%% تجمع وملتقى امهات مواليد 10 و11 (تكملة تجمع حوامل 10و11)%%

[Cacawa]

اشلونكم بنات

انا شريت حق احمد من سنتر بوينت يهبلون

 

[Tangled]

همن انا شريت من سنتر بوينت بس مو الحين انا احب اشتري قبل واخش شريت اخر الشتا وكنت ايام التنزيلات اتنقاله قطعة مني وقطعة مني لأن بصراحة مذركير القطعة ام 8 دنانير بالتنزيلات طيحوا حظها على دينار ودينار ونص بس يبيلي بعد
ماكس رحت ما عجبني شغل الصبيان ما طلعت منهم الا ببطنرون بس شغل البنات حلو
يبيلي فرة من زمان مو رايحة السوق

 

[حبيب قلبي]

السلام عليكم بنات اشلونكم
انا كل ماتميت خذيت لها بجايم واخر مرة خذيت لها من فاشن مل الى بمجمع منيرة حلوين واهم شي عندى صوب الصدر مو ويسع ماحب تنام بليل وصدرها طالع التكييف بارد واصدرها مو مقصر من الكحه موناقصة

 

[Brounzi_girlly]

شلونكم بنات انا ودي اروح نكست اشتري اندرويرات حق وسون جربتهم حقها الي من صفر لي 3 صراحة كد ومد وبجرب اوفر اولتهم يمكن زينين

 

[Tangled]

اي تصدقين وايد حلوين اقطان نكست شغلهم حلو
وفاشن مل هم يونسون انا خذيت حق زين العابدين جم بجامة يونسون وخوش قطن خل احن عالحجي اليوم جود يحن قلبه ويوديني وي اليوم ديوانية لوووووووووول شفيني

 

[Brounzi_girlly]

خخخخخخخخخخ
روحي حني جود يودييج شخسرانة

 

[حبيب قلبي]

السلام عليكم بنات اشلونكم

 

[++The DuchesS++]

غفران ما شاء اله تبارك الرحمن يبتي توام ترى توني ادري يتربون بعزج وعز ابوهم
انا وسن تقلب صارلها فترة بس ماتقعد وآنا اصلا كله سادحتها بس خدامتي عودتها على الشيلة بس احقرها انا
شريتو لهم ملابس صيفية ولا بعد ترى ماكس منزلين ملابس حق البنات اينون وحتى اوفر اولات اول شي تراخصتهم قلت خل اخذ اثنين اجربهم بس لي حد الحين زينين بالغسال لأن انا كله اشتري من مذركير ويتهدلون على ايام بنتي الكبيرة كنت اشتري من آدمز بس الحين ماقامو ينزلون بجيام بعمر عيالنا
لي عودة

هلا حياتي
مشكووره حياتي تسلمين
حتى عيالي تعودا على الشيل خلاص لا مفر
انا شريت ملابسهم الصيفيه من كذا مكان فاشن مل وسنتر بوينت

 

[Brounzi_girlly]

مسا الخير على احلى تجمع اليوم ويك اند وانا قاعدة في البيت اريح عقب لوية الدوام شخباركم بلشتو توكلون عيالكم ولا لأ انا بس احط بسكوتة بالرضعة وساعات اذوقها شغلات قبل فترة عطيتها شوية موز بس جنه جسمها تحسس

 

[Cacawa]

هلا برونز شخبارج ؟

انا قمت اوكل احمد

 

[allahoo]

السلام عليكم يا بنات عندي ولدي عمرة 6 اشهر وبعد عمري للحين ماشد عظمة ارقبتة تهتز وريوله تتصفط لما اوقفة مادري شسوي كاسر خاطري تهقون ما اخذ كفايتة من الكالسيوم لان حملت فيه بعد اخواته التوم ب4 اشهر فيدوني خواتي مو عارفه شسوي

 

[حبيب قلبي]

السلام عليكم اشلونكم بنات في أحد

 

[كويتيه كيوووت*]

مرحبا كويتيات شلونكم انتو وعيالكم ..

انا عضوه جديده وكنت معاكم علي الخط بتجمع حوامل 10 11 ..
والحمدالله ولدت بنوتي البجر بــ 20|11 وسميتها مناااااااوي علي جدتها ..
وياعمري الاسنان من لما كان عمره شهرين تعورها وبس تعض ايدينها وماطلع شئ ..
شريتله عضاضه والالعاب عشان تعضهم وماكو فايده مصره تعض ايدها
واسم الله عليها كملت الحين 4 شهور و14 يوم ومو عارفه شنو اكلها ماعندي خبره في نااااس يقولون لي صغيره علي الاكل وناس يقولون اكليها اسمع كلام منو فيهم ؟؟

ويعطيكم العااافيه علي هالتجمع ..

 

[تختوخه22]

الله يخليها لج

اخذي كتاب الدكتوره ريم(اسم الكتاب الطفل السليم للدكتوره ريم)ولونه وردي

الله يسلمج انا لما خلصت الرابع بديت اجرب لها البطاط والجزر والعيش

كل ثلاث ايام نوع عشان اشوف اذا تحسس ولا عادي والحين صارت بالسابع

وتوني معطيتها دجاج

 

[Brounzi_girlly]

هلا وغلا بكل بنوتات التجمع
تختوخة شلونج حبيبتي والله لج وحشة اليوم بجرب اعطي وسن جزر يمكن تتقبله اتوقع الجزر خفيف او كوسا
واوافيكم بالنتيجة بعدين سي يوووو

 

[allahoo]

افا محد رد علي سوالي

 

[حبيب قلبي]

السلام عليكم يا بنات عندي ولدي عمرة 6 اشهر وبعد عمري للحين ماشد عظمة ارقبتة تهتز وريوله تتصفط لما اوقفة مادري شسوي كاسر خاطري تهقون ما اخذ كفايتة من الكالسيوم لان حملت فيه بعد اخواته التوم ب4 اشهر فيدوني خواتي مو عارفه شسوي

والله ماعندى فكرة بس الى اعرفه ان من زمان المفروض يكون شاد عظمه

 

[Cacawa]

allahoo
هلا حبيبتي ليش ماتراجعين عند دكتور وتشوفين شسالفة وانشالله ماكو الا الخير اتوقع يكون كسول يبيله وقت

 

[allahoo]

راجعت عند دكتور بالسلام بس قالي عادي مافية شي والحمدلله بس كاسر خاطري لان شفت اخوانة بسرعة شدو لما كانو بعمرة واقل وهو للحين والله لو تشوفون ارقبتة تضحكون عليه وله يكسر خاطركم مادري بس الحمدالله والشكر ان الولد سليم ما فيه اي شى والحمدالله بس كنت بعرف اذا في حل ثاني

 

[Brounzi_girlly]

مسا الخير بنات شلونكم شلون عيالكم قوليلي شنو الاكلات الي تعطونها حق عيالكم ومتى توقيت الوجبات وجم وجبة باليوم
مع التحية.....................