تجمع مواليد سبتمبر (9) 2013

[أشبـاهـ المطـر]

السلام عليكم ورحمة وبركاتة

شلونكم شخباركم
الحمدالله خلصت الاربعين
بس كنت تعبانه من النزله فما رجعت بيتي
اليوم بالليل برجع

رحت لدكتورتي خذيت سيرازيت مانع الرضاعه
انا قلت لها اني كل ماطلع مانشف وانا جايتها ولالحين
مانشفت فقالت لي اكل حبتين سيرازيت لمده شهر
وبعدها كملي عليهم عطتني فيتامينات وقالت لي اللولب
احسن لج قالتلي في اللولب مع بنج بس تقول حرام مايستاهل
الموضوع تحملي ياي انا خوافه حيل هههه

 

[Aloe Vera]

اشباه


مبروك كملتي الاربعين
و ترا اللولب مايعور
اهو اللي يظايق الاداة اللي تفتح المنطقة عشان يدخلون اللولب
و انا جربتها لمن خدو المسحة ماتعور بس تنررررررفز

 

[قطعة حلا2]

طالعه من الشر أشباه

..
أم مبارك جربت اتش أي أول مأولد

نان اتش أي تخيلي ماشربه كلش ؤقعدت طول الأربعين أحاول فيه مأعجبه ؤعطيته العادي وعجبه

ودي أغير لسميلأك ادفانس

بس خائفه يتعب ولدي

مآدري قولوا لي شلون ادخل عليه حليب نووع ثاني

وهمن ولدي ضعيف بس عادي أهم شيء يرضع

وسرت بالليل أرضعه لأن حليبي خفيف واذا رضع بالليل

الصبح يكون جلده والليل يمتلئ

صراحه الله يهدأه تعبني حيل وصياح

بس عقب الكي خف ولله الحمد فرق وأيد عن قبل

المهم

بنات جتني دوخه ولوعه أمس الصبح

ومعصني بطني وعوار بظهري

ألم موظبيعي بس منسدحه بفراشئ من ألعوار

عاد مانزلت

قالت أمي يمكن هوا

شيء مو طبيعي حتى خفت لاتكون دوره وتتعبني من عوارها

الوفيرا

ولدي تعدا الشهرين للحين ماطعمته أبوه مأزين أوراقه للحين

وقاعده انطر ع هالأسبوع ؤلا اللي وراه

..

أخباركم مع أزواجكم وهل ينزعجون

أنا ريلي كله ينحاش مايرد إلا إذا نام البيبي ):

مأكو تعاون كلش

 

[Aloe Vera]

قطعة حلا

انا بعد جسمي متكسر و بطني يعورني و كله حاسه بعطش مادري شفيني
و فوق هذا حاسة في برد و قشعريرة و اتوقع بسبب ان عند صدري اليسار مكان يابس و يعور فيه حليب متجمع
و اخذت بنادولتين و طفيت السنترال و اذا باجر ماراح العوار بروح الدكتورة ان شاء الله لان يمكن احتاج مضاد
و علاج هذي الحالة ان لازم افضي الصدر بالرضاعة و الشفط

انا زوجي اذا سمع ازعاج بالليل يحط المخدة على راسه و يكمل نوم هههه ميخالف دام عنده دوام

 

[.. Ro3a ..]

قوه ي حلوين شلونكم
طالعه من الشر اشباه
سلامتكم قطعه حلا والوفيرا

انا ولدي مزعج درجه اولى هههه بس يبجي ادري شي طبيعي
بس اتنرفز اذا نرلت عند حمولتي اذا بجى يقعدون يهاوشون انتي تعطينه حليب مو شي ومميته ما طلع عدل حليب
ومرت حماي تتدخل ولدج فيه بلا مو طبيعي بجيه وهذا الموال ):
ما احب جذي وخصوصا ليش ضعيف ما تعطينن حليب حارمته @@

 

[.. Ro3a ..]

عرس اخوي بدايه 12 ادري
متأخره مافصلت رحت اليوم فريت ع الاتيليهاات
شربل عجبتي بدله و هم عند بيرلا
بس خذيت من برجوازي بدله رووووعه لونها الازرق الجويتي الكحلي
مدري شلون اوصف اللون :eh_s(1):
المهم بنات شنو الميك اب لهذا اللون وشنو اخذ لون الشوز
شرايكم ؟؟:eh_s(10):

 

[Aloe Vera]

اتوقع فضي احلى لون مع الجويتي
و انتي سوي عليه سيرج بالنت كتبي electric blue dress

 

[M!Ss Smart]

السلام عليييكم شلووونكم عساكم بخيييير انا قاطه بقروووب الواتساب قلت ادش المنتدى اسلم عليييكم

ايوبي حبيبي زين يسلم عليكم ههههه ويدورله عروس

 

[M!Ss Smart]

السلام عليييكم شلووونكم عساكم بخيييير انا قاطه بقروووب الواتساب قلت ادش المنتدى اسلم عليييكم

ايوبي حبيبي زين يسلم عليكم ههههه ويدورله عروس

 

[أشبـاهـ المطـر]

صباح الخير شلونكم شخباركم

هلا مس سمارت ياحليلج والله انج طبيه
انا مادري شفيني مو خاطري ادور له ابي حقي مقي
هههههههه

الوفيرا الحديده هذي جربتها بالالتهابات لما خذت مني
مسحه بالمهبل بس اللولب بعنق الرحم يعني تستخدم البطه

 

[Aloe Vera]

اشباه


لا انا قصدي البطة هذي جربتها لمن خذت المسحة من اسبوعين
اهي الدكتورة قالتلي هذي يسمونها البطة و عوار اللولب اهو عوار البطة نفسه
اقولج ما يعور بس يغث ينرفز

 

[Aloe Vera]

انا من طلعت من الاربعين صايرة استمتع اطبخ الغدا
اليوم سويت مجبوس لحم عالطريقة الاوزبكستانية لذييييييذ جنة مطعم

 

[حوريه ...]

شلونكم بنات

شلون عيالكم وبناتكم

الوفيرا انا عادي كنت اشوف عيال اختي يطالعون فوق مافيهم الا العافيه بس حماتي وسوست بزوجي كل يوم طالعه بسالفه
وهو ع نياته يصدق يقول عندها خبره اكثر مني ومنج

وع الافرازات صادقه تنرفز انا مااخلي زوجي يقرب مني كلش خايفه وفعلاً مثل بداية الدوره اذا نزلت بس شلون ع الصلاه وهل تعتبر دوره او لا
انا اوضي واصلي عادي للحين

الحين لانزلت تعتبر اخت النفاس والا لا

 

[حوريه ...]

اشباه

طالعه من الشر حبيبتي

وسلامتج والله من التعب



روعه الفضي حلو مع الجويتي وربي يهنيكم ان شاءالله

 

[حوريه ...]

بنات

انا اخذ شوي من الكراويه واليانسون والحلبه واحطهم ع بيالتين ماي واغليهم واعطيهم بنتي مادري اذا كذا زين او لا
احط معهم سكر نبات يحلي الطعم

ابيهم للمغص والغازات لان كله اصوات بيطنها وتنغص عليها نومتها

 

[noufb]

استغفر الله شنو هالافرازات لمن امسح بالكلنكس اقل من نقطة دم. بس ماتنزل عالكير فري مادري بداية اادوره ولا شنو وصج مو قاعده اخلي ريلي يقرب ما احس اني نظيفه اليوم بروح اشوف شسالفتي زهقنا

وغير هذا من ولدت وشهيتي مفتوحه عالاخر باجر ببدي ريجيم قبل السفره

حوريه انا خالتي معطتني ينسون وشمر اسويه حق الغازات يريحونها

الو فيرا شهيتيني عاد اللحم مو اي احد يظبطه نادر مايعجبني مجبوس احد

 

[noufb]

استغفر الله شنو هالافرازات لمن امسح بالكلنكس اقل من نقطة دم. بس ماتنزل عالكير فري مادري بداية اادوره ولا شنو وصج مو قاعده اخلي ريلي يقرب ما احس اني نظيفه اليوم بروح اشوف شسالفتي زهقنا

وغير هذا من ولدت وشهيتي مفتوحه عالاخر باجر ببدي ريجيم قبل السفره

حوريه انا خالتي معطتني ينسون وشمر اسويه حق الغازات يريحونها

الو فيرا شهيتيني عاد اللحم مو اي احد يظبطه نادر مايعجبني مجبوس احد

 

[قطعة حلا2]

شخباركم بنات

على طاري أخت النفاس

مو قلت لكم حسيت بعوار وعبالي دوره عقب يومين من ألعوار أمس نزل علي وسخ بني

مآدري دوره ؤلالا

بما أني أرضع

وصدري إذا رصيته يطلع حليب

واليوم لمن قمت مسحت وهمن ولبست كوتكس مانزل شيء

عاد عرفت أنها دوره لأن سار يطلع معاي هواء

واذا جتني الدوره أعرف بهالطريقه أحس برحمي. يطلع هواء بوقت الدوره
عاد بهتم بنفسي أن شألله

بنات تصلون وانتم مو طاهرين

شلون جذي والجماع ببتعد عنه

بما أن عيد زواجي الخميس فمادري كنت بسوي شغلات بس بكنسلها ):

لأن يقولون لو سار جماع عقب هالدوره لو غلط بسيط يسير في حمل

وبأجل الجماع وبتأكد من التبويض

فبخليها عشئ بمطعم وبس

 

[ديزاينر الكويت]

قطعه حلا

نطري جم يوم و تنزل عليج الدوره و بكل قووه انا جذي صار فيني

 

[ديزاينر الكويت]

روعه
الفضي خطير مع الجويتي



بنات

رحمي يعورني مادري ليش من ولدت عوار
مو من الدوره مادري شسالفه هل العوار
بروح حق دكتورتي هل يومين اجيك