تجمع مواليد سبتمبر (9) 2013

[Aloe Vera]

امس سويت حمام مغربي حق نفسي بالبيت
استخدمت ماي حاااار بدل البخار لان خفت موزين الحين و انا اليوم ٢١ يوم
معن ان عندي جهاز البخار داخل الشاور
و شكثر طلع مني يلد ميت وايد وايد طاح
هذا و انا قبل لا اولد مسوية حمام مغربي يعني قبل شهر تقريباً
بس صج عجيب

 

[أشبـاهـ المطـر]

هلا فطامي البيتادين بالمستشفى اقدر استخدمه غسول
بس في البيت ماقدر اخففه بماي وامسح الخياطه بقطنه
ثلاث مرات باليوم عاد بين هالمرات استعمل غسول لانه يريحني

بالمستشفى بعد الاستقبال نمت وطوله بالنومه
ولاقعدوني السسترات وعطوا ولدي صناعي قبل شوي
ولدي ذبحني ماهدني الا الساعه 12 تعبني الله يصلحه وفيني
نوم بس احاتي بناتي استغفر الله ماعرف انام واهما قاعدين

 

[أشبـاهـ المطـر]

يوه يبيلي كلوركس عقب الي شفته بالمستشفى
ابيه الموخره قلبت سواد جني متزحلقه على اسفلت
ويوم كنت حامل ماكانت جذي

 

[حوريه ...]

احلا موووون



ووووووينج




بنات انا شريت اللي يسمونها الستينيه من حرمه احد منكم جربها
يمدحونها
فيها قشر قهوه كمون يانسون ومادري شنو بعد بس ستين شغله

 

[الشيخه فطامي]

اشباه ليش تخففون البيتادين بالماي

ماكانو يخففونه لي يحطونه عل طول

 

[أشبـاهـ المطـر]

شيوخ يحطونه بالبانيو مع ماي حار ويخلونه
نقعد عليه اهو الغسول غير عن معقم المعقم اخضر
اعرفه موجود عندي للجروح سبحان الله اليهال يطيحون
اما الغسول ازرق ارتكواز

 

[.. Ro3a ..]

بنات انا ما اخفف البيتادين بماي اسوي نفس السستر
تحطه سيده ع الخياط ؟!!!!
بنات مافي كريم نستخدمه للاثر ؟!

 

[noufb]

باا بنات البيتادين تحطينه بغطه العلبه وتكتينه بالعلبه الثانيه وتزيدينه ماي وتغسلين لازم تخفييف لانه قوي

 

[أمـ مبارك]

مرحبا


اعذروني علي التأخير

لان الاكتآب من امس واهوا ماسكني واعوذ بالله مع ان لي ١٨ يوم شحلاتني

لكن الاكتآب موصج نفسيتي تعبت ودموعي ماقدر اتحكم فيهم

ولدي عمره سنه و ٨ شهور تغير مليون درجه من بعد ماكانت نفسيته حلوه والكل يحبه ويبيه الحين صار مكتأب ومايبي احد وبس يبكي ونظراته كانه معذب وغير هذا طلعت بوجهه حساسيه مثل الحرق كلت كل وجهه

وحالتي معاه متأزمه متأزمه واللهم لك الحمد

والله اكتبلكم وانا ابكي ودموعي من امس ١٢ بليل واهي شغاله

والله يعين ويعدي هالفتره علي خير ياربي ياكريم



والله بنات انا بضيق تكفون ادعولي

 

[Aloe Vera]

ام مبارك


فترة و تعدي
كلنا ننتعب بالنفاس و بس يعدي النفاس نستغرب ليش كنا متضايقين
و خلي نفسيتج حلوة حق عيالج
ولدج اذا مكتأب ماراح يستفيد منج اذا انتي بعد مكتأبة
حاولي تطلعينه مع ابوه و هم انتي جابليه كليوم شوية رسمي معاه و لا لعبي
اكيد اهو متضايق لان الوضع يديد عليه البيبي و المكان و انتي نفسيتج مو نفس اول
و ارد و اقووول فترة و تعدي ان شاء الله
والله يهون عليج و يشافي ولدج ويعدي هالفترة على خير لج و لنا كلنا يا رب

 

[Aloe Vera]

اشباه


عالسواد هذا شنو راح تسووين

انا مافيني سواد غير خط بنص بطني و شوبة خطوط حمرا و بعتم عالحمامات المغربية و الترطيب احس ان احسن شي

 

[Aloe Vera]

بنات


البيتادين اكو كذا نوع
و كذا طريقة استخدام عادي
انا ثلاث ولادات و كل مرة توصفلي الدكتورة نوع

 

[Aloe Vera]

روعة


دكتورتي كتبتلي على كريم مال يوخر اثار الجروح ب٢٢ دينار و قاعدة استخدمه الحين
ان شاء الله زين لان الجرح ليلحين احس مكانه بارز

 

[الشيخه فطامي]

ام مبارك حبيبتي تعوذي من ابليس فتره اوتعدي

بنات كل وحده تقولنا شلون تقضي وقتها شتسوين عشان مايحوشكم اكتآب

 

[Mayoon]

يما يالنفاس غلقه موطبيعيه اليوم ٢٣يوم الله يعدي هلايام علي خير
نفسيا اكس وتعبانه حرارة
قاعد اقزر وقتى بالسوق اتجهز لان ان قعدت بالبيت انجنيت
واليوم رحت بخرم اذون صغيرونتى قالت لي الصيدليه مايصير توها صغيرة مع انى بناتي بالاربعين اخرم اذونه هذي مارضت مادرى ليش عاد حلات جاهل الاربعين بتراجى خخخخخخخ

 

[.. Ro3a ..]

الو فيرا شسم الكريم اذا ما عليج امر انا قلت لدكتورتي قالت ماله داعي كلش استخدمي ميبو وخلاص
وهم قالت لا طولين بميبو اممم حدي مستغربه وخايفه اطل ع الخياط بخليه اخر النفاس اشوفه
....
ميوون التراجي انا خرمت بنتي بالاربعين بس يمكن بنتج صغيرونه حيل لان اذا اذنها صغيره ياخرونها عادي

 

[أشبـاهـ المطـر]

فطامي انا امس كنت متازمه شوي
واليوم الحمدالله احسن لكن لالحين فيني
رعب وقاعده احاربه بالاذكار ومع خواتي
بس المره الجايه باذن الله في بيتي واريح لي

 

[.. Ro3a ..]

ام مبارك جنج تتكلمين عن حالي
واي انا صايدني اكتئاب مثلج وما يتسلط الا وقت الليل من هالاكتئاب مو قادره
اعتني بنفسي ولا اهتم تخيلي ما لبست مشد ولا سويت شي حق بشرتي حتى الاكل ما اكل عدل
ضايق خلقي حيل مدري ليش وبيت اهلي مو مقصر بنيان وحوسه غير مقدر اطلع اروح سوق او اي مكان محد يمسك عيالي
من زود ان ضايق خلقي قاع اقول لامي خلي زواره الجمعه عند شقه اختي ودي اطلع اغير جو ولا امي تقول لا خليها تجي نتجمع هني احسن
واي حتى بنتي طاحت مريضه بعد عمري وصرفوا لها ابر اليوم بسرعه زرقت وديتها طقت ابرتها مع اني رايحه طبيب حسيت نفسيتي تعدلت
النفاس حده حده كئيب لان مقدر اكل اللي ابي ولا البس اللي ابي ولا انام مثل الناس ومسؤليه البيبي كله هم متى اطلع بيتي اكيد راح ارتاح
.....

ولدج اعتقد من الغيره عيالنا صغار وتنكسر قلوبهم امي تقول هالكلام عن بنتي تقول ينكسر قلبها تشوفج على طول مع البيبي ):
ولدي جني عسر بس يبجي وانا كله مرابطه عنده وبنتي تبي تفر البيت كله مقدر اركض وراها فاكيد تغار
عطي ولدج اهتمام اكثر وحسسيه هو الاهم وان شاء الله يتحسن
ويمكن مريض لان بنتي كانت بس تبجي وديتها طلع فيها احتقان
انا ناويه اسافر بعد الاربعين بس اخذ بنتي اعوضها عن الحمل والنفاس كله مشغوله عنها
مع ان الكل يقول لا تاخذينها وانا ودي ودي اسافر بس عشان انفرد انا وياها وابوها ان شاء الله اقدر اسافر

 

[.. Ro3a ..]

احس كلامي حوسه وعلى بعضه
بس اكيد فاهمتني انسي الضيقه وحاولي تطلعين
تعشي برا ولا تغدي برا مع ريلج وطلعي غيري جو راح تتعدل النفسيه

 

[حوريه ...]

انا خففت البيتادين واغسل فيه بس شكلي استخدمته غلط وجبت العيد

اليوم حطيت ميبو ع الحبوب

ادعولي تخف وتختفي شكلها مقزز بصراحه

كأنه ماي مغلي مكبوب علي

وان شاءالله مايبقا لها اثر مع اني اشك




بنات للحين ينزل معاكم دم
انا خف كثير وتقريبا شبه انقطع قاعد ينزل اوصاخ بس
مادري متا ينقطع واطهر اشتقت للصلاه
يابنات حنا بالنفاس نطول مانصلي
عشان كذا يحوشنا اكتئاب
انا والله الكل مريحني بالبيت
بس ادور الزله عشان اعصب وتالي ابكي مادري ليش
بس احاول اشغل نفسي
متا اجهز وشنو ناقصني وصرت كل ليله اكتب شنو ناقص
ماكو شغل هههههههههههه


عاد ان شاءالله خلال هاليومين بحجز موعد حق فيلرز لان وجهي حيل نحفان
كنت ابي نظاره بس نظاره ووجهي نحيف ماتنفع

ابي اعرض بوجهي شوي لان بعد الاربعين بتعب زياده مع البيبي والسهر فاكيد بنحف
ع الاقل يكون في شي مو انحف ع نحف يماي بصير اخرع

ويمكن اذا قدرت اخذ نظاره راح اخذها وماراح اتردد