تجمع مواليد شهر ديسمبر2012 ويناير 2013

[ام يسووفي]

مناوي بچت بس بوقت قضت اذونها بس بعدها سكتت وعطتني كريم مضاد حيوي ادهن اذونها فيه والحمدلله

بنتي موراضية تتقبل الممية كلش قاعدة احاول فيها هالايام لان باقي اسبوع على دوامي بالجامعة واذا ماتقبلتها هالايام بوقف قيدي هالكورس والله يكتب اللي فيه الخير

 

[بنت شتره]

مبروك الافتتاح


انا ولدت 13 -1 -2013

وجبت احلى ولد


ومبرووووك للي ولدو

 

[زينه الوصايف]

مبروووك بنـْْ♡ـْْت شتره

‏​شلووونكم مع هالجو الضبابي

الحمدالله طهرت ولدي امس بالسلام ((شاش)

 

[&هند&]

صباح الخير


حدي خايفه على ولدي الخميس بطهره ومالي قلب خايفه حيل بطهره بطريقة الشاش وبالهادي


زينة شنو سويتي مع الطهاره ؟؟؟

 

[شيخه كويتية]

صبااااح العسسسل

 

[شيخه كويتية]

انا طهرت ولدي شاش بالاميري كان عمره اسبوعين
الحمدالله كل شي تمام الحكومه انظف

 

[ام يسووفي]

شلونكم مع بيبياتكم

 

[يآسمينه]

السلاااام عليكم

كروشات تجمعنا السابقات و الامهات الرشيقات حالياً

شلوووونكم مع النفااااس ؟؟

أنا صارلي ١٠ أيام من ولدت

من كم يوم جتني حالة اكتئاب مو طبيعيه

ما تخيلت الوضع جذي

سهر و قلة نووم و البيبي يتعصر من بطنه و يبجي

اشتقت لزوجي من الحين ، شينطرني شهر بعد ؟؟!

و افكر اصلاً لو رجعت شقتي من بيساعدني عالياهل ؟ بحووس معاه برووحي !! و أنا ما عندي خدامه

و يا ترى هل انا كفؤ لهالشي ؟! بعمري ما مسكت بيبي قبل وماعرفلهم !!!

متوتره وتعبانه نفسياً و جسدياً وماعرف شتصرف

هذا غير وسواسي على راس البيبي صاير منتفخ جهة اليسار

الطبيب يقول طبيعي و نسبة ٦٥٪ من الاطفال ينولدون جذي وبعدها يرجع طبيعي خلال اسابيع او اشهر

بس انا ميته من الخوووف واحاتي


قرقت واااجد بس مالي غيركم اتناقش معاه بأمووري و يفيدني

 

[ام عفراء]

السلاااام عليكم

كروشات تجمعنا السابقات و الامهات الرشيقات حالياً

شلوووونكم مع النفااااس ؟؟

أنا صارلي 10 أيام من ولدت

من كم يوم جتني حالة اكتئاب مو طبيعيه

ما تخيلت الوضع جذي

سهر و قلة نووم و البيبي يتعصر من بطنه و يبجي

اشتقت لزوجي من الحين ، شينطرني شهر بعد ؟؟!

و افكر اصلاً لو رجعت شقتي من بيساعدني عالياهل ؟ بحووس معاه برووحي !! و أنا ما عندي خدامه

و يا ترى هل انا كفؤ لهالشي ؟! بعمري ما مسكت بيبي قبل وماعرفلهم !!!

متوتره وتعبانه نفسياً و جسدياً وماعرف شتصرف

هذا غير وسواسي على راس البيبي صاير منتفخ جهة اليسار

الطبيب يقول طبيعي و نسبة 65٪ من الاطفال ينولدون جذي وبعدها يرجع طبيعي خلال اسابيع او اشهر

بس انا ميته من الخوووف واحاتي


قرقت واااجد بس مالي غيركم اتناقش معاه بأمووري و يفيدني

الحمدلله على سلامتج

ومبروك اللافي

ولاتحاتين وتوسوسين انتي قدها وقدود ان شاء الله

وعن الضيقة على طول شغلي عندج قرآن يريح بالج

ومع الوقت انتي والبيبي راح تتعودون على بعض

والراس مادري بس دام الطبيب قال طبيعي فلا تحاتين

بس حاولي تنومينه بالجهة اللي مختربة عشان يتضبط ويرد مكانه

 

[شيخه كويتية]

صباحكم ورد

 

[شيخه كويتية]

انااتذكر اول ١٠ ايام لين نهاية الاربعين
كنت اكلم ريلي وابجي

انتي ريلج عندج حمدي ربج انا ياني سبوعين وسافر
اكلمه بتلفون وابجي جني ياهل
انابجر
واكيد انتي بعد مثلي اول بيبي لج
هذا طبيعي حييييل




الله يخليلج وليدج ويخليلج ويسخرلج ريلج كليها ايام وتعدي وبتضحكين ع روحج

 

[ام عفراء]

صباح النور




بسألكم انا بنتي رقبتها قابة كله حبوب صغار وردي على احمر

تهقون شي عادي ؟ ولا لازم اوديها الطبيب ؟؟

 

[يآسمينه]

الحمدلله على سلامتج

ومبروك اللافي

ولاتحاتين وتوسوسين انتي قدها وقدود ان شاء الله

وعن الضيقة على طول شغلي عندج قرآن يريح بالج

ومع الوقت انتي والبيبي راح تتعودون على بعض

والراس مادري بس دام الطبيب قال طبيعي فلا تحاتين

بس حاولي تنومينه بالجهة اللي مختربة عشان يتضبط ويرد مكانه

الله يسلمج و يبارك فيج حبيبتي

انا بالعكس جهة راسه المرتفعه ماجيسها ولا انومه صوبها

باخذله موعد مع استشاري اطفال حق اتطمن اكثر

 

[يآسمينه]

انااتذكر اول 10 ايام لين نهاية الاربعين
كنت اكلم ريلي وابجي

انتي ريلج عندج حمدي ربج انا ياني سبوعين وسافر
اكلمه بتلفون وابجي جني ياهل
انابجر
واكيد انتي بعد مثلي اول بيبي لج
هذا طبيعي حييييل




الله يخليلج وليدج ويخليلج ويسخرلج ريلج كليها ايام وتعدي وبتضحكين ع روحج

مو بس انا يعني ! يا ربي ليش حالة هالاكتئاب اللي تجينااا

انا بعد من كم يوم صرت ابجي مثل الياهل احس اني ضايعه

البارحه و البيبي نايم خليته عند امي و طلعت مع زوجي عالسريع ناخذ عشى بس احس غيرت جو و تعدلت نفسيتي

تسلمين حبيبتي و يخليلج بنتج / ولدج ؟

ويااا ربي يسمع منج وتعدي هالفتره على خير

 

[يآسمينه]

صباح الورد ام عفراء

ما عليها شر بنوتتج

انا بجر وماعندي فكره ان شاءالله البنات يفيدونج

 

[قَلبڪْ صًخرْ]

كروشات سابقاً

القيصريه تعوور ؟؟
ومايصير ندهن البطن ؟
او نربطه ؟

وشلون على دويات
انا خذيتهم
بس مادري هل هم غير

بس مادري ولادتي شنو بتكون
احتمال قيصيري


ادعولي اولد طبيعي ؛؛ بجر وخايفه

 

[شيخه كويتية]

مو بس انا يعني ! يا ربي ليش حالة هالاكتئاب اللي تجينااا

انا بعد من كم يوم صرت ابجي مثل الياهل احس اني ضايعه

البارحه و البيبي نايم خليته عند امي و طلعت مع زوجي عالسريع ناخذ عشى بس احس غيرت جو و تعدلت نفسيتي

تسلمين حبيبتي و يخليلج بنتج / ولدج ؟

ويااا ربي يسمع منج وتعدي هالفتره على خير

حبيبتي عليج بالعافيه انا ماطلعني ريلي يقول عيب نفاس مايصير والجوبارد اناعندج كل يوم شماله تطلعين بالله هذا حجي
كننت ابجي كل يوم ومع بجيت الياهل هم ابجي ههههههه


الحمدالله حالتي الحين احسن بواااااايد
االهم لك الحمد والشكر

 

[ام عفراء]

مرحبااا


بنات شنو تستخدمون حفاظات حق بيبياتكم ؟

 

[ام يسووفي]

انا استخدم بامبرز الابيض ومرتاحة عليه

بنات خذيت حبوب منع الحمل اول يوم رديت فيه بيتي ومنتظمة عليهم
بس امس نزل علي افراز بني واليوم دم تتوقعون شنو خايفة موعارفة شنو

عفية اللي مر عليها هالشي تفيدني

 

[قَلبڪْ صًخرْ]

يالبطات << بتخليكم تعصبون هههههه
الي تشوف استفساري الي طاف ترد
خخخخخ



ام يوسف
انتي طلعتي من نفاس ؟

يمكن من الجماع


ونصيحه سوي سونار افضل