*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[بريق أنثى]

صحه ع قلبك
حلو الاكل الهندي بس يكثروون فلفل تدرين السباحه رياضة للجسم كله
اعشق الاكل ودي اروح قسم الطبخ بس اخاف انهار

 

[Orangiya]

ام فجر ..

تذكرت سألتيني اذا بالكويت .. اي حبيبتي انا بالكويت الحين ... بس صارلي تقريباً سنة وجم شهر راجعة من لندن .. زوجي كان يدرس هناك سنتين وحددددي تعودت على كل شي هناك .. جان زين لوو ارجع ..

وربي يرزقج بالذرية الصالحة ان شااااااااااالله عاجلاً غير آجل ..


ام بوني .. موفقة ان شالله قواج الله والله يسهل عليج وعلى عيالج

تفاصيل وبريق .. صح نسيت ..
صدمتووني عالحركات اللي سويتوها ايام المراهقة !!! لووووووووووووووول افلاااام ..
الكل يتكلم عن ايام المراهقة انها ايام شطانة و ضحك و عصابات ... الا انا !!!!
كنت في قمة البراءة والمثالية و ما كنت ااتبع اي عصابة او حزب من احزاب البنات لووووووووووول

بس الشي اللي كنت شاطرة فيه اني اهرب اشرطة فيديو المحقق كونان الاشرطة الاصلية بالياباني ومع باجي الكرتونات اليابانية بيني انا و رفيجتي الوحيدة .. ونغلفها على اساس هدايا بيننا انا .. يعني تهادوا تحابوا كل اسبوعين ههههههههههههههههههههههه ..

 

[Orangiya]

بريق ..

اييييي غرااامي الاكل الهندي عذاااااااب .. خصوصاً اذا كان مضبوط و من شغل طباخ شاطر ...

بس مو كلهم يحطون في الاكل فلفل .. على حسب طلبج .. اللي ما يستحمل الفلفل يقول بدون فلفل ..

نصيحة روحي اكلي قطعة فواكه ما راح تضرج .. ههههههه

 

[بريق أنثى]

يوم الاربعاء بس انتظر الصلاة وانام
لاتوصين حريص اذا حسيت بتعب باكل
ومابي اكل الا لين اجوع احس بالعصفور ببطني يقرقر اقصد يزغرد
ياحليلك من صغرك راعية افلام موقع الداردركوم هبل فيني يعلق ويقطع رحت ع اليوتيوب وتابعت كاسندرا
لين ينزل اخوي اخليه يعلمني

 

[Orangiya]

بريييييييييق ...

مو زين تنطرين بطنج يصفر عشان تاكلين .... اكلي كل 5 ساعات تمر اذا ما تبين غيره !! بس والله غلط انج تيوعين نفسج ..

وشايفة .. من صغري راعية افلام هههههههههههههههه .. بس بصغري كنت اتابع الكرتوناات والانمي كلش مو صوب افلام صجية لووول ..
ليما كبرت ووصلت 18 صرت اتابع الاثنين مع بعض .. افلام وكرتونات .. هههههههههه .. بس الحين خلاص احس كبرت عن الكرتونات الا اذا في شي يجذبني حيييل .. او اذا كنت مشتاقة حق انمي معين كنت اتابعه .. لووول ..

خلاص يعني ماكو الا تنطرين اخوج يعلمج عالموقع ؟ ههههه شووي تعلمي بروحج واكتشفي الطرق مثل ما احنا اكتشفنا بروحنا .. P:

 

[بريق أنثى]

اورنجينااااا
ابي اتبع سنه الرسول عليه السلام
ماابي اكل الا لين احس بالجوع وحده اتعبت السنه ونزلت كثير طبعا ماتكل الى حد الشبع لا ثلث اكل وثلث شراب وثلث هوا
انا قبل ثلث اكل وثلث اكل وثلث اكل والثلث الرابع واصل للحلق والخشم هههههههههههههههههه
بالعكس تابعي كرتون انا جلست من سنتين اتابع عدنان ولينا كامل
لاني حاولت افتح ويقطع معي ويطلب مني انزل مدري وشو خربطه وسالت اخوي عن سرعه الاتصال قال لي
ينورلي صباحك
السرعه 10 mb وليسا gb
هو مدمن افلام بس مايخذها زي كذا جاهزة ينزلها مدري من وين ا يقول اصفى وانقى =حليب مش فيلم
بعدين يترجمها

 

[تفاصيل روح .!.]

اورنجياا

مدري كذا حسيت شكلي بيصير كذا اذا صرت في 40 >>انتي اوصلي 59 ويصير خير

وعليج بهم اجل لبن وتمر

وعوافي عليج اللي كليته

انا احب الاكل الهندي هبال عليه

 

[تفاصيل روح .!.]

هههههههههههههههههه

اورنجيا ماشفتي شي نسوي علوووم وقواعد ههههههههههههههههههه

والله مافيني شر ابد بريئه

كنت مدمنه للشعر وكان عمي توه منزل كتابه الاول

عاد انا امسك دفتر القران واكتب فيه القصايد ورى

شوي الا انا ودفتري بغرفه الممديره

يقولون وش هالكلام عيب توك صغيره

قلت خير هذا من كتاب عمي قالت تفتحين اي قسم بالكتاب قلت قسم الغزل

اتصلو على امي قالو حرام انتبهي لها البنت صغيره وحافظه قصايد غزل ههههههههههههههههههههههههه

 

[ana_q8eya]

وياكم


للاسف 72.6

ومستمرررررره

 

[om_fajer83]

اها اورنجيا
الله يجزاج خير عالدعاء

 

[om_fajer83]

الريوق كريب جوكلت وعصير
الغدا سلطة يونانية ونودلز
العشا صمونة وسلطة يونانية
ماي + موكا رجيم + رياضة
مشي نط ورياضة الخصر
رياضة يد وبطن
الغزااااااااال

 

[قــل مـا تـشـاء]

تووته ,,
ههههههههههه اشواا انها صووورة والا جان خدودها طلعت فيهم حبوب من كثر التقرص والتعضعض لووول
زيين حلو سويتيه يوم ., عليييج بالف عااافية يااارب والتمر جربي تاكلينه كل يوم يمكن تتعودين ويروح المغص
بريق ,,
صج يبيله سكر نبات ذكرتيني فيه ,, أحسن لي , ثنكس عالتذكير
أورنجيه ,,
هههههههههههه حلللللللوة ايي غصبن عليهم بيزيدون لوووول
ودامنج انتي رحتي مطعم عيل انا باكل كاكاو اليوم او باكل لي برغر > ههههههههه تستنى الشارة ,,
عليييج بالعااافية حبووبة يتهيآ لي في نص الأسبوع جذي لو نكسر الدايت مو أحسن مثل ماقالوا البنات عشان جسمنا مايتعود على نمط أكل معين ,,
تفاصيل ,,
هههههههه قصايد غزل مره وحده لووووووووول لآ والقهر انه في فصول ثانية في الكتاب بس الشطانه ماتخليج الا عالغزل لووول
أم فجر ,,
عليج بالعاافية حبوووبة والله يرزقنا انا وانتي ولونيتا بالذرية الصالحة .,,
ليدي ,,
يلآ شدي حيلج بس بريجيم صحي لاتتوهقين اذا حددوا عرس بنت خالتج عالأقل بالريجيم الصحي مابيزيد وزنج وايد وبسرعه اذا تركتيه ,,
دلوعته ,,
الله يوفقج حبووبة ., متى تخلصين اختبارات .؟

لونيتآ طوولت الظاهر عجبتها اجواء دبي ,,

 

[Orangiya]

بريق .. اذا على اتباع السنة فيزاج الله خير شي حلو اكيد ان نتبع السنة بس الرسول ما قال نموت يوع بعدين ناكل ... ( قم من الطعام وانت تشتهي) .. يعني تاكلين بس مو لحد ما يوصل الخشم هههههههههههههههههههه .. اللي يقوم من الاكل وخاطره للحين فيه احسن من انه ياكل لين ينفجر ..

تفاصيل ..
لوووول بدعتيييييييييي .. غزل من صغرج هااااااااااا .. يماا منج .. عاد انا حد البراءة كلش ما كنت اعرف بالغزل والحب وهالسوالف الا بعد ما تزوجت يحلاتي وانا اغازل زوجي الحين ههههههههههههههههههههههه ..

ام فجر .. عواااااااااافي~~

ليلي .. هههههههههههههه شرايج فيني وانا اضغطهم .. عاد انا كنت اقصد بالضبط اللي كلش ما ياكلون غير تمر ولبن طول الاسابيع .. لانه صج راح يطلعون بعدها جنهم من مجاعة افريقيا بيهجمون عالاكل ويلعنون ابو الريجيم .. هههههههههههه

اكلي ككااااو من قال ما تاكلين .. حبة وحدة بالاسبوع تكفي .. انا امس اكلت برياني ربيان والعصر قطعة ككاو صغيييرة من امي ... والحمدلله ما اشوف الميزان تأثر كلش .. عاد لا نزودها .. قلنا بناخذ راحتنا بس بحدووووووووود لوووووووووووول ..

هالايام ريوقي شابورة وشاي الاعشاب ...
غداي اليوم سلطة و روب خالي الدسم ..

عشاي .. مادري .. احتمال فواكه او توست اسمر وجبن خالي الدسم ..

ودي اروح النادي بس بشوف اذا زوجي يقدر يوديني اليوم ..

سي يووو لاحقاً~~

 

[ام بوني ونوشه]

اليوم تريقت حبيتين درابيل وبعدها نسكافيه

الغدا تبوله + برياني دياي أكلت نتفه عن نفسي

والحين شاي اخضر
وبس ??

 

[بريق أنثى]

هاااااااااااااااااااااااااااااي رشيقات شخباركم
اليوم الاربعاء وناسه بس عسى مايخرب الرجيم
توومي ولونيتا لهم وحشة

 

[تفاصيل روح .!.]

ام فججر

عوافي على اللي كليتيه

تفاصيل ,,
هههههههه قصايد غزل مره وحده لووووووووول لآ والقهر انه في فصول ثانية في الكتاب بس الشطانه ماتخليج الا عالغزل لووول
,,

موب هذا اللي يضحكني اكثر شي مثير استغرابي من كنت بسادس لحد اليوم اني هديت كل المواد مالقيت الا دفتر القران ههههههههههههههههههه لحد الحين اتذكر وجه الاستاذه وهي تقرا فوق راسها اكبر علامة تعجب شفتها

تفاصيل ..
لوووول بدعتيييييييييي .. غزل من صغرج هااااااااااا .. يماا منج .. عاد انا حد البراءة كلش ما كنت اعرف بالغزل والحب وهالسوالف الا بعد ما تزوجت يحلاتي وانا اغازل زوجي الحين ههههههههههههههههههههههه ..

~

تشوفين منحرفه من وانا صغيره :eh_s(22): ههههههههههههههههههههههههه
بس والله في حالي .. انا هبال بالقصايد بيوم واحد احفظ لج 8 او 9 قصايد من قصايد حامد او علوش (( يعني طويلات ))

وهذا الشي استمر معي لحد العام كنت القي قصايد بالايام المفتوحه والحفلات حقت المدرسه والاذاعه وانشد واغني احيانا خخخ

بس عاد هالسنه احس كلش موب صوب القصايد مدري ليه يمكن لاني التهيت بخرابيط الدايت

عوافي عليج اللي كليتيه

 

[تفاصيل روح .!.]

ام بوني عوافي يالغلا

هاااااااااااااااااااااااااااااي رشيقات شخباركم
اليوم الاربعاء وناسه بس عسى مايخرب الرجيم
توومي ولونيتا لهم وحشة

لااا انتبهي ترا السبت ميزاان

والله لهمم وحشششه :eh_s(2)::eh_s(2): لوليتا صادقه ليلوو شكله عجبها جو دبي عسى ماتستقر هيناك :eh_s(1):

توومي باقي لها مااده بسسسسسسسسسسس وناااااااااااسسسسسسه يلا نشوووف من بيستقوي علي ورفيجه درربي موجوووده

جد وحشتني ايامنا قبل وهبالنا على انسه برتقاله :eh_s(2):

 

[تفاصيل روح .!.]

احم احمم

يومياتي بعد ماصرت حرممه سنعه اهتم بصحتي >>احلفي ياشيخه

طبعا انا اتبع سياسسه " رجيم النقاط "

على الريق ../،

برتقاله = 1
الفطور ../،

عصير اناناس + تورتيلا صغيره بالسبانخ=5

الغداء ../،

اندومي + صحن سلطه خضراء (خس + بقدونس + جرجير + خيار +جزر مبشور + ملفوف ) =8

مجموع النقاط المستهلكه ../، = 15 نقطه

مجموع النقاط المتبقيه ../، = 5 نقااط

باقي العشاء مابعد قررت يمكن ما اتعشى


اححمم احمم ان اخطئت فصوبوني ((مشتقه من الصواب ))
لا صدق اذا حسيتو اني خربتها علموني

طبعا وزني الحالي 68.5 وعرفت وش سبب الزياده صارت من المضاد والكرتوزون

طبعا الكرتزون طول العمر والمضاد يقول لحد يوم الجمعه بعدها نوقف المضاد اسبوع وبعدين مراجعه وبعدها يرجع اسبوع >> وهكذا لحد ماتشفى المعده تممااماا

 

[Laidy n3ooma]

اليوم مافي ريووق

والغدا سمجتيييين وسلطه

 

[زينة البنات 94]

بنات انا الفتره اللي طافت ماقدرت اشبك كنت امتحانات واليوم عطلت باركولي
ووزني الحين 68