تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[جلكسيه اس 3]

السلام عليكم و رحمة الله و بركاته

انا بسجل ان شاء الله و عندي شهادة الحادي عشر
طبعا شهادتي قديمه و كنت ادرس بمدرسه خاصه
الشهاده الب عندي مكتوب عليها بطاقة درجات اخر العام

و رحت المنطقه التعليميه و قالتلي لازم اييب صورة شهاده طبق الاصل مصدقه و طابع
بس بغيت اسالكم الشهاده هذي نفسها و لا في شهاده ثانيه بصراحه يننونا مع قوانينهم كل يوم و الثاني مطلعين لنا قانون عفيه بنات ردو علي لاتكشتون فيني

ناطره ردودكم لي و شهادتي قديمه سنة ٢٠٠٥ ٢٠٠٦

 

[بنفسجيه_Q8]

هوايه انا وياج بحواء
وكل ماده لهاا دفتر اكيد اهتمام بدفتر والتزم بالدوام
يخليناا نأخذ ٢٥ درجه كامله

 

[سندس 90]

بناات شرايكم بمذكرات المرشد ؟؟
وبصراحه خايفه حييييل من اللغات إهي الصعبه علي " عربي ، انقلش ، فرنسي "

 

[بنفسجيه_Q8]

جلكسيه :

الشهاده الاصليه من المنطقه التعليميه تأخذينهاا
روحي راجعي تعليم الكبار ان شاء الله يفيدونج


سندس:
مااعرف هالمذكرات
وبالنسبه للغات ان شاء الله تساهيل
مثلج خااايفه والله يوفقناااا

 

[^^طالبه^^]

وييه سندس انا اضمن كل المواد اجيب فل مارك بأذن الله
الا اللغات فرنسي عربي انجليزي
الله يستر

بخصوص التربيه اسلاميه اذا نسبتج 78 يقبلونج فوري فيه علي طول بدون واسطه لا تحاتين

 

[موني-كاف]

متى يبدون دراسه المسائي ؟؟؟

 

[بنفسجيه_Q8]

مونيالهيئه التدرسيه يوم الاحد ان شاء الله
وطلبه تاريخ ٢٣ /٩


ان شاء الله بنات بروح يوم الاحد للمدرسه وبأخذ وياي الطلبات اخاف اولد وتأخر ويطوفني التسجيل

 

[موني-كاف]

مشكوووره بنفسجية الله يهون عليج يارب و يوفقناااا

 

[انثى الكويت]

الله يوفقنا

 

[بنفسجيه_Q8]

موني/ انثى امييييين يارب


بخاطري اشتري دفاتر واقلام وجنطه
تحمست حيل

 

[جلكسيه اس 3]

جلكسيه :

الشهاده الاصليه من المنطقه التعليميه تأخذينهاا
روحي راجعي تعليم الكبار ان شاء الله يفيدونج


سندس:
مااعرف هالمذكرات
وبالنسبه للغات ان شاء الله تساهيل
مثلج خااايفه والله يوفقناااا

يعني الي عندي ماتعتبر شهاده ؟
لاني ماعندي غيرها
?
انا قبل جم سنه درست مسائي و شهادتي كانت عندهم
طلعت و لا اخذت شهادتي الناظره قالتلي الشهايد احنا مانخليهم عندنا ?
و التعليم الخاص ماعندهم نسخه يقولون المبنى احترق و الشهايد احترق
معقوله ما اكمل دراستي عشان هالشي ?

 

[هوااااويه]

مشكوره يا احلى بنفسجيه بس انا هواويه مو هوايه

وناسه انتي معاي بحواء

جلكسيه مثل ما قالت بنفسجيه روحي للمنطقه التعليميه وطلعي اخر شهاده

عاد موضوع ان انتي ما اخذتي شهادتج هني انا ما اعرف بس كل الي افيدج فيه ان تروحين للمنطقه التعليميه وتطلعين اخر شهاده



​

 

[fzt_5fooo8]

صباح الخير رجعت لكم بعد غيبه ماشاء الله البنات زادوا حيييل بالتجمع


انا بعدي ما سجلت بخلي ابوي هالاسبوع يسجلني

بنات نصيحه نصيحه نصحيه اللي تبي نسبه عاليه تحل امتحانات كثر ما تقدر

انا علمي فاكيد بحط لي مدرسين عندي فيزيا وكميا ورياضيات هذيل مجربتهم

اممم نفسيا مرات اتحمس ومرات اتعب من الفشل مو هاينه علي نفسي من بعد ماكنت ادرس بالكليه ارد مره ثانيه للمدرسه


صح انه ما توقف الحياه عند الفشل ولازم نبدي من جديد بس هالشعور متعبني حيل

 

[هوااااويه]

جلكسيه ممكن سؤال الشهاده حق اي سنه الي درستيها بالمسائي؟؟؟؟​

 

[هوااااويه]

صباااااااح النور والسرور والله يا وخيتي كلنا نفس الشعوووور و الاحساس لكن الله كريم


انا عن نفسي حييييييييييييييييييييييييييل متحمسه عشان اشتري الدفاتر والاقلام


يا حلاة الدراسه ياليتني ما كبرت وياليتني للحين بالمدرسه


الله يوفقنا كلنا

اللهم امين​

 

[fzt_5fooo8]

الله كريييييييييم


يارب تعدي هالسنه على خييير :yaaaaaarb:

اللحين شلون نظامهم المسائي اممم في امتحانات شهر ولا لا
والسنه جم عليهاا :eh_s(7):

 

[جلكسيه اس 3]

جلكسيه ممكن سؤال الشهاده حق اي سنه الي درستيها بالمسائي؟؟؟؟​

حبيبتي درست بالرابيه كنت ناويه اكمل رابعه ثانوي
بس طلعت حتا ما خذيت الشهاده
امانه بنات ادعولي تتيسر اموري

 

["*آآآنؤؤؤقهـ*"]

صباح الخير


الا صج بنات

متى نداوم ومتى نطلع



انا مدرسة الرابيه .... منوووو معااااي

 

[موني-كاف]

صباح الخير رجعت لكم بعد غيبه ماشاء الله البنات زادوا حيييل بالتجمع


انا بعدي ما سجلت بخلي ابوي هالاسبوع يسجلني

بنات نصيحه نصيحه نصحيه اللي تبي نسبه عاليه تحل امتحانات كثر ما تقدر

انا علمي فاكيد بحط لي مدرسين عندي فيزيا وكميا ورياضيات هذيل مجربتهم

اممم نفسيا مرات اتحمس ومرات اتعب من الفشل مو هاينه علي نفسي من بعد ماكنت ادرس بالكليه ارد مره ثانيه للمدرسه


صح انه ما توقف الحياه عند الفشل ولازم نبدي من جديد بس هالشعور متعبني حيل

انتي نفس شعوري

مرات اتحمس حيل لمن اشوف رفيجاتي اللي توظفوا شلون معاشهم قوي الله يرزقهم
ومرات اقول خل اتوظف على شهادتي وما اطالع فوق وايد

بس مابي اتحسف بعدين لي كبرت بالعمر زياده وزادت المسؤوليات

انا ما ادري شنو راح يصير بحياتي بعدين

صح الحين انا مرتاحه الحمدلله

بس باجر مادري شراح يصير .. مو ضامنه مستقبلي و عيشتي

ليش ما اضمن شهادتي ؟؟!! لانها اهي الوحيده اللي بتعيشني و بتوفر لي اللي ابيه

 

[وتلومني فيكـ]

بنات انا بالمنطقه الرابعه و ودي اعيدها تنصحوني بأي مدرسه ووين اقدر اسجل وشنو الاجراءات
سوري على كثر اسألتي بس ما اعرف شيء بهالموضوع
انا تخرجت من التجاري وناويه اعيدها مره ثانيه وان شاء الله اجيب نسبه وادش الجامعه