تجمع مواليد نوفمبر2012 نوفمبر يات حياكم الرحمن

[Pretty_mama]

جيولوجست وااااي لا تشيشيني حدي ميته عالليزر شينطرني شهرين ��
ودي اسوي بطني البكيني عقب شهرين و صدري ماقدر لاني ارضع اخاف يأثر عالحليب
مادري بعد همن ودي اسأل طبيب الليزر اهوا ادرا

احسن مكان للمسك من القرشي انا اخذ منهم بس كنت استعمل مسك العروس الابيض
ودي الحين اجرب الاسود مسك الطهارة

 

[Pretty_mama]

بنااات وينكم ليش التجمع نايم
اكيييد من البيبيات ماخذين وقتكم ��
صج انا اول الايام جذي ماعندي وقت حق ولا شي بس الحين بيضيرلي عشرين يوم احس احسن بديت اتاقلم عالوضع اليديد و خف الاكتئاب شوي الحمدالله والبنوته تعدلت رضعاتها شوي بس الحين تعاني من مشكلة الغازات مسكينة تكسر خاطري لمن تتعصر احسها تتألم حبيبتي ��

 

[غالية زمانها]

صبببببباح الخيرررر انا لهيت لاني اعيالي سخونه وفوق هذا البيبي ما ينام
عاد انا سالت دكتوري وقالي عادي اسوي ليزر بكيني قالي عادي وناريه اسوبه
لاني قبل لا احمل مسويه بس ماكملته ووودي اكمل
بريتي ماما ليش ماتعطينيها قاز بمبي عشان ترتاح ترررررى خدا مريح

 

[حور البحرين]

صباح الخير بنات متى استخدم مسك الطهارة
بريتي ماما احسن دوا للغازات قاز بمبي

 

[حور البحرين]

غاليه ماعليهم شر عيالج

 

[Pretty_mama]

غالية يمكن قالج جذي لانج قيصري جرحج مو تحت
والله يعينج يارب

اي بناات صارلي يومين على قاز بمبي و بنتي مرتاحه عليه خفف الغازات الحمدالله

 

[أم معاذ الكندري]

قوه بنات
شلون استخدم قاز بمبي

لان أنا بعد بنتي تكسر قلبي لمه تتعصر وتتألم من الغازات ما تنام


بنات أنا انصدمت
لمه رحت حق دكتور عبدالله وريته الدوا الي معطيني ياه مستشفي الصباح حق الغازات حق بنتي قالي هذا ابتعدي عنه ولا تستخدمينه هذا ماله شغل بعلاج الغازات هذا منوم وهذا مثل المخدرات أو بالأصح نوع من أنواع المخدرات بأجر بنتج بس أتكمل شهر ولاشهرين ماراح تنام إلا منه لان راح يدمن جسمها عليه
وفعلا أنا لمه كنت أحط لها كانت ع طول تنام حبيبتي. حسبي الله عليهم يعطونا منوم لهم اكسرت قلبي وحسيت بالذنب أنا ع طول ادمعت عيني عند الدكتور قالي لاتبجين اهم شئ لاتعطينها شئ انتي ماتعرفينه وأحسن شئ تستمرين ع الأعشاب وماي الغريب باليل وعطاني حليب بيبيلاك وقالي جربيه لها بس موع طول تقطعين حليبها لا بالتدريج

 

[أم الهواشم]

ام معاذ شاسم الدوا اللي اهو منوم اللي صرفه لج الصباح

 

[Pretty_mama]

ترا هذا ماي غريب مال المستوصف اهوا اللي يقولون عنه مخدر بس بدون كحول عاد يمدحونه

 

[أم معاذ الكندري]

إذا ماقطيته اصوره لكم

 

[أم معاذ الكندري]

هذا بنات

 

[أم معاذ الكندري]

بنات أبي تحاميل تنظف وزينه
شنو تنصحوني فيه

 

[geologist]

حبيباتي اشلونكم

بغيت اسأل اشلون يستخدمون مسك العروس علشان اشتريه !!!

غاليه حبيبتي مايشوفون شر اعيالج

حور اذا الترجيع وااايد وديها الطبيب احسن

ام معاذ يمكن هذا ماي غريب انا ريلي شرالي ياه من الصيدليه و لما اعطيه حق بنتي اتصير مسطوله مسكينه فوقت و ماقمت اعطيها ياه بس اسمالله عليها صايره اتطلع عيني ليه درجه اليوم قاعده اكلمها و اقول لها عيب اتسوين بامج جذي ترى الجنه تحت ريلي انا قاعده احذرج. و ليش مااتخلين امج اتنام مسكينه فصلت عليها و من صجي و انا قاعده اتكلم جان امي اتدش علي اتقول انتي قاعده اتكلمين منو فحسيت اني بدعت فيها ههههه

*

 

[geologist]

ام معاذ ابصراحه انا ماخذيت تحاميل لان الدكتوره امنعتني الا بعد مااسوي فحوصات

انشالله بإذن الله اليوم برد بيتي بعد صلاة المغرب و قلت عالساعه ٣ بروح الصالون حق مكياج و شعر و يايبه مصوره اتييلي البيت

اليوم رحت لميس سبا
بنات ابصراحه انصحكم لان مو طبيعي سويت البرنامج اللي اب ٢٥ دينار بس المشكله اني رحت متأخر عالساعه ٥ و كان زحمه ماشالله و خلصت على ٩.١٥
ابصراحه اللي بتروح خلى اتروح الصبح عشان اتسوي كل شئ على رواق و مزاج. حتى من كثر ماعجبني عزمت امي عليه اتسوي نفس برنامجي مني لها لانها ماقصرت معاي كلش *

 

[أم الهواشم]

قولقست طالعه من الشر ان شاءالله
صالون لميس سبا انا بعد بروح له ان شاءالله بسالج سويتي البرنامج كله بيوم واحد

 

[أم الهواشم]

ام معاذ انا دكتورتي صارفه لي هالتحاميل وانا مجربتهم من قبل وايد زينين اخر 10 ايام من النفاس يوم تحطين بيتادين واليوم الثاني تحطين التحميله الثانيه وتكررين يوم البيتادين ويوم تحميله الثانيه لمدة 10 ايام

 

[geologist]

هلا حبيبتي ام الهواشم
اي سويت البرنامج كله يوم واحد
شوفي المساج نص ساعه
الحمام الملكي ساعه
البدكير و المنكير و البرافين تقريبا كلهم ساعه
و فيه حمام زيت انا حطيته بعد الحمام الملكي لان فيه زبونه عند الرسبشن قالتلي لا اتحطين حمام زيت و تدخلين اتسوين حمام ملكي لان اللي ابشعرج راح ينزل على جسمج و يخترب الوضع فسويت نفس الاي قالته
و فيه شيره بس انا ماسويت لاني اسوي ليزر
هذا البرنامج بو ٢٥
و تقدرين اتسوينه على ايام بس انا ماكان عندي وقت

 

[المكسيكيه]

صباح الخير بنات
شلونكم شخباركم وشلون بيبياتكم
انا الحمدلله ولدت ب5/11 ويبت احلى رشودي
امم بنات بغيت اسالكم وين عنوانه لميس اسبا

 

[المكسيكيه]

امالهواشم هل التحاميل اقدر اشتريهم كم غير وصفه طبيبي

 

[المكسيكيه]

سوري
ام الهواشم هل التحاميل اقدر اشتريهم من غير وصفة طبيب