~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

[79o0on]

لالا مو من صجها ام دانه بس انشالله ما تسويها
يلله نبي بارت حدي تشوقت شصير بعدين

 

[om sa3ad]

البارات حيييييييييييييل قوي ام دانه ترفع الضغط

 

[ميني كويتيه]

واي ام دانه .. كل شي عبدلله عبدالله ؟؟ الحليب خلص من البيت.. عبدالله!!
الخدامه انحاشت ..عبدالله !! التلفزيون اخترب ..عبدالله!!
هههههه
يسلموو تووت وناااطرين البارت الياااي
سي يووو

 

[البارونه*_^رونه]

لااااااااااا امبيه ام داانه مو من صجهاا حررام مسكين عبيد كل براسه

وام داانه حبيبتي البنت ماتبي تروح خليها عند ابوهاا مافيهاا مشكله وبعدين صج انتي إلي طلبتي منهاا تصارحج وتفتحلج قلبهاا والحين عقب ماسوت إلي تبينه قلبتي وووووووووووووووووووووووووووووووووو تغيرتي عليهاا

يسلموو هلى الباارت

ناطرينج

 

[ReeMoh]

ilrewaya 7aadha 7elwa mashallaaaah 3laich
t'habel grait'ha kelha ib youm wa7id
w om dana akeed tsawwy chethy 3shan khayfa 3ala bent'ha bas chenha zawedat'ha shwaay amma maryam mal kaf 3al wayh ehya w khwailid w abdulwahab shakla zain madry laish 7abaitaa
w daloool khal twafeq bala dalaa3
w allah yewafij iljmee3
thaank you 7abebty
waiting

 

[Dlool Al7lwa]

ننطرج

 

[امي الحنونه]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

اوووف ام داانه تبط الجبد
يعطيج العااافييه حياتي
وكملي ..~

 

[freakiya]

قوه شلونج حبيبتي.. القصه رووووووووووووعه صج تسلم ايدج الاسلوب اينن و الاحداث مو صج صج الاحداث تجذب و اكثر شي عجبني فيج انج ملتزمه
ام داانه جد قاهرتني والله قاعده ادعي عليها ليش تقرهما مسكينه دام خلتها تفتح قلبها المفروض تتحمل مو تمسكه ممسك عليها بس تهدد اااففف
و مريم هذي يابتلي الاعصااااااب استغفر الله يعني صج في نا جذي ! ما يبيج شنو قصب لزقه!
و دلال انا من رايي لا تتسرع و تشوف شيصير يمكن صج تغير
.. بعد كتبي القصه عنها لووول سوري واايد اندمجت
و ناطرينج على نااااار نبي بارت حلو مثلج

 

[Noufa ala]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

Waaay 3jeeeb alpaarrrrt fdeeTch ;;;*
Tslm yedech walla
w Na6rench Eb part a7la w a7laa ;;;****
WAITING WAITING

 

[DALLY]

المفروض دانه توافق تسافر وانتهى الموضوع ماراح يصير ف عبدالله شي ولا هي بتقعد سنه ف سفرتها وتقدر تطلع خط وتكلمه مو صعبه

 

[toota ali]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

ترى مشكله دانه امر فيها انا بعد
لاني صارحت امي بكل شي والحين قاعدتلي على الوحده طلعت روحي والله
المشكله يطلبون منا نفتح قلبنا ونقول كل شي ولما نسوي الي يبونه شوف طريقة تعاملهم معانه
الله كريم
يالله حبوبه كملي قصتج لانها تشوووق
تحياااااااتي

 

[شـوـوق الكـويت]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

يسلمؤؤؤؤؤ
بصرااااحه الرووايه روووعه
كملي البارت نااطرينج يالغلا
تقبلي مروري متاابعه بصمت[/color]

 

[ذلتني عيونك]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

يسلموووووووووووووو

 

[*toot]

رد: رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

يـــعطيييييج العاافيه toot وتسلم ايدج على البارت
و نـــااااطرينج

الله يعافيج حبيبتي .. يسلمج ربي ;*

حور العيون رد :
لااا ان شاء الله ام دااانه ماتعلم علييها مستحييل في ام تسوي ببنتها جذي
ياحليلها دلااال والله كبرت وصارت عرووس لووووووووووووووووووول

انشالله .. يلا انعرف اليوم اذا بتعلم عليها ولالا
لوووول شفتي شلون كل صغير يكبر

79o0on رد: لالا مو من صجها ام دانه بس انشالله ما تسويها
يلله نبي بارت حدي تشوقت شصير بعدين

انشالله .. ثانكس حبيبتي على المرور ^_^

om sa3ad رد:
البارات حيييييييييييييل قوي ام دانه ترفع الضغط

ثانكس ياقلبي على المتابعه :eh_s(21):

ميني كويتيه رد:
واي ام دانه .. كل شي عبدلله عبدالله ؟؟ الحليب خلص من البيت.. عبدالله!!
الخدامه انحاشت ..عبدالله !! التلفزيون اخترب ..عبدالله!!
هههههه
يسلموو تووت وناااطرين البارت الياااي
سي يووو

لووووووووووووووول بدعتي
يسلمج ربي حبيبتي

البارونه*_^رونه رد:
لااااااااااا امبيه ام داانه مو من صجهاا حررام مسكين عبيد كل براسه

وام داانه حبيبتي البنت ماتبي تروح خليها عند ابوهاا مافيهاا مشكله وبعدين صج انتي إلي طلبتي منهاا تصارحج وتفتحلج قلبهاا والحين عقب ماسوت إلي تبينه قلبتي وووووووووووووووووووووووووووووووووو تغيرتي عليهاا

يسلموو هلى الباارت
ناطرينج

مشكله هالاهل :eh_s(2):
يسلمج ربي:eh_s(21):

ReeMoh رد:
ilrewaya 7aadha 7elwa mashallaaaah 3laich
t'habel grait'ha kelha ib youm wa7id
w om dana akeed tsawwy chethy 3shan khayfa 3ala bent'ha bas chenha zawedat'ha shwaay amma maryam mal kaf 3al wayh ehya w khwailid w abdulwahab shakla zain madry laish 7abaitaa
w daloool khal twafeq bala dalaa3
w allah yewafij iljmee3
thaank you 7abebty
waiting

عيونج الحلوه حبيبي :$
اي صح كلامج كل هاذا من خوفها بس زودتا بعد مايصير حسرت فيهم مساكين:eh_s(2):
ولكم حبيبتي ومشكوره على المتابعه والرد فديتج:weight_lift:

Dlool Al7lwa رد:
ننطرج

مشكوره حبيبتي عل المتابعه ^_^

امي الحنونه رد :
اوووف ام داانه تبط الجبد
يعطيج العااافييه حياتي
وكملي ..~

الله يعافيج حبيبتي .. انشالله من عيوني:eh_s(21):

 

[*toot]

قوه شلونج حبيبتي.. القصه رووووووووووووعه صج تسلم ايدج الاسلوب اينن و الاحداث مو صج صج الاحداث تجذب و اكثر شي عجبني فيج انج ملتزمه
ام داانه جد قاهرتني والله قاعده ادعي عليها ليش تقرهما مسكينه دام خلتها تفتح قلبها المفروض تتحمل مو تمسكه ممسك عليها بس تهدد اااففف
و مريم هذي يابتلي الاعصااااااب استغفر الله يعني صج في نا جذي ! ما يبيج شنو قصب لزقه!
و دلال انا من رايي لا تتسرع و تشوف شيصير يمكن صج تغير
.. بعد كتبي القصه عنها لووول سوري واايد اندمجت
و ناطرينج على نااااار نبي بارت حلو مثلج

حياتي والله مشكوره على هالكلام :eh_s(22):

بنات بس بقول لكم شغله حبايبي انتو لاتدعون على احد لان الشخصيات حقيقة مو من خيالي اتمنا ماتدعون على احد ,, ادري في شخصيات تبط الجبد بالقصه مثل مريم وخالد
بس نطرو لي النهاية وشوفو شنو يصير وتالي عقب ماتعرفون النهايه ادعو على كيفكم :ssssso:
بس حيت اوضح هالشغله :eh_s(22):
ادري حبيبتي انه موقصدج وانج اندمجتي وبطو جبدج بس اتمنى وصلتج المعلومه ^_^
ومشكوره حبيبتي على متابعتج :eh_s(22):

Noufa ala رد :
Waaay 3jeeeb alpaarrrrt fdeeTch ;;;*
Tslm yedech walla
w Na6rench Eb part a7la w a7laa ;;;****
WAITING WAITING

يسلمج ربي حبيبتي .. ثانكس ياقلبي على الماتبعه:sfg:

DALLY رد:
المفروض دانه توافق تسافر وانتهى الموضوع ماراح يصير ف عبدالله شي ولا هي بتقعد سنه ف سفرتها وتقدر تطلع خط وتكلمه مو صعبه

اي حبيبتي بس دانه ماتبي تسافر تخيلي احد يقولج غصب تسافرين وانتي مو بالج السفر ولا لج خلق !:nocommint:
بعد ماكو شي غصب الله يهداها ام دانه بس ادور الزله عليها

toota ali رد :
ترى مشكله دانه امر فيها انا بعد
لاني صارحت امي بكل شي والحين قاعدتلي على الوحده طلعت روحي والله
المشكله يطلبون منا نفتح قلبنا ونقول كل شي ولما نسوي الي يبونه شوف طريقة تعاملهم معانه
الله كريم
يالله حبوبه كملي قصتج لانها تشوووق
تحياااااااتي

الله يعينج حبيتي .. صج مشكله الاهل ان خشيتي عنهم وطاحو عليج صارت مشكله وان فتحتي قلبج لهم مسكو عليج ممسك وقامو يهددون او اذا ماهددوج تتغير معاملتهم لج ! شي يحير يعني الواحد شسوي :\
وثانكس حبيبتي على هالكلام .. انشالله اليوم يكون البارت موجود على ال2 ^_^

شـوـوق الكـويت رد :
يسلمؤؤؤؤؤ
بصرااااحه الرووايه روووعه
كملي البارت نااطرينج يالغلا
تقبلي مروري متاابعه بصمت

حياتي والله انتي الروعه ^_^
وثانكس ع المروور

ذلتني عيونك رد :
يسلموووووووووووووو

يسلمج حبيبتي:eh_s(17):

 

[*toot]

-28-

----




ام دانه : هااا شلون الحين؟
دانه ( بضيقه وفيها البجيه) : يما قتلج ماابي اروح
ام دانه(بعصبيه) : لا بتروحين وغصبن عليج ويلا قومي زهبي جنطتج
دانه @ ليش متى بتسافرون؟
ام دانه : عقب باجر
دانه ( بعصبيه ): قتلج ماابي اروح
ام دانه : والله والله راح تشوفين شي عمرج ماراح تشوفينه
دانه : اوكي
ام دانه : وين سويج سيارتج ؟؟؟؟؟؟


دانه من العصبيه مامسكت اعصابها راحت وخذت سويجها وعطته امها كانت مستعده تسوي اي شي بس انها ماتخلي حبيبها بروحه
وراحت يابت موبايلها قفلته وعطته امها مع الاب


دانه: اخذيهم كلهم ماابي شي بس سفر ماني مسافره
ام دانه : هين يادوين عبالج بتمشين كلامج علي بس نطري علي والله هليله ماراح تعدي على خير ابوج واخوانج لازم يعرفون سواد ويهج وخلي عبيد ينفعج




(واول ماطلعت امها من الغرفه دانه هسترت بجي خايفه من امها انها تعلم ابوها واخوانها وكلهم يصيرون ضدها ويحرمونها من حبيبها بجت لمن نامت من غير ماتحس)





قامت دانه على صوت امها ..


ام دانه : قومي نوره تبيج
دانه خذت التلفون من امها وكلمت نوره ...
ام دانه عقب ماعطت دانه التلفون اطلعت



نوره : قوه دوين شلونج؟
دانه ( بصوت تعبان ) : الحمدالله .. انتي شلونج ؟
نوره : الحمدالله بخير .. دوين قوليلي ليش منتي رايحه ومعانده ؟
دانه : نوره والله موبمزاجي اسافر ولا لي خلق ماابي ماكو شي غصب انا من الاول قتلها ماابي اروح
نوره : دوين امشي ويانا والله راح تغيرين جو وتستانسين
دانه : نوره قتلج ماابي مالي خلق اسافر
نوره : انزين لاتعاندين امي انتي المفروض ماتخلينها اتعصب خاصه واهي عارفة عنج كل شي شنو انتي منتي خايفه باجر تعلم ابوي عليج ؟
دانه ( خايفه بس تبين العكس ) : ماهمني ماكو شي غصب
نوره : والله كيفج يا دانه اتوقع انتي ادرا بمصلحتج وموياهل عشان افهمج .. بس حطي هالشي بالج ترا امي صج ناويه تعلم ابوي فسمعي الكلام وكسري الشر وامشي ويانا
دانه : مابي
نوره : على راحتج .. يلاحبيبتي مع السلامه
دانه: مع السلامه





راحت دانه ودت التلفون عند امها ...

ام دانه : منتي رايحه صح؟
دانه : لا ماني رايحه ... ( ومشت راحت غرفتها)
ام دانه معصبه : انا عمري ماشفت بنت جذي راسها يابس




----





عند عبدالله ....



عبدالله : ولين هاذي شفيه جهازها مغلق !
ورد يدق على دانه مره ومرتين وثلاث
طبعا دانه ماترد لان كل اغراضها عطتهم امها الموبايل والاب وسويج السياره
عبدالله بدا يحاتي انه دانه صار لها شي مومعقوله قافله جهازها اكيد في شي جايد
عبدالله : ماقدر اصبر اكثر خل اشوف دلوول خل تتصرف ادق على بيتهم
وراح غرفة دلال ...




طق طق
دلال : منوو
عبدالله : انا
دلال : تعال
عبدالله : دلوول تكفين ابيج ادقين على بيت دانو الحين بسرعه
دلال : شفيك عبيد !
عبدالله : مادري جهازها مغلق مومن عادتها .. دلوول تكفين مووقتج خلصي دقي بسرعه وسألي عن دانه
دلال ( مستغربه ) : اوكي
ودقت دلال على بيت دانه .. بس محد رد
دلال : محد يرد !
عبدالله : ردي دقي مره ثانيه


وردت دقت دلال مره ثانيه وشالته ام دانه ...


ام دانه: الوو
دلال : الو هلا خالتي شلونج
ام دانه : هلا هلا دلال حبيبتي شلونج؟
دلال : بخير .. خالتي بغيت اسألج دانه وينهي ادق عليها جهازها مغلق !
ام دانه : لحظه انا ديها لج ..





------






فغرفة دانه ..


دانه طبعا مالها خلق شي كل تفكيرها بالسفره وبعبدالله وبتهديد امها وكانت حييل متضايقه بس تبجي ..
اسمعت صوت امها قرب من غرفتها
دانه ( بقلبها ): الله يستر شيبي يصير اكثر!!!


طقت الباب ام دانه
دانه : تعالي يما
ام دانه : دلال تبيج على الخط
(واطلت ام دانه من الغرفه)
دانه خذت التلفون وكلمت دلال


دانه : الو هلا دلوول
دلال : ويعا دانو وينج خرعتينا عليج شفيج قافله جهازج؟
دانه (ماسكه بجيتها بالغصب ) : مافيني شي دلول
دلال : دوين شفيج !
دانه ( بدت تبجي ) : ....
دلال : دانو تكفين لاتخرعيني تكلمي شفيج ؟


عبدالله كان قاعد يم دلال ماستحمل ينطر اكثر وسحب التلفون من دلال..


عبدالله : حبيبي شفيج ؟
دانه : عبيد ... ( وكملت بجي)
عبدالله : حياتي انتي شفيج تكفين تكلمي قولي شفيج؟
دانه : عبيد ماابي اسافر امي قاعده تهددني اذا مارحت وياهم بتعلم ابوي واخواني عبيد تعبت والله تعبت من معاملتها ماني قادره اتحمل اكثر ( وراح صوتها بالبجي)
عبدالله: يا قلبي انتي انزين هدي هدي حياتي
دانه : حبيبي شهدي امي تبيني اروح وياها وانا مابي وان مارحت اكيد بتعلم ابوي وكل شي بينقلب ضدي
عبدالله : حبيبي انا موقاعد اللعب عليج ليش خايفه والله والله يادانه الحين اي اخطبج اذا تبين
دانه : عبيد ماابي اسافر مااابي موغصب
عبدالله : حياتي صج انا مابيج تسافرين لاني مومتعود ماكلمج كل يوم واشوفج بس حياتي دام فيها وناستج روحي والله حتى انا بستانس واهم شي رضا امج حياتي انتي
دانه : حياتي ماابي شلون بكلمك على راحتي
عبدالله : ميخالف ياروحي كلها فتره
دانه : ......
عبدالله : حبيبي
دانه : عيوني
عبدالله: تحبيني ؟
دانه : اموووت فيك ,, ( وانزلت دموعها من غير صوت)
عبدلله : حياتي انتي روحي قلبي اذا تحبيني صج سمعي كلام امج وروحي وياهم .. انتي فكري فيها ان مارحتي واايد اشياء راح تخسرينها صح ولالا؟
دانه : صح
عبدالله : خلاص حبيبي سمعي الكلام وروحي عشان ماتكبر السالفه
دانه ( بضيقه ) : انشالله
وتم عبدالله يحاول ينسي دانه ويقنعها اكثر بالسفر بالرغم انه مايبيها تسافر يبيها يمه 24 ساعه بس موبيده




------





عند ام عبدالله ....


عقب ماسكرت الخط من ام عبدالوهاب راحت لدلال ...

دلال : دخلي يما
ام عبدالله ( والفرحه موشايلتها يت وقعدت يم بنتها وتمسح على شعرها) : الحلوه شتسوي؟
دلال (مستغربه) : ولاشي يما قاعده اتعبث بالتلفون
ام عبدالله : والله وكبرتي يادلوول وقامو يخطبونج
دلال (انصدمت .. بقلبها : اكيد اكيد ام عبدالوهاب دقت سواها وهابو @@) : شنو
ام عبدالله : يما توه دقت على وحده وخطبتج حق ولدها ينقال له عبدالوهاب ال ... وعمره 23 ومايحتاي اقولج اكثر كافي عايلته مشالله معروفين و الكل يمدح فيهم بس همن هاذا مايمنع نسأل عنه اكثر
دلال ( للحين منصدمه ) : ...
ام عبدالله : يحلات الي يستحون هههه .. المهم دلووله الناس بعد يومين بيون يشوفونج ماشي حبيبتي
دلال (بتردد وبخوف) : يما ماابي اتزوج
ام عبدالله : شالكلام يما شنو ماتبين تتزوجين النصيب يايلج ليش تردينه
دلال : يما مابي
ام عبدالله : حبيبتي انتي لاتستعيلين اهم بيون وبيشوفنج واكيد عاجبتهم لوموعاجبتهم ليش داقين يخطبونج وثاني شي بتقعدين مع لصبي وبتفاهمون ليش الخوف يايما
دلال :....
ام عبدالله : حبيبتي لاتفشليني مع الناس انتي شوفي لصبي وشوفي اهله وانشالله خير ياحبيبتي
دلال : انشالله
ام عبدالله : عفيه على بنيتي يلا حبيبتي دوريلج شي حلو حق عقب باجر واذا ماعندج شي مناسب باجر انا وياج ننزل السوق
دلال : انشالله




اول ماطلعت ام عبدالله من غرفة دلال .. ودلال بس تفكر بكلام امها
دلال : معقوله عبدالوهاب تحسف معقوله يحبني ويبيني لاماصدق دام انه يحبني ليش خاني ليش ! اف والله تبعت بس عقب باجر لي يه لازم اتفاهم وياه .. والله اني للحين احبه واموت فيه بس اهو جرحني شلون انسا شلون ..
وظلت دلال طول اليل واهي تفكر بهالموضوع مايالها نوم كلش





-------




اليوم الثاني ....




دانه نفسيتها زفت تحس انها قاعده تموت باليوم مليون مره من معاملة امها وتهديدها .. بس بالنهاية دانه وافقت على السفره وكانت طول هاليومين لاهيه تجهز روحها .. وعبدالله كان يصبرها



ام دانه : زهبتي كل شي
دانه ( من غير نفس) : اي
ام دانه : اوكي خلاص سكري جنتج وخليها بالصاله عشان الفير طلال ياخذهم
دانه : اوكي




عقب ماخلصت لويه ترتيب لجناط .. دقت على عبدالله




عبدالله : هلا بحياتي هلا بدنيتي كلها
دانه ( بحزن) : احبك
عبدالله : ياقلبي وانا اموت فيج حبيبي خلاص استانسي اليوم الفير بتمشين
دانه : حبيبي والله موهاين علي اخليك مادري شلون بتمر علي الايام
عبدالله : ياحياتي كل شي وله حل .. تقدرين تشترين خط وتكلميني
دانه : مابي امي تدري اني اكلمك
عبدالله : لييييش!!!
دانه : عبيد وربي تعبت من معامله امي كل يوم طالعتلي بشي كل ماتصير سالفه سيده من دون لاتفكر اكيد من عبدالله كل شي لاصقته براسك معاملتها حيل تغيرت وياي تكلمني بنفسيه وكله هواش عكس قبل .. انا فكرت وقررت اني اجذب عليها واقول لها انه تركنا بعض يمكن تتغير معاملتها لي .. والله ياعبيد على كثر ماكنت مرتاحه لمن صارحتها بعلاقتنا على كثر ما انا ندمانه اني قلت لها .. ليش تعاملني جذي كل هاذا عشان فتحت لها قلبي وقلت لها كل شي اخر شي تقعد تهددني على اقل شي بعلم ابوج واخوانج خل يتصرفون وياج!!!
عبدالله : ماعليه ياقلبي ... واذا سألتج عن السبب شراح تقولين ؟
دانه : مادري حبيبي بقول لها اي شي
عبدالله : تصدقين انا اقول بعد جذي احسن قولي لها انه هدينا بعض يمكن شوي تتعدل معاج
دانه : الله كريم



وتمو يسولفون طوووول اليل وماحسو بالوقت



دانه : امبي حبيبي الساعه 3 واحنا الساعه 4 ونص بنروح المطار
عبدالله ( تضايق بس ماحب يبين حق دانه هالشي كافي الي فيها ) : عاشو عااشت عااشت الي بتسافر
دانه : هههه والله الود ودي اقعد ماروح
عبدالله : اقووول دوين يلا يلا جداامي قومي
دانه : هههه اوكي حبيبي انا بقوم اتسبح وابدل واجيك مره ثانيه على اغراضي اخاف ناسيه شي ولاشيات
عبدالله : اوكي حبيبي نعيما مقدما
دانه : الله ينعم بحالك
عبدالله : حياتي اول ماتطلعين من البيت دزيلي مسج لاني بيلج المطار بشوفج قبل لا تروحين
دانه : اوكي حبيبي .. يلا باي
عبدالله : بايات حبيبي





-----





قامت دانه تسبحت وبدلت ولبست شي عملي لان بالمطار حوسه وخاصه وراهم ترانزيت فلبست ترننق ناعم لونه اسود وفيه وفي ورد حياكه ملون ... واول ماطلعت دزت حق عبدالله مسج
وصلو المطار والكل كان لاهي بحوسة المطار .. استأذنت منهم دانه بحجه انها بتروح الحمام (عزكم الله)




دانه دقت على عبدالله
دانه : الو ها حبيبي وينك ؟
عبدالله : كاني حياتي توني داش المطار .. وين القاج ؟
دانه : اممم تعالي بستاربكس الي تحت انطرك لاتتأخر
عبدالله : اوكي





وصل عبدالله ستاربكس وكانت دانه ماخذه طاوله بالزاويه ومخشوشه عشان لحد ينتبه لهم ..
ماطولو قعدو يسولفون على السريع وعبدالله وصاها على نفسها وانه اطمنه اول ماتوصل
دانه وعيونها مليانه دموع موقادره تسيطر عليهم كانو ينزلون من غير لاتحس
عبدالله لمها وبدت تبجي .. عبدالله باس ايدها وحاول يهديها وسلم عليها وراحت ...








هلي وان جاآرت الدنياآ عليا أوصيكمـ على روحي وصية
أنا مساأفر وخلو قليبي عندكمـ غصب عني ترى لا مو بيدياآ
اعذروني اذا ساآلت دمعتي وذكروني اذا طالت غربتي
يا دنياآ لعبة الشاطر لعبتي وصرت للناآس حمال الأسية ...~


ياآدهري لا تحملني البلاوي أنا المجروح مالاقي الي يداوي
تراآني عالسفر ماكنت ناوي حكمـ حكمـ القدر غصبا علياآ
قبل ماعوفكم يااهلي كأني أشوف بغربتي حزني وأني
اذا انتمـ صفيتو بعيد عني أموت أحسن ولاهذي الأذية ...~


هلي دمعاآت عيني بطرف رمشي واذا غمضت عيني عيني دموعي تمشي
اذا رحتو من ايدياآ راح كلشي تروح الروح لو رحتو من ايديا
بلاكمـ كيف انا اتحمل بلاكم وانا وردهـ بوسط صحراآ بلاكم
هوآاكمـ دمر قليبي هواكمـ شيصير أكثر من الي صار بيا ... ~







​

 

[MeeMeeYoo_2]

مسكيييينه


يعطيج العافيه حبيبتيي

 

[om sa3ad]

امبيه وااي حياتي دانة مسكينة بس شنو تسوي

 

[Dlool Al7lwa]

وااي البارت روعه يسلموو
والله كسرت خاطري دانه

 

[DALLY]

زين قررت تسافر لوووول

ووهاب عجبني ان تقدم لدلال هذا الحب والا بلاش

ناطررررررررررينج