تجمـــــع خريـجـــات آداب لغــــــــة انجـليـــــزيـــه

[أوراق مبعثره !]

السلام عليكم ،،

:aha:

شلونكم بنات شخباركم ؟

هذا تجمع حق خريجات اداب اللغه الانجليزيه ، ان شالله بحاول اذكر الاماكن اللي طالبه هالتخصص

وكل ماينزل اعلان عمل طالب هالتخصص باذن الله راح انزله اهني .. واللي تسمع عن اعلان طالبين تخصصنا ياريت تبلغنا

تقدرون تتكلمون عن مشاكلكم او تطرحون اي سؤال بالكم عن هالتخصص

وحياكم الله سواء كنتوا موظفات او مثلي ليلحين بطاليه لووول

واتمنى من الموظفات يقولونا وين يشتغلون ؟ وشنو طبيعه عملهم ؟ شلون المعاشات ؟ وهل مرتاحين بمكان عملهم ولا لا ؟ واهم سؤال هل ينصحون ان احد يتوظف عندهم ؟

وبليز انكم تدعولي ان الله يوفقني


ومشكورين

:33_1185028183:​

 

[أوراق مبعثره !]

رد: تجمع خريجات آداب اللغه الانجليزيه

هذي اسامي بعض الاماكن اللي طالبه تخصص اداب لغه انجليزيه من الديوان :eh_s(6):

وزاره التربيه

وزاره الصحه

الاداره العامه للجمارك

وزاره التجاره والصناعه

وزاره العدل

وزاره الاوقاف

وزاره الاشغال

الاداره العامه للطيران المدني

المجلس الوطني للثقافه والفنون والاداب

وزاره الكهرباء والماء

الامانه العامه للمجلس الاعلى للتخطيط والتنميه

وزاره الداخليه

وزاره الدفاع

الاداره العامه للمطافي

وزاره النفط

الهيئه العامه للتعليم التطبيقي

بلديه الكويت

وزاره المواصلات

الهيئه العامه لشئون القصر

وزاره التعليم العالي

وزاره الماليه

المؤسسه العامه للرعايا السكنيه

وزاره الاعلام

وزاره الشئون الاجتماعيه والعمل

معهد الكويت للابحاث العلميه

جامعه الكويت

الديوان الاميري


بس على حسب علمي وزاره الماليه التوظيف يكون عن طريق كتاب من الوزاره نفسها و جامعه الكويت ومعهد الابحاث عن طريق اعلان اهم ينزلونه مو عن طريق الديوان ..​

​

 

[AmOoNa-]

هــــاى
انا خريجه لنقوستكس دفعه 2003 بس هالسنه تخرج شهر واحد والديوان رشحني حق اماكن بايخه واخر شي قبلوني الجامعه الحين وانشاللله خير

 

[أوراق مبعثره !]

انا خريجه لانغويستكس جامعه الكويت 2005 .. رشحني الديون حق الجمارك ورفضت

تقصدين بتشتغلين بالجامعه ؟ متى قدمتي شهر 11 ؟

وبالتوفيق ان شالله

 

[سيدة المطر]

متى راح تفتح جامعة الكويت باب التوظيف ؟
سؤال ثاني: معاش مدرسة الانجليزي جم ؟

 

[AmOoNa-]

قدمت شهر 5 وتوهم يقبلوني
معاش المدرسات 850 شي جذي

 

[أوراق مبعثره !]

سيدة المطر << توه مسكرين باب التسجيل قبل اسبوع واهم تقريبا كل 6 اشهر ينزلون الاعلان يعني تقريبا على شهر او 6
ومعاش المدرسات تقريبا 850 دينار

امونه << بالتوفيق ياقلبي

 

[سيدة المطر]

الله يعطيكم العافيه . طيب انتو شرايكم بالتدريس؟ تشجعوني عليه ولا اشوف أي وزارة؟

 

[سيدة المطر]

وإذا بروح للتدريس متى يفتحون باب التوظيف وزارة التربية؟ ولا ماكو وقت محدد يعني أروح لهم على طول ؟

 

[أوراق مبعثره !]

سيده المطر << اذا انتي حابه التدريس وتحبين التعامل مع اليهال الله يوفقج

التوظيف عن طريق وزراه التربيه يكون عن طريق الديوان والديوان مسكرين باب التوظيف بس ان شالله راح يفتحونه اول شهر 12 .
التسجيل يكون عن طريق موقع ديوان الخدمه المدنيه بالنت ..

 

[سيدة المطر]

بس وزارة التربية فتحو باب الطلبات قبل الديوان بفترة... هالحجي اذا ماخاب ظني كان بشهر 9 اللي طاف... حطو إعلان بالجرائد الرسمية عن حاجاتهم للتخصصات ... فـ مادري شالفرق بينه وبين الديوان ؟

وأكو شغلة ثانية .. اذا قبلوني أقدر أختار ثانوية على طول ؟ لأن تدريس الأطفال صعب يبيلة صبر وتحمل ..

 

[أوراق مبعثره !]

اعتقد الاعلان اللي نزل شهر 9 كان ان عندهم نقس مدرسين في تخصصات معينه واللي يبي يسجل بالديوان وينقبل على طول مثل ماسوت وحده من صديقاتي بالغلط

اتي تربيه ولا اداب ؟

 

[candlewhisper]

سلام عليكم اوراق مبعثرة
انا تخصصي لغة ( لينكويستكس) وتوني بالصيفي تخرجت
قدمت على كذا مكان اول مرة اقبلوني بالداخلية للي ما كان اساسا من رغباتي فرفضته والحين اقبلوني بالبلدية
مادري ناطرة يقولولي متى اداوم واباشر ان شاء الله خير
انا عن نفسي رحت وشفت الفرع للي اقترحوا علي ووايد ارتحتله لانه قريب مننا

سمعت عن الابحاث العلمية بعد طالبين تخصصات انجلش للي معدلهم 3 وفوق وتقديمهم اون لاين وللحين مستمر واعتقد لي قبل العيد

بغيت اشكرج وايد على الموضوع انج جمعتينا لانه فعلا محتاجين اننا نتجمع وشكلنا بعد عارفين بعض لانه متخرجين من نفس التخصص والكلية ولا نفس الوقت بعد
واي شي يديد يصير راح اكتبه ان شاء الله

 

[ام يوسف 06]

حبيبتي وين قريتي انه الديوان الاميري طالبين تخصص انجليزي و متى هل كلام وشكراااا

 

[أوراق مبعثره !]

كاندل ويسبر حياج الله اختي وانا ماسويت شي بس مو تنسوني بدعواتكم

ام يوسف << من موقع ديوان الخدمه بس ما اعتقد التقديم حق ديوان الخدمه عن طريق الديوان اما عن طريق كتاب مثل وزاره الماليه او اعلان ينزله الديوان الاميري وبصراحه ماعندي فكره ..

 

[Gilmore Girl]

يعطيج العافيه اوراق مبعثره على التجمع :ggdw:

وااااي بنات كبرتوني طلعت انا اقدم خريجة فيكم !

انا دفعة 2002 وكان تخصصي هم Linguistics

خل اقولكم شنو صار معاي امس افتريت فراره. اول شي رحت وزارة الكهربا والماي وسألت اذا محتاجين تخصصي قالتلي اللي بالشئون الادارية انتي قدمي نقل وبعدين نشوف اذا محتاجين والا لأ بس شكلهم يبون لان قالتلي في قسم ما فيه الا موظفة وحده مترجمة بس اللي ما عجبني انه فيه مراجعين والمعاش ما يعدي ال 650 تقريبا (انا بطلع من دوامي عشان هالسببين ) وهم قالتلي في قسم العلاقات العامة ياخذون مترجمين حق المؤتمرات والوفود يعني الللي فهمته منها انه ترجمة فورية !

بعدين رحت الهيئة العامة للصناعة. طبعا مبناهم راقي ويديد وهدوء ! سألت عن تخصصنا جان تقولي الموظفة ما نبيه لان عندنا اكتفاء ونادر ما نطلبه. ورتني اعلانهم والا تخيلوا طالبين اعلام واحنا ما يبونا والله حرام ! وبعدها رحت التأمينات وسالتهم طبعا نفس الجواب ما نحتاج تخصصكم ! يعني ابفهم جم واحد بالكويت قاعد يشتغل بنفس تخصصه شنو احنا بنحل معادلات ولا ابنبني بيوت يا ربي الواحد يتعلم !!!
باختصار حاشني احباط مو طبيعي :eh_s(11):

ماقول الا الله يعوض صبرنا خير والبنات اللي بعدهم ما تخرجوا اقولكم غيروا تخصصكم اذا بتتخرجون ومو ضامنين الواسطة :dddds:

 

[AmOoNa-]

عفواا عفوا غلطه مطبيعيه بردي .. قابلوني الجامعه مو اقبلوووني

 

[أوراق مبعثره !]

جلموور غيرل << مشكوره ياقلبي على مشاركتج معانا .. حده صدمه ادري لووول نفس الحاله
امونه << عادي نفهم البدليات

ياجماعه انا قررت بكمل ماستر اشرفلي بس بره الكويت مابي اكمل بجامعه الكويت لندن 9 اشهر وانا خالصه بدل هالنطره اللي مالها داعي

 

[سيدة المطر]

اعتقد الاعلان اللي نزل شهر 9 كان ان عندهم نقس مدرسين في تخصصات معينه واللي يبي يسجل بالديوان وينقبل على طول مثل ماسوت وحده من صديقاتي بالغلط

اتي تربيه ولا اداب ؟

هلا أوراق , إي وجنه راح يفتحون أول شهر ديسمبر
أنا آداب (لينغويستكس)

 

[سيدة المطر]

سلام عليكم اوراق مبعثرة
انا تخصصي لغة ( لينكويستكس) وتوني بالصيفي تخرجت
قدمت على كذا مكان اول مرة اقبلوني بالداخلية للي ما كان اساسا من رغباتي فرفضته والحين اقبلوني بالبلدية
مادري ناطرة يقولولي متى اداوم واباشر ان شاء الله خير
انا عن نفسي رحت وشفت الفرع للي اقترحوا علي ووايد ارتحتله لانه قريب مننا

سمعت عن الابحاث العلمية بعد طالبين تخصصات انجلش للي معدلهم 3 وفوق وتقديمهم اون لاين وللحين مستمر واعتقد لي قبل العيد

بغيت اشكرج وايد على الموضوع انج جمعتينا لانه فعلا محتاجين اننا نتجمع وشكلنا بعد عارفين بعض لانه متخرجين من نفس التخصص والكلية ولا نفس الوقت بعد
واي شي يديد يصير راح اكتبه ان شاء الله

كاندلوو ههههههههههه الله كريم :eh_s(3):