تجميييييل الانف ياجميلات p:

[الغــلآ]

<< ودي اسويهآ بس حكم الاوي ياناس


عفيه بنآت اذا سويتوهآ لاتبخلوون علينا بالمواضيع ونبي تجاربكم الشخصيييييه


ويااارب تتسهل امووركم وتعجبكم النتآيج ^-^

 

[pure-poison]

رد : تجميييييل الانف ياجميلات p:

انا حيل متردده وودي اسوي خشمي لان حيل مضايقني من ناحية التنفس ومن ناحية الشكل رحت للكتور منذر العجمي وفتحت ملف وصورت بس لما ييت بوريه الصور بالاستراحه شفت وحده يايه مع اختها مادري رفيجتها وهونت ماشالله خشمها ايهبل كلمة حلو شويه عليها انا على بالي مسويته عند الدكتور منذر فلما سالتها جان تقولي انها مسويه عند جمال الحربي هني رديت بكلامي مع اني شايفه شغل منذر العجمي حلو شغله بس مو مثل اللي شفتهم مسوين عند جمال خصوصا هذيك البنت اللي شفتها بعيادته ماشالله خشمها حلو حلو حلو وهي بعد ملامحها تخليج غصب تطالعينها سالتها اشلون كان خشمها قبل قالت كان معوج ورديت مره ثانيه ترددت مع اني مستخيره وكنت بسويها خلاص بس مادري ليش وايد خايفه من العمليه ومن النتيجه خصوصا ان خشمي صعب كبير وجلدي سميك الله كريم جان زين البنات اللي مسوين خشومهم يورونا بالصور خصوصا اللي مسوين بالكويت لان الوضع صعب عندي اني اسافر بره اسويه ما اقدر الا بالكويت

 

[أكابر بشوفك]

رد: رد : تجميييييل الانف ياجميلات p:

يا بنات مالها داعي الطريقه هاذي والعضوة اكابر داشه تفيد و تستفيد ما اسمح لاي احد ان يغلط بحقها لمجرد انكم تعودتو على دعاية وايد بنات هذا مايرخص لكم فكرة ان كل البنات جذي ! و كل وحده تحاسب على كلمتها لو سمحتو ! واللي تقول غير جذي لاتدش موضوعي

مشكوره يا أصيله يا بنت الأصيلين هذا العشم فيج ,, آنا شكلي بتوكل ع الله واسويها عند دكتور عبدالمحسن وباجر موعدي عنده انتي شصار عليج اتذكر قلتي يوم الخميس موعدج وتحياتي لج ,,

والله انها حزت بخاطري كلام شادنُ انها ظلمتني و آنا لــــو كنت من النوع اللي يسوي دعايات جان كتبت موضوع وقلت فيه اني مسويه عمليه ومبالغه فيه وموصله الدكتور لي السما وكاتبه حجي وايد وحاطه عليهم بهارات ,, لكني اخاف من العذاب ومستحيل اوهق احد بالنهايه ورانا عذاب القبر وعذاب الاخره والدليل دخلوا على ملفي الشخصي واقروا المواضيع غالبية مواضيع استفســــــار عن الدكاتره من زمان وآنا أسال وارد اقول مره ثانيه لو بغيت اسوي دعايات جان كتيت موضوع اني مسويه عمليه تجميل عند دكتور الفلاني وبجذي سويت دعايات مو دعايه ,,

والله والله كل يوم ادعي ربي انه يوفقني بعمليتي وابي نتيجه ترضيني وايد وصلاة الفير ما طوفني وادعي وابجي ووشادن بارده مبرده تقولي انتي تسوين دعايات آنا وين واهي وين ,,

 

[رمشْ الحَيآ]

رد : تجميييييل الانف ياجميلات p:

الغلا مشكوورة بعد عمري نورتي الموضوع وان شاء الله ان الله سهل و سوينا بنوافيكم بالاخبار اول باول

 

[رمشْ الحَيآ]

رد : تجميييييل الانف ياجميلات p:

بيو بويزن حبيبتي جمال للحينه يسوي تجميل ولا لا ؟ مو جنه يقولون عملياته كلها صارت بالحكومة بس؟ و منذر اسمع وايد بنات يمدحونه لكن ماشفت بعيوني @@ الله يسهل لج

 

[رمشْ الحَيآ]

رد : تجميييييل الانف ياجميلات p:

اكابر ماعليج من كلام البنات ويمكن الاخت شادن ماقصدت ماعليه حبيبتي لاتاخذين بخاطرج .. بالنسبة لموعدي مع الصبيح كنسلته ! لاني وحده ماسوق وماصاار مجال احد يوديني عشان ظروف الشهر المبارك تراويح و جذي فقلت بعد العيد ان شاء الله ! قوليلنا اذا رحتي عند عبدالمحسن شيصير معاج وانشالله اموورج كلها سهالات يااااااااااارب :*

 

[pure-poison]

رد : تجميييييل الانف ياجميلات p:

بيو بويزن حبيبتي جمال للحينه يسوي تجميل ولا لا ؟ مو جنه يقولون عملياته كلها صارت بالحكومة بس؟ و منذر اسمع وايد بنات يمدحونه لكن ماشفت بعيوني @@ الله يسهل لج

لا الكل يقول ان ماعنده عياده خاصه لكن مادري اذا يسوي تجميل بالحكومه

 

[رمشْ الحَيآ]

رد : تجميييييل الانف ياجميلات p:

لا الكل يقول ان ماعنده عياده خاصه لكن مادري اذا يسوي تجميل بالحكومه

وين يعني بمستشفى الاتصالات؟

 

[أكابر بشوفك]

رد: رد : تجميييييل الانف ياجميلات p:

اكابر ماعليج من كلام البنات ويمكن الاخت شادن ماقصدت ماعليه حبيبتي لاتاخذين بخاطرج .. بالنسبة لموعدي مع الصبيح كنسلته ! لاني وحده ماسوق وماصاار مجال احد يوديني عشان ظروف الشهر المبارك تراويح و جذي فقلت بعد العيد ان شاء الله ! قوليلنا اذا رحتي عند عبدالمحسن شيصير معاج وانشالله اموورج كلها سهالات يااااااااااارب :*

هلا فيج حبيبتي شكلي يتلي العدوه منج ههههههههههههههههههههههههه حتى آنا كنسلته خليته الشهر الياي ,,

الله يسهل علينا يارب

 

[رمشْ الحَيآ]

رد : تجميييييل الانف ياجميلات p:

لوووووووووووووول اوكي اب اب

 

[رمشْ الحَيآ]

رد : تجميييييل الانف ياجميلات p:

هاا بنات شصارعليكم

 

[ام شريفه]

من قبل 10 ايام سويت خشمي عند اسماعيل ندا ابدار الشفا يوم السبت اشيل الجبس و اقولج النتيجه بس اخوي مسوي خشمه عنده و خشمه حلوه ابصراحه

 

[شـو shoo]

رد : تجميييييل الانف ياجميلات p:

بنااااااات دكتور جمال يسوي تجميل بالحكوومه ؟؟؟؟؟؟

 

[أحب أمي]

آب آب

 

[Dubai-Girl85]

رد : تجميييييل الانف ياجميلات p:

مرحبا..
أنا بالنسبة لي سويتها عند الدكتور غابرييل أكرم صعب في الكوزموسيرج في دبي.. هو بعد له زيارات للكويت
صراحة ولله الحمد موووووووووووووووووول ما تعبت من العملية.. ولا رجعت وولاشي.. وما كان شي ألم بالمررررره
فالعملية مووول ما تخوف.. وسويتها ببنج عام.. وطلعت نفس اليوم.. والفتايل شلولي اياها اليوم الثاني.. بس اول يوم تلعوزت
بسبب اني ما كنت اقدر اتنفس وصعب تشربين حتى الماي!! بس من شلو الفتايل الحمدلله التنفس واااااايد احسن ..
انا بالنسبة لي الورم ما طول.. مال 3 ايام يمكن.. كنت تقريبا 4 او 5 ساعات في اليوم احط كمادات الثلج مثل ما علموني في المستشفى.. وعقبها باسبوع شلولي الجبس.. وكان تحت عيوني لون أصفر فاتح على اخضر فاتح.. ما طول الاصفرار..خلال اسبوع ونص خاز اللون.. أو يمكن حتى أقل.. فالعملية واااايد بسيطة ترى
انا الدكتور نحتلي العضمة.. وقصر خشمي (لأنه شوية طويل) وصغرلي الارنبة.. ورفعها شوية... وعدل الانحراف.. و الصراحة مستااااانسة بالنتيجه وايد.. كل اللي يشوفني ما يعرف شو اللي متغير.. شغله وايد طبيعي وما يبين تجميل..وهالشي اللي انا
أكدت عليه في الاستشارة.. أبا خشم حلوووو بس ما يبين تجميل .. والحمدلله راضية تماماعلى النتيجة.. مع اني بس مكملة 7 اسابيع من سويتها... صح في شي بعد عيبني في الدكتور انه في نقطة ما جذب عليي...
انا عندي الفتحات مختلفة.. وحدة دائرية والثانية بيضاوية.. قالي ما بقدر اخليهم نفس الشي.. بس بحاول انه يكون شي تقارب في الشكل.. (انا ما لاحظت هالنقطة غير في الاستشارة اصلا).. فصغرلي الفتحات .. بس بعدهم يختلفون.. بس وايد احسن عن قبل (اصلا ما اهتميت بهالشغلة لانه محد بيلاحظ الا اذا رفعت راسي)..
ويالله ربنا يوفقج وتسوينها وتفتكين .. تحياتي لج​

 

[رمشْ الحَيآ]

رد : رد: تجميييييل الانف ياجميلات p:

من قبل 10 ايام سويت خشمي عند اسماعيل ندا ابدار الشفا يوم السبت اشيل الجبس و اقولج النتيجه بس اخوي مسوي خشمه عنده و خشمه حلوه ابصراحه

الف حمدلله ع سلااامتج حبيبتي ووو ياريت تقوليلنا اخرر النتاايج ..

 

[رمشْ الحَيآ]

رد : تجميييييل الانف ياجميلات p:

بنااااااات دكتور جمال يسوي تجميل بالحكوومه ؟؟؟؟؟؟

حبيبتي انا سمعت من البنات بسسس ماني متأكده ,,,

 

[رمشْ الحَيآ]

رد : تجميييييل الانف ياجميلات p:

مرحبا..
أنا بالنسبة لي سويتها عند الدكتور غابرييل أكرم صعب في الكوزموسيرج في دبي.. هو بعد له زيارات للكويت
صراحة ولله الحمد موووووووووووووووووول ما تعبت من العملية.. ولا رجعت وولاشي.. وما كان شي ألم بالمررررره
فالعملية مووول ما تخوف.. وسويتها ببنج عام.. وطلعت نفس اليوم.. والفتايل شلولي اياها اليوم الثاني.. بس اول يوم تلعوزت
بسبب اني ما كنت اقدر اتنفس وصعب تشربين حتى الماي!! بس من شلو الفتايل الحمدلله التنفس واااااايد احسن ..
انا بالنسبة لي الورم ما طول.. مال 3 ايام يمكن.. كنت تقريبا 4 او 5 ساعات في اليوم احط كمادات الثلج مثل ما علموني في المستشفى.. وعقبها باسبوع شلولي الجبس.. وكان تحت عيوني لون أصفر فاتح على اخضر فاتح.. ما طول الاصفرار..خلال اسبوع ونص خاز اللون.. أو يمكن حتى أقل.. فالعملية واااايد بسيطة ترى
انا الدكتور نحتلي العضمة.. وقصر خشمي (لأنه شوية طويل) وصغرلي الارنبة.. ورفعها شوية... وعدل الانحراف.. و الصراحة مستااااانسة بالنتيجه وايد.. كل اللي يشوفني ما يعرف شو اللي متغير.. شغله وايد طبيعي وما يبين تجميل..وهالشي اللي انا
أكدت عليه في الاستشارة.. أبا خشم حلوووو بس ما يبين تجميل .. والحمدلله راضية تماماعلى النتيجة.. مع اني بس مكملة 7 اسابيع من سويتها... صح في شي بعد عيبني في الدكتور انه في نقطة ما جذب عليي...
انا عندي الفتحات مختلفة.. وحدة دائرية والثانية بيضاوية.. قالي ما بقدر اخليهم نفس الشي.. بس بحاول انه يكون شي تقارب في الشكل.. (انا ما لاحظت هالنقطة غير في الاستشارة اصلا).. فصغرلي الفتحات .. بس بعدهم يختلفون.. بس وايد احسن عن قبل (اصلا ما اهتميت بهالشغلة لانه محد بيلاحظ الا اذا رفعت راسي)..
ويالله ربنا يوفقج وتسوينها وتفتكين .. تحياتي لج​

تسلم ايدج على نقل تجربتج كاااملة وو مكملة ووو بكل وضوح يعطيج الف الف عافية ووو ماتقصرين اختي ,, و ع فكرة انا حاطه غابرييل ضمن القائمة بعد ههههه قلت اسوي كذا استشارة و بعدها اقرر ان شاء الله ,, بسسسس انا حيل وسواسية اخاف تصير معاي مشكلة في التنفسسس و لا بالشم ماااقوم اشم مثلا حيل متردده بسبب المضاعفات وو النزيف بعد والالتهابات ووو من هالكلام عاد تدرين انا مثلج خشمي طويل وو فيه عضمة بسس خفيفه والارنبة شكلها حلوو ماحتاج اغيرها يعني اتوقع الشغل بالغضاريف اكثرر من العظم ,, انتي بسس نحت بدون كسر ؟؟ عشان جذي ماصار ورم وو انتفاخات .. يااارب اسويها و افتك و ااناا راضيه ع النتيجه :*

 

[Dubai-Girl85]

رد : تجميييييل الانف ياجميلات p:

تسلم ايدج على نقل تجربتج كاااملة وو مكملة ووو بكل وضوح يعطيج الف الف عافية ووو ماتقصرين اختي ,, و ع فكرة انا حاطه غابرييل ضمن القائمة بعد ههههه قلت اسوي كذا استشارة و بعدها اقرر ان شاء الله ,, بسسسس انا حيل وسواسية اخاف تصير معاي مشكلة في التنفسسس و لا بالشم ماااقوم اشم مثلا حيل متردده بسبب المضاعفات وو النزيف بعد والالتهابات ووو من هالكلام عاد تدرين انا مثلج خشمي طويل وو فيه عضمة بسس خفيفه والارنبة شكلها حلوو ماحتاج اغيرها يعني اتوقع الشغل بالغضاريف اكثرر من العظم ,, انتي بسس نحت بدون كسر ؟؟ عشان جذي ماصار ورم وو انتفاخات .. يااارب اسويها و افتك و ااناا راضيه ع النتيجه :*

هلا حبيبتي.. والعفو وما سوينا شي.. شوفي بخصوص النزيف ما صار عندي الصراحة... بس طبعا عقب العملية بيحطولج مثل شاش بشكل على فتحات الخشم.. لأنه الدم بيتم ينزل عليج لين قريب الفجر.. بس مب نزيييف!!!!! لا عادي.. والشاش كنت اغيره تقريبا كل ساعه من عقب ما ينترس شوية دم.. بس نزول الدم شي جدا طبيعي.. بخصوص التنفس ما واجهت مشكلة لأنه شلو الفتايل اليوم الثاني.. وشوية نظفولي خشمي.. وعقب باسبوع خشمي انسد.. كنت شوية اتنفس منه واغلب شي اتنفس من حلجي.. فحولوني على دكتور الانف واذن وحنجرة.. نظفلي خشمي عددددددددددددل.. وعطاني كريم استخدمه يوميا الفليل عسب الدم يبدء يلين ويطيح.. والحمدلله مع الاستمرار طاح الدم شوي شوي ... وعقب ما نظفلي ما رد خشمي ينسد...
انا الصراحة ما ادري اذا هو كسرلي العظمة .. ما حاولت اعرف عشان ما اخاف.. بس انا ويهي انتفخ وااايد.. بس الانتفاخ ما طول لأني كنت مداومة على كمادات الثلج واحط الكريم اللي عطاني الدكتور..
بخصوص الشم.. اول شهر ما بتكون عندج حاسة الشم بيرفكت.. شي طبيعي.. بس مب معناته انه مووول ما بتشمين!!
بخصوص انه الارنبة عندج حلوة.. احتمال اذا نحتلج العظم ما يطلع الخشم متناسق.. فانتي شوفي شو بيقولوج في الاستشارة..

أنا نحتلي العضم.. بس اغلب شغله في الغضاريف.. لأنه الارنبة عندي كانت مثل الكرة.. قبيحة ...لووووول
لو تشوفين كيف استوى خشمي.. صدق صدق تغير وايد .. والحمدلله انا راضية.. وعقبالج وبالتوفيق​

 

[رمشْ الحَيآ]

رد : تجميييييل الانف ياجميلات p:

هلا حبيبتي.. والعفو وما سوينا شي.. شوفي بخصوص النزيف ما صار عندي الصراحة... بس طبعا عقب العملية بيحطولج مثل شاش بشكل على فتحات الخشم.. لأنه الدم بيتم ينزل عليج لين قريب الفجر.. بس مب نزيييف!!!!! لا عادي.. والشاش كنت اغيره تقريبا كل ساعه من عقب ما ينترس شوية دم.. بس نزول الدم شي جدا طبيعي.. بخصوص التنفس ما واجهت مشكلة لأنه شلو الفتايل اليوم الثاني.. وشوية نظفولي خشمي.. وعقب باسبوع خشمي انسد.. كنت شوية اتنفس منه واغلب شي اتنفس من حلجي.. فحولوني على دكتور الانف واذن وحنجرة.. نظفلي خشمي عددددددددددددل.. وعطاني كريم استخدمه يوميا الفليل عسب الدم يبدء يلين ويطيح.. والحمدلله مع الاستمرار طاح الدم شوي شوي ... وعقب ما نظفلي ما رد خشمي ينسد...
انا الصراحة ما ادري اذا هو كسرلي العظمة .. ما حاولت اعرف عشان ما اخاف.. بس انا ويهي انتفخ وااايد.. بس الانتفاخ ما طول لأني كنت مداومة على كمادات الثلج واحط الكريم اللي عطاني الدكتور..
بخصوص الشم.. اول شهر ما بتكون عندج حاسة الشم بيرفكت.. شي طبيعي.. بس مب معناته انه مووول ما بتشمين!!
بخصوص انه الارنبة عندج حلوة.. احتمال اذا نحتلج العظم ما يطلع الخشم متناسق.. فانتي شوفي شو بيقولوج في الاستشارة..

أنا نحتلي العضم.. بس اغلب شغله في الغضاريف.. لأنه الارنبة عندي كانت مثل الكرة.. قبيحة ...لووووول
لو تشوفين كيف استوى خشمي.. صدق صدق تغير وايد .. والحمدلله انا راضية.. وعقبالج وبالتوفيق​

حبيبتييي والله جزاااج الله الف خيييير و بميزان اعمالج والله استفدت منج كثييييير واكيد تفيدين باجي البنات الله ينولج كل اللي تتمنينه و يبارك فيج وبأهل ديرتج