تجمــع اوربيـــات ( 2013) حياكـــم الله

[نـعـومـه]

حبايبي انا بروحي ابي اخلص شغلي مبجر بس المشكله مومتأكدين 100% نسافر متى انا محكوره بظروف زوجي بجذي مانقدر نسوي فيزا فنشوف هالشهر يبين نسافر اي شهر والله يكتب اللي فيه الخير

 

[mi corazon]

العشق دلعها

صح كلامه ماراح تاخذون راحتكم

بس لان اوفر القروبات

احنا كلفتنا تقريبا ٣٥٠٠ الى ٤٠٠٠ لان استاجرنا سياره وخذينا طيران داخلي وبسويسرا وايد استخدمنا القطارات والمترو وزرنا متاحف وخذينا رحلات سياحيه

اهو الحلو انج تكتشفين المكان

واحنا فعلا اللغه كانت مشكلتنا

انا تمام بالانجليزي بس مشكلتنا انهم بسويسرا وفيينا لغتهم الاساسيه الالمانيه مو الانجليزي فا اهني شوي مشكله كنا نستخدم لغة الاشاره ومشى الحال

بس الحلو بالقروبات انج تحسين بالامان وتاخذين فكره كمره اولى حق المرات اليايه

بس صح ماتخذين راحتج وايد بالروحه والييه

استخيري وسالي واخذي فكر من المنتدى اهني ومنتدى العرب المسافرون وايد بيفيدج

 

[mi corazon]

نعومه ربي يجدم لكم اللي فيه خبر لكم حبي

 

[أإلع ـشق دلع ـهـأإ]

ماقصرتي حبيبتي

يعني مو حلو قروب سياحيى

عيل نروح لندن بس ع الاقل فيها عرب مانضيع انتي شرايج

وتوقعين لندن بروحها خلال اسبوع او ١٠ايام انا وزوجي بس جم تكلف

 

[mi corazon]

والله يا العشق دلعها ماني خبيره بلندن لان عمري مارحتلها مع ان ريلي سره مقطوط اهناك

بس اكيد البنات بفيدونج

واهي صح كله عرب ماتضيعون

 

[نـعـومـه]

نعومه ربي يجدم لكم اللي فيه خبر لكم حبي

اي والله اهم شي اسافر بالوقت اللي يكون خير لنا

آميييين

 

[نـعـومـه]

العشق دلعها

انا اشوف صعب الواحد يروح اوربا واهوه ميييح بالانجليزي

اذا انتي وريلج مستعدين اجابلون ناس واجتماعين روحو جربو يمكن تستانسون واذا ماستانستو ماعليه تكون تجربه حق المره اليايه

بس اذا لندن ماتضيعون وايد

 

[عيون مغليهااا]

السلام عليكم خواتي... انا ناويه ان شاءالله اروح اوربا بهالصيف 2013 ميونخ /زلمسي/فنيسيا/انترلاكن/اوربا بارك/
ياليت اللي تعرف تفيدني وشنو المناطق اللي قريبه عند بعض لاني اول مره اروح وودي اروح حق كل شي الله يوفقكم ياحلوات فيدوني بليييييز

 

[mi corazon]

السلام عليكم

حبيبتي عيون مغليها كل مكان ابعد من الثاني

فينيسيا تحت بعييييده عنهم تحت بايطاليا

انترلاكن تبعد عن يوروبارك بالسياره تقريبا ٤ ساعات وزلمسي بعد عالاقل ٤ ساعات او اكثر

دخلي قوقل ماب وشوفي شالمسافه بينهم

 

[نـعـومـه]

عيون غليها


رتبي المناطق اكثر

لاتروحين وايد مناطق وبعاد جذي تعب

اختصري الرحله

 

[أم سيف وسلطان]

ولا مره سرت اوروبا إن شاء الله على السنه اليايه

 

[لذه السكر]

بنات انشالله انا بروح اوربا 10 ايام
ميونخ / ميلان / زلمسي / كابرون
اي سوق احلى ميونخ والا ميلان ؟؟
ابي غير الماركات محلات عاديه حلوه واسعارها مناسبه عشان نخم هههههه
وفيها رحلات مغامرات والا بس طبيعة ؟؟؟؟

 

[Pink_Roses]

اذا ما تبين ماركات ميونخ سوقهم احلى واذا تبين محل رخيص عندج c&a

 

[أمانيQ8]

هلا حبيباتي

انا ناويه باذن الله لجوله اوربيه تبتدي من فرانكفورت
تم حجز التذاكر على طيران الامارتيه يصادف اخر يوم رمضان
وحجزنا السياره من ايفز باقي الفنادق اللي بالدول اللي بنمر فيها
ومدة الرحله 28يوم وسلامتكم

 

[أمانيQ8]

وطبعا المده الاطول بالنمسا لان حجزنا بيت قريب من سنتر كابرون وعلى طول نسكن بكابرون لانها هاديه وحلوه وايد ماشاءالله

 

[أمانيQ8]

اي استفسار حاضره لكم

 

[نـعـومـه]

عليج بالعافيه اماني

بس ماقلتي سعر التذكره واي سفرياات

 

[قلب الزعابي]

السلام عليكم
أشوف وايد بنات يسألون عن الفيزا
اول شي تتاكدين من جوازج انه مؤ قريب بينتهي يعني سنه زين
عقب تروحين تتصورين
لازم بدون عدسات
واليبهه والحواجب طالعين
عقب تروحين السفارة وتشلين معاج ورقة الحجز
عندنا فالامارات ما يطلعون لج فيزا بدون ورقة الحوزات عندكم بالكويت مادري
وعقب تخلصين الإجراءات الحين تسوين البصمه
لازم تبصمين أصابعج طبعا بجهاز خاص
وعقب تتريين تخلص الفيزا من اسبوع وطالع ناس كملو شهر يتريوون
على حسب الزحمه
نحن الحمدلله في اسبوع دقولنا
يوم شفت جوازي عاطيني فيزا مال سنه لان جوازي بينتهي عقب سنتين
وريلي عطوه مال سنتين
هال بنسبه لنا فالامارات عندكم ماادًي


سفرتي 22 اربعه


الله يسسسسرررر ياااارب

والسموحه

 

[أمانيQ8]

عليج بالعافيه اماني

بس ماقلتي سعر التذكره واي سفرياات

الله يعافيج عمري
سعر التذكره 266دينار عالاماراتيه فيها ترانزيت ساعتين بدبي
من سفريات فيلا ترافيل اللي عالبحر

 

[أمانيQ8]

للرفع