تجمــع اوربيـــات ( 2013) حياكـــم الله

[نـعـومـه]

اي والله الانستغرام طغى عالمنتدى

يعني مابقه شي عالصيف واللي بيسافر يخطط من الحين والكويتين كله اوريا فاستغؤب محد دش التجمع

 

[قلب الزعابي]

احم السلام عليكم
أختكم من الامارات
بتكون سفرتي بإذن الله تاريخ ٢٢ اربعه
بيموت البكج
ميونخ أنترلاكن سالزبورغ زلامسي قار مش ميونخ
ومثل ماخبرتكم على طيران الاتحاد
الدرجة الاولى وقيمة التذكره للشخص ٣٣ الف درهم ماعرف كم بالكويتي
البكج سويناه من مكتب الآتحاد هو نفسه التابع لطيران الاتحاد وحجز الفنادق من نفس المكتب وكلها خمس نجوم
طبعن أنا اخترت الفنادق احم احم وريلي سوا البكج
ويتكون سفر تنا أنا وريلي وبنتي احتمااال لأني فكرت اخليها وأخو ريلي ومرته
بالنسبة للاماكن اللي بنزورها لحين ماعرف يالسه أدور فألنت لان بناجر سيارة وبروحنا بن تمشى
امس سوينا الفيز
ونفس اليوم صدر قرار إعفاء الاماراتيين من فيزا الشنغن لالمانيا على حظنا هههههههه بس مأتم القرار رسمي
الفيز كامله كلفتنا ١٤٠٠ درهم
امممممم حاليا يالسه اتشرى للسفره
ويارب تتيسر وتتسهل
واللي تبا اسماء الفنادق تخبرني بعطيها
والسموحه

 

[اخت خالتهم]

هلا وغلا بزينه


انا عن نفسي للحين ما خططنا مسار الرحله بس باذن الله بنروح و المطار يكون بالمانيا
و الايام مقررين 21 يوم ان شاءالله

بس المناطق ما حددنا الا ميونخ اما الباجي ما استقرينا على شي محدد

 

[نـعـومـه]

قووووه


قلب الزعابي

مبروك مقدما على لحجز



اخت خالتهم

بس اشوفج اشم ريحه سفر ههههههه

للاني اذكرج سنه اللي طافت تيبين طاري السفر

المهم انتي بس بتروحين المانيا ؟ انا كنت ناويه المانيا خلاص بس قالو مافيها وايد اشياء النمسا اونس ¡

بجذي احتمال النمسا وفرنسا ابي مكان فيه رحللات وتغيير وانشطه ورحله 12 او 11 يوم

واشوف ظروف زوجي احتمال شهر 4 او 8 يعتمد

 

[اخت خالتهم]

هلا وغلا نعومه

لا انا ناوية النمسا واي بلد ثاني بس ما قررنا المناطق
بس قررنا ميونخ المانيا


نبي مناطق حلوة بالنمسا غير زلمسي
يعني اوكي بنروح زلمسي ان شاءالله بس ما حددنا للحين المناطق واذا بنضيف دولة او لا


ياحلو السفر والله

 

[اخت خالتهم]

و بالعكس حلوة المانيا ميونخ عجيبه

ويمدحون بادن بادن و قارمش

 

[نـعـومـه]

انا كل ساع لي راي هههه

مره لندن مره المانيا

بس اخر شي بالي النمسا وفرنسا عشان دزني وبرج ايفل بس زوجي توه يقولي شرايج تركيا !!

احب تركيا بس احس ودي اوربا

 

[meme KSA]

مرحبا كيفكم صبايا ان شالله بخير
انا اختكم من السعوديه واتشرف اني اسجل في هالمنتدى الرائع من زمان وانا اتابعكم من بعيد بس قلت يستاهل من يسجل فيه
انا ان شالله ناويه اسافر لباريس وزيلامسي اسبوع في باريس واسبوع في زيلامسي ومن خلالها نروح يوم لسالزبورغ ونرجع لزيلامسي لانها قريبه منها وكان ودي بلندن وتذكرت ان فيزتها ماتشمل فيزا الشنقن فحبيت استشيركم اقدر اخلي روحتي للندن واطلع فيزا للندن بس واقعد فيها كم يوم وعقب اروح لباريس بالقطار او الطياره ماراح يسالون عن الفيزا لان ودي بلندن مرررره وضاق صدري لما عرفت بالفيزا ماتشملها لازم فيزا لحالها غير فيزت باريس وبتكلفنا لو بنطلع فيزتين ووش رايكم باقتراحي واذا صار تمام ضبطولي جدول لمدة اسبوعين في لندن وباريس وزيلامسي وسالزبورغ اذا ماعليكم امر ....

 

[قلب الزعابي]

هلا اختي ميمي السعوديه
بصراحه ماعندي اي معلومه بالنسبة للفيزا
انتي متأكده باريس ما تشمل الشنغن؟؟؟
لان في ناس عادي راوح باريس وألمانيا ويويسرا بنفس الوقت
اتمنى البنات يفيدونج

 

[meme KSA]

اهلين قلب الزعابي
لا فيزا الشنقن تشمل باريس والمانيا والنمسا وسويسرا وغيرها من دول اوروبا ماعدا بريطانيا لها فيزا الحالها ففكرت اني اطلع فيزا لندن واطلع من لندن لباريس والنمسا

 

[نـعـومـه]

ميمي

انتي نفسي انا نيتي النمسا وفرنسا

وانا اشوف لندن حلاته سفره بروحها لاتدمجينها مع شي

 

[GhaiR_iLNaS]

بنات متي احسن وقت للحجز؟ و هل الاسعار تختلف بدرجة كبيرة اذا حجزنا قبل بمدة او اذا حجزنا حدا حدا لان زوجي مايحب يحجز قبل بمدة طويلة :eh_s(16):دايما حجزنا حدا حدا و تكون الاسعار حيل غالية فهل في فترة تكون في عروض و الاسعار حلوة ولا الفرق مو وايد ؟ :bbbiu:

و انا ناوية اوروبا عقب رمضان ان شاالله و ابيكم يا خبيرات اوروبا الحلوين :eh_s(17): تسوونلي جدول حلو و تقولونلي شنو احلي المناطق و الاماكن لانه كلش ماعندي فكرة.. يمدحون زلمسي و انترلاكن و سالزبورغ بس ابي جدول يكون منظم و حلو و باي مطار نطب سويسرا ولا المانيا؟ تري عليمية باوروبا ساعدوني:eh_s(10): و عالمواصلات احسن لو ناجر سيارة ولا نروح بالباص ؟ و احسن الفنادق نبيها 5 نجوم و مشكورين ادري قرقت وايد :eh_s(13):

و اي ودي اروح فرنسا بعد ابي ديزني لاند:gr4uu:

و سلاااامتكم:eh_s(7):

 

[نـعـومـه]

اذا ظروفج مع ريلج اوكي وعارفه اجازتكم ثابته خلاص حجزو هالفتره دورو عالراحه وحجزو وتفرق اذا حجزتو قبلها بفتره وهم تفرق بعد اذا موسم موسياحي

اما الاسأله الثانيه ان شاءالله البنات يفيدونا انا بعد موخبره بأوربا

 

[نـعـومـه]

وينكم محد بيسافر اوربا ؟؟؟؟

خابره ناس كله اوربا

 

[mi corazon]

السلام عليكم اوربيات

اي هاذا القروب اللي يرد الروح

ذكرتوني

الصيف اللي طاف كان شهر عسل روعه بس الحمال خرب علي

وجهتنا كانت سويسرا من زيورخ الى فيينا ومن المطار الى زلمسي والعوده من فيينا

روعه الحمد لله الرحله عالرغم من انها كانت اسبوعين

ان شالله هالسنه ناويه على فرنسا وايطاليا ميلان وبالسياره بنروح على الاوتلت في مادريسيو في سويسرا ونمر لوقانو واحتمال انترلاكن


ربي يسهل

 

[mi corazon]

بنات متي احسن وقت للحجز؟ و هل الاسعار تختلف بدرجة كبيرة اذا حجزنا قبل بمدة او اذا حجزنا حدا حدا لان زوجي مايحب يحجز قبل بمدة طويلة :eh_s(16):دايما حجزنا حدا حدا و تكون الاسعار حيل غالية فهل في فترة تكون في عروض و الاسعار حلوة ولا الفرق مو وايد ؟ :bbbiu:

و انا ناوية اوروبا عقب رمضان ان شاالله و ابيكم يا خبيرات اوروبا الحلوين :eh_s(17): تسوونلي جدول حلو و تقولونلي شنو احلي المناطق و الاماكن لانه كلش ماعندي فكرة.. يمدحون زلمسي و انترلاكن و سالزبورغ بس ابي جدول يكون منظم و حلو و باي مطار نطب سويسرا ولا المانيا؟ تري عليمية باوروبا ساعدوني:eh_s(10): و عالمواصلات احسن لو ناجر سيارة ولا نروح بالباص ؟ و احسن الفنادق نبيها 5 نجوم و مشكورين ادري قرقت وايد :eh_s(13):

و اي ودي اروح فرنسا بعد ابي ديزني لاند:gr4uu:

و سلاااامتكم:eh_s(7):

حبيبتي اكيد الاسعار تختلف من يوم لي يوم مو بس من شهر لي شهر

حاليا تذاكر اوروبا اقل شي 250 لو بتخلونها حده حده توصل 350 وفوق

بقولج عالاماكن حسب خبرتي البسيطه ... وعن نفسي اعترف اني ملقوفه احب اكتشف كل شي حته اكتشفت محل ابل للكمبيوتر بس بزلمسي :yaaaaaarb:

زلمسي منطقة الجمال والطبيعة فيها شوية تمشي ومحلات شوي ومطاعم وقهاوي اكثر شي وكلها عرب بكل صوب

فيها شلالات كالام العجيبة وقمة اوروبا وحلاته تاجرون سياره وتاخذون بيوم بسطه وتقعدون بالطبيعه وجاي وبسكوت وحب ياسلااااام
انترلاكن المدينه الاجمل تمشي وطبيعه ورحلة بحرية وتلفريك وقمة فيها مطعم

سالزبورغ هم حلوه ... خنقتني العبره ابي اروح مره ثانيه زلمسي :eh_s(16):

عاد تصدقين على كثر ماقريت بالمنتديات نسيت كل الاماكن وصارت مغامره اني اكتشف الاماكن وكله اشبك بالايباد وابطل قوقلماب واشوف اقرب الاماكن اللي تونس واخذ بروشورات

واكيد البنات بيفيدونج اكثر

 

[نـعـومـه]

نورتي

ماقلتي اي شهر ناويه تروحين

انا قبا اسبوع رحت سفريات تذكره شهر 4 240 وشهر 8 280 والله تكلف اذا فوق 300

احنا للحين يا نسافر شهر 4 او شهر 8 انا مستانسه اذا شهر 4 بعيد عن الزحمه وبنفس الوقت هم حلو شهر 8 عشان ايمع اكثر يعني كل شهر وله ميزته

والله كريم

 

[mi corazon]

حبيبتي نعومه النور نورج بعد قلبي

باذن الله ليلة العيد شهر ٨

حبي الحين تذكرة شهر ٨ حصلتيها بهالسعر ترى حلووووووو لا تنطرون لي قبل السفره بشهر شهرين ترى وايد يزيد لان موسم والكل يبي يسافر اما شهر ٤ محد مسافر امتحانات وداومات

لو تقدرين تسافرين شهر ٤ ترى حلو الجو بريده وحلو ومو زحمه جنج بالافنيوز كله كويتين انا لو بيدي اسافر قبل جان سويتها

استخيري لو محتاره

 

[نـعـومـه]

والله مو بيدي

على حسب ظروف زوجي تتحدد بجذي مستحيل نحجز الا لما نتأكد واشوف ظروف زوجي تسمح يا شهر 4 او 8

يعني مو اختياري

والله يكتب اللي فيه الخير

 

[نـعـومـه]

بس وين حددتو الدول ؟

احنا كل ساع شي اخر شي رسخت بالي النمسا وفرنسا

النمسا يقولون رحلاتهم حلوووه واكشن وانا احب نظام رحلات

فرنسا ودي اشوفها واشوف برج ايفل والعب بديزني هههع

والله كريم