تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[الماسه سوريا]

بنات مين منكم بمدرسه الثانويه السالميه يلي قبال الجمعيه وشو رايكم فيها وهل في غيرها بمنطقه السالميه ؟؟؟؟؟

يلي بيعرف شي لا يبخل عليي بليز

 

[أميـ الورد ـرة]

السلام عليكم بنوتاات

ششلونكم شخباركم

عفيه بنات انا حححدي ضايعه بالانجليزي والفرنسي والاحصاء

ابي مدرساااا شاطرااااات يفهموني عدل بمنطقة الجهراء

تكفون اللي تعرف تعطيني ارقامهم

 

[aljoori]

السلام عليكم ..

سؤالي .. أقدر أقدم مسائي ؟؟ أنا أدبي من السعوديه وجنسيتي سعوديه وشهادتي قديمه ... كنت أدرس في جامعة الملك سعود وحولت لجامعة الكويت بس المعدل كان نازل أعشار .. فرحت للتطبيقي وتخرجت من سنتين ...

فيني حره على الجامعه أبي أكمل الجامعه ودراسات عليا اتهقون يوافقون أعيد الثانوية معاكم ؟

 

[متأملة خير]

الله يوفقكم كلكم

كان نفسي اقدمها هالسنة بسس ماخلصت اوراقي


كانو يبون شهادة ثالثة الاصلية وماعندي الا الصور




فقالو طلعي شهادة رابعه اللي قدمتها منازل وقدمنا طلب يطلعونها




وروحة وردة اخر شي المنطقة التعليمية مارضو قالو التسجيل وقف الخميس




معنه رحت لهم يوم الاحد وقالو يلا خلصي الاوراق وناطرين توقيعهم




ومحد وقع ، ليتني ماقدمت ولافكرت احبطوني اكثر ما اناا متحبطة من اللي حولي وشماتتهم




الله يسهل عليكم حبايبي ويحقق لكم امانيكم

 

[سندس 90]

^^^^
آميييين أجمعييين

وشوفي والله السنه بتررركض ولا شووفي ألحين بندخل بششهر 11 سبحان الله
وحطي أوراقج بملف وعدليهم وحطيهم بكبتج والنواقص كتبيهم بورقه عششان بسسرعه تخلصيين



بنات نصيحه ترا عندكم فرصه السنة الجايه بسس عقبها بيغيرون المناهج كلللها والله صعب صعب صعب ،، أقولكم شلون
أختي ألحين بعاشر تدرون شنو :
القواعد الانجليزي خلصووها يعني اللي الحين ندرسها اهم درسوها وخلصو
الاحياء والكيمياء والفيزيااء ناااااااار مووت صععععب مال 11 و 12 علمي
والعربي يبوووي
ومايوصلون رابعه الا يمكن يدرسون مناهج الطب والهندسه
فأكيد اللي بتعيدها معاهم بتمشي على مناهجهم الصعبه
فعندكم السنه الجااايه نفس المناهج اللي ندرسها الحين



والله يوفق كل وحده بهالتجمع المبارك يااااارب

 

[kanoosha]

الله يبشرج بالخير طالبه؛؛والله حدي خايغه وافكر من النسبه ذبحني التفكييير خايفه من للانجليزي والعربي كلش موقادره ادرس لهم

 

[حرم راشد الماجد]

صاجه طالبه حتى احنا قالولنا بالمدرسه ان حاسوب وقران ودستور داخل المدرسه وعليهم 24 درجة

 

[بنفسجيه_Q8]

مرحبااا

شلونكم وشلون الدراسه بنات للحين مو مركزه بدراسه وغبت الاربعا والخميس
بس سبحان الله ترى الوقت مشى بسرعه دشين بشهر ١١ تقريباً
يعني لا تفكرون تسحبون اوراقكم حتى لو ما اخذتوا درجات من الابله شدوا حيلكم بالامتحانات
والله يوفقناا
انا مادرست ولا عندي وقت ارجع الدروس للحين احول انظم وقتي والله المستعان
كثروا استغفر


سويت رزنامه اشطب على الايام اللي تعدي باجي ١٣ اسبوع على امتحانات الفانيل وناسه الايام تمشي بسرعه

 

[kanoosha]

يعني القران والحاسوب والدستور يرفع النسبه اذا يبنا فيهم فل مارك؛؛؛؛؛؟متي امتحانات نص السنه؟

 

[ملاك الدهمشي]

مرحبا بالبنات الشاطرات المجتهدات
شخباركم
شلون المذاكره انشالله ماكلين الكتب
انا الحمدلله التاريخ والاسلاميه والفرنسي والاحصاء والانجليزي ماشيه تمام
ومذاكرتهم اول باول
بس الباقي في ملاحظات عليهم
واحس المذاكره اول باول تخفف علينا التعب بامتحانات نهاية الكورس
وقت الامتحانات تكون بس للمراجعه ومرتاحه عالاخر
حبوبات اللي عندها خبر عن اوقات امتحانات الفاينل وونص السنه
تفيدنا متى

 

[بنفسجيه_Q8]

السلام عليييكم

شلونكم




انا موقاعده ادرس اول بأول احس ماعندي وقت كلش


والابلات ماحفظو اسمي للحين متضايقه من هالشي


وبخصوص امتحانات الفاينل تاريخ ٣٠ يناير تبتدي يعني اخر واحد




كنوشه:
حبيبتي لا تستهينين بالمواد مهما كانت شدي حيلج
انا خايفه من العربي والانجليزي لانه النسبه الاكثر عليهاا

 

[ملاك الدهمشي]

بنفسجيه خليج قاعده اول شي عشان يحفظون اسمج وحاولي نشاركين على طول اذا تبين الابله
تركز عليج وتعرفج عدل
ومن ناحية المذاكره كل ماده خصصي لها ساعتين
وانشالله يتنظم معاج الوقت والدراسه

 

[أميرة كويتيه]

بنات .. انا معاكم هالسنه ب 12 ادبي مسائي
و بسالكم .. انا متخرجه 2006 و نسبتي 69% قبل
و ما يمشي معاي .. نظام العاشر و الحادي عشر .. النظام التراكمي او التجميعي
كيف يحسبون لي النسبه
و هل ال 100% بايدي و الا شلوووون
جاوبوني .. اذا تعرفون .. و مشكورين
و الله يوفق الجميع​

 

[سندس 90]

ياربي يابنات والله ماادري شفيني
يعني قاعده ٣ سنوات بالبيت المفروض متحمسه لدراسه
ولا كلل المنهج ماتغيير علي كلله دارسته من قبل
وماعندي لا زوج ولا عيال
واعوذ بالله موراضيه افتح الكتاب
والله العظيم أمس فتحت الفرنسي ابي ادرس مادرست شي وقلت بنام وحطيت الكتاب عندي بالفراش ووالله قمت والحين برد انام ومافتحته
ماادري شفيني
عفيييه بنااات ادعولي اني اددرس
والله جد متضضااااايقه
الله يستر بس

 

[ضــمــاد]

صباح الورد ياخريجات


تفضلوا ..



أسئله وملخصات


( جغرافيا / تاريخ / قران / فلسفه )


وان شاء الله بكمل باقي المواد


http://www.q8yat.com/t1094863.html​

 

[بنفسجيه_Q8]

يعطيج العافيه وماقصرتي ان شاء الله السنه الجايه تكونين خريجه

 

[انثى الكويت]

هاي بنات شلونكم؟
شلون دراستكم؟
شخباركم

الدراسه ماشيه ناقصني كتاب كيميا

 

[بقلبي انت]

والله انا يابنات كنت متحمسه بالبدايه لكني الحين بديت اتحبط كلش ماعندي وقت ادرس
شغل البيت ودراسة عيالي وطلبات زوجي ماعندي وقت كلش وخدامه ماعندي جسمي مهدود حتي لرحت المدرسه
مااركز مع الابله وبالي يكون عند عيالي لانهم بروحهم بالبيت
مالقيت وحده تجيني نص دوام ابيها الصبح والمكاتب اسعارهم خياليه لنص دوام تجي وتروح
واحس بناتي نزل معدلهم بالدراسه لاني مطنشتهم وهم عليهم امتحانات فاينل بعد وحده بسادس ووحده بخامس

افكر اروح اسوي ترك دراسه اوقف هالسنه احس ابدي ماعلي عيالي ودراستهم وانا اصلا مو مفكره بالوظيفه
من الاساس بس تغيير جو داشه المدرسه الله يعيني

 

[kanoosha]

الله يعين

 

[kanoosha]

بقلبي انتي؛وديهم حق اهلج العصر بس ورديهم لما تطلعين من المدرسه وخلي احد من خواتج يدرسونهم شوي ؛اهي صعبه واللله للي عندها اعياال الله يعين ويعطينا علي قد تعبنااا