تجمع مواليد شهر ديسمبر2012 ويناير 2013

[همي رضى خالقي]

السلام عليكم انا وياكم بنات ولدت قبل اسبوع وبجر يبت بنوتة حلوة بس بسالكم عن تنظيف حفاظة البنت شلون

 

[الزيـــــ^^ـــــن]

مسااء الخير

بنضم لكم


ولدت ويبت ولد بسلامه تاريخ 1/21


ومبرووك افتتاح التجمع

 

[الزيـــــ^^ـــــن]

قلبك صخر والله ياقلبي ماعندي علم ولدت طبيعي
وان شالله ربي يرزقج الولاده الطبيعيه السهله

 

[شيخه كويتية]

مبرووووك اللي ولدووو
حمدالله عالسلامه

 

[ام عفراء]

سؤال محيرني

الدكتورة قالت لي الخياط تحت الجلد وبس غرزة وحدة برا .. وطاحت

بس شلون اعرف الخياط التئم والا لا ؟ دامه تحت الجلد

لاني للحين احس بشي مو مريح بقعدتي ... واحاتي

 

[بنت شتره]

قلبك صخر

انا مجربه الولادتين


الاخيره قيصريه

الادويه الرشاد لا
الفلفل الاسود لا

اول ١٠ ايام لاتاكلين ادويه كلش
بعدهاًا اكلي

انا كليت تقريبا بس ٥ ايام
لانه القيصريه منظفج عدل وبعدين عورني القالون من الادويه


عادي انا دهنت بطني


ولبست مشد بس ماصكره حيل


الحليب ممنوع اول اسبوع لانه فيه غازات
والعمليه ماتبي شي فيه غازات



ودربالج من الرشاد

كليته مع تمره

مت مت من العوار حرقتني عمليتي
واحس مثل الفلفل ع الجرح


وبث

 

[&هند&]

قلبك صخر رديت عليج بالخاص


همي رضى خالقي مدري والله انا نظفت بنت اختي اول شي بكلينكس مبلل وبعدين بقطن وماي دافي ومن فوق لي تحت البنت تتنظف


اليوم بطهر ولدي الله يستر خايفه بنات الي طهرت ولدها تقول لي شلون اتعامل مع الطهاره

 

[ام يسووفي]

قلبك صخر اي خلصت نفاس الحمدلله

وطلعت الدورة بتنزل والحمدلله نزلت

 

[ام يسووفي]

هند انا طهرت ولدي كبير كان يمشي وشاش بس ما البسه شي يضايقخ من تحت والحفاظة ما اسكرها حيل واحطله كريم كل يوم اهوه اول چم يوم بتعانين بعدين عادي

ام عفراء اذا حسيتي بنغزات يعني الجرح يلتئم انا جذي الدكتورة قالتلي

 

[قَلبڪْ صًخرْ]

مشكووورين امهات
عالرد والدعاء
الله يجزاكم خير
فديتكم

 

[همي رضى خالقي]

قلبك صخر رديت عليج بالخاص


همي رضى خالقي مدري والله انا نظفت بنت اختي اول شي بكلينكس مبلل وبعدين بقطن وماي دافي ومن فوق لي تحت البنت تتنظف


اليوم بطهر ولدي الله يستر خايفه بنات الي طهرت ولدها تقول لي شلون اتعامل مع الطهاره

مشكورة حبيبتي انا اسوي جذي يعني صح طريقتي

 

[الزيـــــ^^ـــــن]

هنووده والله انا امي اول جم يوم تغيرله

بس حاليا انا ..طهار ولدي حلقه وعطوه غسول ماركه abc

وقالولي بوله اهو دواه بعد .. وحطي بقطنه زيت زيتون . بس انا ماستخدمت الزيت بعد اليوم بحطله ان شالله

 

[Toffeeya]

انا طهرت ولدي بس ماحطيتله كريم ولا شي
الدكتور قالي عقب ماتطيح الحلقه احط الكريم !!
واليوم صارله اسبوع و للحين ماطاحت

 

[ام_ركون و دندون]

انا تطهير ولدي الاربعاء ان شاء الله

 

[توحه1]

مبروك ماجاكم ام ركون ودندون ويتربى بعزكم وجعله ربي من الذريه الصالحه المصلحه يارب

 

[الزيـــــ^^ـــــن]

توفيا .. انا بعد عطاني قالي لي طاحت الحلقه حطيه

وهم صارلي اسبوع مطهرته ولا طاحت الحلقه بعد

 

[طعم الشهد]

شلونكم بنات انا من تجمع فبراير بس ولدت 1/22 قيصريه وضايق خلقي ونفسيتي اكس
ماني عارفه شسوي
طلبت برنامج النفاس من ام خالد
بس المشكله ماحب لعشاب وتوهقت
وحيل متنت ابي اضعف ويقولون موزين الحين

 

[الزيـــــ^^ـــــن]

ليش التجمع باااارد حيييل ،،،؟!!

بنات والله خايفه الحلقه ماطاحت وقاعد احطله من يومين زيت زيتون مع كل غيار

يارب تطيح والله احاتيه حييل

 

[Toffeeya]

ليش التجمع باااارد حيييل ،،،؟!!

بنات والله خايفه الحلقه ماطاحت وقاعد احطله من يومين زيت زيتون مع كل غيار

يارب تطيح والله احاتيه حييل

الزين انا بعد سويت نفس الشي قاعده احطله زيت زيتون و للحين ماطاحت
و خايفه اوديه يشيلونها يعورونه ودي تطيح من نفسها

 

[الزيـــــ^^ـــــن]

اي انا بعد خايفه اوديه الطبيب يلعبون فيه علشان جذي بنطر جم يوم عالزيت ان شفت مانفع بوديه

وان شالله يارب تطيح من نفسها