تجمع مواليد اكتوبر 2012 .... حياكم اكتوبريات

[جِراحُ الغَرام]

حيا الله الحبايب
نور التجمع والله
وناااااسه اي خل نتواصل ونسولف
انا ولدي ارضعه طبيعي بس مره باليوم اذا اضطريت اعطيه صناعي وممكن طول اليوم طبيعي الحمدلله
بس نتفه هالولد محد يصدق ان كان بيكمل ٤٠ اسبوع ملابس نيو بورن كباااار عليه يضيعىفيهم
طبعا ادري ان تقولون النفاس ملل بس انا احسه هالمره احسن لان جربت بولادتي الاولى بالتوام كان تعب تعب وملل وضيقة خلق حييييل
بس الحمد لله هالمره اهون ياهل واحد ونومتي صج متقطعه بس اهون من نفاسي بالتوام

 

[جِراحُ الغَرام]

املي
الحمدلله اهم شي سلامتها وسلامتج ، انا كتبت قصة ولادتي بالتجمع وسبب قرار القيصريه ان نبض الولد بدا ينزل وكان على وشك ينعدم فانا من نفسي قلت ابي قيصريه ولا هالخرعه
منونتي
امبيه انا اموت على اكل النفاس اقول حق زوجي احلى شي بالنفاس اكل صحي واكلات النفاس غرااااامي
ميش
لا تحاتين ترى الوزن ينزل بس اذا ترضعين طبيعي لا تسوين رجيم بس اكلي اكل صحي
جكورة
اهلا فيج حياج بيناتنا اي اليانسون وايد زين حق الياهل ، ولا تحلتين ترى شوي شوي تتعدل نومة الياهل بس اهم شي لا تصدقين اللي يقول بعد الاربعين يتعدل لان من ياهل لي ياهل يفرق

 

[جِراحُ الغَرام]

قلب
العنوان غلطه مني بس ابي اعرف منو المشرفه عشان اغير العنوان

 

[اسبــانيــة]

احم احم انا ولدت بنوتي طبيعي بتاريخ ٣٠/٩

وسميتها يارا واناديها فطوم خخخخخخ لها اسمين

والرضاعه مكس واغلبه صناعي

والنفسية بالنفاس حدث ولا حرج وكله طاح براس ريلي

ناويه اقعد اكثر من الاربعين

والنومة بالحسره طبعا

والخياط غرزتين مفتوحين والسبه الحركة من جذي ودي اقعد فوق الاربعين بعالجهم

بدا يلتئم الجرح بس الخوف لاعب لعب فيني

واول ماولدت طيحت ٧ كيلو مالوت الولاده

والحين بدا يلم جسمي بس الوزن ثابت ودي اكسر الميزان والسبه انه ثابت

 

[جِراحُ الغَرام]

عن اذنكم شوي
رضاعه تايم هههههههه

 

[جِراحُ الغَرام]

نصيحه للبجريات
من ينام البيبي نامي
ترى صج احسن شي حاليا انا اسوي جذي بس من بعد الساعه وحده اقعد لان بناتي يوصلون من المدرسه فاجابلهم بالاكل والواجبات وبعدها يلعبون انسدح واريح

 

[اسبــانيــة]

بنات ترا في حبوب تدر الحليب قالتلي الدكتوره عنهم

 

[جِراحُ الغَرام]

اسبانيه
ماشاء الله زين نزلتي بس لا تحاتين ينزل بس اكلي صحي دام ترضعين وترى الصدر كل واحد حاليا فيه نص كيلو لان قاعد يسوي حليب فهذا كيلو من الكيلوات اللي زدتيهم

 

[جِراحُ الغَرام]

شنو اهما اسبانيه وشنو مكوناتها
انا معتمده عالاكل

 

[اسبــانيــة]

بنات تحسون بالرحم؟؟؟ بالذات اللي توهم ولدوو

تحسون ان في كرة اذا نمتو على بطنكم؟؟؟

كنت احس بكرة ولما قلت للدكتور قالي الرحم قاعد يرجع بس استغربت ان العوار جهه اليمين جنه مبايض مو الرحم

في احد حس بهالاحساس

 

[أم@الحلوين]

مسآء الورد عسولات :eh_s(7):
شلونكم
مبروووووك افتتاح تجمعنا بقسم التربية الطفل :eh_s(15):


خلونا نكمل مشوارنا اللي ابتديناه بفضل الله وكرمه علينا قبل 9شهور تعرفنا على بعض :gathering:

تشاركنا فيه لحظاتنا الحلوه :wqedqw: من اول ماحللنا وباركنا لبعض :ggdw:

ومن لما بدينا نتنسى:cxxxp: ونشتكي :0bee2e8d89: ونتحلطم

ومن لما صورنا وبدينا نجهز :ada: ،،

وكتبنا قصص ولادتنا :eh_s(2):

والحين الحمدلله قمنا نبارك لبعض الولاده :yaaaaaarb:

الله يسهل على باقي الحوامل ويقومهم أهم وبيبياتهم بالسلامه

والف مبروووك للي ولدو والحمدلله على سلامتكم

:hjy5jewf:

 

[جِراحُ الغَرام]

اسبانيه ممكن يكون عضلاتج
انا كنت ابجي من عوار جنبي اليمين الدكتورة قالت عضلاتج ووايد خف بس يروح ويرجع

 

[جِراحُ الغَرام]

اهلا ام الحلوين
اي والله حلو كان من بداية حملنا وتعبنا كنا قلوبنا مع بعض ووحده تنصح الثانيه
قلت نكمل المشوار خصوصاان في بنات يحسون بملل وضيقه بالنفاس وفي بجرياتيبون نصايح وحتى اللي عندها عيال ممكن تستفيد من معلومة اول مره تسمعها

 

[جكورة]

بنات للحين ماسميت بنوتي محتاره ومتردده بالاسم انا قبلها عندي مها ودانه ومحتاره شنو اسمي هذي شرايكم ب نور او فرح او ساره باجر بيروح ابوها يسميها عطووني رايكم

 

[أم@الحلوين]

أم الحلوين
ولدت بتاريخ 30/9/2012
ويبت ولد الله يحفظه وسميته "عبدالله"
والحمدالله طبيعي
وولدي ليلحين فيه بوصفار

 

[أم غايب]

هلو بنات
انا ولدت 1/10 و يبت بنوتة سميتها دانة
الحمدالله ارضعها طبيعي
و الصناعي ليلحين ما بلشت فيه ليش ﻷن الطبيعي يريحج من عوار البطن و الغازات الزايدة و الامساك و هم افيد للبيبي و للأم يرد الرحم مكانه و يضعف طبعا لازم بدخل صناعي بس ليلحين الحمدالله طبيعي و بعطيها ابتاميل من ميلوبا الدكتورة قالت احسن لها دام تعطينها طبيعي ﻷن خفيف و على قولتها قريب من حليب الام اهو و نان
بالنسبة للوزن انا زدت 15 كيلو الحمدالله مع الرضاعة و تقليل النشويات و الحلو فشيت بس بقوا اصعب مكانين الفخوذ و الخلفية
نفاسي بشقتي امي قعدت معاي عشرة ايام
اكل النفاس من حسو و لهوم و شاي ما اقدر عليهم يسببون لي امساك و بواسير فاخذهم بس اول اسبوعين
اهم شي مركزة عالاكل المفيد بس طبعا ساعات اخورها

 

[أم@الحلوين]

جراح
اييي والله كانت أحلى لحظات وأيام عشناها يوم بيوم وانشاءالله نظل على طول مع بعضنا نفيد ونستفيد

انا صارلي يومين رديت شقتي قعدت بيت اهلي 20 يوم وابتدا مشوار السهر الصجي وامي تحاتيني قتلها لا تحاتين اذا حسيت بتعب شلت قشي ورديت لج

 

[أم غايب]

اصعب شي قاعد اواجهه احاول انظم رضعاتها و ما اخليها تخليني مصاصة تخدر عليها علشان ما امل و اقدر اكمل معاها طبيعي
جكورة سميها فرح او سارة

 

[أم@الحلوين]

هلا ام غايب عاشت الاسامي والله يخليها وتفرحين فيها عروس انشاءالله

حتى انا حمدالله ارضع طبيعي افيد لي وللبيبي والدكتوره وصفتلي حبوب الرضاعه وفيتامينات ومستمره عليهم واكلي مرات زين ومرات خرابيط

 

[منونتي]

انا للحين ما بلشت يانسون

و وزني للحين ما وزنت

بس اخوي الي ب 3 ابتدائي قالها لي ع البلاطه
قالي انتي الحين مو يبتي بيبي! ! قتله اي
قال بس انتي قلتي اذ يبت بيبي بتضعفين
قتله انزين "!
قال انتي للحين بطه

صصصصصصصدمني ههههه