تجمع مواليدديسمبر2011ومواليديناير2012

[حنان المحبه]

مرحبا بنات
لهينا والله عن التجمع …
توحه اخبارج واخبار عيالج
شوشو وخوخه وعسوله والباقي وينكم عسى المانع خير يارب

 

[عسووولــــة]

صباح الخير امهااااااااااااااااااات<<<< اشتقتلكم حييييييييييييييييييل

توحه : شخبارج حياتي وكيف الشباب؟؟


لي لي : حبيبتي كيفها جنون وكيف الحمل معاج <<< تصدقين انا مادشيت المستشفى من حملت حتى ماتطمنت عليها بس النساة صعبة حييل ومالي خلق اي شيء

حنون شخبارج حبيبتي وكيف عيالج ؟؟؟؟؟؟


حتى النخاع : شخبارج حبيبتي ؟؟؟

صاير ولدي ضعيف واااااااااااااايد والله كل عظم فية تشوفية فديتة حبيبي شنو اعطية اكلات وكيف ابدأ معاه من يوم صباح لحد المساء ارجوووووووووك حبايبي تساعدوني

 

[Le chat]

عسوله الحمدلله كل شي تمام وانا بعد ماشفت البيبي
انتي ولد شكثر يشرب؟ وجم مره باليوم ؟ شنو توكلينه؟ انا جنونه وزنها وااااايد زين الحمدلله توني زدت حليبها كنت اشربها ١٨٠ كل ٤ ساعات الحين صارو ٢٤٠ تقريبا ٤ مرات باليوم او ٣ مرات ووجبه باليوم سيريلاك عيش او قمح اخلطه مع حليب بس يمكن لانه الحليب الي اشربها اياه حليب الصويا من جذي يمتنها دوريه ان شاء الله موجود بالكويت*

 

[توحه1]

هلا والله بالغالين انا ويويواتي بخير اليوم قايمه من النوم مستانسه حلمانه ان ناقشه حنه على كفي اليسار سواره على يكل سلسله وريولي اليمين ورحت الخياط مستعجله على قطعة قماش وبلغته اذا ناقص اهو يشتري ماشالله بسرعه قص الخام وانا اتكلم وهوياخذ القياس سويت فرووفت الفستان بس الخام موخامي موالي ابي بس وايد عاجبني اخضر ومورد ورد صغيره بيضه منثوره بكبر الخام وحتى طلبت حزام ازرق قال ماكو خام بس شكله حلو النفنوف ضيق راسم الجسم جبنيز كمه
ان شاء الله خير قمت وانا مستانسه وان شاء الله دوم


عسوله انت شكلج المصاصه ماطيح من حلج ولدج
اذا انت من هالنوع لا ياماما خففي
الصبح حليب وبسكوت فالز
الضحى حليب
الظهر بطاطه مهروسه وجزر وعيش
العصر حليب ساده
المغرب عصير او ماي التمر رقم واحد بالمميه فقط
الليل حليبة النوم الساعه ١٠ ونصبح الصبح نعيد الجدول لي مدة شهر وبعدها نزيد الكميات

هذا جدولي حق يويو

 

[توحه1]

وينكم مالكم اي حس ولا خبر

 

[عسووولــــة]

ويييييييية لي لي لو تعرفي نظامي تنقهري والله

من يقوم الصباح اعطية حليب 90 ملي وياااااااااادوب يخلصها

الضحى سيريلاك بالقمح والتمر

وبعدها ينام واذا قعد حزة الظهر اطبخلة بطاط وجزر وكوسة وملعقة عيش بس من ياكل ياحظي والله ولدي يحب السكر شسوي فية وتخيلي الحين يسكر فمة مايبي ياكل بس يشرب ماااااااي وحليب متعبني حييييل مع انة صغير الحين واذا غصبتة يرجع كامل الاكل
وبعدها اذا اذاحسيتة جوعان اسوي حليب 90 ميل

والعصر من يقوم من نوم بسكوت فاليز مع ملعقة حليب نان

وبليل كاستر وبعدها حليب 90 ملي

 

[عسووولــــة]

توحة ان شاءالله بسوي نفس الي قلت علية من بكرة ببدأ معاه من اول الشهر

 

[عسووولــــة]

توحة فديتج وضحيلي اكثر << الله يجزيج الخير >>
الحليب كم رقم الممية؟؟؟
وكم قطعة بسكوت فاليز بس قرص واحد او نص << في وقت الصباح

انا متعودة اسوي 90 ملي مع ملعقة سيريلك

 

[توحه1]

انت كم عمر ولدج ماتوقع لي الحين يشرب 90 انا 6 شهور ونص ويشرب لي 5 ارقام بالمميه
وحط اذا اول مره تسوين فالز ربع اما انا صاله شهرين فيشرب كامله فالز مع خمسه ماي خمسه حليب نان
الضحى حليب بس ماشبعه احطله 3 او4 ارقام بالمميه عشان وراه عداء كوسا وبطاط وجزر وملعقة اكل عيش اسلقهم وبعدين اخلطهم ووكله حجمهم الخضار كبر صبعي الصغير بعدين الساعه3 العصر اعطيه رقم بالمميه عصير او ماي التمر اومرات اذا ماعندي 4 ارقام حليب لي الليل يشرب رضعة النوم الي على حسب عمره اقري العلبه مالت الحليب ونكرر السابق لمن يصير الصبح انا مااعطي الا رضعه بليل فلمن يقوم الصبح خمسه ونص او ست الصبح يكون جوعان حده وهكذى

 

[حنان المحبه]

اهلين بناااات
هلا عسوله انا الحمدلله بخير وعيال تمام
تو الناس عالسكر عليه مو زين لولدج .… الله يعينچ والله
توحه الله يحفظلج عيالج يارب
ماقصرتي عساج عالقوه …
لي لي شخبارج ماقدرت اتواصل معاج بالبرنامج علق واختفت كل الصور والمضافين حتي المربع موطالع رقم صفر لأ فاضي المربع مادري شسالفه مع اني محدثه البرنامج والنت شغال عندي

 

[Le chat]

اي حنونه معلق يبيله جم يوم ويعدلونه مادري شصار فيه
عسوله يمكن الحلمات الي تستعملينهم صغار؟ انا جنون من كملت ٦ شهور غيرت حلمات المميه اخدت بو ٣ فتحات ولاااااااااااا تعطينه شكر ترا جسم البيبي مافي انزيم يهضم الشكر ديري بالج ودامه يحب الحليب عطيه حليب اصلا افيد شي للبيبي الحليب واتوقع نان خفيف ماادري سالي دكتورج وشوفي اذا في حليب الصويا بالكويت لانه تبارك الرحمن من اقول عمر بنتي ٦ شهور يبققون عيونهم قمت اقول ٨ ومايصدقون اني يايبتها كيلو ونص اسم الله عليها تفخها ويفتح الشهيه ١٨٠ مايكفونها اعطيها ٢٤٠ وجدول تووحه ممتاز بس حاولي لا يرجع ترا الترجيع يتعبه ويحرق بلعومه لانه بدا ياكل مو ترجيع حليب

 

[Le chat]

ونسيت اقول لا تشربينه وايد ماي راح يترس معدته عطي يدوب يبل ريجه

 

[توحه1]

اي صاجه لي لي لازم تغيرين الحلمات لي مديم

 

[Le chat]

بنات ادعولي مادري ليش العلاج بالخارج مستلعنين معاي مايبون يتكفلون بالفحص مال البيبي عاد امريكا عندهم مشكله بالصحه غالي موووووت تخيلو عشان مراجعه وسونار ٢٥٠ دينار والفحص مال الجينات غالي ابي اعرف اذا البيبي حامل مرض جنوي ولا لا الله يقطعهم اذا ماعندج واسطه روحي موتي انتي والي ببطنج ادعولي تتسهل الامور لانه يت الموافقه جان يكنسلونها جذي لعانه حسبي الله عليهم

 

[توحه1]

ربي يجعله خير والقادم افضل باذن الله
ربي ييسر امورج ويفرج عنك همومج ويفتحلج كل باب مسكر يارب العالمين

 

[Le chat]

امين توحه تسلمين ياقلبي وااي احاتي هالفحص لازم اسوي خلال اسبوعين ان ماسويته تروح علي اهو لازم اسويه بالاسبوع ١٢ قعدوني على اعصابي

 

[توحه1]

لعله خير وكل تاخيره فيها خيره ان شاء الله
قل مايصيبنا الا ماكتب الله لنا

 

[توحه1]

طريقة الجباتي

كوب ونص طحين
٣ ملاعق صغيره دهن((زيت الطباخ))
رشة ملح
نصف كوب ماي فاتر
وعجني المقادير مع بعض لمدة ربع ساعه
وبعدها خليها ترتاح بساعه
وبعدين تقسمين العجينه ل٦ كور وبعدها رقيها وفرديها وعلى طول بصاج او مقلى تشوينها وبالعافيه واكليها ياخاليه اومع جبن او كاكاو

 

[.. BNT ..]

توحه ..
على حلمج ان شاء الله تحملين فبنوته يارب هههه

لي لي ..
بعد عمري والله شهالنحاسه اللي فيهم حتى اهمه جذي
الله يسخر لج ويفرجلج ..
زين شصار الحين حتى بالانستقرام زين لو فيه برايفت هههه

حنونه ..
بعد عمري والله ي الغاليه شلووونج
عجيب البرنامج الي جمعنا هههههه

 

[توحه1]

ان شاء الله بدعاكم ان شاء الله يقسم لي ربي