%% تجمع وملتقى امهات مواليد 10 و11 (تكملة تجمع حوامل 10و11)%%

[Tangled]

اهلا وسهلا صديقاتي العزيزات مشتاقة حق التجمع سامحوني من زمان عنكم بس شسوي فديته زين العابدين مو مخليني اتنفس
عالعموم هم انا غيرت حليبة ولدي طبعا الدكتورة نصحتني ووايد ناس نصحوني وغيرت له اسمالله عليه من نوفولاك الى سميلاك غين ادفانس لووول جنه اسمه أطول من يوم السبت ؟؟

بس اللي معور قلبي اسمالله على عيالكم ان ما ياكل ذابحني بكل الاشكال حاولت حتى حاولت بالممية ماكو وليدي مافيه صحة على هالممية انا ما يهمني المتن بس ابي اغذيه باكثر طريقة ممكنة استغفر الله اسوي بهالاكل واقط ، يعني حتى عمره مو مناسب اللي اوكله مشهي

 

[Brounzi_girlly]

هلا والله أم رتوجة وروحي
آنا بنوتي متقبلة نان بطنها مرة يمسك ومرة عادي هذا شي طبيعي بس بالنسبة للحليب خفيف على معدتها مقارنة بسيميلاك ما والمها
طبعا انا مشكلتي الازلية الرضاعة ابييه ماتشرب حليب وايد ولا تاكل عدل على قولة روحي نسوي ومن بخت الزبالة وانتو بكرامة
يالله الحمدالله لو ياكلون نتفة ولا يرضعون شوي نعمة

 

[Brounzi_girlly]

حبيب قلبي وديها مستشفى الاميري الطوارئ عنايتهم احسن من الخاص وربي يشافيها

 

[حبيب قلبي]

السلام عليكم اشلونكم كلكم
بنات الى يستعملون نان 2 مالاحظتوا ان ريحته ( الله يزيد النعمه خايسه )

 

[حبيب قلبي]

بنات اذا عيالكم مايشربون الحليب تقدرين تحطينه مع الاكل مثل السيريلاك وعيش الميلوبا موشرط يشربونه سائل

 

[Brounzi_girlly]

بعدي حبيب قلبي ماستخدمت نان 2 وسن عمرها 5 شهور

 

[حبيب قلبي]

برونز اشلونج شككتينى انا لولو خلصت 5 شهور ودشت السادس وبلشت بنان 2 انا صح ولا غلط ؟؟؟؟؟؟؟

 

[Um Ritaj]

قوة يا امهات

عسى ربي يآجركم على تعبكم بعيالكم

شاخبار اعيالكم

انا بنتي صارت 4 شهور ونص وانا عقب الاربعين قرعتها عالزيرو لاني ما احب شعر البطن بس الله لا يوريكم الشعر كله نبت ما عدا النواحس والزوالف ذكرتني بقحطة ههههه يا حليلها عوبه كله تحب الشل وما تحب ننزلها وتموت على قناة طيور الجنه

وكله تمغمغ بحلجها

وللحين ما تقعد على قولة الوالده الله يحفظها (الجاهل بالرابع قعدوه وان ما قعد اعذروه وبالسادس قعدوه وان ما قعد طقوه)

والحين كل ما احطها عالسرير القيها اقلبت وتدحرج وقمت اخاف عليها وما اخليها بروحها عالسرير

وهذي اخر اعلومي انا وبنتي

الا وين تختوخة وبسبوسة

الله يعين تختوخة عالحمال والبزايه مسكينه تكسر الخاطر

 

[حبيب قلبي]

هلا ام رتوجه اشلونج
عيال هالوقت عسرين وعوبه الله يهديهم ... انا بنتى تحب قناة البراعم صج الوانها تشوف وانا اقعد معاها واتابع شكلى حنيت لايام الطفوله

 

[Tangled]

حبيب قلبي وام رتوجة وبرنزية شلونكم وشخباركم عساكم بخير

ام سلوم انتي صح بادية بالحليب اول ما يخلص الشهر الخامس ويوم خلاص تغيرين له الحليب

امس رفيجة اختي قالتلي على عضاضة تنباع بسنتر بوينت تحطينها بالفريزر تبرد ويعضها الياهل تهدي عوار اللثة خو انا زين العابدين مستخف الا شعرة واي مستعسر من هاللثة وده ينتف اي شي يمسكه صاير عصبي وما ينام عدل حبيبي

ام رتوج كان ودي احلق ولدي بس شعر البطن الحمدلله طاح من بدري والحين طلع له جم شعره الكل لما يشوفه يقولون شنو اقرع اقولهم لاو الله فيه شعر بس تصحر مناطق فيه ومناطق خالية

سامحوني ما امر اهني وايد لأن مشالله المنتدى كبير وعلى ما امر لي قسم الا بدت يحن ويرن يعني ما يمديني اشارك بكل الاقسام بس اكيد ما اقطع من حبيبات قلبي بنات التجمع ونتو امانة لا تقطعون صج قبل لا شغلة ولا عملة بطونا جدامنا وونشبك اكثر والحين اليهال واق ويق ما يخلونج تحكين راسج بس لا تقطعون ترا معرفتكم ذهب يا قلبي

 

[Um Ritaj]

هلا والله يا روحي تحبك

معذورة يا قلبي

وفي طريقة حلوة بدال ما تشترين عضاضة

كنت اسويها باعيالي واني اخذ جزرة واقطعها على شكل مستطيل واحطها بالفريزر ولما يسنون اعيالي احطها على لثتهم تبرد عليهم

اشرايج فيني!!!!!

خبرة تفتح العينين

 

[Cacawa]

اشلونكم بنات شخباركم ؟

ادري قطعت عنكم شوي بس حدي لهيت

حبيب قلبي ماتشوف شر بنتج رفيجتي انصحتني بالدكتورة سناء معروف ودت ولدها وتقول الحمدالله وايد احسن ومنو بعد قالي عنها اي صج خالة ريلي تقول كانت تودي ولدها حقها تقول علاجها وحده بوحده وانا محتارة بين خالد السعيد وسناء معروف لازم اوديه هالاسبوع خالد السعيد يطول بالعلاج وسناء العكس

انا بديت اعطي احمد ابتاميل2 قبل لايكمل السادس بجم يوم وشريت له بسكوت مالوبا حق التسنين جنها شابورة صغيرة استانس عليها
وبالنسبة للاكل مايبي ياكل انا خدامتي نسوي سيرك عشان بس يضحك ويبطل حلجه ونوكله ولانقص عليه بالممية جنه بنشربه من الممية من يبطل حلجه ندعس القفشة عشان ياكل لاتقولون مو متقبل الاكل او مو عاجبه لان سواء ان خضار ولا فواكة مايبي يبطل حلجه ومن ادعس الاكل ياكله ومادري شسوي معاه

امس مفروض تطعيمه حق ال6 اشهر بس ماطعموه السستر اسمعت صدره يخشخش قالت وديه حق الدكتور واذا قال اوكى نطعمه
وديته حق الدكتور قال لي صدره نظيف مافيه شي قال الخرخشة ابلاعيمه وعطاني بس قطرة حق خشمه والاسبوع الياي اطعمه

 

[حبيب قلبي]

روحى تحبك ، ام رتوجه ، كاكاوة اشلونكم
روحى تحبك انا اول شي ادش على تجمعنا بعدين اذا عندى وقت مريت على الاقسام الباجى.
ام رتوجه والخيار بعد زين يعضض فيه بس على عداله وعندج بعد قشرة الرقي الله يبيله رقي بارد.
كاكاوة الشر ماييج امس وديتها الهادى وغيرلى المضاد قالى مال الحكومه يسوى اسهال ( تكرمون ) والحمدالله الحين احسن

 

[Cacawa]

الحمدالله

 

[Tangled]

هلا فيكم حبيباتي

حبيب قلبي وككاوة سناء معروف زينة حق الامراض العادية نزلة برد حساسية خفيفة يعني بس مو متخصصة مثل خالد السعيد
يعني انا وديت زين العابدين عند سناء معروف شفطوا البلغم وعطوه ادوية اوكي بس انتو اسمالله عليهم عيالكم صاير المرض معاهم مزمن اسمالله عليهم من زمان مرضى
الله يشافيه ميارب ويرتاحون فديتهم الكتاكيت وترتاحون

ككاوة انا ادخل القفشة اوكي بس المشكلة يتفل الاكل صج يهبل لما يتفله مال عض اسمالله عليه فديته بسسسسسسسسسسس ابيه ياكل ياربي شسوي ؟ حطيته بالممية ماكو بالقفشة ماكو قاع احاول لو ياكل قفشتين باليوم يوم عن يوم انشاء الله يتقبل

 

[Um Ritaj]

روحى تحبك ، ام رتوجه ، كاكاوة اشلونكم
روحى تحبك انا اول شي ادش على تجمعنا بعدين اذا عندى وقت مريت على الاقسام الباجى.
ام رتوجه والخيار بعد زين يعضض فيه بس على عداله وعندج بعد قشرة الرقي الله يبيله رقي بارد.
كاكاوة الشر ماييج امس وديتها الهادى وغيرلى المضاد قالى مال الحكومه يسوى اسهال ( تكرمون ) والحمدالله الحين احسن

قوة بنات اشلونكم

حبيب قلبي ما تشوف شر بنتج

عندج زيت الزيتون وتسخنينه تسخين بسيط مو حار لانه بتتغير تركيبته وتبشرين فوقه زنجبيل طازج وفصخي تبانها ودهني ظهرها وسوابعها عند الجتوف وصدرها وبعدين لبسيها ودفيها عدل ولا تشغلين التكييف وان شاء الله يطلع البلغم من صدرها

هذي امي معلمتني عليها لما يهيج صدر ولدي​

 

[حبيب قلبي]

السلام عليكم
روحى تحبك :: الشر ماييج ياقلبي والحمدالله على كل حال.
أم رتوجه :: مشكورة على الوصفه الحلوة ان شاء الله راح اسويها والله يشافيها ويشافي مرضي المسلمين

بنات في احد من عيالكم بدا يسنن لولو فيها اسهال ( تكرمون ) ماادرى من الحليب ولا تسنين

 

[Cacawa]

الله يشافيهم انشالله

ام رتاج خوش وصفة شكلي بسويها حق احمداني بس الدكتور قال لي صدره نظيف قال الخرخشه كلها ابلاعيمه ومادري من شنو ؟ وشنو الحل ؟

حبيب قلبي احمداني بس يبي يعض ويفرك لثته بالمصاصة وشريت له عضاضه حلوة من مركز السلطان حبها
وشكله بيسنن ضريساته شوي واضحين تشوفين شيين بيض بلثته الله يعينا عالعض لووووول

 

[حبيب قلبي]

يحليله الله يعينج ويعينه شريتيله الجل الى قتلج عنه

 

[سيلينا]

مرحباا امهااااات

انا معاكم كنت بفتره الحمل ولو اني ماشاركت بالتجمع الا مره او مرتين

بنوتي عمرها 5 شهور وشي سميتها منيره

بالنسبه للاكل ليلحين باليوم وجبه وحده وما تاكلها ماتعرف تبلع اتفله ناويه لي كملت ال 6 شهور ابدي انوع بالاكل اكثر وازيد الوجبااااات

بالنسبه للضروس ما ادري احس توها مع ان ايدها دايما بحلجهاااا بس ما اشووف شي ولا ورم بالثه

بنتي تقلب من فتره تحوووس حييييييل ماتثبت بمكان مبينه الشطاااانه

بالنسبه للي اعيالهم مرضى الله يشافيهم ومايشوفوت شر تغير الجووو مشكله

بنااات عيالي على طول مرضى يعني مايمر شهر الا بالتناوب يعني ما تتوقعون ان لو عرضتها للهوى يعني البسها شورت بالبيت والتكيف يكون شغال بس مو بارد حيل لان مو حاله اعرف ناس ماشاء الله عادي نص جم والتكيف بارد ماتتوقعون اني لو ماالبسها حيل بس مو معناته اخليها تستبرد يعني حل وسط عشان تتقوى مناعتها .

بنااات جربتوا تعطون عيالكم البروكلي حيل مفيد بس طعمه مو الكل يتقبله انا قبل حاولت مع ولدي بس ما حبه ودي لو نلقى طريقه اخلي بنتي تحبه