&^ تجمـع مـراجعــات مستـشفــى الأمـومــه ^&

[هيللو كيتي]

عدل كلامج فراوله دامج قيصري روحي الحكومه وانتي استخيري قبل كل شي،.
اختي والدة قيصري قبل اسبوع قالو بيكلفج ٧٠٠ تقريبا.، وقبل لاتطلع من المستشفي بيوم حزة الظهر رحت سالت الرسيبشن قلت جم حسابها، قالت لي ٨٣٠ تخيلو
ولما باجر راح ريلها بيسوي اوراق الخروج بتطلع وياخذون ٩٧٠ وسال لييش قالوو ادويه .، حرام والله قاصين عالاوادم هالخاص وحتي البيبي لادش حاضنه ولاشي حمدالله،.
وحتي شكثر اعرفهم يقولون دام عمليه روحي الحكومه بس اختي تعسرت ولادتها الطبيعي لاخر لحظه وعقب طلق وكل شي حولوها عمليه،.
قدر الله وماشاء فعل . اهم شي الصحه والعاافيه،.

المستشفي اللي ولدت فيه اختي موو الامومه،.* لا بالعرف بس كلهم نفس الشي الخاص..

 

[raneen]

الله يسهل علينه يارب.....


ام نواف وينج مختفيه .....

 

[هيللو كيتي]

حبيبتي ورود لاتستعيلين علا نفسج نطري اييج الطلق من غير تحاميل احسن لج.،

وعليج بالمشي عقب الفحص علي طول والله نصيححه..

والله يسهل عليج يارب وطمنيناا عنج..

 

[هيللو كيتي]

رنين جم لج الحين؟؟

وعند منو تراجعين؟!

 

[حبيبي]

حبيباتي عندي جم سوال بقيت اسال عن ادكاتره اريايل اللي عندهم زينين و دكتوره رحاب اشرايكم فيها وبقيت اعرف سعر الغرفة الديلوكس ممكن اتساعدوني لانها اقرب مستشفي حق بيتي واحس انها وايد مريح انها اقريبه ممكن اجاوبون علي اسالتي وانا بجره اول مولود حقي
​

 

[ام هالدنيا]

عسى ربي يهون عليج يارب بس انا والله مدري عن المستشفى بس رنين تمدحه حيل لانه والده فيه من قبل

 

[ام نواف العجمي]

هلااا رنون اسالت عنج العافيه يا الغاليه لا والله ماغير اتابعكم بالصامت ههههههههههههههه بالتجمع انتي شلونج وشخبارج وشلون النونو غلااا امي وزجي صج كلااام البنات روحي لحكومه والله احسن لج يا الغاليه

 

["*آآآنؤؤؤقهـ*"]

غلووووي

انتي حالتج روحي حكووومه صج كلتم االبنات

اول انتي تاريخ 30 تعتبرين اخر الثاامن

والبيبي احتمال حضاانه صغييييير حيييل


فتوكلي وروحي حكومه والله يسهلها عليييييج ..*

 

[فديته]

السلام عليكممم

شلونكم بنات

طافني والله هالتجمع مادريت عنه

المهم انا اراجع عند دكتور محسن طلبه للاسف

بنات هالدكتور متغيير حيل

انا كنت اراجع عنده من كان في دار الشفااا وبعدين بعيادته بالسلام

بس والله اللحين مو محسن اللي اعرفه!!!

اللي تراجع عنده تقولي لاحظت هالشي ولا لا؟

والله يابنات انا بالتاسع اللحين >> وكان وضع البيبي لاباس عل راس الحوض مايل لليمين بشوي
يعني بس امشي ينزل ان شالله

تخيلوا شسواا

قعد يضغطه عشان يعدل الراس ولا يطيير فووق صار عالجنب

وقام ولف بطني والله اني بس اصيح من العوااار ليما عدل وضعه

بعدها رحت سويت سونار >> ولقيت البيبي بالعرض تخيلوا

يعني ليش تتعبث ليش تفر وانا مو وقت ولاده؟؟




بنات ادري هذرت عليكم بس نصيحه لا تخلونه يتعبث فيكم وفوق هذا بس يزفج دايماا انتي غلطانه مو فاهمه ومايصدقج

 

[ام نواف العجمي]

هلااا فدينه شلونج شخبارج ياقلبي الكل يمدح محسن وانا ياسبحان الله ما ارتاحت له على اني ماشفته ولاعمري راجعت عنده

 

[ريــم آلمطيري]

انا اختي والده عنده وبنت عمي بعد
كلهم يمدحون د محسن
اختي كانت بالاول والده عمليه والثاني راحت عنده وماشاءالله عليه ولدها طبيعي
وانا الحين بولد عنده ان شاءالله بعد ٥ ايام
ومرتاحه له حيل والكل يمدحه
وشوفي طابور الانتظار المراجعه فول عنده .

 

[فديته]

هلا ام. نواف

والله اللحين حيل متغيير وصاير بعد مادي

مادري احس جذي ،، اول كان غييير مو جذي

المشكله مادري وين اروح اي دكتور

 

[فديته]

هلا ريم

بالعكس الدكتور ممتاز انا من المراجعات القديمات عنده

لكن مو مثل اول تغيير حيل،، حتي مدحت فيه بالمنتدي اول

وخياطه روعه بعد

بس يلعب بنفسيتج ويزفج بروحج مو ناقصه

شفتي شسوا فيني فر البيبي واللحين بس احاتي

وان شالله يتعدل وضعه يارب

تولدين بالسلامه ان شالله ريوم

 

[ريــم آلمطيري]

لاتحاتين بإذن الله راح يتعدل وتوكلي على الله
متى ولادتج انتي ؟وعند منو بتولدين ؟

 

[هيللو كيتي]

والله خرعتوني يابنات بس همن انا عن تجربه مارتاخ الا له هو.. بس انا خايفه من المستشفي والسسترات ..

وعادي قبل فر البيبي لعمتي وحمدالله ولدت طبيعي.

بس انا للحين ماراجعت عنده بحمالي هذا كل مابي اروح الاقي زحمه واهون بس ان شالله راح اروح الاسبوع الياي..

كتت عندة بالسلام صج اهو خرعني هولي بالموضوع وقعدت ع اعصابي اسبوعين الله يسامحه.. بس عقب طمني وقال لو ماازف واحمر للعين مااتسون شي ولاتدارون صحتكم..

وانا اختي بعد لمن كان البيبي فوق قالو لها كثري سجود وحبي نفس اليهال وان شالله يلف..

 

[هيللو كيتي]

ريوم الله يهون عليج يارب بس امانه طمنيناا عنج والله يقومج بالسلامه

وفديته جم لج الحين؟!

ريوم انتبهي علي شغله ترا قبل اسبوعين ولدت عندهم وحدة نعرفها اسم الله عليج والسستر حاطة ابرة الدريب بمكان غلط ومتيمع ماي الدريب كله بكفها وكوعها وزرقت ايدها وانتفخت حيل ..

الله يبعد عنا كل شر وعلي المسلمات اجمعين..

مابي اخوفكم بس انبهكم سوررري حبايبي
لاا تزعلون مني ..

 

["*آآآنؤؤؤقهـ*"]

اب




اب

 

[هيللو كيتي]

ااب

وينكم مالكم حس ،؟!

غلااي عسي مااشر وينج يالغااليه ؟!

 

[ام هالدنيا]

لا ياقلبي غلطانه تكون منزله ايدهااا جم ساعه وانتفخت ايدهااا وانا صار معاي جذي بالمستشفى الفروانيه عادي لانه كنت منزلتهاا من العصر لين العشاء وكان فيهاا ابرة الدريب ولما ناديت السستر قالت لي ارفعي ايدج لمده نصف ساعه وفعلاا رفعتهاا وفشت ايدي كانت منتفخه حيل ومزرقه وما اقدر احركهااا وكنت مثل المشلوله بس رفعتهااا والله نصف ساعه ايدي اقدر احركهااا وفشت شوي وخف الزراق نتهااا

 

[هيللو كيتي]

والله مادري هذا الي سمعته ويقولون ان تمت ساعات يحاولون فيها
و شكو انها جلطه.. الله يشاافي الجميع

عالعموم استفدنا معلومه حلوة منج .. تشكررات حبيبيتي..

بس شلوون اذا انا مخدرة ومبنجه بالولادة وموحاسه شلون ارفعها او اعدلهاا؟!؟ لان مع البنج ترتخين كلج.
يعني هم لازم يكونون الدكتور والسستر منتبهين. علا الوالدة..