تحبين ولج علاقه بواحد حياج ... وانا بعد معاكم

[بدورة القمورة]

والله الحب يا جماعة صعب ينوصف لأنه يعبر عن كل شي حلو بالدنيا بس الحب اهم شي فيه انه ما يتعدى المعقول او يكون حب شريف مافيه لا لف ولا دوران- انا حبيته وهو حبني عقب شهرين خطبني وقبل كل هذا هو ولد خالتي خطبني رفضو اهلي!!! الحين ناطرته ياخذني بحصانه الأبيض <<
عسى الله يجمعنا قريب يارب لا تحرمنا من بعض يارب

 

[روحها لكويت]

والله الحب يا جماعة صعب ينوصف لأنه يعبر عن كل شي حلو بالدنيا بس الحب اهم شي فيه انه ما يتعدى المعقول او يكون حب شريف مافيه لا لف ولا دوران- انا حبيته وهو حبني عقب شهرين خطبني وقبل كل هذا هو ولد خالتي خطبني رفضو اهلي!!! الحين ناطرته ياخذني بحصانه الأبيض <<
عسى الله يجمعنا قريب يارب لا تحرمنا من بعض يارب

يارب يارب تتزوجون ان شاء الله ربي يجمعكم على خير

ويحنن قلب أهلج عليه وقلبه يحن عليج طول العمر

قادر يا كريم بمرت ملك يستجيب دعائي

 

[sweet dashttya]

مشكوووووورة حبيبتي على الموضوع الحلووو

وانا عن نفسي حبيت واحد بس كان كل همه شلون يخرب سمعتي ويستغلني ماديا الله لا يوفقه

يعني بروحه ظروفي صعبه وتوني طالبة وادرس والاعانه 100 دينار مو ألف يعني

والله حرام في ناس ما عندهم لا ذمه ولا ضمير وخاصة الشباب واعتبره شاب لعوب

بس كان يبي مني شغله وحده وبعدين باي ما اعرفج بس انا عرفت شلون من احلامي

كأنه ربي يبي ينبهني على شغلات انا مو شايفته والحمد الله على كل حال وان شاء الله

الله يرزقني بواحد يعوضني على الي فات ​

 

[آلسحرآلحلال]

أحس ماكو سالفه بالدنيا نتنتاقش فيها الا الحب !!!

اكثرت مواضيع الحب و الاعتراض بالمنتدى !!

يبا والله هالشي يعتمد على عقل الصبي و على عقل البنيه ! و تفكيرهم ..!!!

عمااااامي تزوجوا كللللهم عن حب وكانوا يكلمونهم ويطلعون وياهم .. و الحين عايشين احلى عيشه وبناتهم بيدشون الجامعه !!

و رفيجاتي اغلبهم متزوجين عن حب .. و عيال خالتي هم عن حب .. اصلا ً ساعات لما يقولولي فلان او فلانه تزوجوا عن حب اقول الحمدالله الدنيا بخير و تفكيرهم تغير ما قاموا يلعبون نفس قبل !!

الحين تفتحوا اغلب الشباب و البنات و ما قامت تنطري كلمة مثل ما كلمتني كلمة عشره غيري او مثل ما اطلعت معاي بتطلع مع غيري مثل قبل !! الحين اللي اشوفه انه يبي وحده يعرفها و خابزها عدل وياخذها و اهي بعد :/

الصراحه انا كل ماشوف موضوع تتهجمون فيه قلبي يعورني ! اقول يعني انا ورفيجاتي و اهلي كلنا اغبيه وما نفهم وينقص علينا ؟ لو بينقص علينا ليش يتزوجونا عيل :s

يبا الدنيا ليلحينها بخيـــر و الصبي و البنيه اللعوبين يبينوووووون ..

غيروا نظرتكم شوي و خلكم متفائلين و الحب شي حلو

و الله يوفق الجميـــــع

معاج حق ... الحب شي حلو بس مو الكل يعرفلة ... او مو الكل يبي تكون نهاية زواج ورتباط يبي يحبهاا لين
ينزوج وحدة مختارتهاا امة .... ومايدري يمكن البنت هاذي كانت تكلم وتحب ... لله كريم

 

[بدورة القمورة]

يارب يارب تتزوجون ان شاء الله ربي يجمعكم على خير

ويحنن قلب أهلج عليه وقلبه يحن عليج طول العمر

قادر يا كريم بمرت ملك يستجيب دعائي

بعد عمري ما تقصريين عسى الله يوفقج وعسى الله يفتحها عليج وين ماتروحين انا موكله أمري لرب العالمين انطره يسنع ضروفه!! لا حول ولا قوة الا بالله حسبنا الله ونعم الوكيل يارب مابي اتزوج واحد غيره صعبة البنت تتزوج واحد وعقلها وقلبها مع واحد غيره

 

[روحها لكويت]

بدورة القمورة
ان شاء الله شوفي بعد كل صلاة

اسجدي وقولي سجت لله تذللاً وخضوعاً وعقبها طلبي والله سبحانه ما يردج اذا كان نصيبج حبيبتي

 

[كريستال]

المزيونه

الله يكملج بعقلج

كلامج كله صحيح وياليت البنات يسمعونه وياخذون العبره بغيرهم

تسلمين على الطرح الراااائع

 

[روح الدنيا]

 

[frfr197]

مشكوره ياالمزيونه على موضوعج .....بس الحين ماكو شى اسمه ( حب ) اللى يحب يطق الباب ويدخل البيت ؟؟؟ ما يلف ويدور .....ولا شرايج

 

[ام شيوخه]

دام انكم يبتو الطاري
والله اعرف وحده زميله لنا الله يستر عليها تدرون شنو تقول؟؟؟؟
مابينا حب ومو فاضيه احب والا اتزوج وارتبط بواحد سي السيد الامر الناهي بس محتاجين بعض حق هذيييج السالفه,,,,,,,,,,
استفر الله الذي لااله الا هو الحي القيوم واتوب اليه
انصدمو نفس ما انصدمت ولما سولفت حق خواتي وبنات عمي قالو لي عاااااااادييييييييييييي
شكثر سمعنا جذي بنات مرو علينا
اسغفر الله لي ولكم
اللهم ابعدنا عن المعاصي
اللهم لاتؤاخذنا بما فعل السفهاء منا
آمييييييين

 

[louraa]

كلااامح واقعي ووايد قاعد يصير

ماني قليله الحب الشريف موموجود
موجود لـــــــــــــــــــــــــــــــــــــــــــــــــــــكن نااااااااااادر حيييل

انا لا مع ولا ضد الحب
الحب حلو بس اذا كانوا اثنينهم متفاهمين وكبار ليش يضيعون وقتهم الوااحد الجاد ليي شاف وحده سنعه مايضيعها من ا يده


بس صااااجه على سالفه امي ما رضت وابوي وماردي شنووووووو
امبي اغلبهم جذي لم اسمع من البنات هااااذا رد الشباب.......
بس اللي يحب من صجه يقنع اهله حتى لو صج موراضييين هذي حياته وقراره


عسى الله يهنيي وويوفق اللي حبوا وتزوجوا
ووعسى الله يرزق كل وحده على نيتها

 

[معصبه وايد]

الحمدالله انا عن نفسي احب واحد واموت فيه اهوا الدنيا كلها بالنسبه لي لان مستحيل في منه اثنين بالكويت هاذي وجهة نظري كل شي مسويلياه واعرف اهله وخواته واخوانه وحريم اخوانه يعني صرت من العايلة ههه انا مايهمني الزواج اخلي الباجي على الله كافي اتذكر اني حبيت انسان ماكو منه اثنين ومو مخلي شي بخاطري والي مو عاجبها الحب لاتقعد تحش حطي لسانج بحلجج وايد احسن لج والله اقطع ايدي اذا مو اكثر الردود تصنع وااافديت حبيبي انا

 

[كويتية و لكن]

مشكووووووووووووووووووورة حبيبتي بس اذا خليت خربت

في اولاد منتهي الرجولة والعقل وفي بنات روعة بالتعفف والطيبون للطيبات والخبيثون للخبيثات

والله يستر علي من يدور علي الستر

 

[العـــائده]

با ختصااااار ... اي وحده مرت بتجربه ,, تستر على نفسها ,, لان الله ستر عليها

قال صل الله عليه وسلم .. 0( كل امتي معافى الا المجاهرورن .. )

وقال تعالى .. ( لايحب الله الجهر بالسوء ... ) ..

وانت يالغاليه لما تقولي ماضيك ,, جالسه تدمرين بنات مراهقات او لسى يحبن ,,
فهذا يا غاليه لايرضي الله .. فانتبهي رعاكم الله وحفظك

 

[*عيون مغليها*]

فيه جذي وفيه جذي

 

[شموخ الهنوف]

السلام عليــكم ...


يسعدني أختى مزيونه اني ارد اول رد لي بالمنتدي بموضوعج ...:eh_s(22):


بالبدايه الموضوع لفته جميله منج لان الموضوع جد حساس حيـــــل


واغلب البنات مروا فيه ... ومنهم من استفاد من التجربه ومنهم من تضرر او ضر نفســه ولا استفاد ,,

يعني تلقين بعضهم تحب عشره عشان بس تنسي حبه الاول ..



الله يكون بعون الجميع والاهم من كل هذا العلاج هو الوازع الديني التمسك بذكر الله وترك الاشياء هذي لان الحب هو الحب العفيف اللي بدايته زواجه ومن بعده يبدي الحب ..>> ياربي علي الكلام العذب بدت الفلسفه


بس عجبتني تسمع عبدالله رويشد ونوال >> لا انا كنت اسمع عبدالمجيد وراشد



يسلمووووو أختي مزيووونه .. علي الموضوع الطيب شاكرتلج ..

 

[لوووووونا]

الحياة قسمه ونصيب هذا شي مكتوب ماله شغل ترى

 

[رويال ديزاين]

آنا عمري 36 و قريب أكمل ال37 ...

توني من سنه عرفت غن خالي الشيبه متزوج مرته عن حب ... ( و مرت خالي جييييكره من و إهي صغيره) و خالي ملك جمال بدون مبالغه عيونه من كثر ماهي عسليه فيها لمعه غير طبيعيه ... و الله يظربون فيه الامثال بالجمال ..

أصلا إلى يومكم ما شفت مثل جماله ..
خذاله وحده والله و الله جكر غير نمونه ...
الشعر جعد و قصير ...
قصيره ومدحدحه ....
و فوق هذا ملامحها فلبينيه .. ( عشقها و كلمها بالتلفون قبل لا يشوفها ها ... )
بس لو تسمعون صوتها عالتلفون تقولون هاذي هند رستم أو ماجده من كثر الانوثه و الدلع و الضحكه تدوخ!
ولي الحين سمن على عسل صارلهم فوق ال35 سنه متزوجين ...
و يضرب فيها الامثال بالسنع و الرقه و الأدب ...
و أعرف بنات تزوجو عن حب و اللي خذاها كان معروف بعشقه لها و حروووب لين خذو بعض ...

سنتين ... قولو 3 سنوات ..

و إنفصلو ...


يعني الموضوع توفيق من الله ..

و ترا الرسول عليه الصلاة و السلام بما معناه ذكر إن العشق بلاء...

 

[um fawaz]

عجبني الموضوع يعطيج العافيه

 

[$$ صعبة الوصوف $$]

ياليت هالنوعيه تقرآ كلامج كلمه كلمه .

ولو اني ادرى من يقرون اول سطرين اطلعوا من الموضوع .!

المهم

هالبنات تلقين ناقصهم شي بحياتهم . مو بس الحنان صدقيني شي اكبر من الحنان

مايعرفون الله والقسم عندهم جذب .! وكل شي بحياتهم جذب بجذب .

مايوعون على نفسهم الا بعد مايطيح الفاس بـ الرآس

لكن بعد شنو .!

ماقول الا الله يستر علينا وعليهم وربي يثبت قلوبنا على دينه

مشكوره على النصحيه