تجمع مواليد نوفمبر2012 نوفمبر يات حياكم الرحمن

[غالية زمانها]

قلبك صخر انا خذيت الفطاير من ابتايزر الكل سال عنه وايد حلو وطعنه روعه
والحلو خذيته من لازورد الصالحيه انا القهوه واللشاي فريحت نفسي وخذيت ضيافه العميد
ومنهم الشاي والقهوه والماي والمواعين والسرفس اريح لي حيييل وخذيت اللي فيه انواع القهوه من غير اشياء بارده لاني والده بالشتا

جولجست ماتشوفين شر وطمنينا حبيبتي

ام الزين. انا مو كل يوم اسبحه لاني بالهعمر اخاف يزلق او يطيح من ايدي امي للحين اتسبحه مادري متى اتعلم !!!
معنا هذا نو اول بيبي

 

[حور البحرين]

ماعليج شر جيولجيست

 

[حور البحرين]

غالية زمانها الحال من بعضه انا بعد امي قايمه ببنتي
اخاف اسبحها وابدلها

 

[Noufina]

بنات شلونكم ولهت عليكم

انا بنتي ماتشرب حليب الا بالغصب اللي لما رحت مراجعة ال ٣ اسابيع قالي ما عجبني نموها الظاهر حليبج مايكفيها زيدي حليب صناعي
عاد بلشت وياها و ان شاءالله خير

 

[geologist]

حبيباتي الشر مااييكم
الف الحمدالله الدكتور فحص مبدئيا و قال احتمال كبير حليب متكتل او تليف
و اثنينهم عادي مايخرعون و حطيت موعد حق السونار عشان يتأكد اكثر
الف حمد و شكر لك يااارب

 

[أم معاذ الكندري]

قوه بنات شلونكم شخباركم
بنات بنتي كل ماتشرب حليب صدري ترجع وتتعسر أكثر وتتألم

 

[حور البحرين]

الحمدالله على سلامتج قوليقست

 

[geologist]

حبيبتي حور الله يسلمج

ام معاذ هذا اللي كان يصير مع بنتي عشان جذي قطعت عنها الطبيعي و كانت واايد تتعسر
ام معاذ اقري عليها قرآن ابصوت عالي يكون مسموع و خليها تسمعه
اليوم بنتي كانت مستعسره و حالتها حاله جان اقرى المعوذات عليها ابصوت عالس و سبحان الله هدت و انا اقرى عليها

 

[^^ام الزين^^]

ما تشوفين شر قيولقست وانا قطعت الحليب الطبيعي واعطيه صناعي
لان حليبي ما كبره كلش والصناعي احس بدا يعطيه عافيه

 

[نونة قطر]

مرحبا صبايا اخباركم انا اختكم نونة من قطر انا ربيت ولدي تاريخ ٢-١١ وكنت متابعتكم بتجمع حوامل نوفمبر اول بأول واستانست وايد على سوالفكم واستفدت وجزاكم الله خير وبهل التجمع ودي اشارككم

 

[نونة قطر]

بنات انا في حاله مايعلم بها الا الله واااااااايد متضايقه وصايدني اكتئاب

مشكلتي بالرضاعة انا صدري الحلمة مالته مسطحه وتعذبت لين رضع منه ولدي بس احين مادري شفيه قل الحليب وولدي كاره صدري وكل مابي اشربه يقعد يصيح صياح يخرع متقطع قلبي ودي ارضع ولدي من صدري وحاولت حتى جوعته ابي يرد يرضع من صدري بس رافض

احين اذا شفته نايم ادخل الحلمة بحلجه يمص شوي عقب يصيح ويهده وغير جي اللي مضايقني كلام اللي حولي الكل يقول ماعليج منه جوعيه وبيرد يرضع انا اسمع صياحه يصيح لين ينبح صوته يتقطع قلبي واعطيه صناعي

شسوي ارضى بالامر الواقع واعطيه صناعي ولا شسوي

 

[أم معاذ الكندري]

عطيه رضعه صناعي ورضعه طبيعي
لاحرام ترا الصبي كثر البجي الوايد يحوشه افتاك

 

[Pretty_mama]

بنات اذا رضعتوا عيالكم بالليل وقت النوم لازم تجدونهم ؟
لان الواحد اذا توه قاعد من نومه ماله خلق يصبر ��

 

[Pretty_mama]

حسافه ام الزين ليش قطعتي حليبج ترا حتى لو يزيد شويه وزنه يعني الحليب كافي
انا بنتي تكبر بالاسبوع بس ربع كيلو بس الدكتور يقول دامها قاعد تزيد يعني الحليب كافي

بس اذا بعدين نويت اقطع شلووون ؟ لان اذا الحليب زاد بالصدر يورم و يعور
تاخذون حبوب تنشيف ولا تقطعون من نفسكم ؟
وما تسخنون ؟

 

[أم معاذ الكندري]

مافهمتج برتي شنو نسوي لهم بالليل قبل الرضعه
إذا ع الوزن أنا مادري إذا بنتي قاعد يزيد وزنها ولا لأ
لان أحس بنتي نتفه حيل حيل

 

[Pretty_mama]

ام معاذ
تجدي يعني عقب الرضعه لازم تحطين بنتج على جتفج عشان تطلع الغازات اللي فيها من الحليب ولا راح تتأذى من الغازات او ترجع عرفتي ؟
انا كل وقت عادي بس بليل مالي خلق ��

 

[نونة قطر]

ايه لازم تخلينه يتجدى ولا راح يمتلي بطنه كله غازات وبيقعد يصيح ويتعكر مزاجه ومزاجج

 

[نونة قطر]

ام معاذ انا كنت ارضع طبيعي وصناعي ومن اسبوع كاره صدري وحليبي قل مايطلع الا قطرات وهذا بعد مااعصره

 

[Noufina]

بنات
آكو وحدة يجزاها الف خير عطتني مثل حزام للطفل
تخيلي اذا ولدج والا بنتج بطنهم منتفخ بس تحطينة يريحهم و تعالي سمعي السمفونيات
المهم اهو طلبتة بالانترنت فبعطيكم اسمه
happi tummi
اقروا عنه

 

[Pretty_mama]

نوفينا جربتيه ؟؟
صج عاد يريح البيبي؟
عاد انا ماعرف اطلب من النت جان زين يوفرونه التاجرات