

تكفين كمليها بسرعه البارت هذا روووووووووووعه

 

[eng.7oor]

ambiiiiiiiiiii ay shhy
enshallah ma y9eer feh shy !
allah y3een dana

 

[حور العيون]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

امبيييييييييييييه شنوو مافيييه رحمه وين قاعديين شنو هالحقدددد

يدعمووونه مره وحده @@

 

[qmr_14]

مووصج ...

يسسلمو عالبارت اللي يخخرع

 

[a7la banoota]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

واااااااااااي الله يستر
ويعطييييييييج العافيه على البارت
ناااااااطريينج

 

[الزين كله فيها]

الله يستر منها هالمريم دبق دبق لززقه قطييعه
ناطريين البااارت يعطيج العاافيه حبيبتي

 

[يادمووعي]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

لا أمـبيه هذي حدها مو صج شنحاسه
معقوله يعني الوحده لاحبت تسوي جذي لالا اكيد هذي موصاحيه
الحين اهي تسوي فيه جذي عشان تبي لها او تبي تاخذ حقها مافهمت اهي صاحيه
والله لو حبي سوى فيني جذي لعنه تلعنه يحب غيري وألحقه عاد مهما يكون حبي له
انا بس اقول ولي زين >> عصبت البنت

ناطرتج اليوم ه احر من الجمر

تووت ياقلبي ماعليج امــر ممكن تبجرين وقت نزوول الروايه ؟؟!! وشكرا

 

[freakiya]

واااااااااااااااااااااي من مريم يعني بتحرقين قلبه تذبحينه واااي منج يعني اذا مات بترتاحين وين ا ل ل ي تحبه و تموت بدونه جد تقهر
الله يعين قلب اهله و دانه
مشكووووووووره حبيبتي البارت موووو صج
وييييييييييييييتنق

 

[حورو الحلوة]

متى البارت حياتو

 

[ميني كويتيه]

...................>>>> معصبه ماتبي تتكلم :eh_s(14):

كملي ناااطره الباارت اليديد حددددي متشوقه بشوووف شصار

ثانكيوو حبي...

 

[Noufa ala]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

waay shno hathaa maa y7s hal 5ald ena 5roof 7ta al5roof fe fayda hatha ma mna la fayda wla 3ayda 7sbay allah 3leeh
AMA 3la salft mryam enshalla ashofha bnhaya mngr9aaa 3deeeeeeeeeeeeeeeeeeelllllllllll
Bgoolch sh3'laa kl paart nzlteee a7la mn athaanii mo mojamla Walla XD
W Waiting Waiting 7BoBa ;**

 

[ذلتني عيونك]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

يلا وين البارت حدنا متشوقين نبي نعرف شصار

 

[هنادي 2010]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ويييييينج
نبي بااااارت
وحبيت اسالج باجي جم بارت ع النهايه ..~
لأتطووليين علينا متشووقيين ..>_<

 

[*toot]

رد: رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ثانكس للكل لكل الي ردو :eh_s(22):
وسووري مارديت عليكم وحده وحده بس والله الاق ذبحني
المهم حبايبي انشالله شوي وانزل لكم البارت .. وبنتظار دودكم وتعليقاتكم:fun:

 

[*toot]

حبيبتي باقي انشالله بارتين وتخلص القصه ^_^

 

[بيـــشو17]

اوكي حياتي توتو
ناطرينج

 

[*toot]

-30-


----








دانه اول ماركبت السياره واهي وعبدالله بينهم مسجات


عبدالله واهو بالطريج كان لاهي بمسجات دانه
لمح سياره وراه كانت حيل لاصقه فيه وشابه العالي عليه
عبدالله وخر عنها
لكن السياره كانت تحاول تلصق فيه اكثر واكثر
عبدالله (بعصبيه) : شفيه هاذا (.....)
حاول اكثر من مره انه يوخر عنهم لكن ماكو فايده بدو يحدونه
وصلو لي فوق الجسر كانو حييل لاصقين بعبدالله ومن كثر مايحدووه دعمو عبدالله و لصقوه بحااجز الجسر ومن قوة الدعمه لفت السياره بعبدالله وضربت الحاجز مره ثانيه حييل و انقلبت من فوق الجسر .. خالد ومحمد نحاشو من بعد مادعمو عبدالله


-----





وصلت دانه واهلها بيتهم والكل مستانس سوالف وضحك



ام دانه : اي والله ياحلات الجو اينن .. والله تمنيناج تكونين ويانا يا تهاني
تهاني : عليكم بالعافيه عمتي يلا المهم استانستو
بو دانه : وانا ماتمنيتيني اكون معاكم ؟
الكل : ههههههههه
ام دانه : والله احنا قلنالك امش معانا بس انته ماتقدر تقول مشغول
بو دانه : يلا المهم عليكم بالعافيه
احمد : ها يما وين صوغتنا؟
نوره : لاتخاااف بالحفظ والصون امي كل ماشاافت شي هاذا حق احمد وتهاني ترا قمنا انغار منكم
الكل : هههههههه
ومر الوقت بسرعه مع السوالف والضحك .. لمن الكل مشا





------





دانه اول ماوصلت غرفتها قطت روحها على لفراش وبقلبها
( هاذا وينه دزيتله مسجين مارد خل اشوف ادق عليه)
وبدت ادق دانه على عبدالله
مره
مرتين
3
10
20
ماااكو رد


دانه : ولين شفيه مايرد مومعقوله ماوصل للحين ياربي انشالله موصايرله شي!! خل ادق على دلوول هالمعفنه حدي ولهانه عليها ومره وحده اسألها عن عبيد


دلال شافت فونها ( دانه يتصل بك )


دلال ( قامت تصرخ ): ووااااااااااااااااااااي فديتها والله
الوووووووووووووو
دانه : لووووووووووووول شفيج احسج بتطلعين من التلفون
دلال : يالخاااااايسه حدي مشتاقتلج
دانه : وااي والله حتى انا شلونج شخبارج ؟ اهم شي هاقوليلي شصار على موضوعج انتي وعبدالوهاب ؟؟؟ والله طول الوقت افكر بهالسالفه
دلال : تماام تماام .. وااي سكتي خل اقولج شصار
دانه : يلا قولي كلي اذان صاغيه لوووول
وتمو يسولفون ويضحكون دانه مع السوالف نست تسأل دلال عن عبدالله!!





------






اكيد بتسألون عن عبدالله شصار عليه ؟






طبعا الناس ملتمين عليه اشوه انهم قدرو ينقذونه على اخر شي قبل لاتحوشه النار لان السياره كانت تحترق وبالغصب طلعوه كان مغطا بالدم وسيييده المستشفى





-----





بعد ساعتين تقريبا



بيت ام عبدالله ...
التلفون يرن




ام عبدالله : الو
....: السلام عليكم
ام عبدالله: وعليكم السلام .. منو معاي؟
....: بس بغيت اسأل هاذا بيت عبدالله ؟
ام عبدالله : اي نعم منو معاي؟
.....: معاج مستشفى الصباح
ام عبدالله خايفه : خير انشالله ؟
....: والله اختي مادري شقولج بس عبدالله مسوي حادث وتوه واصل عندنا
ام عبدالله من الصدمه طاح منها التلفون وقامت تبجي
.....: الو
...........
.....: الووو






------





عند دلال ....
واهي تكلم دانه سمعت صوت صراخ امها !!!!




دلال : دوين شوي واكملج اوك
دانه : اوكي
دلال: باي
دانه : بايات



دلال اول ماسكرت الخط من دانه انزلت بسرعه وراحت عند امها



دلال حدها مخترعه وخايفه : يما شفيييك ليش جذي تبجين؟؟؟؟؟؟؟؟؟؟؟؟؟؟
ام عبدالله ( ميته بجي): ااااه يايما
دلال ( لامه امها وتحاول تهديها وتفهم منها شالسالفه): يما حبيبتي هدي قوليلي شفيج؟



(رنا كانت بغرفتها سمعت صوت البجي ولصراخ وطلعت من غرفتها بسرعه)



رنا : شفييييكم؟ شفيج يما ليش تبجين؟

ام عبدالله : ااااخ يا يما عبدالله مسوي حادث وتوه المستشفى كلموني بسرعه دلوول يبي عبايتي من فوق امشي رنا خل انروح انشوف اخوج ( وراح صوتها بالبجي)
دلال ورنا ماقدرون يمسكون روحهم اكثر وقامو يبجون مومصدقين الي قاعدين يسمعونه!!!






-----





عند دانه ....


ياربي هاذا وينه دقيت عليه مليون مره ولا يرد يارب مايكون فيه شي لان صج بديت احاتيه


وبدت ادق على دلال عشان تسألها عن عبدالله
وبدت ادق مره ومرتين وثلاث محد يرد
اهني دانه صج بدت تحاتي ماقدرت وتمت ادق على البيت ومحد يرد
دانه : يارب مايكون فيه شي يارب ( وانزلت دموعها)





-----





عند مريم
كانت قاعده تتعبث بالفون شوي ولا تشوف ( خالد يتصل بك)




خالد : الوووو
مريم : اهلن اهلن
خالد : هلا فييج عندي لج خوووش بشاره
مريم : ها بشر شصار؟
خالد : خلاااص ماماتي عبدالله بااااااااح ههههههههههههههههه
مريم ( شوي تضايقت على عبدالله بس كانت تبي تبرد جبدها فيه وغير هاذا لو شنو ماتبيه ياخذ دانه بدالها عندها موت عبدالله ولا انه يتزوج غيرها ) :...............
خالد : الوووو وينج؟
مريم : هلا هلا كاني حبيبي
خالد : شفيج سكتي جنه كاسر خاطرج؟
مريم : لا يخسي خل يويلي اصلا بالعكس والله بردت جبدي الله يبرد جبدك
خالد : افا عليج اذا انا ماخذ حقج منو ياخذه بالله!
مريم : فديتك



وتمو يسولفون




-----






ام مريم كانت توها صاعده تبي تروح غرفتها وبطريجها مرت صوب غرفة مريم

ولاتسمع مريم تضحك بصوت عالي


مريم : هههههههههههههه خلود خلاص يوز تكفه

ام مريم بطلت الباب على مريم
مريم انصدمت قطت التلفون ..



ام مريم (بعصبيه ): مريوم ويهد منو خلود !! منو الي قاعده تكلمينه؟
مريم : ها ! يما شفيج هاذي دلال قاعده اكلمها
ام مريم : لاجذبين انا سمعتج بأذوني قلتي خلود خلاص يوز تكفه قوليلي منو خالد؟
مريم : يما قتلج هاذي دلوول
ام مريم ( ماقدرت تمسك روحها اكثر وعطت مريم طراق): هاذي اخرتها يا مريوم هاذي اااخر الثقه الي عطيناج ياها هاذي اخرت تعبي فيج تكلمين شباب من وراي هااا؟
مريم حاطه ايدها على خدها منصدمه من ردة فعل امها اول مره ترفع ايدها عليها
مريم ( لقت الجذب احسن وسيلة عشان تبرر غلطتها) : ماسويت شي غلط اي انا اكلم وااحد اسمه خالد احبه ويحبني مافيها
ام مريم عطتها طراق ثاني: اشكرا تقولينها لي بعد صج عينج قويه بس هين يا مريم الظاهر انا خربتج بدلالي الزاايد بس والله بعلم ابوج خل يعرف شلون يتصرف وياج



وطلعت وسكرت الباب حيل
مريم قطت روحها على لفراش وتبجي




----



بالمستشفى عند عبدالله



ام عبدالله ورنا ودلال وصلو المستشفى وسألو عن عبدالله وقالو لهم انه بالعنايه
طبعا ام عبدالله موقادره تسكت من البجي وضغط ارتفع عندها ورنا ودلال يحاولون يهدون فيها بس ماكو فايده




شافو الدكاتره يركضون عند عبدالله بالعنايه
وطولو شويه بعدها طلع الدكتور والكل التم عليه كانو يبون يحاولون يعرفون حالة عبدالله من ملامح ويه الدكتور بس ملامحه ماكنت تبشر بالخير كلش


.................
​