تجمع مواليد سبتمبر (9) 2013

[حوريه ...]

قطوه

الخراب ماله شغل والده طبيعي او عمليه



انا مثلج صايره مااشتهي واذا اكلت غصب قامت كبدي تلوع علي واكره الاكل

وحركتي كثيره وامي تهاوشني تقولي ترا بتخوين واذا خويتي بيقطج زوجج خوفتني

واي عاد انا اصلاً شاكه اني خربانه بس ابي اخت النفاس تجي اعيد الحسابات واسنع عمري

 

[أشبـاهـ المطـر]

قطوه توني اقرا ردج عادي حبيبتي تو الناس
انا ماانشف الا بعد فوق الشهر وزياده في وقت لاتخافين
الرحم بحتاج 6 اسابيع عشان يتعافى وانتي توج ترا لا تيأسين

ابيه حوريه شسالفه الحبوب وينها وبعدين ياقلبي انتي من كيفج
تستعملين لها ميبو ولا صارفينه لج ؟


على الطاري الخياط اليوم وانا اغسل نفسي سحبت اخر غرزه اخترعت
ههههه الله يستر بس اتوقع اهيا قربت اطيح واطيب باذن الله

موعدي بعد اسبوعين مع ان الدكتوره قالت لي كلهم بطيحون ويذيبون بالجلد
يس ماعليه انا ودي اطلع الوفيرا ان شاء الله بطهر ولدي برويال واهما حطوه عند الدكتوره نسرين الخطيب
وزوجي يقول ابي دكتور يطهره شنو مراه ؟! عاد اذكرج حيل تمدحينها ماتعرفين دكاتره غيره والله دكتور عبدالهادي
شاطر بس اهوا طوارئ باجر بتصل اتاكد بس مو الحبن بعد شهر لاني لالحين ماتعودت عليه ابيه
بنات الي عندهم صبيان الله يعينكم ياحلو البنات غسيلهم اسهل لعوزني ويتحرك وايد الله يهديه ويصلحه يارب

 

[أشبـاهـ المطـر]

الوفيرا بخصوص السواد انا شاريه خلطه الكركم من البيت الصابوني اللبناني
كانت تمدحها قطوه وشاريه هم سنفره الكركم وجربتهم حلوين السنفره عجبتني
الخلطه حسيتها جنها الصابون المغربي

والخياط نطروا عليه اكيد بكون متفخ بالوقت الحاضر
بنات انا استعمل ديوترنت فير اند وايت عاد اختي خوفتني تقول
مو زين تستخدمين شي يبيض وانتي ترضعين مع العلم اني كنت استعمله وانا حامل
ومرتاحه عليه ريحته خفيفه ومريح بس ما لاحظت بياض لاني كنت حامل

 

[قطعة حلا2]

متضايقه حيل وكاسره خاطر نفسي دراستي بالجامعه تدلدد استغفرالله تعبت والله

نازلي انذارين ومعدلي نازل وايد ولمن رحت اكلمهم اذا هالكوورس اقددر ارفعه قالوا راح ينزلج انذار اخير وبعده فصل

عاد قبل لا اتفصل قلت اسحب اوراقي ولمن سحبت اوراقي عشان بقدم على الاساسيه قالوا شهادتج قديمه


بنات شهادتي ٢٠١١ ليش قديمه

يقولون حدها سنتين

فوق النفاس انصدم جذي مابي اقعد بالبيت ولا ابي اتوًًظف على الثانوي ابي ادرس

مابي اعيد الثانويه خصوصا نسبتي عاليه لاحول ولاقوة الا بالله

بنات انا شاطره بس بالجامعه سارت امور وظروف
المفروض هذي ٣ سنه بالجامعه

على اني مستخيره ربي فمادري

حتى اكل ماقدرت كله ابجي متحسره على دراستي

حبيت افضفض بس

 

[حوريه ...]

اشباه الحبوب ع الفخذ قريب من المنطقه

وتبين الجد ميبو من راسي استخدمه مو صارفينه

الميبو ماله ضرر ان شاءالله


وي بنات والله صرت اخاف

بس مثل ماقلت انا موقفه كل شي الحين لين تخف الحبوب
اليوم بديت ادهنها بميبو ووقفت السودو وبصبر ٤ ايام وبشوف في نتيجه من الميبو والا لا

احس مو قادره افكر ولاابدا بشي حتا اهملت بنتي

من هالحبوب
مأزمتني نفسياً
انطر موعدي مالقيت حجز قريب الله يصبرني هالاسبوع

 

[حوريه ...]

حلا تقصدين شهادة الثانوي

عندنا مدتها ٥ سنوات وعقب تنتهي

انتو ليش سنتين مده قصيره حرام


استخيري والله يكتب اللي فيه خير لج يارب











بنات
انا اتعشا بس مااكثر لان وقتها مااشتهي شي
بس مثل هالحزه شنو تاكلون يسد جوعكم
انا اشرب حليب واكل تمر بس احس مو كافي

 

[Aloe Vera]

اشباه


الدكتورة نسرين الخطيب تهببببببل بس اهي دكتورة اطفال مو جراحة و حيييييل تشجع عالرضاعة الطبيعية
التطهير عند الدكتورة سعاد أبل بس ترا تطهيرها ممتاز
انا كنت ابي دكتور ريال يطهر ولدي بس مافي برويال الا دكتورة سعاد و توكلت عالله

و صاجة تنظيف البنت وايد اسهل
بس الولد شوي شوي تتعودين و لمن يكبر شوي و صرت اغسله بالمغسله وايد اسهل من المناديل

 

[Aloe Vera]

حورية


انا عشاي خفييييف
ساعات تمر
او سندويجة لبنه و لا بيض
وبس انا قاعدة اكل غصب مو حيل اشتهي

 

[Aloe Vera]

بنات

هذا البيتادين اللي عطتني اياه الدكتورة
اترس الغطا و اصبه داخل البطل الخاص مع ماي دافي و اضغط عليه يرش المنطقة
وايد حلو و مريح
قالتلي مرة باليوم لان ينشف اليلد

 

[Aloe Vera]

و هذي الادوية مالت الخياط
اول واحد من اليمين مرهم البواسير بس ماطولت عليه لان تمارين كيجل وايد ريحتني و عالجت البواسير بسرعة
ثاني واحد بخاخ البيتادين
و ثالث واحد بخاخ همن بس استخدمة مرة و مرة مع البيتادين
و اخر شي كريم يوخر اثار الجروح كتبتلي اياه الدكتورة عقب ماشالت الخياط

 

[Aloe Vera]

اشباه


شلون الديودرنت مال فير اند وايت؟
تحسين صج يبيض؟

 

[M!Ss Smart]

صباح الخيييييييير

مبروك كل اللي ولدووو والله يجعلهم من الذريه الصالحه اشتقت حق تجمعنا لوووول ماشاءالله بسرعه مرت الايام الله يحفظهم يارب قاعده اكلمكم وحبيبي ايوبي نايم ع صدري يرتاح حيل على هالنومه
ادري بيأذيني بس يكسر خاطري ابي اعطيه حنان كككك

 

[تبطي عظم!]

صباح الخيير



تربية طفلين تعب حييل احس يالله ماسكه نفسي

عيالي مراضى كحه ونشله وانا توني مصحصحه من المرض


الله ياجرنا يارب ويعوض تعبنا عليهم ببرهم لنا اذا اكبرو يارب



قطعة حلا شلون شهادتج صارت قديمه مايقبلونج ويعادلون لج المواد الي درستيها بالجامعه ؟!!!


بنات انا البيتادين كنت احط ربع الغطا وازيده ماي واصبه على شاش و امسح فيه الخياط ٤٠ كله بس حيييل مخففته

مااتشطف فيه

 

[تبطي عظم!]

الوفيرا

انا اتدوده اذا كريمات واجد وشغلات واجد مااعرف اسوي شيء هههه

كنت استخدم البيتادين اعقم المكان بعدين احط ميبو

وعلى الكوتكس كنت احط كريم اسمه زيتا اهو مضاد حيوي ٣ مرات باليوم يخدر المنطقه مايخليني احس بالخياط يسكنه لي

استخدمته اول اسبوعين بعدين خفت اني اضر نفسي لانه مضاد خليته وقمت اتحمل الم الخياط

 

[.. Ro3a ..]

الو فيرا مشكوره ع صور الكريمات
---
مس سمارت الله يعينج لا يتعود ع الحضن
-----

تبطي اي والله صعبه حيل خصوصا انهم صغار
واللحين الكل مريض الله يعين بنتي طول ليلها تبجي من خشمها مسكر مو قادره تتنفس منه
الله يعينا ..

--------
حوريه الله يشافيج ويعافيج ما تشوفين شر يالغلا وان شاء الله الحبوب تروح

 

[.. Ro3a ..]

قطعه حلا جامعه الكويت معروف لازم تتاخرين كاني انا دفعه ٢٠٠٨ ولين اللحين ما تخرجت
عادي بس حيل استعجلتي بسحب اوراقج جان قدمتي سحب كورس مو انسحاب كلي
وبعدين اذا كنتي تبين الاساسيه تقدمين تحويل من الجامعه لها مو انسحاب وتقدمين من جديد
شوفي لج واسطه وردي اوراقج للجامعه او حاولي فيهم جنه سمعت اذا عندج واسطه يدخلونج
واذا خلاص سكرت
عيدي ١٢ بروحها تحسين نسبه ودخلي في الشهاده الجديده الاساسيه
ربي يكون بعونج ويوفقج يالغلا جد معاناه الجامعه ):

 

[&تعب قلبي&]

السلام عليكم خواتي شلونكم
حمدلله على سلامتكم هانت مابقى شي ويخلص 40
حبيباتي ممكن تساعدوني
بغيت رقم شركه خدم بساعه ويكونون ثقه وياليت اذامجربينهم
وابي بعد رقم شركه مالت سستر للبيبي ثقه واذامجربين سستر تقولولي اسمها عفيه
والله يسهلكم نفاسكم ويشفيكم وعيالكم
عفيه اللي بترد علي ممكن على الخاص لان منتدى وايد يعلق ومايفتح ومارجع ادش مواضيع

 

[Ga6waah83]

امبيييه حوريه خرعتيني
انا والله مو بيدي اكل شهيتي حييل مسدوده

وحده تصير حق ريلي كله تولد قيصريه وولدت قبلي ب٢٠ يوم
والله ما تاكل ادويه ولا نتفه وتاكل كل شي ماشاءالله
ولا تتدفى ولا شي تمارس حياتها طبيعيه
وكاهي لا خراب ولا شي


اشباه
انا اكل بس قليل وضعفت حيييل حييييل ضعفت
اكثر من قبل الحمل وهالشي مضايقني حيل
ان شاءالله لما ارد بيتي ترد لي صحتي اشوي لاني حيل فاقده ريلي

 

[الشيخه فطامي]

قطعه حلا حبيبتي الله يعيينج صج حاولي تشوفين لج شيي اهي فتره لاتسحبين كل اوراقج

حوريه التمر او االحليب يشبع او سويلج سندويتشه جين او حسو شوربه اذا تحبين

تبطي مايشوفون شر اليهال الحين موسم تغير الجوو لبسووهم جم طويل بليل بس خفيف

تعب قلبيي ماعرف حبيبتي

قطوه حاولي تغصبين نفسج موزين عليج عشان ترد صحتج غيري اطقم الاكل مالوت الصحون اخذي يدد يمكن تشتهين زياده

 

[الشيخه فطامي]

بنات يبت االرداده في اماكن بجسمي عوااار احس ودي انااام او تمسجني