تجمع مواليد سبتمبر (9) 2013

[a7la.moon]

عيدكم مبارك يالحبايب ❤

وكل عام وأنتم بخير ❤

 

[a7la.moon]

انا يوم الخميس يصير لي ٤٠ يوم

بس راح اطلع يوم الاثنين

امس لي ٣٧ اكلت حبوب مانع مارفيلوون

وحطيت ثاني تحميله امس صج نزل علي ماي بس مادري هذا ماي فيني ولا ماي التحميله << اول مره استخدمهم

رانا مشيت بنصيحتكم بس باخذ ٣ تحاميل بيتادين

وحاليا وقفت اكل دويات النفاس لان بفضي جسمي بس آكل فلفل اسووود الله يسهلها ..

 

[a7la.moon]

باجر ان شاء الله يصير لي ٣٩

والصبح راح تجي لي وحده تسوي لي حمام مغربي

طبعا عادي اسووي صح بنات .؟!

 

[أشبـاهـ المطـر]

احلا مون طالعه من الشر ياعروسه
اي ياقلبي عادي سوي

بنات اليوم لي 14 يوم واحس رحمي مشدود
لدرجه لمن امشي يعيقني شوي عرفتوا طبعا انا من زمان احس
بهالشي بس عبالي لان توني والده والحين لي اسبوعين مادري جني طولت
لاني ان شاء الله بعد العيد بروح اعيد بالسوق ههههههههه
وخايفه لا اتعب مثل نفاسي الي قبل

 

[أشبـاهـ المطـر]

احلا مون فلفل اسود دارسين الزنجبيل كلهم حلوين الريحان
عجيب ويطلع الغازات وريحته حلوه الماي الورد حطي نتفه مع الماي
وشربيه وطالعه من الشررر ياقلبي عقبالي ان شاء الله

 

[noufb]

عيدكم مبارك وكل عام وانتو بالف خييير :*
بنات اي اثر انا ماطليت تحت بس توني ادري انه الخياط له اثر انا فبجري ماشفت شي والحين اتذكر انها قالتلي وانها تخيط ترى بس ٣ غرز الباجي تحت الجلد مافهمت كلامها وما سالتها ان شاءالله ماكو اثر

صح بنات الليمون يفتح احسن من الكريمات فركو الاماكن السوده بليمونه خصوصا الاندر ارم يبيض حيل



بستشيركم بنتي وقت لمن بتخرج عزكم الله تتعصر حيييل وتطلع اصوات جنه فيها امساك ولمن بغيرلها باامبرزها جنه فبها اسهال عزكم الله الحين احترت امساك ولا اسهال خروجها زين يعني يوميا واكثر من مره بس ليش هالتعصر والبجي

 

[Aloe Vera]

نوف


عادي حتى انا ولدي يتعصر و خروجه سائل تقريباً بس مو سهال لان السهال لونه اخضر



اشباه


مادري عن شد الرحم
بس انا ماحب اطلع سوق قبل ٣ اسابيع باليالله اروح اماكن عامه ماحب و هم اتعب

 

[noufb]

طالعين من الشر ياعرايس

الو فيرا خروجها كره اصفر ومره اخضر

نومتها على بطنها نامت نومه عميقه بس يقولون هالنومه خطره لازم مراقبه فشكلي بخليها بس مره باليوم تنام على بطنها عشان يخف المغص وتطلع الغازات

 

[الشيخه فطامي]

نوف عطيها اعشاب يمكن معاها مغص الاعشاب تنظف بطنها او تريحها

احلئ موون الدكتوره وصفتلج البيتادين و لا انتي خذتيهم

اشوف اغلبيه البنات ييبونها من بره

انا اخاف استخدم شي من غيره استشاره الدكتوره

 

[أشبـاهـ المطـر]

اي ان شاء الله يكون ثلاث اسابيع بإذن الله
مادري بصراحه احس بشد مايخليني امشي عدل
ولمن ابدل تكرمون في دم بشوف دكتورتي ان شاء الله
تكون موجوده واروح لها اطمن

 

[noufb]

اي اشباه لازم تروحين
انا عضلات بطني كلها تعورني جني مسويه تمارين ماقدر اطول بالمشي وظهري لي طولت بالوقفه يذبحني عوار واذا جندست مكان ابرة الظهر يعورني ههه سكراب حدي

 

[حوريه ...]

نوف

اي اكيد بيكون للخياط اثر
ويبي له وقت ع مايروح
وكيف الغرز تحت الجلد انا الخياط المسها ع الفخذ من برا للنهايه


وع تخريج بنتك نفس بنتي تتعصر وكانها حالة امساك واذا شفته نفس الاسهال
بس يقولون كذا البيبي
والغازات لها دور بعد

 

[حوريه ...]

انا اذا جندست بربط بنتي او بغير لها من ارفع نفسي اعوذ بالله الم الم بنهاية ظهري
بس يقولون من الطلق الصناعي

 

[noufb]

امبيه حوريه توني ادري فيه اثر يالله الله يخلي الظلمه هههه ممنوع الليتات لا انا ماكو شي صوب فخذي بس اخر شي وري كان فيه غرز وحده طافت وماشفت الباجي عندي موعد الاحد تجيك

المفروض مانجندس تدرين لازم انغيرلهم على طاولة التبديل اريح

 

[حوريه ...]

نوف انا بعد بالظلمه

لاني للحين استحي حدي ابجوره لوووووووول

انا احطها ع السرير او الكنبه وهذا غلط لان ظهري يشب علي

ويتم بو ٥ دقايق المممممم الله يواجرنا بس


انا للحين احاتي الخياط اللي داخل

 

[أشبـاهـ المطـر]

مساء الخير
شلونكم شخباركم

 

[Aloe Vera]

هلا اشباه شلونج

 

[أشبـاهـ المطـر]

الحمدالله تمام انتي شلونج وشلون البنات والنونو
صج اشسميتوا ولدكم؟ احنا سميناه عبدالله

اليوم رفيجتي بتزورني عاد صج
ضايق خلقي اشوا انها بجي


اليوم استعملت الخواجوا واخيرا سوتها امي
حطيت تكرمون ع الكوتكسه لان الكريم خلص
اهيا مثل مفعول الميبو حلوه جربتها قبل بنفاسي
سكنت لي الالم الخياط الحمدالله

 

[أشبـاهـ المطـر]

بخاطررري اروح عمره صج احس فاقده الاجواء
الايمانيه النفاس مادري شلون ياربي ماكو حماس
اغصب نفسي على الاذكار ومرات يارب تهديني اتكاسل
ماقولها

 

[Aloe Vera]

اشباه


انا بعد حييييل ودي اروح عمرة
قبل ٣ سنين تقريبا رحنا عمرة بالسيارة كان شهر يناير برد و جو يهبل وناسة الحرم فاضي و الفنادق اسعارها نازله
و رحنا المدينة و زرنا مناطق مثل الطايف و الباحة ودي بسفرة جذي بس مترددة مع اليهال اخاف حوسة و عباله معنه هذيج السفرة كانت حلوة و بناتي معاي اصغرهم ٤ شهور