تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[فرفوره الظفيري]

واااي الله يوفقنا ويحقق اللي ف بالنا ..

عاد انا ساكنة بالعارضية وين راح اكون بأي مدرسة ؟؟

 

[مهاوي44]

مادري ليه (( طالبه )) اهي بردودها تحمسني

الله يوفقج حبيبتي ولا ننحرم منج

والله متابعتج و متابعه ردودج و مساهماتج مع البنات ماتقصرين والله يعطيج علي قد نيتج
موفقه يارب وتجيبين النسبا الي في بالج
ولنا بالمثل آمين

,,,

انا محتاره مادري اشلون بنظم وقتي بين الدوام الصبح و المدرسه العصر

احس اني مافيني حييل ،،

منو عندها جدول حلو امشي عليه

 

[^^طالبه^^]

حبيبتي ولو علي الاقل بس المعلومه الي عندي اعطيها غيري وماصير انانينه وتغبر المعلومه عندي وما استعملها لووول



بنسبه لدوام والمدرسه

اهما وحده من الثنتين

يآ انج تداومين الصبح والظهر لين الساعه 4 نوم يعني ساعتين وتردين من المدرسه الساعه 9 دراسه الين الساعه 12 بعدين نوووووم الين الساعه 7 الدوام
هالشيء سهل

بس الي مو سهل انج تقولين طاف بالويك اند ادرس عندي 3 ايام راحه ماعندي شغل فيهم بتطوفين ويك اند واحد تقولين ماعطونها هالاسبوع شي مهم بتتراكم عليج الدروس الويك اند الي وراه انتي خلي عندج تركيز بدروس مع المدرسه وتجين البيت الساعه 9 بليل قراه بس تقرين الدرس تحاولين يستوعبه مخج بعدين تسكرين الكتاب وتدرسين يوم سبت جنه باجر فيه امتحان تدرسين كل ماده تاخذين لها يوم سبت بالاسبوع واذا خلصو المواد تردين علي نفس المواد لين يجي امتحانات اخر الكورس وانتي متعوده علي فهم الدروس تجين تقرين وتحفظين شيء بسيط وتقفلين الكتاب وتدشين الامتحان وانتي فيج ثقه ان ذاكرتج مراح تخونج باذن الله لانج مدربتها علي هالماده وتقرينها و مسويه اختبار مع نفسج فيها

حثي نفسج علي الدراسه لا تتكاسلين

 

[كويتية^_^كول]

عدنا من جديد?
شكرًا اختي "ضماد" على الرد
توني من اشوي راده من المنطقه التعليميه?☀
قالولي انتي كنتي نظام مقررات مايسولي نسبه بس اكمل
الثانوي سنتين،،
بس عندي استفسار ماجاوبوني قالو سالي المدرسه!
سؤالي لما اعيد 3 و 4 لازم اشد حيلي بصف 3 ولا بس المهم نجاح
واهم شي اشد حيلي ب 4 ؟!
لانه اذا بس يبون نجاح ب 3 أخذها منازل عشان ضروفي ماضغط علي نفسي
بس رابعه أخذها مسائي!
انا ابي ايب نسبه بالتخرج فبليز اللي تعرف تجاوبني؟

 

[^^طالبه^^]

حبيبتي اهم يبون يعادلون لج 2 ثانوي = 10 علي نسببتج القديمه

وتصيرين نظام موحد ( تجميع درجات )
وتختارين بين العلمي والادبي
ولازم تشدين حيلج بهالسنتين

 

[بنفسجيه_Q8]

مرحبااا



فرفوره


بالمنطقه الرابعه في مدرستين مسائي




حواء بالاندلس
والرابيه




وانا بختار ثانويه حواء

 

[انثى الكويت]

امبيه انا مقررات يا حسرتي يعني اعيد سنتين مابي والله

اضيع سنتين من عمرياخذ بعثه بررره اشرف لي


ليش اعيد سنتين حرام وانا مابي اغير تخصصي

 

[انثى الكويت]

كويتيه كول اي منطقه تعليمية رحتي

انا قالو يسوون معادله شهاده مادري شنو بس ماعيد سنتين

 

[بنفسجيه_Q8]

انثى كويتيه :روحي اسألي بنفسج بعد العيد عشان تتأكدين


لانه اعرف وحده العام عادت رابعه ثانوي كانت مقررات بس رابعه مااعتقد انها عادت سنتين






وانا ان شاء الله بعد العيد بروح اسأل


لانه حدي متشجعه وحابه الدراسه








والله يوووفقناااا

 

[مهاوي44]

مشكوووووره طالبه والله فكره حلوه و احسها تناسبني و لوقتي
ان شاء الله بعتمد هذا البرنامج

يااااي متي تبتدي الدراسه يلاااااا لاعت جبدي وانا انطر لوووول

بنااات خلو عندكم ثقه وربي المواااد سهل بس تابعي ويا المدرسه كلها تاريخ و احداث و اشياء نفس هذي مجرد الاحصاء تدرسينه
توني فاتحته سخيييف حددده سهل لدرجه مو طبيعيه

والتاريخ و الجغرافيا حلووو وربي حلو لو تفتحين الكتاب و تقرين تحسين نفسج تلفين العالم و احداث مشوقه توني فاتح الكتاب ماكان ودي اصكره بس رحت اساعد الوالده

بنات لحد اتخاف كل شي سهل بس لحد يهملها ومايدرس لا درسوا علشان النسبه اما النجاح ظامنينه فديتكم
انا كنت خايفه من المواد توني فتحت كل ماده والله سهل حييل بس يبيلج لقواعد العربي و النحو و السوالف هذي يبي مدرسه اتفهمج اياهم


الله يوفقنا يارب

 

[كويتية^_^كول]

هلا والله اختي أنثي الكويت
انا رحت منطقه حولي التعليميه
انتي كنتي اي دفعه وشنو تخصصج؟ لانه اتوقع الدفعه تاثر
انا كان عبالي سنه التخرج بس طلع اهم يبون سنه دخولج الثانويه يعني دفعتج،،
وين بعثه بتقدمين؟؟ انا اساسا عندي دبلوم وبتفوق بس طاف علي شهادتي وايد يعني ماقدر اقدم علي بعثه

شكرًا بنات علي تشجيعكم الصراحه ترفعون من معنويات الواحد ���� انا مو خايفه من المنهج كثر ما انا خايفه يمكن ضروفي ماتسمح كل يوم اروح��
وغير هذا بعرف عقب هالتعب وانشالله اذا يبت معدل عادي يدزوني بعثه وانا "اشتغل" ؟!
انا يعطوني تفرق دراسي بس خايفه اذا بعثه لازم ماكون اشتغل!

 

[كويتية^_^كول]

لانه انا سالت جامعه قست قالو اذا تبين حكومه تدفعلج لازم تقدمين استقالتج!
فمادري اذا ابي. برا لكويت نفس شي ولا عادي اقدر اخذ تفرق واكمل بعثه؟؟

 

[بنفسجيه_Q8]

كويتيه كول

لا ماتقدمين استقالتج اذا جامعتج داخل الكويت بس تطلبين من دوامج اجازه دراسيه يعني تفرغ دراسي


انتي وين موظفه وجم. خدمتج بالوظيفه لانه يختلف على حسب للخدمه


انا مثلج خايفه ظروفي ماتسمح اروح كل يوم مسائي بس بستخير وبتوكل على الله

 

[فرفوره الظفيري]

صباح الخيير

بنفسجيه حبيبتي يعني اقدر اختار اذا الرابيه او حواء .. ؟

لان انا ابي ثانوية حواء .. الرابية حدها ويع ​

 

[ريموووووووووووو]

سلام عليكم
بنات انا تخرجت هل سنه
ونسبتي تلوع الجبد ؛(
المهم انا ادبي
يصير اعيد ١١ و ١٢
عشان ابي احول علمي؟
ويزاها الينه الي ترد علي

 

[ᵀᴴᴱƘsҺɑ]

احممم نسيت شنو المستنًدات المطلوبةة

 

[^^طالبه^^]

ريمموووووووووووووووو

لا بس تعيدين 12

عطيني نسبتج بـ10 و 11 علشان اقولج اقصى شيء تجيبينه اذا عدتي 12
اذا حابه

 

[^^طالبه^^]

احممم نسيت شنو المستنًدات المطلوبةة

جميع شهاداتج بثانويه
10 +11+12

+
صورة جنسيتج وبطاقه المدنيه + تآمين 40 دينار وترد لج بعد ماتنجحين



^^
^^^^
^^^^^^
هذول الاكيده :eh_s(7):
+



اذا ماخاب ظني بعد صورة جنسية ابوج

 

[^^طالبه^^]

أأأأأأأأأأأأأمـــــــــــــــــــــــــــــــــــــووووووول

اين انتي يآآ صديقتي
مشتاقه إليك


لوووووول متأثره بلغه العربيه

 

[ريموووووووووووو]

حسااافه مايصيير!
غلطت عمري اني دشيت ادبي
الحمدالله على كل حال مشككووره طالبه ماقصرتي حبيبتي ربي يوفقج