المزيونه ...
New member
- إنضم
- 6 نوفمبر 2008
- المشاركات
- 120
- مستوى التفاعل
- 0
- النقاط
- 0
السلام عليكم ورحمة الله وبركاته
من زمان هالموضوع بالي وافكر اكثر من مره انزله بالمنتدى واتردد
بس اليوم قررت انزله واتمنى اتشاركوني بردود سنعه اتدل على تربيتج وشخصيتج
حال بعض بنات اليوم ادور الحب من الطرف الأخر لغرضين لا ثالث لهم يا للزواج او للحنان
يبدا الخطوه الأولى ويتسهلون فيها وايد بنات عادي خليني اكلمه اشوف اخرته عادي واذا كلمته كل البنات يكلمون ماصار لهم شي و انا شخسرانه اكلمه وبعدين بالطقاق
وبعدها شهر شهرين ثلاث الا البنت متعلقه فيه وحابته وتقول ودي اهده بس ماقدر
تدرون ليش لان البنت اتفكر بقلبها قبل عقلها لو في اعيوب الدنيا مدام حبته مستحيل اتهده واهني يستمر المعاناه
خليني اتكلم بكلام واقعي أكثر
يبدأ اول شي يتعرفون على بعض طبعا الولد قد مايقدر يوهمها انا وانا وانا وانا ومايطلع اعيوبه خلال الاشهر الاولى وسالفة ابي اتزوجج هاذي خالصين منها يعني ماكو نقاش فيها كلش انتي ام اعيالي
تبدأ البنت وتحس انها ملكت الدنيا كلها هذا اللي ابيه هاذي الصفات اللي كنت اتمناها وهذا فارس احلامي واتعيش احلام ورديه ماودها تقوم منها
ولا تنسون اغاني عبدالله رويشد ونوال الكويتيه وتقعد اتغني ( خذاني الشوق لعيونك وجيتك طرى لي شي ماعمره طرالي على بالي ولا لحظه نسيتك اسولف فيك من حالي لحالي):dddds:
وتقعد تسولف مع نفسها والحين ماكو احد قدها وعايشه الاحلام مع الحبيب
اي نسيت اهم شغله بالولد طبعا اهو كلم بنات وايد بس نفسج طبعا ماعمره شاف بحياته وانتي ملكتي قلبه وتفكيره وحياته وكله بالعربي سيطرتي على حياته لووووول
يمر يوم بعد يوم وتمر السنين والبنت طايره من الفرحه والولد يفكر تفكير ثاني غير اللي بالها
اهيا تفكر بالحب والحنان والله يجمعهم بيت واحد ويرزقه منه الذريه الصالحه وتقعد تدعي ربها يوفقهم ويا بعض
واهو يفكر شلون يستغلها ويستغل حبها ويستغل حاجتها للزواج تحت مسمى شنو الحب
انا يابنات مو ضد الحب بالعكس احلى شي بالحياه الحب الطاهر مو الحب الزيف
كل من حب له وحده قال انا احبج واموت عليج ويستغلها بأسم شنو بأسم الحب
لا والله لا دريت عن الحب ولا عن هوى داره
وطبعا البنت بدت تتعلق واهني يطلع ويها الحقيقي تكتشفين بالصدفه بعد مايعلق معاه طبعا الجنسيه غير عن اللي قالج او الاصل والعائله غير او ساعات العمر غير وساعات يطلع متزوج او مطلق وشغلات تشيب منها الرأس
تنصدمين ومع هذا اتمين معاه ليش لاني احبه وتدرين داخل نفسج جذب عليج بأدنى شي يعني معناتها حتى مشاعره يجذب عليج فيها
ومع هذا كله تقولين لا ماقدر احبه ماقدر اهده حرام اهو يموت فيني
انا لو بحلف مليون مره ماحبج ولا فكر فيج ولا يهمه مشاعرج اللي يفكر فيه شغله وحده شلون استغلها واخذ منها اللي ابي
وطبعا انا اتكلم عن نسبه كبيره من الشباب بجميع دول العربيه واكيد البعض منهم ناس تخاف ربها وناس اتحب صج
المهم اتمين وياه ويعترف لج مايقدر يتزوجج او طبعا المقوله الشهيره امي ماترضى ابوي مايرضى عمي خالي خالتي عمتي وبأختصار الأهل كلهم مو راضيين عالزواج واهو اصلا حتى ماكلم خدامتهم عنج
ومع هذا تستمرين وياه على شنو وليش يحبني وانا ماقدر استغنى عنه ؟؟!!
اوكي اللي يقدر يستغل ماديا استغل واللي يقدر يستغل انها تطلع معاه اهني اتصير البنت عندهم خوش وحده
اول شي اشوفج من بعيد بعدين ركبي معاي السياره شنو مو واثقه فيني بعدين شرايج نقعد بمطعم بعدين حبيبتي انا اخاف عليج من حجي الناس شرايج نقعد بمكان خاص بروحنا لما البنت اتضيع تحت مسمى شنو الحب الزيف اللي شوهو معنى الحب الحقيقيه
بعدها يا الولد يهدها واهني مل منها وتقعد تبجي وتلعن لحظة الاستهتار لما كلمته واتحسف على كل يوم قضته معاه وراح تتذكر شكثر اهيا غبيه على كثر اعيوبه تقاضت عنها عشان شنو والله احبه وماقدر استغنى عنه ( طبعا صار لها جذي تعتبر بنت محظوظه وامها داعيه لها طلعت من هالورطه بسهوله )
يا البنت تتزوج طبعا لو تموت مايهدها وانا احبج وماقدر استغنى عنج واهيا مصدقه وتقعد تكره التجهيز واهيا احلى ايام عمرها وبالعرس تبجي مو خوف ولا عشان اهلها لا عشان الحبيب يموت فيها واهيا تزوجت غيره وتروح شهر عسل واهيا تفكر فيه وتحمل واهيا تفكر فيه واتضيع احلى ايام عمرها تحت مسمى شنو والله بينا حب وياريت حب الصادق لا والله الزيف ولا يمت للحب بصله ومتى تصحى من غفلتها لما تروح احلى ايام عمرها لا تهنت بزواج ولا حمال ولا شهر عسل
لو كل وحده تفكر بعقل والله جان مانضحك على اي وحده من البنات واحد يحبج ويموت فيج ويتمنى لج الخير يبهذلج كل هالبهذله ويضيع مستقبلج لو يطيح عليج زوجج شيصير فيج منو راح يضيع ما احد راح يتحمل المسؤوليه غيرج وباجر تعضين اصابعج ندم لو يحبج صج ويتمنى لج الخير يقولج يابنت الحلال انتي الله رزقج بزوج وبتزوجين واحنا الطريق بينا مسدود الله يوفقج ويغير رقمه ويغير كل شي عشان لا توصلين له بس ليش يسوي جذي واهو المستفيد من وحده مع احترامي غبيه يستفيد منها ليش يضيعها من ايده بهالسهوله لو اهو مكانها ( راح اتكلم عنها هالنقطه ) بعدها تصحى من الغيبوبه فيها وتقول انا ليش سويت بعمري جذي وتقعد تصلح الغلط بعد ما ضاعت حياتها ( وهم هاذي ارحم من غيرها طبعا اهيا مصيبه كبيره بس عالاقل تلاحقت عمرها وبتم طول عمرها عايشه بندم وحسره عالعمر ضاع على شي تافه )
وطبعا هالحاله نفس الحاله اللي قبلها ماتهنت بأحلى ايام عمرها بس حظها اقشر طاح عليها زوجها تكلم يا يفضحها جدام اللي يسوى واللي مايسوى يا يستر عليها ويطلقها واهيا بعمر الزهور وترد لحبيبها واول واحد راح يتخلى عنها اهو بيقولها منو قالج تهدمين حياتج عشاني انا مالي شغلي انتي وحده غبيه ماتفكرين بعقل واهيا ماتهنت لا بزواج ولا باعيال وفوق هذا مطلقه ليش ياعمري والله احبه واموت فيها واهو مايقدر يستغنى عني زين اوكي انا معاج بهالنقطه يحبج ويموت فيج الحين انتي تطلقتي فكر يخطبج او حتى يعرض عليج فكرة الزواج خلينا من الزواج فكر يوقف معاج اول واحد يبي القبه اهو وفوق هذا راح يستغلج عدل وانتو عارفين قصدي
او وحده ثانيه يطيح عليها زوجها بخيانه كبرى يلقها مع حبيبها بسرير واحد او يشوفها بأي مكان حتى لو برا البيت بذمتكم بنات في احد يستاهل اسوي بعمري عشانه جذي ضاع عمرها ضاع مستقبلها واذا عندها اعيال ضاع مستقبل اعيالها ووضاعت سمعتها وسمعة اهلها واعيالها وزوجها راح بقضية شكبرها قتل او اذا ماقتل بيتم طول عمره يكره الحريم وفي نصهم يتبرون من اعيالهم وانتي بتسجنين وبتشمت فيج العدو والصديق ولا تنذبحين بيد زوجج او اخوانج ليش ليش ليش كل هذا شصاير هذا حب بذمتكم
اذا تزوج اهو ويبي زوجته ويبي يستقر بغير رقمه وبيقولج يلا رقعي رأسج بالطوف خلاص انا بح واذا قعدتي ادورينه يقعد يهينج ويسفل فيج ويهددج اذا قربتي صوبه واذا متزوج بنت عمه عشان ابوه او متزوج عشان الاعيال بيقولج افلانه قعدي معاي بقزرها عليج على حساب سمعتج ومشاعرج وكرامتج وانتي عارفه بينج وبين نفسج مستحيل يتزوجج وقعد يلعب بمشاعرج وليش كل هذا والله احبه
والمصيبه الكبيره شنو لما يهددها ولا صورها عنده ومكالماتهم وياما بنات ضاعو بسبب الفضيحه يا انه البنت بتوقفه عند حده وهذا نعمه من رب العالمين او بيفضحها وبيشنر صورها والفيديو جدام الله وخلقه واهني صج تكره اليوم تعرفت عليه او كلمته
بنات اصحو لنفسكم اهم ماعليكم رضى رب العالمين عليكم ورضى الوالدين يعني اهلج يستاهلون اتسوين فيهم جذي عشان شنو؟ اللي يحبج راح يخاف عليج ويخاف على سمعتج وسمعة اهلج ويطق باب بيتكم
بنات انا ماقول مافي زواج عن طريق الحب في بس نسبه قليله جدا لو كل اعيال الكويت تزوجو بنات يحبونهم جان ماشفنا نسبه كبيره من البنات مو متزوجين !!!
فكرو بعقلكم قبل قلبكم واهم شي الخطوه الأولى بحياتج يا انها ادمرج وتضيع مستقبلج يا انها تسعدج وتخليج اسعد انسانه اذا فكرتي بجميع جوانبها مو بس بقلبج
الحين نوقف مع قصص الحب
والله رفيجتي تزوجت عن حب شلي ناقصني انا عشان ماتزوج نفسها والله رفيجتي تعرفت على واحد وكلمته وتزوجو ويموت فيها وانا ابي اتزوج نفسها والله رفيجتي كلمت واحد ماسنجر وحبو بعض وتزوجو عن طريق النت والله أختي بنت عمي بنت خالتي تزوجو عن حب انا مو ناقصه عنهم بتزوج نفسهم بعد
اوكي حبيبتي انتي تضمنين الشخص اللي تكلمينه نفس زوج رفيجتي او تفكيره نفس تفكير زوج اختج او اطبعه نفس زوج بنت عمج ترى على فكره حطي بالج اغلب الشباب يعرفون البنت المتشفقه عالزواج وقعده تضبطهم عشان يتزوجونها اهني يستغلون النقطه عدل
بتقولين ليش رفيجتي او اختي تزوجو عن حب بقولج نصيب من رب العالمين
خلينا اقولج شغله في بنات يقولون تزوجنا عن حب وزوجي يموت فيني لما تسألينها شلون تزوجتو بتقولج ولد عمي شافني وخطبني او واحد معاي بالجامعه شافني وخطبني وين الحب بالموضوع !!!
حالها حال اي خطبه عاديه بس الفرق اهو اختارها مو امه
بقولكم سالفة وحده اعرفها كنت معاي بالكليه جمال مو طبيعي ويه وجسم وشعر مشاءالله تبارك الرحمن انا مايعجبني اي بنت حتى رفيجتي اتقولي منو حلوه بعيونج بس عند هالبنت بقول غصب عني انها مو حلوه بس ولا جميله الا ملكة جمال مشاءالله
وكليتنا كل عوائل الكويت فيها واهيا ذبحت عمرها تضبط ماخلت واحد ماكلمته على اساس شنو اشرحلي هالنقطه مو عارفته ابي منك الهوم ورك وعبالها الشباب اغبياء مو عارفيين هالحركات والله العظيم مره كنت قاعده باستراحه للبنات ويمنا استراحة شباب واصواتهم عندنا وقاعده انطر رفيجتي وجام الاستراحه شفاف يعني احنا انشوف برى بس اهما مايشوفونا ولا تمر اهيا ورفيجاتها انصدمت صدمة عمري شلون يحشون فيها الشباب ويتطنزون عليها ويقولون عنها الخبله اهيا ورفيجتها والله كسرت خاطري حيل شلون تطنزون عليهم
المهم البنت تزوجت واحد برا الكليه ومثل ماتبي من عائله من منصب الخ الخ تعرفت عليها رفيجتي وصارت بينا قعدت عالخفيف البنت كلش مو مرتاحه ولا مستانسه واهيا تسولف للبنات تزوجت عن حب وتزوجت عن حب والبنات مصدقين اتوقعون شقالت لرفيجتي تقول شافني وقعد يلحقني وانا ماعطيه ويه واسوي نفسي ماشفته بعدها خطبني !!!
وين الحب بالموضوع مو عارفه خطبه عاديه بس الفرق اعجب فيها وخطبها وبعد الملجه تعرفو على بعض وحبو بعض
وماراح ادش بالتفاصيل بس البنت اغلب وقتها عند اهلها وعمرها ماطلعت مع زوجها ومتضايقه من حياتها واهيا تشكي لرفيجتي والله يهدي زوجها لها يارب
وحده تزوجت عن طريق نت تعرفت عليه وكلمو بعض بالماسنجر بعدها قرر يخطبها وتزوجو
اوكي قصة وحده او اثنين او ثلاث قصص تنعد عالاصابع نجحت ومع الالاف البنات الي تكلم واحد بالماسنجر واللي من المنتدى تضيفه ماسنجر واللي بعد الماسنجر تلفون والله ليش فلانه تزوجت عن طريق النت
وحده تزوجت عن طريق النت الف وحده بعدها ادور بالنت عالزواج وكلهم قصص فاشله
بنات انا ماقولكم ما اضعف وما ودي اقلد واني انا الملاك الطاهر بس قبل لا اسوي اي خطوه افكر فيها بكل الاتجاهات مافكر بقلبي واغيب عقلي عن الواقع
وغير البنات يخطبونهم من جنسيات ثانيه طمع فيها وبجنسيتها واهيا شتقول لا يموت فيني ويحبني
بقولكم سالفة وحده تعرفت على واحد بعد ماحبته وتعلقت فيه قالها انا بدون ( مع احترامي للبدون طبعا مو كلهم نفس هالشخص ) واهيا بنت عائله حيل معروفه وابوها وخوانها مالكين شركات وخير المهم اهيا حبته وقالها انا ماقدر استغنى عنج وابي اتزوجج واهلها ارفضو وعصبو عليها واوقفو ضدها واهيا تحدت العالم كلها عشانه وتزوجته غصب عن الكل شسوى اخوها ميت قهر يدري طمعان بفلوسها قال يبا قولها حرمتج من الورثه واكتب اورقه بهالشي ودزها لبيتها بس عشان تخرعها وطبعا زوجها يموت فيها لو تطلب القمر يجيبه لها ويدزون لها الورقه وتتضايق وتعصب وادق على ابوها ويقولها صج انا حرمتج من الورثه ولا انتي بنتي ولا اعرفج وصكر التلفون ويشرف حضرت جناب زوجها وتقوله السالفه واهيا تبجي وتقول دام انت معاي انا مابي شي من الدنيا وطبعا تغير ويه الزوج وعصب وقعد يتأفف وبلحظتها قلب الويه الثانيه وثان يوم يطلقها !!!
وسوالف شكثر
بالنهايه رساله لكل بنت اطلبي من رب العالمين الزوج الصالح التقي اللي يسعدج دنيا واخره وصدقيني راح تزوجين احسن زواج كل بنت تتمناه وسبحان الله دايما اتكون السالفه عالنيه فيها توفيق من رب العالمين
واي وحده حابه تبدي رايها او تكتب قصه او نصيحه ... حياج الله
من زمان هالموضوع بالي وافكر اكثر من مره انزله بالمنتدى واتردد
بس اليوم قررت انزله واتمنى اتشاركوني بردود سنعه اتدل على تربيتج وشخصيتج
حال بعض بنات اليوم ادور الحب من الطرف الأخر لغرضين لا ثالث لهم يا للزواج او للحنان
يبدا الخطوه الأولى ويتسهلون فيها وايد بنات عادي خليني اكلمه اشوف اخرته عادي واذا كلمته كل البنات يكلمون ماصار لهم شي و انا شخسرانه اكلمه وبعدين بالطقاق
وبعدها شهر شهرين ثلاث الا البنت متعلقه فيه وحابته وتقول ودي اهده بس ماقدر
تدرون ليش لان البنت اتفكر بقلبها قبل عقلها لو في اعيوب الدنيا مدام حبته مستحيل اتهده واهني يستمر المعاناه
خليني اتكلم بكلام واقعي أكثر
يبدأ اول شي يتعرفون على بعض طبعا الولد قد مايقدر يوهمها انا وانا وانا وانا ومايطلع اعيوبه خلال الاشهر الاولى وسالفة ابي اتزوجج هاذي خالصين منها يعني ماكو نقاش فيها كلش انتي ام اعيالي
تبدأ البنت وتحس انها ملكت الدنيا كلها هذا اللي ابيه هاذي الصفات اللي كنت اتمناها وهذا فارس احلامي واتعيش احلام ورديه ماودها تقوم منها
ولا تنسون اغاني عبدالله رويشد ونوال الكويتيه وتقعد اتغني ( خذاني الشوق لعيونك وجيتك طرى لي شي ماعمره طرالي على بالي ولا لحظه نسيتك اسولف فيك من حالي لحالي):dddds:
وتقعد تسولف مع نفسها والحين ماكو احد قدها وعايشه الاحلام مع الحبيب
اي نسيت اهم شغله بالولد طبعا اهو كلم بنات وايد بس نفسج طبعا ماعمره شاف بحياته وانتي ملكتي قلبه وتفكيره وحياته وكله بالعربي سيطرتي على حياته لووووول
يمر يوم بعد يوم وتمر السنين والبنت طايره من الفرحه والولد يفكر تفكير ثاني غير اللي بالها
اهيا تفكر بالحب والحنان والله يجمعهم بيت واحد ويرزقه منه الذريه الصالحه وتقعد تدعي ربها يوفقهم ويا بعض
واهو يفكر شلون يستغلها ويستغل حبها ويستغل حاجتها للزواج تحت مسمى شنو الحب
انا يابنات مو ضد الحب بالعكس احلى شي بالحياه الحب الطاهر مو الحب الزيف
كل من حب له وحده قال انا احبج واموت عليج ويستغلها بأسم شنو بأسم الحب
لا والله لا دريت عن الحب ولا عن هوى داره
وطبعا البنت بدت تتعلق واهني يطلع ويها الحقيقي تكتشفين بالصدفه بعد مايعلق معاه طبعا الجنسيه غير عن اللي قالج او الاصل والعائله غير او ساعات العمر غير وساعات يطلع متزوج او مطلق وشغلات تشيب منها الرأس
تنصدمين ومع هذا اتمين معاه ليش لاني احبه وتدرين داخل نفسج جذب عليج بأدنى شي يعني معناتها حتى مشاعره يجذب عليج فيها
ومع هذا كله تقولين لا ماقدر احبه ماقدر اهده حرام اهو يموت فيني
انا لو بحلف مليون مره ماحبج ولا فكر فيج ولا يهمه مشاعرج اللي يفكر فيه شغله وحده شلون استغلها واخذ منها اللي ابي
وطبعا انا اتكلم عن نسبه كبيره من الشباب بجميع دول العربيه واكيد البعض منهم ناس تخاف ربها وناس اتحب صج
المهم اتمين وياه ويعترف لج مايقدر يتزوجج او طبعا المقوله الشهيره امي ماترضى ابوي مايرضى عمي خالي خالتي عمتي وبأختصار الأهل كلهم مو راضيين عالزواج واهو اصلا حتى ماكلم خدامتهم عنج
ومع هذا تستمرين وياه على شنو وليش يحبني وانا ماقدر استغنى عنه ؟؟!!
اوكي اللي يقدر يستغل ماديا استغل واللي يقدر يستغل انها تطلع معاه اهني اتصير البنت عندهم خوش وحده
اول شي اشوفج من بعيد بعدين ركبي معاي السياره شنو مو واثقه فيني بعدين شرايج نقعد بمطعم بعدين حبيبتي انا اخاف عليج من حجي الناس شرايج نقعد بمكان خاص بروحنا لما البنت اتضيع تحت مسمى شنو الحب الزيف اللي شوهو معنى الحب الحقيقيه
بعدها يا الولد يهدها واهني مل منها وتقعد تبجي وتلعن لحظة الاستهتار لما كلمته واتحسف على كل يوم قضته معاه وراح تتذكر شكثر اهيا غبيه على كثر اعيوبه تقاضت عنها عشان شنو والله احبه وماقدر استغنى عنه ( طبعا صار لها جذي تعتبر بنت محظوظه وامها داعيه لها طلعت من هالورطه بسهوله )
يا البنت تتزوج طبعا لو تموت مايهدها وانا احبج وماقدر استغنى عنج واهيا مصدقه وتقعد تكره التجهيز واهيا احلى ايام عمرها وبالعرس تبجي مو خوف ولا عشان اهلها لا عشان الحبيب يموت فيها واهيا تزوجت غيره وتروح شهر عسل واهيا تفكر فيه وتحمل واهيا تفكر فيه واتضيع احلى ايام عمرها تحت مسمى شنو والله بينا حب وياريت حب الصادق لا والله الزيف ولا يمت للحب بصله ومتى تصحى من غفلتها لما تروح احلى ايام عمرها لا تهنت بزواج ولا حمال ولا شهر عسل
لو كل وحده تفكر بعقل والله جان مانضحك على اي وحده من البنات واحد يحبج ويموت فيج ويتمنى لج الخير يبهذلج كل هالبهذله ويضيع مستقبلج لو يطيح عليج زوجج شيصير فيج منو راح يضيع ما احد راح يتحمل المسؤوليه غيرج وباجر تعضين اصابعج ندم لو يحبج صج ويتمنى لج الخير يقولج يابنت الحلال انتي الله رزقج بزوج وبتزوجين واحنا الطريق بينا مسدود الله يوفقج ويغير رقمه ويغير كل شي عشان لا توصلين له بس ليش يسوي جذي واهو المستفيد من وحده مع احترامي غبيه يستفيد منها ليش يضيعها من ايده بهالسهوله لو اهو مكانها ( راح اتكلم عنها هالنقطه ) بعدها تصحى من الغيبوبه فيها وتقول انا ليش سويت بعمري جذي وتقعد تصلح الغلط بعد ما ضاعت حياتها ( وهم هاذي ارحم من غيرها طبعا اهيا مصيبه كبيره بس عالاقل تلاحقت عمرها وبتم طول عمرها عايشه بندم وحسره عالعمر ضاع على شي تافه )
وطبعا هالحاله نفس الحاله اللي قبلها ماتهنت بأحلى ايام عمرها بس حظها اقشر طاح عليها زوجها تكلم يا يفضحها جدام اللي يسوى واللي مايسوى يا يستر عليها ويطلقها واهيا بعمر الزهور وترد لحبيبها واول واحد راح يتخلى عنها اهو بيقولها منو قالج تهدمين حياتج عشاني انا مالي شغلي انتي وحده غبيه ماتفكرين بعقل واهيا ماتهنت لا بزواج ولا باعيال وفوق هذا مطلقه ليش ياعمري والله احبه واموت فيها واهو مايقدر يستغنى عني زين اوكي انا معاج بهالنقطه يحبج ويموت فيج الحين انتي تطلقتي فكر يخطبج او حتى يعرض عليج فكرة الزواج خلينا من الزواج فكر يوقف معاج اول واحد يبي القبه اهو وفوق هذا راح يستغلج عدل وانتو عارفين قصدي
او وحده ثانيه يطيح عليها زوجها بخيانه كبرى يلقها مع حبيبها بسرير واحد او يشوفها بأي مكان حتى لو برا البيت بذمتكم بنات في احد يستاهل اسوي بعمري عشانه جذي ضاع عمرها ضاع مستقبلها واذا عندها اعيال ضاع مستقبل اعيالها ووضاعت سمعتها وسمعة اهلها واعيالها وزوجها راح بقضية شكبرها قتل او اذا ماقتل بيتم طول عمره يكره الحريم وفي نصهم يتبرون من اعيالهم وانتي بتسجنين وبتشمت فيج العدو والصديق ولا تنذبحين بيد زوجج او اخوانج ليش ليش ليش كل هذا شصاير هذا حب بذمتكم
اذا تزوج اهو ويبي زوجته ويبي يستقر بغير رقمه وبيقولج يلا رقعي رأسج بالطوف خلاص انا بح واذا قعدتي ادورينه يقعد يهينج ويسفل فيج ويهددج اذا قربتي صوبه واذا متزوج بنت عمه عشان ابوه او متزوج عشان الاعيال بيقولج افلانه قعدي معاي بقزرها عليج على حساب سمعتج ومشاعرج وكرامتج وانتي عارفه بينج وبين نفسج مستحيل يتزوجج وقعد يلعب بمشاعرج وليش كل هذا والله احبه
والمصيبه الكبيره شنو لما يهددها ولا صورها عنده ومكالماتهم وياما بنات ضاعو بسبب الفضيحه يا انه البنت بتوقفه عند حده وهذا نعمه من رب العالمين او بيفضحها وبيشنر صورها والفيديو جدام الله وخلقه واهني صج تكره اليوم تعرفت عليه او كلمته
بنات اصحو لنفسكم اهم ماعليكم رضى رب العالمين عليكم ورضى الوالدين يعني اهلج يستاهلون اتسوين فيهم جذي عشان شنو؟ اللي يحبج راح يخاف عليج ويخاف على سمعتج وسمعة اهلج ويطق باب بيتكم
بنات انا ماقول مافي زواج عن طريق الحب في بس نسبه قليله جدا لو كل اعيال الكويت تزوجو بنات يحبونهم جان ماشفنا نسبه كبيره من البنات مو متزوجين !!!
فكرو بعقلكم قبل قلبكم واهم شي الخطوه الأولى بحياتج يا انها ادمرج وتضيع مستقبلج يا انها تسعدج وتخليج اسعد انسانه اذا فكرتي بجميع جوانبها مو بس بقلبج
الحين نوقف مع قصص الحب
والله رفيجتي تزوجت عن حب شلي ناقصني انا عشان ماتزوج نفسها والله رفيجتي تعرفت على واحد وكلمته وتزوجو ويموت فيها وانا ابي اتزوج نفسها والله رفيجتي كلمت واحد ماسنجر وحبو بعض وتزوجو عن طريق النت والله أختي بنت عمي بنت خالتي تزوجو عن حب انا مو ناقصه عنهم بتزوج نفسهم بعد
اوكي حبيبتي انتي تضمنين الشخص اللي تكلمينه نفس زوج رفيجتي او تفكيره نفس تفكير زوج اختج او اطبعه نفس زوج بنت عمج ترى على فكره حطي بالج اغلب الشباب يعرفون البنت المتشفقه عالزواج وقعده تضبطهم عشان يتزوجونها اهني يستغلون النقطه عدل
بتقولين ليش رفيجتي او اختي تزوجو عن حب بقولج نصيب من رب العالمين
خلينا اقولج شغله في بنات يقولون تزوجنا عن حب وزوجي يموت فيني لما تسألينها شلون تزوجتو بتقولج ولد عمي شافني وخطبني او واحد معاي بالجامعه شافني وخطبني وين الحب بالموضوع !!!
حالها حال اي خطبه عاديه بس الفرق اهو اختارها مو امه
بقولكم سالفة وحده اعرفها كنت معاي بالكليه جمال مو طبيعي ويه وجسم وشعر مشاءالله تبارك الرحمن انا مايعجبني اي بنت حتى رفيجتي اتقولي منو حلوه بعيونج بس عند هالبنت بقول غصب عني انها مو حلوه بس ولا جميله الا ملكة جمال مشاءالله
وكليتنا كل عوائل الكويت فيها واهيا ذبحت عمرها تضبط ماخلت واحد ماكلمته على اساس شنو اشرحلي هالنقطه مو عارفته ابي منك الهوم ورك وعبالها الشباب اغبياء مو عارفيين هالحركات والله العظيم مره كنت قاعده باستراحه للبنات ويمنا استراحة شباب واصواتهم عندنا وقاعده انطر رفيجتي وجام الاستراحه شفاف يعني احنا انشوف برى بس اهما مايشوفونا ولا تمر اهيا ورفيجاتها انصدمت صدمة عمري شلون يحشون فيها الشباب ويتطنزون عليها ويقولون عنها الخبله اهيا ورفيجتها والله كسرت خاطري حيل شلون تطنزون عليهم
المهم البنت تزوجت واحد برا الكليه ومثل ماتبي من عائله من منصب الخ الخ تعرفت عليها رفيجتي وصارت بينا قعدت عالخفيف البنت كلش مو مرتاحه ولا مستانسه واهيا تسولف للبنات تزوجت عن حب وتزوجت عن حب والبنات مصدقين اتوقعون شقالت لرفيجتي تقول شافني وقعد يلحقني وانا ماعطيه ويه واسوي نفسي ماشفته بعدها خطبني !!!
وين الحب بالموضوع مو عارفه خطبه عاديه بس الفرق اعجب فيها وخطبها وبعد الملجه تعرفو على بعض وحبو بعض
وماراح ادش بالتفاصيل بس البنت اغلب وقتها عند اهلها وعمرها ماطلعت مع زوجها ومتضايقه من حياتها واهيا تشكي لرفيجتي والله يهدي زوجها لها يارب
وحده تزوجت عن طريق نت تعرفت عليه وكلمو بعض بالماسنجر بعدها قرر يخطبها وتزوجو
اوكي قصة وحده او اثنين او ثلاث قصص تنعد عالاصابع نجحت ومع الالاف البنات الي تكلم واحد بالماسنجر واللي من المنتدى تضيفه ماسنجر واللي بعد الماسنجر تلفون والله ليش فلانه تزوجت عن طريق النت
وحده تزوجت عن طريق النت الف وحده بعدها ادور بالنت عالزواج وكلهم قصص فاشله
بنات انا ماقولكم ما اضعف وما ودي اقلد واني انا الملاك الطاهر بس قبل لا اسوي اي خطوه افكر فيها بكل الاتجاهات مافكر بقلبي واغيب عقلي عن الواقع
وغير البنات يخطبونهم من جنسيات ثانيه طمع فيها وبجنسيتها واهيا شتقول لا يموت فيني ويحبني
بقولكم سالفة وحده تعرفت على واحد بعد ماحبته وتعلقت فيه قالها انا بدون ( مع احترامي للبدون طبعا مو كلهم نفس هالشخص ) واهيا بنت عائله حيل معروفه وابوها وخوانها مالكين شركات وخير المهم اهيا حبته وقالها انا ماقدر استغنى عنج وابي اتزوجج واهلها ارفضو وعصبو عليها واوقفو ضدها واهيا تحدت العالم كلها عشانه وتزوجته غصب عن الكل شسوى اخوها ميت قهر يدري طمعان بفلوسها قال يبا قولها حرمتج من الورثه واكتب اورقه بهالشي ودزها لبيتها بس عشان تخرعها وطبعا زوجها يموت فيها لو تطلب القمر يجيبه لها ويدزون لها الورقه وتتضايق وتعصب وادق على ابوها ويقولها صج انا حرمتج من الورثه ولا انتي بنتي ولا اعرفج وصكر التلفون ويشرف حضرت جناب زوجها وتقوله السالفه واهيا تبجي وتقول دام انت معاي انا مابي شي من الدنيا وطبعا تغير ويه الزوج وعصب وقعد يتأفف وبلحظتها قلب الويه الثانيه وثان يوم يطلقها !!!
وسوالف شكثر
بالنهايه رساله لكل بنت اطلبي من رب العالمين الزوج الصالح التقي اللي يسعدج دنيا واخره وصدقيني راح تزوجين احسن زواج كل بنت تتمناه وسبحان الله دايما اتكون السالفه عالنيه فيها توفيق من رب العالمين
واي وحده حابه تبدي رايها او تكتب قصه او نصيحه ... حياج الله
