تجمع مَوآليِدْ ديسمبّر 2011

[jegrom]

الله يعيينا والله ان شالله عاد اذا رديت شقتي تتعدل نومته

 

[chalmastya]

احم انطردنا من تجمعناا ههههههههههههههه مصخنهاا اهناك يلا نقعد ونسولف اهني ههههههههههههههههه

 

[اغلى من الغلا]

واي مو من صج عطيتوا تجمعنا عين
نكمل اهني ان شالله البنات يدلون المكان اليديد

 

[!الجادل الصعب!]

لا لا انا وفلافل
سدحنا التجمع كتاااافي ههههههههه
ماشالله عيونا وحده وحده ههههههههه



كنت متوقعه هالطرده المؤدبه
حدنا مصخناها هناك *

 

[!الجادل الصعب!]

للحين مانمت وباجر عندي موعد جلديه وبروح الافنيو ارد اغراض
واشتري عطوراتي

 

[shak!shoka]

اماااا عيون الجادل و فلافل !!

تسكر التجمع

امبيه تعودت عليه روووتين يومي صار


يالله نكمل هني و انشالله جدول و فلفول ما يعمونا علينا ههههه

 

[نـعـومـه]

هههههههههههههههه انتو هنيييييه

نطردنااااا

تفاجأت لما لقيته مغلق ! بس مرده بيسكرونه واهم شي نتواصل هنيه والبنات يدلون التجمع اليديد

 

[نـعـومـه]

الناس كلها تكلم عن البرد

وانا بغرفتي مع بنتي ماندري عن العالم الخارجي هههههه

 

[Lulu_Perla]

تصكر التجمع واااااااااااي عورني قلبي

بس صج شكلنا غلط
ماكو غيرنا من 2011 صايرين عتج هههههههههههههههههههههههههههههه

حياكم هني
مو تنسون و تروحون هناك << اهم شي لوووووول

 

[shak!shoka]

وينكم ؟

نايمين

شكلكم بردانين و خدرانين هههههه

الجو حدددده بااااارد ديروا بالكم ع اليهال

 

[Lulu_Perla]

نعومة
البرد قااااااااااااارس
عقب العشا الحرارة وصلت ٧
ونااااسة الحين حزة الكوتاااااات و الفرووو هههههههههههه

 

[انسه^دراقه]

صباح الخير بنضم لكم ولدت ويبت بنت سميتها شيخه بتاريخ 12/12
قيصريه ثاني بيبي

 

[انسه^دراقه]

طبعا المفروض اطلع اليوم من الاربعين بس يتني اخت النفاس وعكرت علي طول الاربعين ماوحت مكان اللهم مستشفي والجمعيه زهقت شكله حتي بعد اخت النفاس ماراح اطلع الجو ووايد بارد نفاسي بشقتي عند ريلي صراحه ارييح وايد نفسيا

 

[انسه^دراقه]

بنات عقدني حليب سيميلاك اهو 4ارقام قفشتين بس ماتكمله اذا بسوي ثلاث ارقام جم قفشه احط

 

[Lulu_Perla]

رحت اليوم سويت سونار لبنتي انجيك على حوضها
الحمدلله يا رب طلعت سليمة مافيها شي


بنات اذا كملوا بناتكم شهر ودوهم يجيكون عالحوض
بعيد الشر ساعات يصير فيهم خلع
و اذا تطورت حالتهم يلبسونهم جهاز عشان يرد حوضهم طبيعي و وايد يتأذون

بنت خالتي و خالتي صار في بناتهم جذي

و وحدة بالمنتدى هني كانت كاتبة موضوع عن سونار الحوض لبناها اكتشفوه متأخر و تأذت مسكينة

 

[!الجادل الصعب!]

رحت موعد الجلديه الصبح وانا ميته نوم قاعده من 7
وطلعت عال9
رديت البيت 11 والقا اختي وصيتها علا عيالي ورحت انام شوي
لان الخدامه مقعدتها مبجر وملنامت شي
تو قعدت الا اختي الغبيه راقده والهدامه مع عبود وسعود يحوس بروحه برا
نرفزتني مو كفو اعتماد
والخدامه تتهول مانمت ومانمت ومن طلعت ننسدحه يمهم
وهم نايمين
*

 

[!الجادل الصعب!]

انسه يا تسوين رفمين يا اربعه
ولا تقللين الارقام خل تريح شو وحاول تشربينها الرقم الباجي
لو نصه عادي



البرد مو طبيعي اليوم

 

[مواصله]

طااار قلبي لما شفت التجمع مقفل قلت خلاص تشردنا لووول

انسه اذا الماي 3ارقام حطيلها ملعقه ونص


يااااربي انا اللي مااستبرد وكله مصيفه اليوم وامس ثلللجت واطرافي مااحس فيهم شقتنا باااارده والدفايه منظر ماتسوي شي

 

[مواصله]

حمود امس كان في قمة ابداااعه قاعد من 10 الليل قلت خلاص حلو حده ساعتين وينام

سبحته وخليته يلعب ويتحرك بالماي ليما تعب دفيته وعطيته شاي اعشاب اللي فيه يانسون بابونج وانا مستاااانسه

قلت خلاص بيدوخ وبينام نومه سنعه رضعته ..جات الساعه وحده ثنتين ثلاث ياااااااربي مافيه ولانقطة نوم

يالله ع 3ونص غفت عينه حطيت راسي عشر دقايق بالضبببط الا قام يصيح وبأقوى صوت عنده

وانا والله شوي واصيح معاه قمت ازفه واصرخ عليه وزوجي صحى من سباته الشتوي بس عشان يقولي: ماارضى تسبينه!!

ورد نااام وانا اطالعه بنص عين لا تعليييق

جرب حط روحك مكاني ونشوف نفسيتك الجميله شلون

رضعته نام 4وشوي وهذا نومته ماتغيرت كل ساعتين يصحى مادري متى تتعدل نومته












لاحظو كم مره كتبت كلمة نوم خخخخخخخخخخ

 

[!الجادل الصعب!]

مواصله
هههههه حلوه مارضى تسبينه
اي والله جر لو شوويه بعدين تكلم