&^ تجمـع مـراجعــات مستـشفــى الأمـومــه ^&

[ranooo]

رانو


400 ؟؟ شنو ولاده طبيعيه بس ومعاها التحاليل والادويه او شنووو ؟؟

هلا حرم بدر والله انا خذيت عرض كان ب  مع ابرة الظهر وكانوا قايلين انه بقيمة  دينار تحاليل بس طبعا بعد الولادة يابولي ادوية بس قالولي مو من ضمن ال  دينار وانا والله خذيت يوم زيادة عشان الاستقبال فطلع علي كله  دينار تقريبا وكل شي كان ميسر الحمدلله

 

[ranooo]

الف مبروووك ولحمدالله على السلامة رانوو شلون الولاده عطينا تفاصيل اكثر وشلون طلبتي الدكتور وانتي ماكنتي مراجعه عنده والا كان خفارة انا مايهمني الغرف والاكل كثر موشايله هم حزة الولاده والكمام والخياط بسسس

الله يبارك بعمرج حبيبتي بالنسبة لي كنت اراجع عند الدكتورة عبير من اخر الثامن تقريبا بس صدف معاي بنص التاسع حاشني عوار ويوم رحت المستشفى كانت الدكتورة مو موجودة فقلت لهم بدخل على الدكتور محمود
وصدفت الاسبوع اللي وراه يوم رحت ولا اهي عندها حالة ولادة قلت ماني رادة البيت بدون لا اكشف فرحت عند محمود
بعدين يوم ياني الطلق بالبيت رحت المستشفى وتفاجات يوم قالولي انه عبير سافرت واهم يدرون اني حجزت عشانها فقالولي منو تبين بدالها فقلت لهم دقوا على الدكتور محمود اهو يولدني
انا طبعا هذي ثاني ولادة فيوم رحت قالي الرحم فاتح 3 فخذوني غرفة الولادة
لما صار فاتح . ماقدرت قلت لهم ابي ابرة الظهر طبعا دخلت الغرفة الساعة خمسة الفجر وولدت الساعة9:15 الصبح بس ما شاء الله عليه اهو ودكتور البنج صج احسن من ولادتي الاولى اللي كانت بالسلام وبالنسبة حق الخياط والله للحين ماراحوا وماشفت شلون صاير

بس صج اتكلي على الله وخلي الدكتور محمود يولدج

 

[بخـــارى]

الله يسهل عليكم ويقومكم بسلامه

 

[ام علاوي وعزوز]

السلاك عليكم
اشلونكم بناااااات شخباركم
باركولي انا ولدت بتااااريخ 14/ 6 كنت عند الدكنورة رشيدة بس ولادتي طولت وخلص دوامها وكمل معاي الدكتور صبري الاستشاري والاثنين ماشاء الله عليهم بالهم حيل طويل معاي
الرعايه حلوه من اول ما دخلت الوضع الممرضات مافارقوني ولا لحظه واول ما بدا الطلق يزيد عطوني الكمام وما وخروه عني مثل بعض المستشفيات
والغرف حلوة ومرتبة مع اني ماخذة الصغيرة بس هم كانت العناية حلوه

 

[أأأميرة الورد]

ام علاوي وعزور
الحمدلله على سلامتج

والف مبروك ما جاج

 

[Dalal.al3tibi]

وانا قريت موضوعكم كله من اول شي
لاني اراجع بهل المستشفى بس مودايما
انا حاليا توني داشة الرابع
اول مراجعة من شهر وشي تقريبا عند سولاجا حليوة بس ساكتة
المراجعة الثانية من جم يوم عند عمرو السيد انسان فضيع ياخذ ويعطي معاج
ولما قلت عندي افرازات والتهاب ماعطاني تحميل علا طول مثل الدكتورات الثانيات
قالي بسويلج مسحة مهبلية واشوف نوع البكتريا او الفطريات الي فيج عشان مااذبح البكتريا النافعة واهاجم بس الي مسببتلج الالتهاب
وعطاني رقم تلقونة وقالي دقي اليوم اللاني عشان اقولج النتيجة ومتى تجين عشان العلاج
كنت خايفة من المسحة بس ايده خفيفة

 

[ام علاوي وعزوز]

الله يسلمج يا مناي

 

[Dalal.al3tibi]

بنات وصلي مسج من الامومة توة الحين انضمام الدكتورة رحاب السيد احمد احد سمع فيها

 

[يتيمــــه]

رحت لها قبل
يومين


تهبل معاملتهااااا
كانت بسلام تشتغل

بصراااحه روعه

وباجر راح اسوي دخول
وتولدني
باذن اللله
ادعوولي تكفوووون يسهل علي

 

[أم منورة]

الله يسهل عليج يا يتيمه ويرزقج الذرية الصالحة السليمة ويقومج بالسلامة

بس قيصيرية ولادتج ولا طبيعي

 

[Dalal.al3tibi]

رحت لها قبل
يومين


تهبل معاملتهااااا
كانت بسلام تشتغل

بصراااحه روعه

وباجر راح اسوي دخول
وتولدني
باذن اللله
ادعوولي تكفوووون يسهل علي

دام انها بالسلام كانت تشتغل يعني مضبوطة خلاص انا شكلي بخلي مرجعاتي عندها وابطل فرارة على دكاترة المستشفى

 

[يتيمــــه]

ام منوره

الله يسلمج

انا بجر
وانشالله طبيعي

//

دلال

احسن لج

وانا كل شوي ادق عليها
واقولها اي شي يصير معااي

حبيييييبه

 

[أم منورة]

الله يسهل عليج

وان شاءالله براجع عندها لان مابقى شي على ولادتي

 

[Meeesk]

مرحباً بنات سألتهم عن دكاتره رحاب قالوا جابه من الراشد ماادري زين بنات تكفون بحجز منو احسن رشيد ولا رحاب؟ والله يسهل علوج يتيمه وعلى كل التجمع وتولدين بالسلامة

 

[Meeesk]

ياكثر بدلياتي

 

[ديم اخت القمر]

انا ان شالله باجر بروح عندي مراجعه وبسال عن الدكتورة رحاب
اختي يتيمة الله يهون عليج يا رب ومنو تقصدين بللي تراجعين عندها لان دكتورة رشيدة كانت بالسلااام وانا اراجع عندها اللحين وناوية اولد عندها بس ماادري عن دكتوره رحاب

 

[Dalal.al3tibi]

انا اسال عن رحاب حددو موقفكم وين كانت

 

[دلوعة العود]

أنا ارجع عن الدكتور محسن طلبه مدحوا لي البنات وبكره عندي مراجعه عنده

واللي تسال عن الدكتورة رحاب ولا رشيده أنا عن نفسي ارتاح لرشيده اكثر

كذا مره ادخل عليها طوارئ معاملتها حييل حلوه وانا بصراحه محتاره بينها وبين محسن

والله يكتب اللي فيه خيره / علي فكره أنا بكره ادخل التاسع لدعوتي أمانه الله يهون علي

​

*

 

[Dalal.al3tibi]

الله يهون عليج

 

[يتيمــــه]

تسلموووون حباييبي
ماقصرتووو
انا اقصد

رحااااااب

///


راح اولد عندها انشالله


دلووعه العود

اصلا رحاب ماصارلها
١٠ ايام جايه ! شلون قارنتيها
برشيده؟


عموما
راح اعطيكم اخبارها
انشالله
عسي الله يسهل علينا
ونقوم بسلامه