تجمع مواليد اغسطس 2013 ( أحلى مواليد )

[.:lady bug :.]

اثاري المنطقه الحساسه حساسه

تحشيش تااااايمم

 

[.:lady bug :.]

واااي ام باسل قصه ادري عياده اي عياده شكلج متنحه رسمي خهههههههه
اميره ليش الاهمال ليش طلبي من ام خالد مو زين تتعبين
وانا مثلج وايد خايفه من شسمه بس ريلي بيي عقب ماطلع بعشرين يوم

حلومه جم عند ماجد تقي وهل لافشو يترهل المكان او يطلع بقع خضرا
ويبي الصينيه انا كان كل جسمي هوا بس الم خفيف مو نفسج
لمن تسوي مساج اجس بالالم يزييييد وادري انه هوا

ثالث جلسه اللهم لك الحمد تسوي مساج واحس جسمي خفيف ومرتاح
مو مثل اول جلستين


اجمعين ي قلبي نوفا
ليش خفتي من كريم للنار ايهبل ينزل الهوا والدم الي بالرحم
يريح بطنج واااايد



ام الجازي انا انا طلع شوي دم وخفت وااايد
قلت لامي قالت عادي
بس يوم او يومين ماذكر

 

[.:lady bug :.]

جتني بجوة
9 شهور مرت بغمضه عين
اللهم لك الحمد
وههالاربعين بيعدي بعد

يالله تذكرون يابنات شلون كنا بالبدايه

الحمدلله ع سلامتنا وسلامه عيالنا



ويارب تشافي بدر وترريح قلب امه

 

[نوفآ]

سبحان الله
توني بدش عشان اقولكم سرة بنتي طلع منها دم
خالتي اقول عادي
امي امسحتها بمنقوع المره
ان شاء الله مافيهم شي

 

[.:lady bug :.]

مافيهم شي
انا مسحتها بكحول عساس تنشف
مامسحتها وايد لانها نشفت ابسرعه
حطو بودره او اي شي ينشف المكان

 

[يتيمة جابر العز]

ليدي


هههههههههههههايدي انا مو متنحة كلش

شككتيني بعمري وانا متاكدة

اقولج عيادة اسنان الي بالسالميه اشهر من نار على علم

اشهر عياده ب الكويت عندنا وقناة الوطن كل شوي رازه دعاياتهم

وهذا اكاونتهم ب الانستغرام

 

[يتيمة جابر العز]

برنس الله يشفيج يارب

عليج بالدارسين والاعشاب وتكببي عدل وتدفي ونامي بعدها وان شاءالله بتلقين خير



ام بدوري وحشتنا فديتها الله يشفي ولدها يارب

 

[يتيمة جابر العز]

ام الجازي

صاجه الياسمين مو زينه كلش على كلام الاطباء

واذا جيتي للصج كل حبوب المانع مضره


عطيني طريقج الطبيعيه كود تمشي معاي بدون مانع ولا شي ؟؟

 

[يتيمة جابر العز]

نود حلوه لندن وانصحج جمعي فلوسج واشتري مناك وانتي مغمضه


المشكله ودي اسافر بطلعه الاربعين بس المصاريف زاااااادت علي عندي عرس اختي يبيله ميزانيه وتجهيز نفاسي يبيله والسفر يبيله

يارب تكتبلي سفره ان شاءالله

 

[pяiήcєşš]

صباح الخير

الله يجزاكم خير ياااا احلى خوات وربي يجعلها في ميزان حسناتكم


وعسى الله يشفي مرضاكم ومرضانا ومرضى المسلمين ياااارب

 

[pяiήcєşš]

ام الجازي لا تخافين اذا دم خفيف نقط عادي نقطي عليها منقوع المره ورشي بودره وحاولي تجيبين خرجه تكون نفس الحزام بس اعرض ولفيها على بطنها صوب السره ومااعلى قلبها شر ان شاءالله



انا قلتلكم من اول يوم نقطو ماي وملح يوميا ع سره الجاهل الملح ايبسها وفوق هذا تعقيم واطيح بسرعه ومايطلع ريحه وتحط مع الماي والملح زيت زيتون شوويه ..



ليدي التفخ ترا حده ٦ شهور بالكثير ويفش ويرد وجهج نفس اول موو يترهل .. مافي شي يستمر ع طوول الاا الي تتفخ دهن من جسمها تاخذ وتحطه بخدودها


انا اقول شلكم بهالسوالف اذيه والله خلكم ع ابر النضاره احلى

 

[pяiήcєşš]

تجمعنا سكر بسرعه مامداني ابارك لبدوويه اهي اهي


بدووويه الحمدلله ع سلامتج ويتربى بعزكم الشيخ

 

[Ranoon]

انا ولدي علة !!

مرات كلش ما يشرب وينام
الحين تخيلوا آخر مرة شرب ساعه 4 و 45 فجر
واقومه 7 صبح ابيه يشرب ما يبي ومغير نايم
وأحاول ادخل رضاعه مسكر فمه !!!


يدوخ إذا ما يشرب ويخليني أحاتي !!!
بشوف شوي 8 ونص جذي بقومه


هذي ثاني مرة تصير اول مرة يوم
طلعت مم مستشفى ظهر
وحاولت اشربه من عصر للمغرب عيا ونائم
رحت مستشفى ليل وشافوه وفحصوه
قالوا مافيه شى هذا صغير وشرب شويه
هناك بمستشفى ورجعت للبيت !!


يا الله !!

 

[Ranoon]

اي سرة ولدي قربت تطيح

إذا طاحت ادهن مكان زيت زيتون بس ؟؟


أخاف ولدي ما يشرب من سره او لأ ....؟
لانها تيبست وقربت تطيح

 

[Ranoon]

يتيمه

عيادة أسنان نصابين
احسن عيادة تيجان شفت كذا
وحدة معدلة اسنانها ولما اسألها تقول
تيجان فرع فحيحيل ،،


ودي اعدل فراغات شوية بأسناني ،،

 

[N.o.d]

بنات بسالكم بس لا تضحكون علي
الحين شلون يعني تجهزون حق طلعة اربعينكم !
انا الي اعرفه ان الوحده تجدد بشكلها وتسوي نيو لوك
شنو بعد

 

[N.o.d]

رنون شكو السره المعلقه مافيها عصب وما يحس فيها ماله علاقه يشرب او لا
عادي انا ولدي بعد ساعات يتنح ما يرضى يشرب لما يكون نايم بس تحرشي فيه وقعديه يرضع واذا قفل وياج
نطري عليه لي ياع يبي يقوم ويبجي !

 

[.:lady bug :.]

والله هاطري بالتفخ حلومه
ماتدرين جم عند ماجد تقي ومنو مجربه

نود
اخذي فره بتجمع عرايس مابعد الولاده حبيبتي
ذكرتيني بنفسي باول ياهل ماعرفت شجهز الا باخر جم يوم
ولمن طلعت اضطريت اروح السوق عقب الاربعين واجهز لاني ماجهزت الا القميص


انا كاتبه بتجمعنا من واحنا حمل قلت يابنات جهزو
كانج عروس فهمتي
كل شي جهزيه احلى شي
تطلعين طلعه عروس وكل شي ايديد
اناي تستانسين ع روحج وريلج بيستاتس بالتغيير
من اول شي ستايل القمصان
اشتري ستايل يديد
بجايم يديده الوانها غير عن للي عندج
ميك اب يديد و عطور
دراريع كشخه وملافع
بدله استقباال
عبي وحده كشخه ووحده للدوام جدد
جنج عروس جهزيي كل شي
اكسسوارات
كعب وشحاطات
صبغ اظافر احلا شي اينن
جناااط ايد او جنطه وحده ماركه

عدسات
ملابس داخليه
طفر يديد لغرفتج
اكسسوارات بسسيطه لغرفتج عساس التغير لو بسيط
تتستاتسون
حركات ايديده لحياتكم بشكل عام

 

[.:lady bug :.]

طفر يديد يعني كفر
ياربي ع هالبدليات

قميص اول يوم لازم ايكون مميز حبيبتي نود

وحطي ابالج بيزورونج حريم عقب الاربعين
وبيعزمونج وايد ع سلامتج
ف لازم عندج عبايه كشخه ولبس يديد وحلو

 

[N.o.d]

مششكوره ليدي ما تقصرين ،
انشالله بدش افتر بالقسم واطالع