تجمـــــع خريـجـــات آداب لغــــــــة انجـليـــــزيـــه

[AmOoNa-]

جانزين نرد ايام الجامعه احسن انا من تخرجت وانا مومترقعه

 

[سيدة المطر]

هذا الأبليكيشن لنك مال معهد الأبحاث للي تبي تقدم http://www.kisr.edu.kw/EmploymentForm.aspx

 

[angel 3ohaa]

هااااااي بنات انا خريجة آداب انجليزي 2004 واشتغل بجامعة الكويت مترجمة من سنة 2005 الشغل خفيف مو وايد لأني بكلية مو في إدارة والمعاشات زينة وعلى فكرة الدرجات تاخذونة بسرعة اذا التقدير كان امتياز... يعني أنا الحين ع الدرجة الثالثة وانشاللة بصير مسماي الوظيفي رئيس شعبة ع السنة اليديدة انشالللة ... اتمنى لكم التوفيق يارب ))

 

[- MaRsHmaLLoW -]

قووه بنات
الصراحه موضوعكم يا في وقته
انا طالبة في الاداب وانشالله هالكورس بتخصص انجليزي
بس مادري وايد خايفه ان بعد هالتخصص والتعب ما احصل وظيفه سنعه لان لازم واسطه
مادري انتو اكبر مني واكيد عندكم خبره بعد ما تخرجتوا حق الوظيفه
شنو تنصحوني؟
اكمل ولا اروح اعلام؟
واخير سؤال
التخصص صعب ؟؟ :x مادري انا وايد خايفه ما امشي فيه بس حابته

 

[الورد انا]

انا خريجة ادب انجليزي الجامعه المفتوه 2009

الحي اشتغل مساعدة مدرسه بمدرسه انجليزية بس اخذ خبره اصير مدرسه

مااحب التدريس بس نصيبي

 

[angel 3ohaa]

مارشملوو شوفي عزيزتي الصراحة لو رد الزمن ما أتخصص انجليزي صج احبة بس عند التوظيف الأغلبية يخيرونا بين مدرسات او مترجمين واذا حاولتي بالقطاع الخاص بقولون الكل يتكلم انجليزي محد يحس بالتعب الي تعبناة واحنا ندرس ..... و أهم شي صلي صلاة استخارة واللة يوفقك يارب

 

[Gilmore Girl]

قووه بنات
الصراحه موضوعكم يا في وقته
انا طالبة في الاداب وانشالله هالكورس بتخصص انجليزي
بس مادري وايد خايفه ان بعد هالتخصص والتعب ما احصل وظيفه سنعه لان لازم واسطه
مادري انتو اكبر مني واكيد عندكم خبره بعد ما تخرجتوا حق الوظيفه
شنو تنصحوني؟
اكمل ولا اروح اعلام؟
واخير سؤال
التخصص صعب ؟؟ :x مادري انا وايد خايفه ما امشي فيه بس حابته

والله كسرتي خاطري

شوفي انا وحده دخلت هالتخصص لاني صج احب الانجليزي بس لو ارد فيني الزمن جان رحت تخصص ثاني !
وانصدمت انه الاعلام اللي كان طايح من عيني طلع مطلوب بالبترول والهيئة العامة للصناعة :080402ask_prv:

انا كنت linguistics وكان مو صعب بس يبيله دراسة ودراسته حلوه !

نصيحتي استخيري وشوفي

 

[أوراق مبعثره !]

انا وحده حااااشني اكتئاب من هالتخصص .. ما انصح احد فيه لو بايدج حولي من اداب لي علوم اداريه وايد احسن !! كل تخصصاته مطلوبه لو يرجع فيني الزمن اتخصص علوم اداريه محاسبه او حتى تمويل او تسويق احسن من كل تخصصات الاداب

 

[- MaRsHmaLLoW -]

انا كنت علوم اداريه وحولت اداب عشان انجليزي والحين الصراحه وايد متخوفه
وانا اساسا كل تفكيري حق المستقبل شنو راح اصير وين راح اشتغل هذا الي هامني
وكلش مو طموحي مدرسه او بالقطاع الحكومي
مادري الصراحه وايد محتاره ومتردده وخايفه
انشالله بستخير
بس انا مادري مو حاسين ان وايد فرق من اداريه لي انجليزي لي اعلام ؟
انا الصراحه كلش ما كنت حاطه في بالي اعلام بس موادهم حلوه واحس مجالاتهم بعد التخرج وايد
مادري انا كل هالكلام قاعده اقوله بدون خبره قلت استفيد منكم
وسوري اذيتكم معاي

 

[أوراق مبعثره !]

مارشملو << شوفي التخصص اللي مرتاحتله تخصصي فيه بالنهايه كل مكان يبيله واسطات وخريجين كل الكليات مولافين شغل
واذا انتي محتاره استخيري احسن ..
وافا عليج لا اذيه ولاشي اخت عزيزه وغاليه ومو تنسينا بدعواتج

 

[Gilmore Girl]

اشلونكم بنات

في احد عنده فكره عن هالاماكن:

المجلس الوطني للثقافة والفنون والاداب

الادارة العامة للاطفاء

وزارة النفط


مشكورين

 

[أوراق مبعثره !]

لا والله انا ماعندي فكره بس اشوفلج ان شالله

 

[Gilmore Girl]

مشكوره حبيبتي اوراق مبعثره

 

[أوراق مبعثره !]

للأسف لحد الحين مالقيت احد يعرف عنهم .. ان شالله بحاول اسال بعد

 

[ام يوسف 06]

انا ما انصح بالمجلس الوطني المكان ميت والمعاش عادي

 

[أوراق مبعثره !]

أنـا بصــراحه بديت احس بملل ..

 

[dewy twilight]

مشكوره اوراق مبعثره على الموضوع الحلو اللي يمعنا وخاصة ان كلنا انجلش ونفس الحالة ناطرين وظيفه
انا خريجة اداب انجليزي 2009 لينقويستيكس
مرحبا مارشمالو ,, واللله تخصص الانجليزي وااااااايد حلو وممتع واذا انتي حابة اعلام خلي مساندج اعلام مع الانجليزي او اذا حابه الاداره انا تخصصي انجلش مساند ادارة عامه بالعلوم ادارية ووايد حلو
وبالنسبه حق دراسة الانجليزي بالاداب عندنا وايد حلوه وممتعه بس لازم تكونين حابه التخصص ومقتنعه فيه واستخيري حبوبه والله كريم

 

[Gilmore Girl]

انا ما انصح بالمجلس الوطني المكان ميت والمعاش عادي

صج والله !!!

مشكوره حبيبتي ما قصرتي

 

[أوراق مبعثره !]

ديوي تويلايت << حياج الله اختي

بنات ليلحين ماكو اعلان حق وظايف يبون انجليزي ؟

 

[نونه العنونه_H]

يااااااي الحمدلله لقيت فئه أنتمي لها _03BA:
بنات انا نفسكم آداب و لنغوستكس ودفعة 2003 وبطاليه :0bee2e8d89:
اي شي اسمع عنه انشالله اقولكم
موفقين :tek: