تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[^^طالبه^^]

نورة عبدالله مادري ان شاءالله البنات يفيدونج

بس اظن تعيدين 11 و 12

 

[بنفسجيه_Q8]

مرحبا

بنات شلونكم ؟؟؟




شلوون استعدادكم للدراسه




الله يوفقنا ونجيب اعلى النسب يارب

 

[سندس 90]

بنااات اليوم رحت شريت جنطه ناعمه كبيره طبعاً عالكتف
وأقلام ودفاتر أبو 80 ورقه مممم ايه ونوتات
بس عسى ربي يسهل علي وأسجل

 

["*آآآنؤؤؤقهـ*"]

يااااااارب تسهلها علينا

ولايعيقنا شي وتمر السنه بخير


ونتخرج باأعلى النسب


بنات التربيه الاساسيه تطبيقي جم بداية النسب يقبلون

والتربيه الجامعه جم يقبلون من نسب ؟؟

 

[بنفسجيه_Q8]

سندس وووواوو شوقتيني بروح اشتري قبل لا اولد لاني راح ادوم بالنفاس
الله يوفقج
انووقه
التربيه الاساسيه من ٧٥
والجامعه من ٧٩
بس مو متأكده ان شاء الله البنات يفيدونج




ان شاء الله نجيب النسب اللي نتمناهاا وندخل بتخصص اللي يريحنااااا

 

[gala q8]

ربي يوفقكم يآرب ,

انا ودي اعييدهاا بس اهلي مو موافقين لآني عدتهـآ سنه , انا خريجه سنه 2012 ,
آنآ آحب الدراسسسه عاادي عندي , بس الحظ و ما يسووي , ربي كاتب اني اييب نسبه قليله ,


ربي يوفقكم يآآآرب و نشووفكم بآلجآمعه يآربْ ..

 

[انا شاطره]

زبدة كاكاو ليش مايقبولوني اذا انا شهادتي جديده وغير عن الي قبل
لا واالله مو علئ كيفهم???عصبت

عالعموم انا رايحه للمنطقه هالاسبوع وبسالهم

 

[سندس 90]

Gala وربي لا تصيرين نفسي
أنا أول ماتخررجت قلت بعيدها وفكرررت بعدين تكيسلت وقلت يمكن يقبلوني تجاري ولا دورات
وسنة ورا سنة أقدم وماكوو فااايده ، ولا هذيج الحزه كنت أسمع إني أعيدها من عااشر
وتخيلي لو إني عايدتها من عاااشر چان ألحين أنا خريجه
بس يالله الحمد لله إن شالله أتخرج وتوني صغيره عمري ٢٢ سنة
بنااات قولو كل وحده جم عمرهاا تعرفووون أنا حيييل أدقق بالعمر




بنفسجية لووووول والله ألحييين فتحتهم أستانست عليييهم

 

[انا شاطره]

٢٣ موظفه بوزاره التربيه سكرتاريه وبعيدها تحسين مستوا




يالله عشان نعرف اكثر تعلمنا شنو وضعه الحالي

 

[انا شاطره]

٢٣ عمري������

 

[موني-كاف]

السلااام

الصراحه انا شاركت بالمنتدى عشان هالموضوع

صارلي يومين افكر فيه و شجعوني اهلي و قالت لي اختي عن موضوعكم

انا تخرجت 2008 ادبي نسبتي 71

كنت شاااااطره بس اخر سنه خبصت
دخلت تجاري كورس بعدين سحبت اوراقي و دخلت بوكسهل تخصص ديكور وتصميم عساس بعد اول دفعه تتخرج راح يحطون بكالريوس
والحين رابع دفعه بتخرج ومافي امل
شهادة بوكسهل بجيبي بس مالها وظايف غير القطاع الخاص والوزارات يقطوننا بأماكن معاشاتها ضعيفه وانا مو طموحي اشتغل موظفه عاديه بوزاره

حاولت اكمل علي شهادتي بس مافي بالكويت نفس التخصص الا بالتربيه وما يقبلون خريجات بوكسهل
حاولت اكمل بauk بس تخصصاتهم مو مريحه صراحه ومو ميولي




ف قلت اعيد الثانويه شكثر تشجعت من رفيجاتي ثنتين عادوها وماشاء الله يابو نسب عاليه

وبأذن الله بروح يوم الاحد

وهذي قصة حياتي


اييي و عمري 22:eh_s(22):

 

[^^طالبه^^]

وانا بعد عمري 22

خريجة تجاري
وبعيدها علشان ادش الجامعه كلية التربيه < طموحي الاول
تربيه اساسيه تخصص اقتصاد او تربيه اسلاميه << طموحي الثآآآني

 

[^^طالبه^^]

التربيه الاساسيه 75 بشكل عام
بس هالتخصصين مايقبلون الا فوق 80
رياض اطفال
اقتصاد منزلي
وتربيه اسلاميه يبون نسبه 78


الجامعه
السنه الي طافت النسب الدنيا لكلية التربية (جامعة الكويت)
82.22 تخصصات ادبيه
71 تخصصات علميه ( شهادة علمي فقط )

 

["*آآآنؤؤؤقهـ*"]

بنفسجيه ماقصرتي

الله كريم ياااارب واجيب ال75 وان شاااالله فوووووق



يارب يوفقناا جميعااا

 

["*آآآنؤؤؤقهـ*"]

طااااالبه حبيبتي مشكووووره حلووو

٧٥ تدخل كذا تخصص .. يالا الله يرزقنا بنسبه عاااااااليه ..




بسالكم جم ماده ندرس؟؟؟؟؟؟؟

عشان بشتري الدفاتر والجنطه والاقلام والكولكتر خخخخخخ شخباري

لي ٥ سنين مخليتها الدراسه يالا كل تاخيره فيها خير

والله يكتب لنا الخير وين ماكناااا

 

["*آآآنؤؤؤقهـ*"]

اي نسيت لاقولكم


انا ادبي ...

 

[بنفسجيه_Q8]

انا عمري٢٣ وخريجة دورات خاصه ومتخرحه دفعت ٢٠٠٦/٢٠٠٧وموظفه صارلي سنتين بالمدرسه اداريه
وطموحي تربيه اساسيه تخصص رسم ولا اقتصاد منزلي
واذا جبت نسبه تقبل الجامعه بدخل تخصص اجتماعيات
وانا ادبي


انوقه :
المواد
عربي
انجليزي
تاريخ
جغرافيا
فرنسي
فلسفه
اسلاميه
قرآن
حاسوب
دستور


وان شاء الله مانسيت شي اذا نسيت البنات يذوكرني






الله يوفقناا يارب

 

[بنفسجيه_Q8]

بنات بغيت اسأل المسائي يبلشون من ٢٣
من اول يوم يبلشون الدراسه ولا يقعدون جم يوم


يارب اولد قبل لا تبلش الدراسه
عشان مايكون تعب عليه

 

[سندس 90]

الله يسهل عليج بنفسجيه


اوووف ودي ادااااوم خصوصاً هالثلاث سنوات اللي قعدتهم بالبيت ، مللللللل
الوالده تقول بس خلاص ثلاث سنيين اعتقد فولتي نوووم لووووول
بنات تربية إسلاميه اذا جبت ٧٧٪ مع واسطه أدخل ولا لأ ؟؟

 

[هوااااويه]

قوووووووووووووه بنات شلونكم اتوقع اغلبكم معاي بحواء


بنات ممكن سؤال


يعني الحين كل ماده لها دفتر؟؟؟؟

والابلات راح راخذون دفاترنا ؟؟؟

يعني لا زم نسطر و نزين الدفاتر والا لأ؟؟؟

ادري سؤالي مشقلب!​