تجميييييل الانف ياجميلات p:

[أحب أمي]

تدرين احلى شي شنو
تشوفين شغل الدكتور على الطبيعه

على خشوم البنات

والا السوالف ياكثرها

 

[رمشْ الحَيآ]

اي والله صاجه وانا قلت اروح واشوف عالاقل صور قبل وبعد و ابي اعرف نوع التخدير لاني ماحب العام مو من زمان متعرضتله انتي ماعندج فكرة عن الدكتور هشام بو رزق؟

 

[رووحي لغاليها]

رد : تجميييييل الانف ياجميلات p:

لا والله ياحلو العافية لاتفكرين تسوينها انا مسوية تعديل حاجز وتصغير قرنيات لي شهر واسبوع والله للحين تعورني يمممممممممممماااااااااااااي يعوارها استخيري قبل كل شي

 

[رمشْ الحَيآ]

اممم سلامتج بداير من العواار لووول وو اب

 

[رووحي لغاليها]

رد : تجميييييل الانف ياجميلات p:

الله يسلمج يالغالية وانشاء اللة بهديج الله وتهونييييين اذا مافيج الا العافية بس عشان تجميل

 

[رمشْ الحَيآ]

بعد عمري تسلمين عالدعوه الحلوة بس انا والله من زمان خشمي مسويلي احراج يعني المسألة نفسية وانا مابي اغيره 180 درجه بعدل فيه شوي وو مشكوورة حياتي : )))

 

[سـمراء حـلوه]

قاعده افكر اسويها
وشفت اخت رفيجتي سوت تجميل ما شاء الله خشمها حلو وطبيعي ما جنه مسويته
عند دكتور عماد النجاده بالجابريه وشجعتني
وعندج اسماعيل ندى بدار الشفاء ولدي عمتي سواها وخشمه بيرفيكت يهبل علاجي تجميلي
وسلامتج

 

[بعد عمري]

هلا لين.. حبيبتي مشكلتج بالضبط نفس مشكلتي ونفسيتي زيروووو والسبة هالخشم و افكر اسوي العملية بس انة بسويها في سوريا ان شاء الله عند دكتور بشار رباح قريت عنه وايد في النت واشوف الكل يمدح شغله، انة دشيت الموقع ماله وطرشتله ايميل اسأله عن تكاليف العملية ورد علي قالي بكون 550 دولار حبيبتي يطلع 206.000 دينار بحريني وطبعا بيطلع اقل بالدينار الكويتي.

 

[رمشْ الحَيآ]

مشكورييين حبايبي عالمرور والله يكتب اللي فيه الخير

 

[أكابر بشوفك]

عند اي دكتور سويتيها ؟؟

بنات بغيت أسأل اللزقه اللي بعد العمليه اللي يحطونها ع الخشم جم اسبوع ويشولونها ؟؟

 

[رمشْ الحَيآ]

هلا حبيبتي اكابر انا بعدي ماسويتها جاري جمع المعلومات وبالنسبه للزقه اللي اعرفه حدها اسبوعين و انشالله البنات يفيدونج .. بس لو تكلمينا شوي عن عمليتج شلون النتايج و عند منو سويتيها

 

[أكابر بشوفك]

آنسه لين ,, آنا نفسج بعدي ما سويتها لكن سألت عن اللزقه لانه بسويها بروح بيت اختي بيتنا كله حريم اخواني وعبالي اكثر من اسبوعين

لكن حاطه في بالي اسوي عند عبدالمحسن جعفر بس غالي نار بس خايفه من حجي البنات فيه بنات سبوه لكن اللي مريحني انه اهو استشاري ومتخصص انف واذذن وحنجره مو بس تجميل وماخذذ البورد الكندي ؟؟ وقديم مو توه يديد

بس والله للحيني محتاره ؟؟ بأي دكتور

 

[رمشْ الحَيآ]

آنسه لين ,, آنا نفسج بعدي ما سويتها لكن سألت عن اللزقه لانه بسويها بروح بيت اختي بيتنا كله حريم اخواني وعبالي اكثر من اسبوعين

لكن حاطه في بالي اسوي عند عبدالمحسن جعفر بس غالي نار بس خايفه من حجي البنات فيه بنات سبوه لكن اللي مريحني انه اهو استشاري ومتخصص انف واذذن وحنجره مو بس تجميل وماخذذ البورد الكندي ؟؟ وقديم مو توه يديد

بس والله للحيني محتاره ؟؟ بأي دكتور

هلا حبيبتي تصدقين ذاك اليوم اطالع برنامج عن التجميل بايران حطو واحد مسوي تجميل حق خشمه من شهور بس ماشال اللزقه ولما سألوه ليش قال جذي تعودت عليها يعني ما كان بحاجه لها وانا بصراحه اعرف فايده الجبيرة تثبت الخشم وجذي بس اللزقه يمكن للجروح بسرعه وتعتمد على سرعة الالتئام .. عبدالمحسن جعفر ناس تمدح وناس تذم اذا انتي مصرة عليه استشيريه و استخيري بعدها واذا لاسمح الله مارتحتي عندج اكثر من دكتور تلقينهم بالجريده وهذول اهم اللي دايم يتكلمون عنهم البنات انا بصراحه ودي بدكتور هشام بو رزق في بنات يمدحونه لسوالف الشفط والحروق وجذي وانا دقيت يسوي تجميل ويه فا انشالله باخذ عنده استشارة واردلكم خبر

 

[رمشْ الحَيآ]

آببب

 

[أكابر بشوفك]

آببب

هلا فيج حبيبتي آنا اقصد اللزقه الجبيره اللي بعد العمليه يحطونها ع الخشم ما اقصد اللزقه العاديه ؟؟

والله حدي محتاره وحدي مخترعه من العمليه اخاف اذا سويتها وقطيت فلوس اخر شي ما يعجبني ومادري شسوي ؟؟

ابي نتيجه ترضيني

واختي كل يوم والثاني تخرعني ؟؟

 

[رمشْ الحَيآ]

حبيبتي انتي اذا حاسة روحج محتاجه هالعملية و انشالله ماندش بالحرام توكلي على الله وسويها بعد استخارة ولا تناقشين اختج وايد بالموضوع خلي القرار قرارج وماعليج من احد والعملية باذن الله سهله من اقدم العمليات واكثرها انتشار بس نقي الدكتور الشاطر والله يوفقنا جميعا ويسهل علينا وارد واقول انشالله مانكون بهالامر عصينا ربنا

 

[cup-cacke]

امممممممممممممم..انزين بنات اخوي عمره 16..خشمه مضايقه

عنده فتحه اكبر من فتحه..يعني لما تشوفينه..الجهه اليمين اكبر ويايه جدام عكس اليسار

يقدر يسوي تجميل الحين..ولا في عمر معين

 

[أكابر بشوفك]

حبيبتي انتي اذا حاسة روحج محتاجه هالعملية و انشالله ماندش بالحرام توكلي على الله وسويها بعد استخارة ولا تناقشين اختج وايد بالموضوع خلي القرار قرارج وماعليج من احد والعملية باذن الله سهله من اقدم العمليات واكثرها انتشار بس نقي الدكتور الشاطر والله يوفقنا جميعا ويسهل علينا وارد واقول انشالله مانكون بهالامر عصينا ربنا

آنا مقررّه وخالصه انه اسويها إنشاءالله اختي خايفه علي ادري فيها ؟؟ بس انتي شرايج بدكتور عبدالمحسن جعفر ؟؟

ما جاوبتني ؟؟ الجبيره حقت العمليه اهي اللي تظل اسبوعين ولا تقصدين لزقة الصيديليه

وسوري حبيبتي كل شوي اضيف ردود لكن والله حدي محتاره وابي موضوع نفس موضوعج يريحني وكل شوي اشارك فيه

وتحياتي لج مره ثانيه

 

[رمشْ الحَيآ]

كب كيك خل ينطر سنتين تكتمل عظامه ولا يسأل دكتور احسن
اكابر اذا قصدج الجبيرة فهي مدتها اسبوع بشكل عام ودكتور عبدالمحسن مثل ماقلت لج اهي حظوظ بس اللي اعرفه ان سعره اغلى من باجي الدكاترة و بالعكس حبيبتي اخذي راحتج انا مثلج محتارة وانشالله نفيد بعض , دقي اخذي موعد استشارة عنده عشان يرتاح قلبج و بالج

 

[النشبه88]

ادري بتكرهيني بس ليش تلعبين بخلقة رب العالمين ... يعني اذا شكلج مقبول شحقه تسوين .. الله ما يخلق احد بشع