تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[توليا]

أهلين طهر ..
ليش لا كل شي جايز ..
اعرف بنات علمي نسبهم وصلت 80 ونفس حالتج
دوام صبح وعصر ..
اي بس هذولا المواد وغيرهم مايحتاج ..
اذا حسيتي نفسج ضعيفه بشي من المواد الثانيه
هاتي مدرس قبل الاختبار بس ..
والتسجيل شهر 9 بالمدرسه نفسها ..
وموفقين خير ياربي ..

 

[queen-amoon]

تواليا ابيج بالخاصص زيدي مشاركاتج

 

[نبض آلخفوق]

بناااااااااااااااااات عفيه الله يوفقها ياااارب اللي ترد علي وتريحني ... الله يخليكم ردوا وطمنوني..
انا شهادتي 2009/2010 اذا بقدم عالتطبيقي الحين ماراح يقبلوني صح لأن شهادتي صارت قديمه انا بدون وامي كويتيه....

السؤال الثاني بعيد رابعه ثانوي مسائي يصير ولا لأ...لأن سمعت مافي تحسين نسبه للبدون .
حنا برمضان ربي يوفقها بحياتها اللي ترد علي .....طمنوني وريحوني مستقبلي ضاع التطبيقي شهادتي صارت قديمه والمسائي مافي تحسين نسبه للبدون

 

[^^طالبه^^]

اي نعم شهادتج تعتبر قديمه بالجامعه بس التطبيقي الله اعلم ما ادري جنه يقبلون

المهم

وعادة رابعه ثانوي حق البدون يصير كانت ويانا عضوه اهني ويانا نفس حالتج واظن امها بعد مو كويتيه ابوها عسكري
ودشت وعدتها ا

اسمها سندس90 راح تلقين ردها بالصفحات الي فاتو

 

[نبض آلخفوق]

ياعمري انتي طمنتيني .... انا عادي اروح الاسبوع للجاي للتطبيقي واقدم اوراقي بس خايفه عالكورس الثاني انصدم ان اسمي موموجود ..اصير لاني بالتطبيقي ولاني عايده رابعه مسائي ..



سندس وينج ؟

 

[^^طالبه^^]

حبيبتي روحي قدمي الشهايد التطبيقي الي تعتبر قديمه الي اهي علي النظام القديم
الموحد كلهم مايتعتبرون قديمات فهمتي حبوبه

 

[__amool]

اهلييين بنات


الله يوفقهم اللي عادوها واللي بيعيدونها

طالبه سندس موبدون سندس خليجية وابوها عسكري

نبض روحي المنطقه وساليهم قولي لهم امج كويتيه وزوجج كويتي
اعتقد واذا بوج عسكري شوفي شيقولون

والله يهون عليج حملج وتحققين طموحج وامالج

 

[__amool]

طالبه شوفي الخاص دازه لج مسج قبل جم يوم

 

[kanoosha]

بنات عفيه ريخو قلبي صج اللي متخرجه من قبل من تطبيقي مادش مره ثانيه التطبيقي انا تخرجت من دورات خاصه والحين ابي تربيه عفيه ردو علي

 

[نبض آلخفوق]

اي كنووشه مايصير تقدمين مره ثانيه ...بس مره وحده التطبيقي

 

[نبض آلخفوق]

طالبه بس التطبيقي حاطين قوانين للوافدين والبدون ان الشهاده اقل شي سنتين اذا مر عليها ااكثر من سنتين تعتبر قديمه ..ياااااربي مستقبلي ضااااااع حسبي الله ونعم الوكيل ..الحين شسوي لا للتطبيقي يقبلون لان شهادتي قديمه ...والمسائي مايصير تحسين نسبه للبدون

 

[^^طالبه^^]

نبض توني توني توني توننني جااايه من التطبيقي وماخذه ورقة تسجيل يدوي
وكلمت مدير التسجيل بنفسه وعطاني الورقه
وقلت انا مقبوله بتجاريي ومتخرجه منه وبسجل ثاني مره قالي تسجيلج يدوي واخذت و ورقه تسجيل و ملف وباجر يوم البنات بروح اقدمهم

فعادي تسجيل ثاني مره

 

[سندس 90]

نبببض
انا سعوديه امي وابوي تصدقيييين يوم بغييييت اقدم على المسائي قالو لي مايصيييييير
الا زوجة كويتي ، كويتيه ، امج كويتيه
بسسس
وانا زوجة كويتي والحمد لله عدت على خيييير


نبض توكلي عالله سبحااانه ولا اطوفينها نصييييحه
وخصوصا امج كويتيه وزوجج كويتي يعني سهالات بإذن الله


جيبي عالاقل ٧٥٪ وتدشين ان شالله تربية او ٧٨٪
وتدشين جامعه الكويت
وموفقه ان شالله

 

[نبض آلخفوق]

بعد عمري سندس ربي يفرج همج انشاءلله حبيبتي طمنتيني

 

[نبض آلخفوق]

سندس اخوي العام جاب نسبه 79 ادبي وقدم عالتربيه ماقبلوه . .يبون اقل شي 85 للبدون

 

[queen-amoon]

الله يوفق الجميع

 

[سندس 90]

ليش يا نبض امج كويتيه
رفيجاتي كلللللهم بدون امهاتهم كويتيات
والله مايقعدون كورس واااحد
وماشالله حالهم حال الكويتي
ولله 75٪ تربيه واحسسسن تخصص واعانه مثل الكويتي

يمكن انتم ماتقدمون جنسية امج لاااازم تقولين انا امي كويتيه وجيبي الاثباتات

 

[توليا]

مون ..
جم لازم تكون مشاركاتي ؟؟!

 

[لولوةة]

نبببض
انا سعوديه امي وابوي تصدقيييين يوم بغييييت اقدم على المسائي قالو لي مايصيييييير
الا زوجة كويتي ، كويتيه ، امج كويتيه
بسسس
وانا زوجة كويتي والحمد لله عدت على خيييير


نبض توكلي عالله سبحااانه ولا اطوفينها نصييييحه
وخصوصا امج كويتيه وزوجج كويتي يعني سهالات بإذن الله


جيبي عالاقل 75٪ وتدشين ان شالله تربية او 78٪
وتدشين جامعه الكويت
وموفقه ان شالله

سندس حبيبتي انا امي وابوي سعوديين وعدت مسائي عادي سهالات
دول مجلس التعاون يقدرون يعيدون مسائي اذا كانوا دارسين الثانوية كلها بالكويت وحتى لو مو متزوجة او زوجها مو كويتي

والله يوفق الكل

 

[منـآل]

بناااااااااااااااااات عفيه الله يوفقها ياااارب اللي ترد علي وتريحني ... الله يخليكم ردوا وطمنوني..
انا شهادتي 2009/2010 اذا بقدم عالتطبيقي الحين ماراح يقبلوني صح لأن شهادتي صارت قديمه انا بدون وامي كويتيه....

السؤال الثاني بعيد رابعه ثانوي مسائي يصير ولا لأ...لأن سمعت مافي تحسين نسبه للبدون .
حنا برمضان ربي يوفقها بحياتها اللي ترد علي .....طمنوني وريحوني مستقبلي ضاع التطبيقي شهادتي صارت قديمه والمسائي مافي تحسين نسبه للبدون

حبيبتي لا تحاتين
اعرف وحده بدون وامها كويتيه عادتها العام مسائي
وحالياً اهي طالبه بجامعة الكويت

وكذلك هالسنه معاي بدون امها كويتيه عادتها
وكاهي قدمت عالجامعه
دام امج كويتيه بالامور الدراسيه غالباً تتعاملين معاملة الكويتي

وحبيبتي سندس
اتذكر في بداية التجمع قلتي انج بدون وزوجج كويتي !!
يمكن مخربطه مادري !؟
وترى المسائي يقبلون دول مجلس التعاون حَتْىّ لو ماكان الزوج كويتي
لا وبعد كانوا معانا مصريه وسوريه


بنـْات ..
ياليت الوحده تتأكد من معلوماتها قبل تنقلها للبنات
احنا كنا في مكانهم ونعرف شكثر عندهم اسئله ويحاتون
فـ ياليت محد يفتي من عنده
اقل شي نقول لهم روحوا المنطقه التعليميه واسئلوا