مشكوره كنوشه بس بيت اهلي مافي احد إلا امي بروحها كلنا متزوجات وعندنا عيال وكل وحده مبتلشه بعيالها
الله يعين انا خلاص قررت اوقف دراسه لكن انتوا شدوا حيلكم والله يوفقكم ويسهل عليكم الامتحانات وتجيبون احلا النسب
يارب
أستخيري .. الشهاده سلاح صاحبها بهالزمن .. كل ما كانت الشهاده عاليه كل ما كان لسلاح قوي
اذا قررتي تسحبين أوراقج هالسنه .. لا تيأسين .. السنه اليايه ان الله احيانا ردي قدمي عالمسائي
أما السنه هذي .. طالما الكتب عندج .. أبتدي لخصي ودرسي ان سمح لج وقتج مثلا الآيات / كلامات الأنقلش / الاحاديث ..
ولا تقولين حق أحد
عشان السنه اليايه لما تقدمين .. يكون عندج معلومات .. ولو سبحان الله صارت لج ظروف
ما تسحبين اوراقج .. لانج ملخصه وعندج ملخصات
اما عيالج الله يحفظم .. بعطلة الصيف ان الله احيانا .. دخليهم االمعاهد اللي يدرسون للسنه الجديده
وبنفس الوقت حفزيهم وشجعيهم .. عشان يتقبلون الفكره ويعطون من نفسهم رغبيهم وحببيهم ..
يعني شوي شوي حسسيهم بأنه الدراسه مسؤوليتهم .. أنتي اللي عليج انهم يرجعون لج بالنقطه اللي مو فاهمينها
لازم لازم لازم يتحملون مسؤولية دراستهم مهما كانوا صغار الاتكاليه على الام بالدراسه تضر اكثر مما تنفع..
وأنصحج تبحثين باليوتيوب عن الدكتور أبراهيم الخليفي وايد راح تستفيدين منه بخصوص
التربيه والدراسه وأساليب التحفيز والعقاب الفعاله مع الطفل والمراهق
عسى الله يوفقج ويسهل أمورج
وطلبت تحويل من جامعة الملك سعود لجامعة الكويت بس معدلي ما كان يسمح 
