تجمع مواليد سبتمبر (9) 2013

[حوريه ...]

بنات لاحظت عليها شغله حبيبتي تنام وتقوم مفزوزه وتبكي شوي وترد تنام

انا اقول تحلم بالابره

طبعاً كل شوي اسوي مساج حول مكان الابره عشان ماينتفخ قالوا لي حريم كمديها بماي دافي بس انا دلكتها

ووصلت حرارتها 38 وتون مثل العجايز الكبار وقعدت اكمدها ع راسها والحراره كل 4 ساعات ترد ترتفع

ان شاءالله تروح وتخلص حبيبتي امس كله ماشربت حليب الا مرتين عيييييييت تشرب

 

[حوريه ...]

قطعه

انا نحفانه شافتني مرت اخوي تقول شفيج وجهج ضعفان وشكلج ذابله. هههههههههه

قلت لها مااكل لااتغدا ولااتعشا مااشتهي ومالي خلق طباخ ولاشي

وانا للحين البس مشد شاريته من فاشن مل زين ماعليه
البسه تحت لبسي اذا بروح مكان او بيجي احد وامي تهاوشني تقول المفروض طول اليوم عليج دام البطن لين ويقدر يرجع
بكره اذا قسى مافي شي يرجعه

 

[حوريه ...]

امس كات اخر حبه. من حيوب المانع

ودي تنزل الدوره اليوم لاعت كبدي وذبحني وجعها بظهري وارحامي

ومو ناويه اخذهم هالشهر لان لعبت باعصابي. موووت موووت

وفوق هذا جسمي ذبحني وكله صداع ونغزات بريح جسمي منها

 

[Aloe Vera]

قطعة حلا


انا احس الخادمة وجودها ظروري للاسف ماعرف بدونها و انا بعد يبيلي ثنتين لاني بيت و عيالي ثلاث يا رب احصل وحدة زينة قبل لا ارجع الدوام

ولدي اليوم جنه احسن بس ماني قاطعة الادول و الكمادات

 

[Aloe Vera]

انا نزلت 7 كيلو و بس هذا هو يبيلي بعد 9 !

 

[قطعة حلا2]

أي ؤألله ضروري وجود خدامه

يعني صج تعب لاإاكل ؤلاشرب يروح اليوم أنسى نفسي

كله واقفه على حيلي جتني ضيقه أبي اطلع مع رفئجاتي واستأنس

بس أن شألله القى الخدامه السنعه

توني طعمت ولدي وعصبت النيرس وتزفني ليش متأخر والخ

رحت لهم بشهادة ولادته ريلي سافر

قلت أروح وافتك

ؤكان نايم قالت قعديه قعدته وعزته ومات بجي حبيبي

حوريه جتها خلعه المفروض قعدتيها

أحسن أجلسي أقري عليها

أنا كل شوي أشوف حرارته

..

تو نزل علي دم وردي خفيف

تحيرت ؤألله كنت بعتسل واصلي

الحين بهتم وغساها تنزل ي رب وارتاح

بنات بالنفاس بسرعه يطيح الوزن عقبه يبالويل

حاليا مانزلت إلا كيلو وبالويل بس صراحه زين طيحت ؤلا متنت

عشيات وجمعات وحلويات

وقهاوي فحيل قاعده أكل بس ع الخفيف مابي آخرب على نفسي

..

أنا بس عطوه ثلاث إبر بالفخذ بالفم مأعطوه شيء

واخباركم

 

[.. Ro3a ..]

ي ربي انتم تبون الضعف وانا ابي امتن
ببجي ودي امتن قبل عرس اخوي ):

 

[.. Ro3a ..]

مشكورين بنات اكيد الفضي احلا
خاطري الكعب اللي كله شغل كرستال في وحده بانستقرام تسويه شكلي بطلب منها


ولدي ذبحه الاسهال
اول شي حليبه سيميلاك العادي
غيرته سيميلاك كمفورت وهم اسهال
والحين سيميلاك للارتجاع وهم اسهال
عطاني الدكتور نقط بالفم للاسهال وما فاده شنوالحل ؟!!!

 

[حوريه ...]

روعه
سلامة ولدج ذكرني ببنتي لما كنت بالنفاس تذكرون لما كنت اقولكم بس اسهال بطنها مو راضي يوقف وماتستفيد من حليبها
لدرجة وحنا نعير البامبرز تسهل
وحده نصحت امي تحط عنزروت لها والحمدالله وووووقفه بس لاتكثرين
او تودينه لدكتوره يشوفه
والله يشافيه يارب

 

[حوريه ...]

روعه
سلامة ولدج ذكرني ببنتي لما كنت بالنفاس تذكرون لما كنت اقولكم بس اسهال بطنها مو راضي يوقف وماتستفيد من حليبها
لدرجة وحنا نعير البامبرز تسهل
وحده نصحت امي تحط عنزروت لها والحمدالله وووووقفه بس لاتكثرين
او تودينه لدكتوره يشوفه
والله يشافيه يارب

 

[حوريه ...]

قطعه الخدامه اذا انتي موظفه ضروريه بصراحه

تساعدج بالبيت بغسيل البيت والملابس وكل شي تعطيج مجال تشوفين نفسج

الله يرحم حالنا ويكون بعوننا

 

[Aloe Vera]

انا بعد ولدي عطوه بس ٣ ابر
العادة يعطون نقط بالفم قالولي مافيه استغربت

 

[.. Ro3a ..]

حوريه انا عطيته عنزروت حق صدره كان مريض
ما وقفه حييل تخيلوا مع كل رضعه يخرج ماي
قلت للدكتور يمكن سيميلاك بكبره مو مناسبه
يقول لا مجلب الا ع سيميلاك احسه يروج له
خلاص اليوم غيرته حطيت له s26
عوووع مابي سيميلاك ما طاح ع ولدي
ان شاء الله يناسبه هالحليب مع انه سبب حق اخته امساك الله يستر
بس امساك ولا اسهال المسكين جاله حفا منه

 

[دلوعه ززوجي]

صباح الخيرررر روعه غيري حليب ولدج احسن

 

[Aloe Vera]

روعه


للاسف في دكاترة ماهمهم بس يروجون حق الحليب مالهم
انا مار علي دكتور جذي نرفزني من كثر ما يقترح علي اعطي حليب معين و انا مو محتاجتة كلش

 

[white**angel]

قوووه بنات شلونكم
ياريت ادشون اطمنونه عنكم شيطوونه وهمبوشه وقطوه و تبطي ولهنا على سوالفكم وعلى طلتكم بالقروووب

 

[حوريه ...]

شلونكم بنات

روعه انا اول شي استخدمته s26 وماناسب بنتي كله ترجع ثقيل ودسم

الحين استخدم لها بيبلاك حلو بس مايسمن ع الكلام اللي سمعته عنه بس الحمدالله مرتاحه عليه واذا ع السمنه اعطيها حلبه وتمر وتسمن بس

اهم شي حليب يملي بطنه

بكره موعد لبنتي عند استشاري عيون

 

[حوريه ...]

بشوف شنو يقول عن عيونها

حبيبتي عيونها كل يوم اردى من اللي قبله دموع وغمص تكسر الخاطر وماخليت قطره مااستخدمتها بدون فايده



بنات صح وينكم مختفين طمنونا عليكم

 

[قطعة حلا2]

حياتي حوريه

ماتشوف سر بنتج

ولدي فيه لحميه

الله يعينا تعبت أوديه من مستشفى ل مستشفى

وطلع لحميه

ألحمدالله على كل حال

 

[Aloe Vera]

قطعة


سلامة ولدج
بنتي الكبيرة من طلعت من بطني و اهي مشاكل بخشمها و طلع فيها لحمية شلناها لمن صارت ٥ سنين