تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[^^طالبه^^]

بنفسجيه اذا جبتي نسبه قدمي عليها للاجازه الدراسيه لان لمي تروحين تقدمين علي التربيه يبون منج موافقه من دوامج مبدئيه اهي اللي تجيبنها من ادارة التنميه والتطوير اللي يعطونج الاجازه
بس اخاف يحاصرونج مايخلون الا انج تتخصصين علوم لانج محضره حاليا
بخصوص الاماكن اللي تقبلنا كل شي يقبلنا حتي البعثات الخارجيه
بنسبه لي ابي التربيه الاساسيه تخصص اسلاميه
دعواتكم لنا بتوفيق
الله يوفقنا

 

[سندس 90]

هلاااا طالبه
انا نسسبتي مممممم أخاف تضحكين لووووول 

لا صج
بعاشر : 55٪
حادي عشر : 65٪
اللي تضحك ياويلها ههههههههه 

والله ياطالبه أنا نفسسج طمووحج بالضبط اللي كتبتيه أسأل الله إني أدخل حداهم والله يحقق طموحج وتدشين انتي بعد 

 

[نبض آلخفوق]

ضماد تسلمين حبوبه ماقصرتي....


سندس اي انا بعيدها ومابذني ماي انشاءالله ,,, منها اضيع وقت لأن لاعت جبدي من قعدتي بالشقه.. ومنها انشاءالله اجيب نسبه طموحي حيل تربيه اساسيه الله كريم يارب ويوفقنا.... بس خايفه احمل وأولد قبل الامتحانات وتروح علي السنه كلها صج قهر حزتها

 

[انثى الكويت]

لا ماستقيل مينونه خخخخخخخخ
اقعد واقدم بعدين على بعثه اكمل براتبي على اجازه دراسيه

علي التزامات ماقدر استقيل

 

[بنفسجيه_Q8]

طالبه:

انا محضره علوم بس ادبي متخرجه من الدورات الخاصه


وماراح يحاصروني الا بالتخصصات الادبيه




انثى:


اييه حتى انا ماراح استقيل عندي التزامات




نبض الخفوق:


الله يرزقج بذريه صالحه قدمي وتوكلي على الله وادرسي اول بأول وبجذي حتى لو تكونين نفاس بالامتحانات تكونين فاهمه وحافظه المنهج




انا حامل ولادتي شهر ٩ وبستخير وبعيد رابعه ثانوي




والله يوفقناا ويعينا على الدراسه ونجيب نسب تبرد القلب




امين

 

[سندس 90]

نبض خفوقي
وحده اعرفه تزوجت من ثالثه ثنوي وأجلت سالفة الحمل وراحت رابعه وماحملت اول ماطلعت نتيجتها جذي ٦ شهور ماشالله واهي حامل

 

[kanoosha]

سندس عطيني نسبتج بـ11 و 10

خل احسبلج جم بقيلج علي 75

وجم لازم تجيبين بـ12



سندس حبيبتي شنو االتخصصات الي مفكره تحطينهم لج رغبات بتربيه باذن الله بعد ماتجيبين النسبه الي تدخلج لها

ادري مبجر علي هالكلام بس هم تحسين بالهمه لمي تقولين التخصصات الي تبيهم

بنسبه لي
1-تربيه اسلاميه
2-رياض اطفال
3-اقتصاد منزلي
4-تربيه فنيه

بسالج اختي يايبه بعاشر 62 و11 يايبه65 جم لازم اتيب برابعه

 

[^^طالبه^^]

سندس
مجموعج بـ10 و 11
25.55 من 40

لازم تجيبين 50 من 60 بـ12
يعني نسبه اقل شيء لاززم تجيبين 83
علشان تصير نسبتج 75.35 بضبط اذا جبتي 83

حطي قدام عينج 90 ولا ترضين باقل من هالنسبه
وذا جبتي 90
54 من 60

يعني نسبتج راح تصير 79.55

شدي حيلج تكفين ولا تتساهلين بدرجه وحده ناقصج واااجد اقل نسبه لازم تجبينها 83

 

[^^طالبه^^]

بسالج اختي يايبه بعاشر 62 و11 يايبه65 جم لازم اتيب برابعه

حبيبتي شوفي الحسسبه الي حطيتها لسندس انتي تفرقين بينها بس بـ25 يعني بالعشار

يعني اقل شيء لازم تجيبين 83 بـ12
علشان تطلع اخر شيء نسبتج 75

 

[بنفسجيه_Q8]

بصراحه

ماقصرتي اخت طالبه متفاعله بالتجمع.


بنات الدراسه ماباقي لها شيدو حيلكم




منو فيكم بتدرس بحواء اللي بالاندلس

 

[kanoosha]

مشكوره ،،،،واي مافيني حيل للدراسه وتعب ودوخة اليهال

 

[بنفسجيه_Q8]

لازم تأخذين الامور بجديه وتعزمين على الدراسه

استخيري وتوكلي على الله البيت والدراسه نسقي بينهم


لاتفكرين بالعيال

 

[^^طالبه^^]

تسلمين بنفسجيه

 

[سندس 90]

طالبة فديييتج
ادري ياقلبي ناقصني اشكككثر
تدرين شنو ودي ودي بس يحسبون لي رابعه ،،، اااااه جان زين تصير معجزه

 

[^^طالبه^^]

لو يحسبون لنا رابعه جان مانفكر بالاساسيه

جان نفكر بتربية الجامعه لوووووووول

 

[مهاوي44]

السلام عليكم

هلا بنات اشلونكم ،، اشتقت لكمم

محد فيكم بطلت الكتاااب ولو شوي من المراجعات !!

وبنات كم تتوقعون تيبون ب ١٢ بس كم بالميه ؟!

مادري انا المنهج متغير علي حييل مو نفس قبل ندرس كتابين و عذاااب

 

[^^طالبه^^]

انا نظام موحد
وانا هدفي بأذن الله التربيه الاساسيه فلازم اقل نسبه اجيبها بمجموع درجاتي بالموحد 75

يعني لازم اجيب بـ12 اقل شيء 80 علشان اتخرج نسبتي 75

الله يوفقنا

انا حاطه ببالي اقل نسبه اجيبها 85 والله يحقق لنا امانينا يارب العالمين

 

[ᵀᴴᴱƘsҺɑ]

صباااح الخيررر

راح انظم لكم ب اذن الله

بس ابي اعرف ب النسبه للمواد
كم ماده راح ناخذ ؟؟؟
وشنو المواد لان الذاكره عندي ممسوحه

وكل ماده كم نسبتها؟؟!


الله يسهل :eh_s(22):

 

[^^طالبه^^]

^
^
^

انتي خريجة اي سنه ؟؟؟
وشنو انتي ادبي او علمي

 

[^^طالبه^^]

توزيع الدرجات

3 مواد نمتحنهم داخل المدرسه
الدستـور
القرآن
الحآسوب
ومافي مواد اختياريه بالمسائي وكل ماده من هالمواد عليها 20 درجه بـنص السنه اذا ما ردو نظام الفترات

وهذي المواد عليها 60 درجه

المواد الي نمتحنهم مع الصباحي
لغه العربيه
لغه الانجليزيه
لغه الفرنسيه
الجغرافيا
التاريخ
وهذي المواد عليها 80 درجه بشهاده مع العلم درجة الاعمال لكل ماده من هذي المواد 12 درجه طوال الكورس يعني المدرسه تعطيج 12 درجه اذا ماعندج غياب ودفترج كامل وملتزمه

=========================

احصاء
إسلآميه
هذي المواد عليها 40 درجه بشهاده مع العلم ايضا ان درجة الاعمال لكل ماده 12 درجة لدى المدرسه طوال الكورس

فلفسه
عليها 60 درجه بشهاده مع العلم ايضا ان درجة الاعمال لكل ماده 12 درجه لدى المدرسه طوال الكورس

مجموع الدرجات صار 630

اذا جبتي 505 درجه من اصل 630
راح تضمنين نسبة 80 بـ12



:eh_s(17)::eh_s(17)::eh_s(17)::eh_s(17):
الله يوفقنا