تجمع مَوآليِدْ ديسمبّر 2011

[~LiBrA~]

زوبا وي وي من شنو جرحج صار في جذي؟؟ ديربالج لا يلتهب روحي دكتورج بسرعه خل يشوفه

بس شلون تمسكين الياهل جذي وتشربينه احس صعبه!!



واي انا كل يوم اذا بجت بنتي ابجي معاها مره باليوم خخخ من الحين حولوني الطب النفسي خهههه


مس انج
لانها تعودت علا حلمة المميه عشان جذي ماتعرف تمسك
انتي اذا فيج صبر ميخالف تحملي مره ليما اتكون يوعانه حيل و

 

[~LiBrA~]

لما اتكون يوعانه حيل وحطيها علا صدرج وحاولي فيها اكيد راح تبجي بس تحملي ومسكي حلمتج انتي بعد باصابعج من فوق وتحت عشان تقدر تدش بحلجها
وانشالله تتعود

وترا كلنا باابدايه مانعرف نمسكهم عدل حق الرضاعه بس مع الوقت والفطره سبحان الله اتعرفون الوضعيه الي ترتاحين لها

 

[اللولو الغالي]

بنااااات

بيبياتكم يشربون رقمين ولا اربع ارقام
انا ارضع بنتي طبيعي
بس اعطيها مساعد مرتين او ثلاث مرات باليوم

واحتار معاها
رقمين ما يشبعها واربع ما تكمله

 

[~LiBrA~]

اللولو
والله انا مثلج ارضعها طبيعي ومرات اعطيها صناعي بليل عشان تشبع وتنام

انا مادري شقصدج رقم ار رقمين

انا امشي علا رقم المميه
اسويلها لي رقم ٦٠ ويشبعها
واحس هالايام ماتشبع بسويلها لي٩٠

 

[نـعـومـه]

بنتي ما تحب تشرب ماي..!!
حتى اذا حطيت لها فيه شكر او سكر نبات مااااااااااا تحبه
تبجي بجي اذا شربتها ماي

مفكرة اعطيها اياه بالقطارة مالت الدوا..


و المصاصة صايرة تمصها و تحذفها و ترجع تبيها و هذي حالتي معاها طول الليل
فكرت الزق المصاصة بويها عشان ما تأذيني >< .. << ترى مو من صج اتغشمر ههههههههه

نفس الحاله مادري شسوي

والماي احط ستكانه فيها ماي وقفشه صغيره ههههه ابره اخاف يطلعلها وايد

والمصاصه قليل ماتاخذها ماتبيها

 

[نـعـومـه]

بنات شنو احسن انواع الحليب للبيبي ؟!؟

عشان خلاص استمر عليه واطلب منه بالتمويل

سميلاك شريت بس علبه

 

[Lulu_Perla]

اللولو
عطيها 4 ارقام.. عادي ما تكمله كله اذا اشبعت بتهده
انا الدكتورة قالتلي الطبيعي للبيبي بو شهر 4 ارقام.. يعني 120 ملل

عادي ماتشربه كله ترى..
رقمين حرااااااااااااام ما يشبعها.. من اول مانولدت بالمستشفى ما يعطونها رقمين المفروض اكثر شوي

 

[Rayan85]

بريق انا كمان بعطيه 120 مل بس مش دايما بكملها
انا ولدت يوم الجمعه 16\12 الساعة 4 العصر وجبت معتز وطبيعي الحمدلله

 

[Dalal.al3tibi]

انا ولدت 1\12\2012 الساعة 3.45 الفجر طبيعي جبت حور
واشربها 120 وساعات متكملها كلها

 

[muslima88]

ولدت يوم 22 دسمبر 6.46 الفجر قيصرية، وجبت زينة الصبايا ليليا Lilya

باول اسبوع رضعت مكست، و لي 3 ايام برضع طبيعي فقط.​

 

[قمرساطع من حلاه]

اناولدت 3/12 الفجر 3،45 وطبيعي حمدلله
سميت بنتي جود فدديتها
انا ارضعها طبيعي اغلب الوقت بس رضعه صناعي بالليل واذا طلعت
اعطيها 60مل بس حياتي ماتشبع واذا عطيتها 120مل ماتكملها
بس خلاص لازم مانعطيهم 60 لانهم كبروا بسم الله عليهم وعشان تتوسع المعده
الله يحفظهم من كل شر يااااااارب

 

[Lulu_Perla]

ليش التجمع نزل تحت..!!
اصعد فوووووووووووووووووق



بنات سؤال لكم كلكم
بليز الكل يجاوب

ترضعون عيلكم كل ساعتين او 3..؟؟
ولا تنطرونهم هك يقومون من النوم او يبجون عشان ترضعونهم..؟؟؟؟

و اي طريقة تشوفونها صح..؟؟؟؟؟؟

 

[مواصله]

انا شرررف حبيبي ونور دنيتي يوم الجمعه 25-11-2011 الساعه 12:30 الظهر

 

[مواصله]

امس كنت موديه حمود المستوصف معاه زكام وصدره بلغم سألت الطبيبه المفروض الجاهل كل كم يوم يخرج

لان من غيرت له حليبه صار كل يومين ثلاثه ،،قالتلي المفروض بعد كل رضعه يعني الطبيعي 4-5مرات باليوم او اكثر

مو زين يطول وقالت لي حاولي تعطينه من صدرج اكثر ،،بالصج انا احااول بس اهو الله يهديه مو رااضي

بس اعطيه صدري يقعد يصررخ ويتعصررر وحالته حاله بالاخير يغلبني العيار واعطيه حليب

احيانا اجوعه بالاربع ساعات عشان يستسلم ويرضع طبيعي بس يمص شوي وينام حددده جنني

هذا اهو قاعد يتمغط يمي ويطالعني بنص عين الحمش فديييته عتريس ههههههه

 

[مواصله]

بريق المفروض كل ساعتين يرضعون بأول ثلاث شهور

حرام معدتهم صغيره ماينهدون اكثر من جذي بسرعه يجوعون

 

[ام الحوراء زينب]

ليبرا بالعكس اسهل بس مو متعودة عليها
علاوي جذي مرات يشرب 120 ومرات 70 او 80
بروق على حسب بس انا امشي وياه كل 3 ساعات اشربه بس مرات لمن اعطيه انفاكول ينام مسكين حبيبي 7 ساعات مايشرب يكون نايم

 

[ام الحوراء زينب]

هههههههههههههههههههههههههههههههههههههه مواصله ذكرتيني بمأساتي ويا علاوي مايرضع طبيعي كلش
مره وحده ونسني رضع طبيعي 10 دقايق خخخخخخخخخخخخخ بس من بعدها هذا ويه الضيف
حبيبي حمودي وينه وين البلغم بعد عمري مايشوف شر
والخروج علاوي زعلان علينا من امس مو مخرج
بس مادري اهو يخرج مره وحده باليوم بس شنو موطبيعي ؟

 

[ام الحوراء زينب]

بناااات جربو الانفاكول ويا عيالكم
اول يوم طاح على علاوي اسم الله عليه نام 6 ساعات ريحنا وارتاح
بس من بعدها ماكو فايده بس قام يهديه من الغازات
وامس نومه بعد الحمدلله

 

[اللولو الغالي]

من بعد كلامكم صرا اعطيها ١٢٠ ( رقمين )
بس مرات ما تكملها

زوبا شنو هذا الانفاكول وين ينباع
وليش ينوم البيبي جذي
٦ ساعات!!!
مايجوع البيبي


اذا آمن انقذيني فيه
وراي طلعه نفاس

 

[ام الحوراء زينب]

هههههههه لولو ماكو امل حق وقت الشسمه يتسلط عليج البيبي
انفاكول رفيج ريلي يابه من لندن اهو حق غازات يريحه ينام
بس علاوي اسم الله عليه مزاااااااااجي مرات ينومه مرات ماينفع
شوفي بالصيدليه اكيد يبيعونه لانه كله اعشاب وايد زين