تجمع مواليد اكتوبر 2012 .... حياكم اكتوبريات

[منونتي]

اهلين ام غايب و ام الحلوين

انا معتمده ع الطبيعي اكثر و دكتورتي اوصفت لي حبوب ورديه عشان تنزل الحليب

و احس بدا مفعولها يبيين

 

[أم غايب]

و بالنسبة للينسون و الاعشاب تعقدت من بجري عطيته و انعفس بطنه و من ثاني بيبي هونت اعطي بالشهر الرابع او الخامس بس اعطي نقط غازات
منونتي
يحليله اخوج صريح
منو ناوي عالأمومة؟؟

 

[منونتي]

امبلا ام غايب ناويه عليها

ماعندي خدامة و لا باييب

بنطر لمن تصير ام 6 اشهر ان شالله و اوديها الصبح لامي

 

[أم غايب]

الحبوب قالت لي عنهم الدكتورة بس ما حصلتهم لا بالسيف و لا بصيدلية جمعيتنه بس قالت اهم من الحبوب شربي كوبين حليب و كوبين عصير و كوبين شوربة و كثري ماي

 

[أم@الحلوين]

جكوره
حلوو اسم ساره

 

[أم@الحلوين]

هلا منونتي
شخبارج
لوووووول اخوج صريح يحليله
انا ما اعطي ينسون بس من بعد15 يوم امي تسويله حبة حلوه مع نبات مره باليوم

 

[أم@الحلوين]

ام غايب
صاجه اهم شي السوائل وخاصتا الماي والحليب

 

[جِراحُ الغَرام]

الله يخلي لكم الكتاكيت
جكورة اسم سارة حلو ونور بعد
انا الحمد لله اكلي صحي ما لي خلق الخرابيط يقولون تبين مطعم تلوع جبدي
فاقده الحسو لان موزين حق القيصريه
وطبعا بطني للحين متفوخ كاني حامل وباجر بروح اچيك الجرح واسال الدكتوره عن هالحبوب مع ان امي تعطيني اشياء تدر الحليب يعني اشرب ماي وعصير طبيعي وحليب زنجبيل الصبح هذا غير السمسميه والكازو العادي وفيه كازو مطحون مخلوط مع سكر اكل منه امي تقول يدر الحليب وسمعت بعد ان البقل والخضرا تدر الحليب بس حاليا مبتعده عن اي شي يسوي غازات اخاف من عوار البطن بعد العمليه وعندكم الرهش بعد يدر الحليب
البوصفار يوم واحد طلعته بالشمس الصبح وعقبها الشمس اختفت ههههه بس مداومه على الماي مره باليوم وان شاء الله يبين النتيجه
الوزن لا تحاتونه يابنات خصوصا اللي ترضع طبيعي
الرضاعه الطبيعيه تشد والله وبعدين خففوا النشويات واكلوا صحي انا بحط صور اكلي عشان اونسكم واعطيكم افكار وترى للحين من ولدت ما اكلت عيش

 

[أم غايب]

عاشت جراح شجعيني عالاكل الصحي و الرضاعة الطبيعية
العيش انا كلت مرتين بس مرة بالمستشفى مضطرة و مرة امي سوتلي عيش و حلبة على قولتها لازم حق النفاس

 

[اسبــانيــة]

شنو اهما اسبانيه وشنو مكوناتها
انا معتمده عالاكل

حلبه حبوب حلبة وريحتها اعشاب حتى قلت حق امي دام عطتني حبوب بقطع الادوية مالت النفاس

مكوناتها مستخلص الشمر ومستخلص الحلبة ومستخلص القش اليوناني ومستخلص الفيربينا ومستخلص الهوبس

3 مرات قبل الاكل بنص ساعه اسمها fitolat

وصفتهم لي علشان ارضع والرضاعه ترفع دورتي كطريقة لمنع الحمل

او استخدم حبوب مانع خاصة للمرضع وتكون خفيفة واذا نسيت حبة وحده يصير حمل بس تمنع الحمل بنسبة 100٪

وتستخدم من اليوم 35 لج بنفاسج

وثالث طريقة اللولب وفي نسبة 5٪ يصير في حمل وتركبينه بعد اول دورة ف اول شهر مانع عقب تركيب اللولب

ولاني نسايه بركب لولب انشالله

 

[جِراحُ الغَرام]

اي عرفته
يقولون زين بس لا تكثرين لان النشويات تمتن
اكلي سلطه دياي شوربه

 

[جِراحُ الغَرام]

مشكورة اسبانيه
باجر بسال الدكتورة وسالفة منع الحمل ولا افكر فيها لان الدكتورة تقول حملي عزيز والا وحدة خمس سنين بدون مانع شلون ماتحمل هههههههه

 

[جِراحُ الغَرام]

من الاشياء اللي ممكن تصير ان بعد الولاده تنتفخ القدم مثل حالتي
يقولون الحركه تقلل الانتفاخ وترد القدم وايضا شي متاكده منه ومجربته بولادتي السابقه وانتو نايمين حطوا مخده تحت القدم ترفعها لا تسالون ليش اخوي دكتور وقال لي وسويتها ونفعت ههههههه

قبل جم يوم كان في مراجعه تشييك على البيبي وسالني الدكتور عن الرضاعه وقال ان حليب الام ما يسوي غازات ولا امساك فمع كل رضعه لازم يوسخ بحفاظته

 

[اسبــانيــة]

انا عندي سؤال



شلون اعرف ان بنتي شبعت من حليب صدري

ترضع وتنام وبس اشيلها قامت تبجي اقول يمكن ما شبعت او تعبت وارد ارضع

 

[Galb.sh]

انا مافيني وايد حليب معني اكل ٣ وجبات

و اسبانيه انتي قلتي ان في غرزتين تبطلبو صح ؟ انا بعد شاكه وعلى قولتج لان مانقعد عدل
شلون اتاكد انتو بشنو حسيتي ؟ ان شي تبطل او مثلا طلع دم شي ؟ وانا بالاساس مادري جم عرزه امخيطتني وماجيكت عالخياط بعد ١٠ ايام لان الدكتوره شافرت و عقب ريلي سافر ..
وطنشت ..

 

[أم غايب]

اسبانية
الدكتورة تقول الرضعة مدتها ثلث ساعة الي نص ساعة بالكثير بس شرط تكون تمص و تبلع مو تمص صدرج مصاصة سمعي صوتها و اهي تبلع الحليب و كل ما تنام قعديها لمه تكمل المدة بعدها نوميها أذا نامت و قعدت بعد 3 ساعات من بداية الرضعة او اكثر شبعت
و انصحتني بالنهار اذا طافت ال3 ساعات و ما اقعدت اقعدها ترضع تقول منها تتاكدين انها خذت كفايتها من الحليب او منها تنام احسن بالليل بس من عقب ال11 خليها على راحتها لي 6 الصبح

 

[منونتي]

صباح الخير
انا قاعده
او مواصله

بنتي سهرانه

و سهرتنا الليله خلوها صباحي
عيزت فيها كل 10 دقايق تبي صدري
احس مو قاع يدر كفايه

و كاني قاع ارضعها صناعي و اكتب لكم

 

[أم غايب]

منونتي
السهر لابد منه و النوم المقطع
حاولي ما تخلينها على طول على صدرج خلي فرصة للحليب يتجمع و هم على كثر ما تقعد هلى صدرح تمص تتعب و ما تشبع

 

[كتكوته حبيبي]

السلام عليكم
انا كتكوته حبيبي ولدت 21/10/2012 طبيعي والحمدالله

 

[كتكوته حبيبي]

على طاري الوزن ماقست وزني الحين لي بغيت اطلع من المستشفى بقيس اشوف والله يستر