&^ تجمـع مـراجعــات مستـشفــى الأمـومــه ^&

[بيرلا ستور]

حبيت افيدكم هذا اللي كتبته بتجمعي اليوم انا ولادتي باخر 8
......​

صباح الخير كروشات سوري امس كنت وايد مشغولة تعالوا اخبركم شنو شويت :eh_s(15):​

رحت مستـــــــــــــــشـــــــــــــــــــــفــــى الامــــــــــــــومـــــــــــــــــــــة واااااااااااااااااي بنات تهبللللللللللللللللللللللللللل شوية عليها :rerrerek::rerrerek:​

سويت السونار الرباعي حنيت حنيت وريلي وافق واستانس لما راح وياي :ggdw:​

دخلنا عند الريسبشن دلونا عقسم الاشعة انتظرت دوري كان في وحدة جدامي​

دخلنااااااااااا وسويت السونار طبعا البيبي كان نايم وكله يرفس ويحرك ايدينه وايده على ويها​

لقطتنا صورتين بس والباقي فيديو لان وضع البيبي كلش مو مساعد بس الصورتين يونسون​

الفيديو يا طويلات العمر ما خذيناه لان كان في مشكلة بتحميل السي دي وسوالي فحص كامل عالبيبي وعطاني اشعة وسونار عادي كل هالشي ب 10 دنانير​

يعني جت منهم مع اني رايحة ادفع 35 صور وفيديو بس صار مشكلة بالسي دي ومالقطنا صور وايد قلي بحاسبج بس جنه سونار عادي واذا انحلت المشكلة ندق عليكم وتدفعون ال20​

بس انا وزوجي هونا هههههههههههه قلي اذا ماتبيه بدون بس قلت لا ابي قلي كيفج الصور طالعة زينة​

المهم بعدها سالت ابي اشوف غرفهم بنات انصدمت الغرفة العادية كانها غرفة درجة ثانية او ثالثة يعني انصدمت راهية والتي في بلازا بوجه السرير وحوليه الكراسي والحمام يفتح النفس والاثاث شي حلو وديكور الحيط والباب الرئيسي بني محروق يهبل اشوف اذا في صور بنزلهم​

قلتلهم انا اراجع بالمواساة شلون انتو اسعاركم قالولي في باكيج عررررررررررض بس لازم نحجز بعدين يخلص ب 400 دينار ولادة طبيعية قلت افيدكم وانقلكم كل اللي اخذتها :ggdw:
هال400 شاملة النومة ل يومين 48 ساعة + فاتورة ب 20 من الصيدلية مجانا + خدمة القهوة والشاي والفطاير وناسة مع اني بسوي استقبالي بالبيت بس مو غلط عشان الاهل القراب
وقلي تجي الفليبينية هي اللي تقدم كل شي​

شكلي بروح احجزززززززززززززز مايبيله وكل هذا مافتحت ملف بعد ​

سالت عالدكاترة النساء هنود والرجال مصريين وبعد نسيت براجع الاسماء واشوف منو الاحسن اكيد هني بالمنتدى في تجمع مرة شفته​

وانا طالعة اخذت بروشور فيه الاسعار قبل الخصم

بس الشي الوحيد اللي يخوف انه هدوء تام سالت الممرضة ليش قالتلي لان خاص للحمل والولادة​

شرايكم ​

المهم الحين جاري البحث والتفتيش عن هالمستشفى​

وهذا تقرير مو نقل عن احد انا رحت بنفسي وحبيت افيدكم للي تحب :eh_s(15):​

ادعولي عاد الله يسر امري وامركم وجاري البحث عن احسن دكتور​

 

[اللولو الغالي]

ليدي بيرل
الله يعطيج العافيه علي هالتقرير

بس نبي بعد تجارب مع الدكاتره يعني منو احسن دكتوره
وشلون خياطهم

 

[بيرلا ستور]

الله يعافيج اللولو
وانا بعد منتظرة تجارب دكاترة

وللحين بعد التفتيش يقولون محمود السيد ماا دري

 

[raneen]

حبيباتي الله يسهل عليكم لاتخافون من المستشفى والله انه مافي اي شي وسالفة الهدوء لانه بسسسسسسسسسسسسسسس ولااااااااااااااااااااااااااااااااااااده ولاده فقط ...

 

[arwaa1]

منو ولدت عند دكتورة رشيدة ياريت تكتب تجربتها

 

[أم منورة]

واللي يعافيكم ابي اسأل انا بعد عن رشيدة لان سولاجا إجازة وبترجع يمكن آخر سبعه بس لازم افتح ملف

وابي اسأل عن اللي ولدو عنها وعن الخياط

 

[Meeesk]

مرحباً بنات بغيت أسألكم أنا مااراجع عندهم يعني بالولادة يهتمون فيني وانا ماراجعت

 

[ديم اخت القمر]

مرحبا بنات يعني اللحين مافي بالمستشفى الا دكتورة وحده وهي رشيده لان حسب الكلام د.عبير راحت سافرت بعثة ود.سولاجا الهندية اجازه هالفترة ومافي الا دكتورة رشيدة منووو مجرب الولاده والا سمع عنهاا وشلون عنايتها والخياااط بلييز نبي خبرر
انا باول التاسع وراجعت عندهااا اشوفهاا طيوبة بس متخوفة وقت الصجية هههههه تطلع غيررر

 

[المكسيكيه]

اللهم بك اصبحنا وبك امسينا واليك النشور


أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده رب أعوذ بك من الكسل وسوء الكبر، رب أعوذ بك من عذاب في النار وعذاب في القبر


اللهم ما أصبح بي من نعمة أو بأحد من خلقك فمنك وحدك لا شريك لك ، فلك الحمد ولك الشكر



اللهم إني أسألك العفو العافية في الدنيا والآخرة، اللهم إني أسألك العفو والعافية في ديني ودنياي وأهلي ومالي، اللهم استر عوراتي وآمن روعاتي، اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي

 

[ديم اخت القمر]

ااب اب

 

[وآحشنــي زمآنـك]

ليدي الله يسهل علييج وتولدين بالسلاامه ,..



زين شفتي البيبي يمدحون السونار الربااعي ..


أناا هالشهر بكمل الساابع تنصيحيني أسويه يعني يبيين شكل البيبي ..؟


وبعدين شنوو أروح للرسبشن وأقوول بسوي رباعي ولاا للدكتوور ..؟


ترااني مو خبره هذاا أول حمل لي ..

 

[النوالنو]

هلا بنات مدري بكم السونار الرباعي عندهم قالوا لي ٣٥ والعادي ١٠ صراحه العادي حلو شفته عند دكتور استشاري للسونار طارق ع مااعتقد اسمه مدري اشرايكم بالدكتوره رشيده

 

[Meeesk]

اللي جربت دكتورة رشيدة تقول تجربتها لانهاةالدكتورة الوحيدة بالمستشفى

 

[ارو وكندر]

الف الحمدالله ع السلامه مناي والله ذكرتيني بولادتي وشهيتيني اولد مره ثانيه عندهم صج اهتمام وعنايه
بس انتي كنتي ماتبين دكتور شغير رايج بس شفتي دكتور محمود شحلات معاملته ويصبر عليج لي اخر درجه
عفيا عبير ماسوتلج فحص جربتي فحصها وقارنيه مع محمود عز الله فرق
الحمدالله ان الله خلصج انا دخلت علشانج اشوف ولدتي ولالا واستانست لانج ذكرتيني ههههه اهم شي وقت الاكل يابعد عمري والله حبيتج هناي ودي اتعرف عليج اكثر
الفال للباجي


بنات في تجاارب ولادتنا كاتبينها اهنيه بس بالصفحات اللي بالنص انا كتبت تجربتي قبل وبعد الولاده وتكلمت عن الخياط

اقروووا واستفيدووووا



مناي ناطرتج بعد نفاس لاني مفكره لو حملت ثاني مره بخلي الدكتوررر محمود يولدني بس بشوف خياطه

لان بوقت ولادتي شفته خلص وطلع وولدتني سراجا بس حبوبه


بنات اقروا اللي طااااف

 

[ديم اخت القمر]

ااب ااب

 

[أأأميرة الورد]

هلا والله ارو وكندر حياتي الله يبارك فيج والله انج ما تقصرين على السؤال
يوم كنت بالمستشفى والله كنتي على بالي لان كل المواقف اللي صارت معاج وذكرتيها بقصتج
صارت معاي
يعني لما شفت الاكل تذكرتج نفس وصفج ولما جابوا بوكيه الورد هم تذكرتج
وكل شئ الحمدلله سهاله من رب العالمين
وصج حبيبيتي انا ما كنت ابي دكتور
بس سبحان الله خيره لي
لان الدكتورة عبير اهي اللي حولتني على الدكتور محمود السيد قبل ولادتي لانه الماي عندي قليل
وقالت اهو اشتشاري
كانت الدكتورة عبير موجوده وقت ولاداتي ووفحصت بس كنت ما أخذه كمام علشان جذي ما حسيت فيها
بس أختي تقول وقت ولادتج كانت نفسيه ومعصبه علشان انا طولت وكنت اصارخ عليهم
بس الحمدلله ان الدكتور محمود جاء بوقت ولادتي صج تحسين خلوق ومحترم
ويحس فيج عكس الدكاترة الحريم
وان شاء الله الخياااااط يطلع مضبوط وابشرج بس انتي ادعي لي هههههههه

 

[ارو وكندر]

يابعد عمري مناي والله كل ماادخل التجمع ودي اولد هههه وناااسه هالمستشفي لها ذكريااات حلوه
وانشالله تكونين عروس بطلاعتج من كلوا كلوا
وطمنيني عنج وعن البيبي والله يسهل ع الباجي

وعبير اهي بروحها تتنرفز من كثر دوامها

 

[أأأميرة الورد]

حياتي ما تقصرين والله يالغاليه
يالله شدي حيلج وحملي وعيشي التجربه مره ثانيه
هههههههههههههههههههه
الله يوفقج ياعمري ويرزقج باللي تتمنين

 

[ديم اخت القمر]

بنات انا رحت لمراجعتي لاني دشيت شهري ولقيت دكتورة رشيدة اشوفها زينة وتنصح وكلامها يطمن بس ابي اعرف منو جرب الولادة عندهاااااا

 

[flower q8]

السلام عليكم ياكروشات ،، الله يهون عليكم ومبروك للي ولدوا وعسى الله يبلغهم بعيالهم امين ،،، انا نفس حالتكم استفسر عن هالمستشفى ود رشيدة بالذات ... انا والدة ٣ مرات بمستشفي الاحمدي مع اني ساكنة بالجهرا بس ولادتهم تهبل ودكاترتهم روعه انا دايم عند دكتورات ولله الحمد ،، اكيد بتسألون ليش بتغيرين ،، لاني تعبت من البعد حيييل بعيد عن بيتنا والحين عندي ثلاث بنيات الله يحفظهم ما ارتاح اخليهم وقت طويل واضطر دايما اطلع ثاني يوم عشان ما أأذي زوجي رايح جاي وهو اصلا تعبان من الدوام لانه موظف بشركة نفط الكويت ،، عاد قلت هالمرة بشوف لي مستشفى خاص انا الحين بنهاية السابع وحاسة اني خلاص ثقلت حدي عاد قلت بشوف هالمستشفى دقيت عليهم اليوم قالولي فيه عرض اذا حجزت قبل ٢٤/٦ راح تكون ولادتك ب ٤٠٠ بدال لا تكون ب ٦٠٠ وهالعرض لمدة ٦ شهور وهالسعر شامل اقامه يومين خمس وجبات ٢٠ دينار صيدلية وكل ما يلزم البيبي بهالفترة تطعيمات وكل شي ،، صراحة عرضهم عجبني بس قلت بسالكم عن الدكاترة انا ابي دكتورة هم قالولي فيه د رحاب مصرية ود. رشيدة باكستانية ما ادري ابي اشوركم واستخير وان شاء الله الله يسهل ع الجميع ان شاء الله فاللي عندها معلومات تفيدنا جزاكم الله خير