تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[Ather ُ]

^

آاممميــــــــــن ^_^


صبآاح الخيـــر

بنات اللي عندها مواقع
او تلخيصات وترجمه للمواد
تسسدحها لنـآ

 

[جلكسيه اس 3]

بقلبي انت الشر ما ييج طبعا حالتي كانت ماتسمح اداوم و اساسا قعدت من النوم ماني متحمله رحت الطبيب عطوني تحويل و طلع فيني التهاب شديد من امس نايمه عندهم خايفه اطوفني ادروس وايد

 

[جلكسيه اس 3]

سكره توني استوعب كلامج و حبيت اقولج حرام كملي وترا كلها سنه و بعدخا بترتاحين

 

[sonic]

عندي أكثر من سؤال واتمنى تفيدوني
انا تخرجت من الثانويه تخصص ادبي ودخلت الجامعة وبعدين بتوظف على شهادتي الجامعية , وودي ادرس تخصص ثاني علمي لاني تخرجت ادبي , فهل يصير إني اعيد الثانويه تخصص علمي ؟ وكم سنه اعيدها ؟ اعيدها كلها ولا بس رابعه ثانويه ولا شلون ؟ , وهل يصير خلال فترة وظيفتي اعيد الثانويه مسائي ؟ يعني اداوم الصبح بالوزارة وبنفس الوقت اعيد الثانويه مسائي ؟؟؟ ويصير اقدم على خطة البعثات لوزارة التعليم العالي بعد ما اعيد الثانويه ؟ ولا عندهم شروط معينه مثل العمر ؟؟؟ والدراسة الفتره المسائية تكون من الساعة كم إلى الساعة كم ؟؟؟ , ووين تكون بأي مكان , يعني مكان قريب عند بيتنا ولا حسب المحافظه ولا شلون ؟؟؟ والدوام خلط ؟؟ والدراسه شلون صايره ؟ يعني هل أقدر إني آخذ ممتاز ؟ وفرصي تكون متساوية مع اللي يداومون صباحي واللي صغار بالعمر ؟؟؟ ووين اروح عشان اعيد الثانويه وشلون ؟؟

ادري اسألتي وايده بس صج لما قريت عنوان الموضوع استانست وايد لأن صج ودي اعيد الثانويه مره ثانيه تخصص علمي وآخذ شهاده ثانيه , فياليت تفيدووووووني , وشكراً

 

[ملاك الدهمشي]

عندي أكثر من سؤال واتمنى تفيدوني
انا تخرجت من الثانويه تخصص ادبي ودخلت الجامعة وبعدين بتوظف على شهادتي الجامعية , وودي ادرس تخصص ثاني علمي لاني تخرجت ادبي , فهل يصير إني اعيد الثانويه تخصص علمي ؟ وكم سنه اعيدها ؟ اعيدها كلها ولا بس رابعه ثانويه ولا شلون ؟ , وهل يصير خلال فترة وظيفتي اعيد الثانويه مسائي ؟ يعني اداوم الصبح بالوزارة وبنفس الوقت اعيد الثانويه مسائي ؟؟؟ ويصير اقدم على خطة البعثات لوزارة التعليم العالي بعد ما اعيد الثانويه ؟ ولا عندهم شروط معينه مثل العمر ؟؟؟ والدراسة الفتره المسائية تكون من الساعة كم إلى الساعة كم ؟؟؟ , ووين تكون بأي مكان , يعني مكان قريب عند بيتنا ولا حسب المحافظه ولا شلون ؟؟؟ والدوام خلط ؟؟ والدراسه شلون صايره ؟ يعني هل أقدر إني آخذ ممتاز ؟ وفرصي تكون متساوية مع اللي يداومون صباحي واللي صغار بالعمر ؟؟؟ ووين اروح عشان اعيد الثانويه وشلون ؟؟

ادري اسألتي وايده بس صج لما قريت عنوان الموضوع استانست وايد لأن صج ودي اعيد الثانويه مره ثانيه تخصص علمي وآخذ شهاده ثانيه , فياليت تفيدووووووني , وشكراً

هلا ومرحبا
اعتقد لان ودج بعلمي ف لازم تعيدينها من الحادي عشر يعني ثالثه ثانوي
وتقدرين تداومين بالمدرسه مسائي وبنفس الوقت موظفه ماكو اشكال لان دوام المدرسه عصر من الساعه 4 الى ال8
واما بعثات التعليم العالي ماعندي خبر عنها بصراحه
والمدرسه اللي تداومين فيها اكيد قريبه من منطقتكم وشي طبيعي الدوام مو مختلط

واذا تبين تتاكدين اكثر روحي المنطقه التعليميه يردون على استفساراتج

 

[بنفسجيه_Q8]

مساء الخير

الله يووفقنااا


بنات شجعوني تكفون اسمع احباطات وخصوصاً مو فاهمه الانجليزي متنحه فيه


وانا عايدتها تحسين نسبه
اهلي حبطوني


متى اطلع من النفاس عشان اروح شقتي ولا احس بالاستقرار ولا اسمع احباطتهم


بما انه طايفني واجد الحمدالله كملت دفاتري بس العربي ما صورته


وسمعت احاديث الاسلاميه والايات


بس باجي سورة العربي وامشي مع البنات واكون مستقره


بغيت اسأل متى امتحانات نص السنه


احلى مافي انه يحسبون نسبتي من ١٠٠٪ لاني نظام القديم




والله يووفقنا

 

[ملاك الدهمشي]

حبيبتي بنفسجيه
نصيحه لاتسمعين اي كلام وتعليقات ومواضيع تحبطج وتنزل من عزيمتج
ولو حتى تجارب بنات فشلوا وماجابوا نسبه
ماعليج من احد انتي بس سوي اللي عليج ودرسي كل يوم وكأن عندج بكره امتحان
و فكري بس بنهاية السنه لما ودج تحصدين ثمرة تعبج وجهدج
انا اعرف وحده متفوقه وتخرجت بنسبه 96 مع العلم عندها عيال ومن غير حتى خدامه
تخيلي
وترا النفاس والولاده والجهال مو عائق انج تدرسين وتتفوقين
اللي تبي تدرس وتتفوق وتتميز تقدر لو بأي الاحوال كانت
وانشالله الله ينور بصيرتج وبصيرتنا قولي آمين

 

[^^طالبه^^]

حبايبي مبروووك

ردو اختبارات الفترات فقط لمواد خارج الجــدول

يعني فيها نسبه حلوه داخل المدرسه لان الامتحانات تكون داخل المدرسه لمواد خارج الجدول ( حاسوب /قران /دستور )
لان قبل كان عليهم 12 درجه طول الكورس السنه الي طافت النظام الجديد لا الحين خلوه نفس النظام القديم الكورس عليه 24 حاله حال المواد الثانيه استانسوووووو
وسالت السكرتيره قالت يمكن تجي نشرات بعد حق جميع المواد بس لمي الحين مو متأكدين

 

[جلكسيه اس 3]

طالبه مشكوره عالخبر و الله يبارك فيج متاكده من الخبر لان اذا طلع اشاعه راح انرد نتشائم بس متا راح اتكون يعني بعد العيد علا طول صح ؟ لاني مادرست شي بسبب قعدتي بالمستشفا بس الحمدلله باجر ان شاء الله يمكن يطلعوني و ارجع للدراسه احس طافتني وايد اشياء

 

[^^طالبه^^]

جلكسيه روحي الاداره و قولي بشوف ورقة النشره الي جايتكم بخصوص المواد الي خارج الجدول بيورونج اياها معلقه بطوف عندهم

 

[سندس 90]

بنااااات عفيييه أدعولي الله يحقق طموحي
والله حدي خاااايفه
والحمدلله كل مادعيت لنفسي ماأنساكم
تكفووون ادعولي لان الدعوه لأخيك في ظهر الغيب مستجااابه

 

[بنفسجيه_Q8]

مرحبااا


شلونكم وشلوووون الدراسه وياكم


بنات انا متنحه بالانجليييزي حيييل كل وحده تقول شلون تدرسه
وبعد الاحصاءء






ملاك:كثر مااقدر قاعده اركز بالدوام والدراسه واطوف كلام اهلي اللي يحبطني
وان شاء الله خير




طالبه:
الله يبشرج بالخييير حبيبتي


سندس:
حبيبتي والله انه ادعيلكم كلكم حق كل بنات التجمع خصوصاً انكم تشجعون
ولاتنسين تدعيلناا






اللع يوفقنا ولا يخيب تعبنا ونجيب نسبه ترفع الراس قولوا اميييين

 

[لولوةة]

طالبه الله يبشرج بالشهاده وعقبال مايردون المواد الباقية

بنات بغيت اسالكم صج في امتحان العاب لنا احنا طالبات المسائي ولا لأ !!!

والله يوفقنااا ياااارب

 

[بنفسجيه_Q8]

هلاا فيج

لولو:
لا ماعندناا امتحان العاب ولا ماده الالعاب اصلا ولا اختيار حر




بنات النظام القديم احنا يحسبون درجاتنا من ١٠٠٪ صح
بس بغيت اسأل جم يأخذون من نسبه الكورس الاول وجم النسبه من الكورس الثاني

 

[^^طالبه^^]

50 ؛< الكورس الاول
50 ؛ < الكورس الثاني

 

[^^طالبه^^]

الله يوفقنا بنااااااااااااات

 

[بنفسجيه_Q8]

امييييييييييين

 

[دروبي]

انا ان شاء الله اسجل يوم الاحد .. مسائي افتحوا المجال الحمدالله واخيرا ..


ادعولي اسجل وادخل معاكم يارب

 

[دروبي]

حبايبي بناااات ابي اعرف الكتب اللي علينا رابعه ثانوي ادبي ؟؟ كم كتاب ؟؟ وشنو ؟؟

 

[الماسه سوريا]

انا ان شاء الله اسجل يوم الاحد .. مسائي افتحوا المجال الحمدالله واخيرا ..


ادعولي اسجل وادخل معاكم يارب

كيف بدك تسجلي اذا انتهى التسجيل انا رحت يوم الاثنين مارضيو يسجلوني الا اذا جبت موافقه من مكتب الوزير