تجمع مواليد سبتمبر (9) 2013

[Aloe Vera]

انا بس اشوف التلفزيون تصوير الحرم و المشاعر عرفة و منى يزوغ قبلي اتذكر الحج واي يهبل ودي احج بس ماعتقد بحج بالسنينالقريبة القادمة
الحمدلله حجيت فرضي

 

[ٱستۆطنت خٱفقهْ]

شخباركم يالجميلات ♡

بنات متى خياطي يطيحح
تعبت منه يحكني حييييل :'(

وبنتي وجهاا منفر حبوب والدكتورة تقول عادي تغير جوو

منو صار لهاا جذي :-(

 

[أشبـاهـ المطـر]

احنا حجينا ع سياره وكان طريج روعه ونيس
بالليل براد الجو خيال متعه صراحه ودي بسياره بس
خايفه من العباله طيران ناس عندهم رحلات من الكويت
الى مطار طايف ماشاء الله الوفيرا تدرين ماعمري سافرت
مع بناتي وامي تقولي عودي زوجج على سفر مع عياله مدامهم
صغار عشان يتعود عليهم وانا قبل عادي عندي مستانسه اننا بروحنا
بس والله كنت احاتي ولارجعت لازم وحده مريضه انزين بسالج كنتوا مسافرين
معاكم خدامه؟


ان شاء الله احنا بالصيف بنسافر للبوسنه
وباخذهم يكون عمره 9 شهور يانبي

 

[أشبـاهـ المطـر]

ابيه الوفيرا مثلي انا حجيت العام والحين بس اطالع الحرم
والله نعمه عظيمه اني اديت فرضي اللهم لك الحمد والشكر

هم ودي بالحج مره ثانيه ان شاء الله ربي يكتب لنا حجه باذن الله

استوطنت انا الحين الحمدالله مايضايقني خياطي
مجرد وخزات بسيطه يادوب احس فيهم فعشان جذي ما احاتيه

وعادي ياقلبي بنتج حرانه عشان جذي ينفر انا قبل بنتي بظهرها
وبطنها عادي

 

[أشبـاهـ المطـر]

مدام يحكج حطي خواجوا مو طبيعيه
جاتني هالحاله قعدت نص ساعه بدون كوتكس
وارتحت

 

[حوريه ...]

شلونكم بنات

اشباه انا حجيت العام
والحين مابي اشوف الحج قلبي يتقطع نفسي بحجه ثانيه
الله يرزقنا جميعاً بس اذا ربي اراد وكتب بروح عمره عقب شهرين تقريبا من الحين


استوطنت انا مثلج كان ياكلني بس يقولون دام ياكلج قاعد يلتئم

 

[حوريه ...]

وبالنسبه لبنتج
بنتي بجبهتها وبرقبتها وطلع من العرق
لان بسريرها مرات اطفي التكييف ولااطول
وتعررررق ف اتوقع من التكييف بارد

 

[حوريه ...]

بنات

احس بالم بارحامي جهة اليسار رتحت
ومثل فقاعات الهوا بس بدون صوت من قدام وخفيفه هل هو طبيعي لاني للحين نفاس.

 

[.. Ro3a ..]

قوه ي حلوين امبيه لا تطرون السفر خاطري اسافر ان شاء الله اسافر
انا بعد خاطري اروح عمره اخر عمره لي قبل ٣ سنوات او اكثر جنه الله يكتبلي عمره قريبه
اما الحج ما حجيت ان شاء الله اقضي فرضي يارب

--/

هم انا ولدي منتشر بويهه نفر يخرع قلت اكيد من الحر بس الكل يقول وديه الطبيب
مدام بس بمكان واحد ما عليه شر لو كل جسمه يخرع هذا بس ويهه ،،

 

[ٱستۆطنت خٱفقهْ]

مدام يحكج حطي خواجوا مو طبيعيه
جاتني هالحاله قعدت نص ساعه بدون كوتكس
وارتحت

يا ربي ناس تمدحهاا وناس تذمها

اختي حطت خواجوا بغت تموت من الالم
ورفيجتي مثلج تمدحهاا


طيب شلون استخدمها عالكوتكس او عالخياط نفسه !!

:'(

انقذيني وبدعي لج والله حيييييل تعبت من خياطي مو قادره اقعد منه

 

[ٱستۆطنت خٱفقهْ]

شلونكم بنات

اشباه انا حجيت العام
والحين مابي اشوف الحج قلبي يتقطع نفسي بحجه ثانيه
الله يرزقنا جميعاً بس اذا ربي اراد وكتب بروح عمره عقب شهرين تقريبا من الحين


استوطنت انا مثلج كان ياكلني بس يقولون دام ياكلج قاعد يلتئم

حوري مادري يلتئم او شاام الله يستر

المهم الحكه زااادت

:'(

يا رب هووونك

 

[ٱستۆطنت خٱفقهْ]

صباحكم خير

♡

الحمدلله الي بوجه بنتي احس بدى يخف
ماراح للحين بس خف عن قبل


:'(

يمااا مو قادره انام من الخياطط
:-(
حكه مو طبيعيه معقوله التهابات ؟
لان الحكه من المهبل نفسه ليما الخياط

اييه بنوتتااات شنو تستخدمون غسول
احس الحكه سببها من ولدت اغسل بماي ومره وملح
ماستخدمت غسووول كلش

:-(

 

[ام نواااف]

استوطنت انا لمن طاب خياطيجتني حكه قويه
يعني جذي ختام الخياط
عشان بيطيب خلاص والتأم

 

[Aloe Vera]

استوطنت


غلط تغسلين بماي و ملح !! موزين حق الخياط
غسلي بماي بس و مرة باليوم غسول طبي او غسول البيتادين

 

[Aloe Vera]

اشباه



انا سافرت كل مكان مع بناتي و بدون خادمة
انا و زوجي نتعاون و الحمدلله سهاله
اصلاً مايحلى السفر الا معاهم
بس الحج رحت بدون بنتي البجر كان عمرها سنتين
و مرة سافرت الخبر ٣ ايام بدون بناتي
باجي سفراتي اوروبا و عمرة و دول خليج لاااازم بناتي معاي

 

[Aloe Vera]

بنات الحبوب اللي تطلع بويهه البيبي طبيعي هالفترة لحد عمر ٣ شهور تقريباً
ماله شغل بالنظافة او تغيير الجو اهي اعتقد هرمونات و لها فترة و تعدي
بس صج شكلها يضيق الخلق

 

[حوريه ...]

استوطنت لاتستخدمين الملح حق الخياط

الملح والمره لما يطيح الخياط يعني لما تكملين ٢٠ يوم

لان الملح يجفف المنطقه ويشد الخياط ويطيح وهو مالتئم

توضي عادي بماي واستخدمي غسول يناسبج انا البيتادين ماناسبني

انتي خلي دكتورتج تكتب لج ع غسول

واستخدمي ميبو زين

واخاف شام خياطج انتبهي لان اذا شام يقعد يقرص وماتقدرين تتحركين منه صارت لمرت اخوي

اخذي مره وطمنينا عنج

 

[حوريه ...]

استوطنت عادي حطي ع الكوتكسه

زين للشمم انا استخدمته ووقفته عقب ماشلت الخياط

مع ان باقي الداخلي بس طاف

 

[حوريه ...]

بنات كنت بجي اليوم الكويت واجلت خفت السوق مافتح

عادي مادري يمكن بكره او السبت اذا ربي كتب بجي

بروح العربيد افصل دراعات للبيت

وكويت ماجيك والبيرق هذا اللي حاطتهم ببالي

تتوقعون اسعارهم للحين فوق عشان العيد والا خلاص

 

[Aloe Vera]

حورية

مادري اذا السوق فيه خصومات ولا بعد
انا قالولي بعد العيد تبلش الخصومات بس ليلحين مارحت السوق
عاد يبيلي تسوق ودي اخذ شتوي حق الدوام و بجامات يديدة