تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[نونيشو]

السلام عليكم بالتوفيق يا بنات وهانت انشالله مابقى الا البسيط انشالله ربي يسهل علينا ولايخسر تعبنا ويفرح قلوبنا وقلوب اهلنا بالنسبه العاليه ربي يحقق حق كل وحدة فينا طموحها

 

[خوش كلام]

بنااات حدي محتاره
ومشوشه افكاري

ابي اللي تشور علي وتساعدني..
انا خريجة ادبي اول دفعه نظام موحد 2009-2010

ع نهاية السنه بفترة ماقبل لحد عطلة الامتحانات ومابعدها
يتني ظروف صعبة خلتني مابطل كتاب ولا ادرس كللش

ماحضرت امتحان الدستور ولا الفلسفه ..
وامتدت الظروف والحاله النفسيه لحد ايام الدور الثاني وهم مابطلت كتاب

ورسبت بالمادتين وطلعت نتيجتي مع الرسوب 77%

تزوجت ولهيت بالزواج والحياة ومشاكلها
وحاليا انا منفصله
وابي ابني نفسي من اول ويديد..
واحقق طموحي أني اصير مدرسة انجليزي لاني شاطره بهاللغه..

وماقدر ادخل مسائي لاني موظفه بالفتره المسائيه
ومعتمده وايد ع وظيفتي
وماقدر اخليها..

فكرت اني ادخل منازل
بس اللي مخليني متردده
ان المنازل تمتحنين الفصلين
وانا مخي من غير شي مشغول
يعني يادوب انجح وانا ابي نسبه!

بما ان اهل المئوي اول يمتحنون الفصلين نهاية السنه واهل الموحد يمتحنون كل فصل بفصله.. هل راح اهل الموحد في الدراسه المنزليه راح نمتحن كل فصل بفصله والا الفصلين نهاية العام?

وهل راح يكون نظام اهل النظام المنزلي تنحسب لهم بنهاية العام النظام المئوي ويستبعدون عن النظام الموحد??


ادري قرقت وايد والله يعينكم علي

بس جد محتاجه اجاباتكم لأن حدي محتااااااره

 

[^^طالبه^^]

حبيبتي المناازل مالهم درجات اعمال
الدرجه كلها علي الاختبار
و مافي فرق انتي خريجة موحد ولا كانت وحده غيرج خريجة مقررات وعايده تبي نسبه
نفس الامتحان

وانصحج دشي مسائي
شوفيني انا كنت بدفعتج وطلعت نسبتي 72
والحمدالله الحين عايدتها باقي لي باجر اخر امتحان احصاء وان شاءالله نسبتي زينه بأذن الواحد الاحد
و انصحج وانصحج مسائي انا كنت بدفعتج وحاااسه بالي تحسسسينه

 

[queen-amoon]

بششررررروو بنااااات

 

[queen-amoon]

بنات كل وحده تكتب اسم ثانويتهاااااا

عشان تفيدناااا والله يجزاكممم خير وتحققون الي اتمنونه ان شاءالله

 

[^^طالبه^^]

الحمدالله الحمدالله اللهم لك الحمد والشكر
حققت الي ببالي
ووصلت له بالجهد والاجتهااااد
جعل ربي يفرحكم مثل فرحتي واكثر

 

[منـآل]

الف الف مبروك طالبه
والحمد لله يارب اجتهدنا ووصلنا للي نبي بمجهودنا
ماراح تعبنا خساره ..
وإن شاء الله مثل ما فرحنا ربي بالنسبه الحلوه
نفرح بالقبول بالتخصص اللي نبيه

والف مبروك لكل البنات والله يوفقكم ويوفقنا

 

[حليوه]

اللهم لك الحمد والشكر

هم وانزاح

المسائي يبيله التزام ودراسه مؤ مثل ما توقعت لعب وفلته
وبنفس الوقت مؤ صعب

الحمد الله نسبتي حلوه


يلا بنات المسائي وينكم بشرونا

 

[queen-amoon]

الف مبرووووك للجميع


بنات فيدونا اي ثانويه لااان بنعيد ١٢


وجم نسبكم!

 

[سندس 90]

اللهم لك الحمد
نسبتي 74
بس كاافي اني تعبت واجتهد
وارتفعت عن نسبتي اللي قبل ب ٩ درجات
صج التراكمي خفس فيني بس ربي لك الحمد راااااااضيه تماام الرضاا
والحمد لله عديناها بنااات الحمد لله هم وانزاااح

 

[سندس 90]

وانصحكم نصيحة
عيدوها ولا تترددون كله سنه وتمر بلمح البصر

 

[ضــمــاد]

ألف ألف ألف مبروووك



يلا بنات لاتبخلون علينا بتجربتكم , ياليت كل البنات اللي خذوا المسائي يقولون لنا تجربتهم الشخصيه


من ناحية الدراسه + الوقت + المواد الصعبه + الواجبات + الامتحانات + المدرسات + طريقة دراستكم


امتحان الفاينل بما انكم توكم خالصين أكيد ذاكرين طريقة الامتحان , هل الاسئله من بين السطور ؟


شلون الأحصاء :$ وشلون امتحانات هالماده ؟!


بنات عسى الله يوفقكم ويفتحها عليكم , ياليت تكتبون لنا بالتفصيل عن هالتجربه , عشان نستفيد


ونتعلم من أخطائكم

 

[^^طالبه^^]

من ناحية الدراسه
صدقيني ماعمري جيت البيت عقب المدرسه وفتحت الكتاب
لان تركيزي كله ويا الابله بصف و اول وحده قاعده قبالها
وغياب الحمدالله ماعلي غيااااااب حتي كان يوم الخميس ادااااومه
انا كنت داشه ابي شيء والحمدالله تحقق

المواد والوقت
بنسبه لي بدراسة المواد مع الابله ماكنت مستصعبه شيء لان دراستي يوميه وياها وما اغيب الحمدالله والمدرسات صدقيني يساعدون يساعدون حتي الابله الي كانت نذله علي قولت الطالبات اخر السنه عطتهم الاعمال كامله من 24 كاامله
بس في مشكله بسيييطه ويمكن تتجاوزينها ويمكن تخفس فيج وماتخليج تكملين الي اهي مشكلة الدوام للمدرسه تدرين انتي بنت 5 ايام من الساعه 4 الي 9 بالاحد والاثنين ماتكونين ويا اهلج ومن 4 الي 8 ونص بالثلاثا والاربعا والخميس ماتكونين ويا اهلج عصبببه عليج مراح تتحملينها علشااان جذي اسسي لج علاقات بالمدرسه مع الشاطرات نصييحه لابد فيه شاطرات وعندهم هدف انا كانت وياي وحده بصفي كبيره جده عمرها يمكن فوق 45 عايدتها وياي وجابت نسبة 71 ماشاءالله عليها وكان عندها طموح ياحليلها تقول ان جبت 75 بدش التربيه الاساسيه ويااج احجزيلي كرسي هههههههههه الله يذكرها بالخير


بنسبه للامتحانات
اللهم لك الحمد والفضل ما جبت مدرسه خصوصيه ولا افكر اجيبها اصلن
لاني ماره علي المنهج قبل وعارفه شنو الاسئله المحوريه ودراستي تكون قبل الامتحانات بآسبوع
والماده الوحيده الي غرزت فيها بدراسه الانقليزي كنت احفظ ست بوك وكلمات وكل شيء
بس كنت ارجف منها يوم الامتحان لدرجة طلعت الورقه الاولى مزفته وقلت يالله سترك معني ححاله بس ربي ستر علي الورقه الثانيه وصارت زينه وياي
والفررنسي قلت اذا مافي مترجمه بالمدرسه الي نمتحن فيها راح نزفت بس اشوا راحو البنات عقب الامتحان الاول قالو نبي متررجمه تترجم الامتحان الفرنسي والانقليزي واذا مو عندكم بلغو المنطقه التعليميه هذا من حقنا
وفعلا كانت في ابله تونسيه بنفس المدرسه تدرس انقليزي وعليه مسكينه تترجم وتقول الاجابه بنفس الوقت واهي ماتدري ومعضم البنات خلصو بسسرعه لانها اهي تترجم وماتدري وين الاجابه اصلن وتقولها بلسانها حبيتها من اول نظره :$
لولاها انا رايحه ماجبت هالنسبه بفرنسي

وبعد شنو وبعد شنووو
صح بالمذاكره
ماكنت اعتمد الا علي الكتاب وتخطيطي مع الابله
لان بمسائي مايدرسونج اساسا يعلمونج شلون يجي الامتحان والاسئله الي تجي فيه لانج انتي خالصه 10 و11 قبل 12 واكيد تعرفين الدراسه
والاسئله وخصوصا بمواد الادبيه جغرافيا وتاريخ والفلفسه و ركزي علي الفلفسه الاسئله فيها بين السطوووووووووووووووور اكثرها ماتجي مباشره الا يمكن الخرايط
بس اهما يأهونج للامتحان لدرجه لو تمسكين كتابي كله اسئله ومخططه بكل المواد هذي حال المدرسات مايتركون سؤال واحد
بالفعل الله يعطيهم العافيه
والاحصاء بنسبه لي كااااان سخييف سخييف من اهني لي الصيييييييييييييييييييييييييييييين لان ميولي اصلا علميه


وبنات نصيحتي لكم الي بتعيدها لا تردد ابدا الحمدالله كم بنت اهني حققت طموحها وانا منهم لله الحمد والتجمع كان من شهر 8 الي طاف والحين بعد سنه شوفو وين وصلنا كلن حقق طموحه بعد كنا نقول يارب يارب ننجح


والي تبي اي شيء ترسلني خااااااص

 

[سندس 90]

انا جربت الصباحي والمسائي
اكتشفت ان مدرسات المسائي ممتااازاااااات وعندهم ضمييييييير
والصباحي خواااره ومايعرفون يشرحون
وفوق هذا يعطونج الاعمااال كااامله وغيبي على كيفج

 

[بنفسجيه_Q8]

الله يوفقكم ان شاء الله السنه الجايه انا وضماد
نكون مع بعض
مع انه المفروض السنه هذي
بس يلا خيره

 

[^^طالبه^^]

بنفسجيه ليش انتي ما اقبلوج التفرغ الدراسي عربي ؟؟

 

[queen-amoon]

الف مبرووووووك والله فرررحت لكمممم
وعسى ربي يوفقكمممم وتحققون الي اتمنونه

 

[__amool]

منـآل

سندس 90

حليوه


^^طالبه^^


بالمبارك يا بنات الله يتمم فرحكم والله يهنيكم

استانست لكم

 

[__amool]

الفال للكل

 

[__amool]

اي بنفسجيه وافقوا دوامج عالتفرق ؟؟