تجمع مواليد اغسطس 2013 ( أحلى مواليد )

[بدويه 88]

اهلين زهره الله يبارك فيج مرحبااا نرجس الحمد لله بخير ياقلبي

 

[N.o.d]

بنات جربوا تاكلون كل يوم علبه روب قبل النوم تشد البطن !

انا اليوم لبست الحزام
وان شالله ببلش امشي من السبت عالجهاز تدريجي ،

بنات عفيه الخطوط شنو حلها مااابيها مشوهه بطني ويع
و الحوض شلون يصغر بفتره قياسيه !

اللي مجربه شي وعندها حل تسدحه هني
وبالنسبه حق جهاز الاربعين احس وايد خبه
انا ريلي مليق ما تستهويه القمصان
ونظامه يحب اهو يختارلي ملابس البيت
وانا ما البس دراريع ولا احتاج عبي خبه لان مو اساسيات بحياتي
واذا االعطور والميك اب سهله عادي هما العدسات انا ما البس وايد بس باخذلي
وفكره الهيلهوبات حلوه كلهم هذيل احصلهم بجمعيتنا المحلات موجوده ،

انزين من وين اشتري شورتات حلوه !
اتوقع شورتاتي الجينز ما يدشون فيني الحين

 

[N.o.d]

الحين نتشرا ملابس وبدش الشتا
انتبهوا لا تكودون !

 

[أميره بلا قصور]

نود اكو بجايم حلوه شورتات شايفتهم لمن كنت اشتري حق نفاس

وين مجمع السندس تحت محل بويهج عند الدري حق لانجري عندهم بجايم اتينن ميد ان ليباااااانوووون
فديت لبنان معشوقتي

 

[أميره بلا قصور]

اذا قصدج الشورتات غير البجايم الله يخلي h&m

 

[Ranoon]

نود

اللي اعرفه روب لبن
مو زين للنفاس

 

[حبيبي مالكني]

نرجس

شوفي حطي على سرة البيبي زيت زيتون
وبعدين حطي عليها بودر اطفال
جونسن اند جونسن الاصلي الي بدون ريحه
عرفتيه لان اللحين طلعوا انواع لهم ريحة مثل البابونج وغيره
انتي حطي عليه الاصلي الي بدون ريحة
انا اسوي هلون حق بنتي
ولا تخلين برهوم يصيح وايد ويصرخ
عشان يطيب سره اسرع
انا مريومة وايد اتصيح حبيبتي
صايرة عصبية
الله يحفظهم يارب

 

[N.o.d]

مادري انا عادي اشرب حليب الصبح بس بدون لاكتوز عشان الغازات
والروب قليل الدسم

 

[.:lady bug :.]

نوود اخيرا في احد مثلي لنتي سيلياك صح


نود مو اازم تشترين الي قلت
هذي فكره للتجهيز
مثل ماجهزتي لعرسج

ولاتكثرون صح انا ماكثرت لان ياينا البرد

 

[يتيمة جابر العز]

هلافيج حبيبتي نرجس

الحمدالله الله يسلمج بس اعاني من خياطي وان شاءالله تهون يارب


انتي شلونج وشلون الشيخ عساكم بخير ؟؟؟

وبخصوص الحليب البيبي انا عطوني المستشفى سميلاك مااخترت ولا سويت شي

بس انتوا مدحتوه اس٢٦ واجد شكلي بقطع السميلاك وبعطيه الي قلتوا عليه

انتوا اخبر بهالامور وبسال دكتور الاطفال واشوف

 

[يتيمة جابر العز]

انا عن نفسي جهزت كل البجايم وملابس شقه وقمصان نوم

والدراريع نص هم خلصتهم

والعبي اخذتهم من الرياض خلصتهم

والشحاطات والجواتي خلصتهم

والجنطه فندي قبل وريتكم خلصتها

باقيلي بخور وعطور وبدله الاستقبال للطلعه وقميص الطلعه فقط وهذول سهلين اخلصهم بسرعه

وامممممم باقيلي عدسات بعد يعني شي بسيط جدا

وبالنسبه اني ماخذت عطور ولا بخور انصحوني بكذا عطر غير اصفهان وعنبر منتجات ديور لان استعملتهم برمضان والعيد

انطركم

 

[حبيبي مالكني]

ام سلطان

حبيبتي دام سلطان مرتاح بحليبه لا تبدلينه له
حرام تتعب معدته ويمكن حليب s26
ما يناسبه
يعني يمكن يتعبه
انتي نطري اللحين تخلص الرحلة الاولى
يعني من سلطان يصير ٦ شهور عطيه حليب بروميل ٢ واهو
عبارة عن المرحلة الثانية لحليب s26
يعني لا تعطينيه سميلاك رقم ٢


والي تقول المستشفى اهم لازم يختارون للبيبي الحليب
اقول لها
شركات الحليب تتعاقد مع المستشفى ان تعطيها الحليب
بسعر مخفض وايد مقابل الدعاية
يعني المستشفيات ماتختار افضل حليب
تختار افضل مناقصة حليب
بس بشكل عام مو كل حليب يناسب كل اليهال
يعني في يهال كلش ما يطيح عليهم حليب s26
يتعبهم وايد
عشان جذيه الام تجرب الحليباذا ارتاح البيبي عليه
تستمر واذا لا تبدله وتجرب حليب ثاني
لين تحصل حليب يرتاح له بيبيها

 

[شوق العين]

صبااااااح العصيده ^^

اخباركم ..؟

نووووده حياتي الرووب مايصير بالنفاس ولا اللبن.. الحليب عادي ..

ماشاااااء الله ام سلطوون مخلصه تجهييييز.. اعجبتني هالحركه
التجهيز قبل الولاده حييييل مريح ..

انا مثل الشي ابي بدله كشخه للطلعه وابي ملابس للشقه وامم
بجدد مكياجي وعطوووووور وبخور...

ببلش الاسبوع الجاي باخذلي فره بالافنيوو..

بناااااااات 360 فيه محلات للنفانيف حلووه.. ؟؟

رفيجتي ذاك اليوم عليها نفنووف طويل بس كشخه من 360 تقول
ب 170 جنه بس يستاهل..

بس مادري ايي محل اتوقع تحت شفتلي محل للعرايس يمكن حواليه..

.

بروح h&m باخذلي للبيت..

باخذلي جنطه بس مادري اخذ ايي ماركه اخر مره خذيت فندي..

وامممم مادري بعد خلونا نرتب جدووول شرايكم .

 

[.:lady bug :.]

اي شواقه احلى تجهزين شغلج وانتي حامل انا هم كل شي مجهزته كل شي يطري ابالج
انا عاجبني موديل بالانستغرام حده راقي
والي محليه خامته
ف تفاجات ان الخامه تو واصله مماتي هديه
وجااااان اخذها وبفصلها وبخليها للعيد لان مابين طلوعتي والعيد شي

انا حليب بنتي سميلاك بس بغيره حق نان لانه اخف
سيميلاك عذبها بالغازات والامساك فديتها
كان خاطري انه ينفخها شوي بس ماكو نتفه للحينها

 

[.:lady bug :.]

بنات انتو مع ام ضد الكبو
ام بس تحاميل

 

[أميره بلا قصور]

صبااااح الحسووو واللهوووم شواقه


ولدي مصحصح اليوم اذيه من الصبح قطيته بيت يدته

والصغير مسوي حفله من امس ماينام مادري شفيه

حليبه ي ام الجازي سيميلاك وهمن عبادي سيميلاك لمن الحين

جربت قبل عطيت عبادي اس ٢٦ بس ماحبه صاده امساك منه

رديته ع السيميلاك والحمدلله لمن الحين سنه ونص عليه

 

[شوق العين]

هههههههه صباااااااح الوووورد <<< نغييير عن العصيده واللهووووم

اميرره وليدي ياحلووووكم

ليدي الكبو تمدحه امي حيل اهوو بخور صح..؟

وتبخرري منه والتحامييل لاززززززم اخر اسبوع..

.

هااه ليما الحين ماحصلتوا لنا عياده لنفخ الخدووود.. ؟

خفت من ماجد تقي مادري ليش ..

لييييدي خذيت رقم ام علي مالت الدراريع بتصل عليها تسووى
دراريعها ..؟

بروووح سبأ عندهم ترديد ودي اسووي جسمي حده متفكك..

.
ليدي يقولوون سكر النبات يمتن البيبيات حطيه مع الحليب..
S26 حلوو يمتن..

بعد اخباركم.. ؟؟

 

[شوق العين]

بررررنسسسسس


24764163

هذا رقم العازميه اللي بالعميريه معالجه شعبيه ..

اتصلي عليها وقوليلها اللي صاييير معاج وان شاااااء الله علاجها يفيدج ..

اعرف بنات مسوين عندها صبخه للصداع وحييييل يمدحونها..

ربي يشفييييييج ياقلبي..

 

[حبيبي مالكني]

ليدي شنو كبو

واي نوع تحاميل بتستخدمون
وشنو احسن تحاميل

 

[يتيمة جابر العز]

ام الجازي

كبو يعني تبخرين بقشر بصل اخر ايام دوره او نفاس وبعدها تلبسين الكوتكس وتدفين تطلع منج افرازات لمن تقولين بس وترتاحين بعدها