&^ تجمـع مـراجعــات مستـشفــى الأمـومــه ^&

[raneen]

قوه ياحلوات .....

هلا والله ام نواف افا انتي تعتقدين لي غبتي مافقدج .......افا بس .....
حبيبتي سلامتج ماتشوفين شر ...واجر وعافيه ... الله يعينج عاد على اول اشهر ....

 

[raneen]

ريم حبيبتي الله يسهل عليج ان شاءالله ...
عاد تدرين في عندنه ابتجمع ابريل ريم المطيري ههههههههه انا حسبتج اهي ههههههبس طلعتوا غير عن بعض ...

انوقه يمكن الي تعرفينها اهي الي بتجمعنا ههههههههه.....

بس ليش ياخذون الف مو مسوين عرض ؟؟؟؟
وبعدين اذا على كلام غلاي 630....وانا سامعه من مرت عمي كانت ابتولد عند محسن طلبه فقالوا لها ان الدكتور محسن ياخذ على الولاده 350 ....فتوصل الف صحيح ......

فغيرت واولدت عند وحده مصريه ماذكر اسمها ... بس لا اسيا ولا رحاب هههههههه ....


وغلاي عند منو ابتولدين ان شاءالله ؟؟؟؟

 

[غلاي امي وزوجي]

رنون عند اسيا ان شاء الله

وحددت لي موعد القيصريه ١/٣٠

 

[raneen]

الله يسهل عليج ياقلبي لاتخافين وكل الي بيي من الله حياه الله ... وماجوره باذن الله ...

 

[غلاي امي وزوجي]

تسلمين رنون

بس ابي وحده مجربه القيصريه عندهم
ابي اسالها

 

[ريــم آلمطيري]

هلا بنات

غلاي لاني عند د محسن ياخذ هوحسابه ٤٥٠ حق العمليه
والمستشفى قالولي حسابهم ٥٣٠

 

[ريــم آلمطيري]

د محسن اشطر واحد بالمستشفى عندهم
وانا حجزت عندهم
لان اختي والده عندهم تو عمليه عند د محسن
فا شفتها بعد العمليه زينه ماتعبت حيل
وماحست بشئ عوار العمليه الحمدالله
فاشجعتني اني احجز واولد عند د محسن ان شاءالله
واختي اخذ عليها الف بعد .

 

[raneen]

بنات توني دافه على الامومه ... العرض الي عندهم 350 للغرفه العاديه ...

480 للديلوكس ...
والفي اي بي 1000وشي ....

للولاده الطبيعيه ....

حق القيصريه للمره الثانيه 360 دينار ....وسالته عن محسن طلبه قال اتزيدين على الفاتوره 550 دينار

 

["*آآآنؤؤؤقهـ*"]

غلااي ليش قيصريه الله يسهل علييييج؟؟

 

["*آآآنؤؤؤقهـ*"]

رنييييين ايييي صح هههههه اللي بتجمعكم .....

 

[raneen]

ههههههههه فديتج انوقه ان شاءالله دوم الضحكه ههههه

 

[غلاي امي وزوجي]

رنين انا امس عندهم والله

قالوا اذا حجزتي من الحين تصير ٦٣٠ القيصريه الثانيه غير اذا البيبي فيه شي وغير سعر الحظانه

بس انا ضبطت وضعي بالعدان يجهزون اسعاف وقت عمليتي ويشيلونها بالحظانه ويودونها العدان

والله سهل

انوقه العمليه انفتحتمن داخل

والبيبي قاااعد عقب ما كان راسه تحت

 

[raneen]

حبيبتي غلاي الله يسهل عليج وصح مثل ماقالي القيصريه الثانيه بالغرفه العاديه 360...

 

["*آآآنؤؤؤقهـ*"]

غلااي يااربي انفتحت الله يستر عليج ويسهل عليج

ليش ٣٠//١ مبجرر حيييل

خليهااا ع الاقل ٢//٢ تكونين دااشه التااسع بالضبط

 

[raneen]

انوقه اعتقد بيولدونها بالسابع مو غلاي ؟؟؟؟

 

[raneen]

ها بالثااااااااااااامن ....ليش امبجرين انا حسبت بالسابع .... ساليها مايصير بس ادشين التاسع على قولة انوووووقه ...
لان حرام يت على جم يوم ....

وله شلون حسبتهم ؟؟؟؟

 

[غلاي امي وزوجي]

انوقه ورنون انا اكون داشه التاسع ولي ٤ايام

يعني اليوم الخامس يسووون لي القيصري عرفتوا

 

[raneen]

اي الف الحمدلله والشكر انا كنت خايفه اتكونين بالثامن ... حبيبتي الله يسهل عليج ....

 

[غلاي امي وزوجي]

تسلمين رنون يا بعد قلبي

ترا بنت الي كانت معانا بالتجمع ولدت شفتها صدفه والله بتجمع يناير وندحت المستشفى وقالت اعطيه ٩٠بالميه

الله يسهل علا الباقي يارب

 

["*آآآنؤؤؤقهـ*"]

غلاي الحمدلله اهم شي البيبي يكون بالتاسع

والله يسهل لج عمليتج وتكووون سهله

المستشفى

وحده نعرفها ولدت فييه عند دكتور عمرو جذي اسمه

وتمدح المستشفى



الله يهون علييكم جميعاااا ..