ثالثا: عقدتي الانجليزي بتنفك
اولا :تتوقعون اقدر انسق بين الوظيفه والمسائي
تقدرين تنسقين اذا اخذتي الدراسه بصوره جديه
ترى شنو كلها كم شهر .. حتى اقل من سنه وتتخرجين بأذن الله
ثانيا: اقدر اجيب نسبه وادش التربيه
تقدرين .. تدرين اعرف بنات متزوجات ومتفوقات بس مضبطين امورهم
ومنظمين وقتهم وأولوياتهم .. واعرف بنات مو متزوجات ونسبه مو شي
ثالثا: عقدتي الانجليزي بتنفك
ان شاء الله .. لما تدرسين للماده اول بأول راح تنفك وتروح ..
رابعا: زوجي يشجعني واهل زوجي
بس اهلي يحبطوني يقولون ماجبتي نسبه يوم كنتي بنت والحين بتجيبنها يوم صارت عندج مسؤوليه
اهم شي زوجج .. مدام زوجج يشجعج ماعليج من أهلج وكلامهم
غيرج لازوج يشجع ولا الأهل .. وبالنهايه دخلت التربيه
من الاخر .. لاتتنازلين عن دراستج .. والأهم تكونين جاده
يعني مو لانج شفتي التجمع وردود البنات وتحمستي لالا .. جذي ماينفع
اهم شي تاخذين الموضوع بجديه ..
أنتي ليش تبين تعيدينها ؟
شنو هدفج ؟
وين حابه بأذن الله تدخلين ؟
هل تبين الشهاده الجامعيه فقط ؟
او تبين الشهاده الجامعيه + الوظيفه الحلوه ؟
حددي هدفج من البدايه .. انا واغلب البنات أبصم بالعشر
لو كنا محددين هدفنا أيام الثنويه لو كنا جادين اتجاه الدراسه
جان شفتينا الحين بوظايفنا متهنين ( اقصد اللي بعمري )
ففكري فيها عدل .. ومالج شغل باللي تقولج انتي بتولدين
وشلون على زوجج وشلون على البيبي .. مالج شغل بالمحبطين
واذا عالدوام تقدرين تاخذين امومه او اجازه بدون راتب *.^
وتتفرغين لدراسه .. والبيبي بيكون صغيرون واللي بعمره اغلب الوقت نايمين
لكن المشكله اذا بدا يمشي اهني الوحده تحاتي وتخاف انها تغفل عنه
ارد واقول فكري عدل واستخيري ..
:eh_s(17):
