تجمـــــع خريـجـــات آداب لغــــــــة انجـليـــــزيـــه

[Marymary]

اوراق ضاق خلقي لاني ماقدر اكمل الماستر
معدلي كان 3 " صار اقل على اخر كورس "

وانا حلم حياتي اكمل دراستي "

والله بسبته كل احلامي راحت

 

[Marymary]

اي حبيبتي الله يسلمج "

 

[أوراق مبعثره !]

حبيبتي كل شي خيره انتي ماتدرين شنو الصالح لج

انا مثلج حلم حياتي اكمل ماستر وكنت اتمنى اروح على بعثه على حساب جامعه الكويت علشان ارجع اشتغل معيده بس للاسف سويت حادث سياره قوي قبل سنه وظليت فتره طويله بالمستشفى فاخترب معدلي كله من مرتبه شرف لي نقطتين وشوي لووووووووول


ان شالله الحين بروح على حسابي بس قلت باخذ بريك سنه اول

 

[Marymary]

اخييييييي حبيبتي ما تشوفين شر "
انا قلت ابي اكمل برى على حسابي جان ريلي يخطبني لول وتزوجت ";x
خيرة على قولتج
طبعا صرت ابلة انجليزي في الابتدائي ونسيت الانجليزي لول كل الي اعرفه الحروف -_-
واحس هالوظيفة سجن داخل المدرسة لا اكو احترام ولا تقدر للمدرس الناظرة تزفج من صوب والوكيلة تزفج من صوب ثاني جداااااام البنات الي اتدرسينهم وتصرخ عليج جدامهم
وفوق هذا اولياء امور يشتكون عليج على اشياء تافهةة
لدرجة ان بنتين بأولى تهاوشو على مساحة واشوي وكل وحدة تتبجبج دخلت عليهم الصف ويقولون هذي مالتي وهذي مالتي وهذي بواقة باقت مساحتي زفيتهم قتلهم لا مساحتج ولا مساحتها يالله بلا نجرة قعدو مكانكم
اليوم الثاني دقت علي الاخصائية تقول ولية امر داقة مشتكيه تقول ابلة الانجلييزي ماخذة مساحة بنتي خل تردلها اياه امانه شنو موقفج من هالشي ؟؟ مو قهر ؟؟

 

[Turquoiseya]

Rose
بعد قلبي 00 اخيرا لقيت لي وحدة نفس دفعتي، وهذي مني لج :tek:
بس حسافة ما كملتي، يمكن خيرة لج
جمال بورسلي لا يعلى عليه
واحمد حسن طيوب
يوجين ستيل اهبل ما احبه
بين الانجليزي طينته ثقيلة
في دكتورة كويتية عجوز شعرها منتف وتحط شباصات شكبرها على شعرها تغطي الصلع اللي براسها ( اللهم لا شماته ) عليها بخل درجات مو طبيعي 000 المشكلة اني ناسية اسمها :dddds:
زهرة حسين شرحها قمة ودقيقة طلعت عيوني بالدراسة

Marymary
انا وياج مشتركين بنفس المعاناة
يا حرام00 سنوات كنت ادرس فيها الانجليزي ومستواي فيه ممتاز والحين نزل للحضيض
بالصف وظيفتنا صايرة فك اشتباكات بين الطالبات00 ما جنا مدرسات ولنا هيبتنا + الملف الانجازي قضى علينا بالتمام
البنت الضعيفة راح تنجح بنهاية السنة وتصعد للمرحلة اللي بعدها
قمت افكر احول للمتوسطة عشان اسوي رفرش لقسم الانجليزي اللي بمخي

 

[Marymary]

تركوازية انا نفسج " ودي وايد احول " بس السانهم اطويل المتوسطة وبنات الثانوي "احس ماراح اقدر عليهم

 

[نونه العنونه_H]

تركوازية انا نفسج " ودي وايد احول " بس السانهم اطويل المتوسطة وبنات الثانوي "احس ماراح اقدر عليهم

انااا معاج لا تحولين..
خلك على مينونك لااا ييلك الأين منه :eh_s(6):

 

[Turquoiseya]

marymary والعنونة الحلوة

سمعت هالكلام وقلت اقعد امسك المجنون اللي عندي ولا يجيني اللي يجنني معاه
لكن كل اللي حولوا متوسط ارتاحوا من ناحية المعاملة ويقولون ان البنات يخافون اكثر على درجاتهم
والبنات اللي السنتهم طويلة يعتبرون فئة قليلة
واما الكرف اعتقد نفس الشيء،
والله بستخير وافكر
وانا ابي متوسط عشان اترقى
مو اقعد تحت رحمة المصاروة اللي ماعندهم شغل الا يكسرون فيني
موجهي كاتب بتقريري اني ما اعرف انطق بعض الكلمات، ما لقى علي شيء في حصتي وقام اخترع له هالجلخة
بغيت اموت محلي00 يومين مو قادرة انام من القهر
حسبي الله عليه

 

[نونه العنونه_H]

عاااد تصدقون حتى اناا كنت بكمل ماستر بجامعة الكويت بس ابوي
مااا قالي عن الماستر بجامعة الكويت الاااا آخر كورس
لووو قايلي من قبل جااان جهزت اموري
معدلي التخصص كان 2.88 والمعدل العام فوق ال 3
ومااا يمدي بآخر كورس اسوي 3

بعدين فكرت بجامعة الخليج وكل شي اوكي
جااان ابوي يطلعلي بفكره ماأدري منو قالااا اياااهاااا :krkrkr:

قالي اذاا داومتي بمكان تقدرين بعدين تسوين ماستر على حساب الحكومه ...

لحد الحين مااا توظفت وحتى لو توظفت مالي خلق اكمل

 

[Turquoiseya]

العنونة
كملي ماجستير اشجعج من كل قلبي
صديقتي كملت ماجستير بجامعة الكويت وماشالله مستواها صار فوق التوب
واذا الوالد يبي الدراسة على حساب الحكومة
دشي باي وزارة الا التربية لانج راح تندفنين فيها على طول ولا راح يكون عندج وقت انج تفكرين بالماجستير
وبعدها قدمي على اجازة دراسية

 

[نونه العنونه_H]

العنونة
كملي ماجستير اشجعج من كل قلبي
صديقتي كملت ماجستير بجامعة الكويت وماشالله مستواها صار فوق التوب
واذا الوالد يبي الدراسة على حساب الحكومة
دشي باي وزارة الا التربية لانج راح تندفنين فيها على طول ولا راح يكون عندج وقت انج تفكرين بالماجستير
وبعدها قدمي على اجازة دراسية

انشالله حبيبتي الي الله كاتبه بيصير
اناا اتمنى انشالله..
الله يوفقج اذا حابه المتوسط روحي
رفيجتي تدرس ابتدائي وتقول وناسه والبنات يحبونج وجذي
خوفج تطلع المتوسطه مو نفس ماا انتي متخيلته..
اذااا سوووواااا شي عصبي عليهم وسقطيهم أماااااانه :krkrkr:
ما احب اليهال واحب اعذبهم

 

[سيدة المطر]

up موفقين

 

[Gilmore Girl]

انزين بنات عندكم فكره لين متى اقدم على ماجستير بجامعة الكويت من تاريخ تخرجي ؟

واقدر مثلا اقدم على ادارة اعمال ؟


وصراحه اول مره ادري اني اقدر ادرس على حساب دوامي بجامعة خاصة !

متأكدين من هالشي ؟

 

[dewy twilight]

انزين بنات عندكم فكره لين متى اقدم على ماجستير بجامعة الكويت من تاريخ تخرجي ؟

واقدر مثلا اقدم على ادارة اعمال ؟


وصراحه اول مره ادري اني اقدر ادرس على حساب دوامي بجامعة خاصة !

متأكدين من هالشي ؟

هلا قيلمور
الحين جامعة الكويت مبطله التسجيل حق الماستر من شهر 11 ليما 18-2 لحقي عليهم ولازم يكون معاج امتحان التوفل
ويصير بكالاريوس الانجليزي ترا ياخذون ادارة اعمال ماستر واقتصاد وادارة معلومات وترجمه وادب بس لازم يكون مجموع نقاطج بالتوفل 550 حق ادارة الاعمال\ والترجمه والاقتصاد 500 والادب 530او520
موفقه

 

[سيدة المطر]

جنه سنتين مو متاكدة بس اانا اعرف وحده كبيره حيل بالعمر توها قاعد تكمل ماستر لغة عربية بالقاهرة فـ مادري ماني متاكده سألي كلية الدراسات العليا أفضل اذا تبين تكملين بجامعة الكويت

 

[Gilmore Girl]

مشكورين dewy light وسيدة المطر


انا بكمل 3 سنين من تخرجت وصراحه مافكر اكمل الحين يعني بعدين بس خايفه يروح علي الوقت واتحسف !

لازم اسألهم بجامعة الكويت عشان اتأكد

 

[ام يوسف 06]

صباح الخير بنات

انا دفعت 2001 حدي قديمه لوول وكنت ابي اكمل ماجستير في جامعة الكويت بس للأسف معدلي مو شي والحين ان شاء الله والله يسهلها لي و لكم ان شاء الله ناوية اكمل في جامعة الخليج على حسابي ادعولي ان شاء الله انقبل اهم قالولي راح يفتح التسجيل 2010 و الله ما يندرى عنهم و انا ناطره.... بس الله يعيني مسؤلية عيال + زوج+دوام+دراسه..... بس ان شاء الله انا قدهاااااا والله يوفق الجميع

 

[أوراق مبعثره !]

Marymary {{ الله يعينج والله .. انا من وجهه نظري طلبه الابتدائي متعبين وايد ومو الكل يقدر يتحمل يتعامل مع يهال انا وحده ما اتحمل الحنه واعتقد طلبه المتوسط او الثانوي احتمال يكون اريح والله يوفقج ان شالله

ام يوسف << الله يوفقج حبيبتي

 

[dewy twilight]

صبااااح الخيييير
بنات في وحده منكم اتصلو عليها معهد الابحاث؟؟ جنه طولو !!

 

[أوراق مبعثره !]

صباح الانوار

لا والله بعد .. بس اللي اعرفه ان اهمه والجامعه يطولون ياخذون وقت طويل تقريبا شهر وفوق