تجمع مواليدديسمبر2011ومواليديناير2012

[حنان المحبه]

هلا بنات
توحه
لا ماتسكر …اصلاً ماطلع شي ولثته منتفخه شوي … يوووه ياتوحه كسر خاطري تعبان بس يووون لاسدحته على بطنه ارتاح وبس متعومس عور قلبي
لي لي
حسدتي نفسچ … جتچ بأثر رجعي النساة عسى ربي يعينچ اهويقول عادي فوايد التويتر اكثر من عيوبه بس عالم ثاني يعني لاتشغلين نفسج فيه تبين الصراحه انا مالي ب هـالسوالف ماعرفها شفتي شلون حست مع برنامج الانستغرام حتى ليما الحين يبيلي شوي فيه …
صج لي لي انتي دازه لي بالنستغرام مادري طقطقت فيه وضفتج بس تاكدي ضفتج ولا لا … لاني رديت عليچ بصورة جنوي عذبني النفنوف
خوخه
اهلين شخبارج واخبار المعاريس الله يخليهم لج ويبارك فيهم
بنوووته
ياهلا ومرحبا
اسم الله عليه مايشوف شر وليدچ حطي ايدچ على حساسيته واقري عليه لاتخلينه عسى ربي يشفيه
تدرين موحافظه اسمي بالبرنامج بدزلج ان شاءالله
وانتي شنو دزيه عشان اضيفج ان شاءالله
قاعده اتعلم عليكم

 

[Le chat]

اي حنونه ضايفتني حبي
شوفي خل اقولج شي انا نزلت تويتر وحاولت اتعبث فيه مع انه اخر همي وماعرفتله وهديته بس والله لو عندي عيال كبار او ريلي يدش جان تعلمتله مايصير جذي انتي ماتعرفين شي واهو وعياله يعرفون كل شي تخيلي باجر التكنلوجيا وين بتوصل كل واحد تلفونه بايده وانتي ماتدرين شالسالفه انا ضايفه خالاتي وخوالي كلهم كبار و اخت يدتي مره عمرها ٦٠ سنه قوليلي بالله شعرفها وله اهي احسن منج بالانقليزي؟ وكاهي تعرفله اكثر مني اهو مو شرط هالبرنامج بس بشكل عام كل شي الناس تهب فيه تعلمي عليه مو شرط تدشين بس تعلمي خلج مفتحه باللبن*

 

[Le chat]

حياتي خوخه تسلمين يا قلبي
بنوته شلونه الحين مع الدوا صار احسن؟
توحه ياحلو الي بيقرمووون ويعفسون الدنيا الحين ماتعطينه فارلزه يمصمص فيها؟ احس يدبر روحه لو تعطينه الله يخليه لج ياارب

 

[q8ya حتى النخاع]

قوة خواتي
شلونكم يارب عساكم بخيرو صحه و عافيه
مشتاقتلكم حيل
لو تذكرون من عشرين يوم جنه يوم علق لمنتدي و مايفتح كلش قعد يوم كامل جذي لي عقبه يوم فتحته لقيت تسجل خروج و طبعا حست علي ما اتبعت كل لبيانات ة رديت سجلت دخول من يديد
لمهم ولهت علي سوالفكم
لحين تتكلمون عل انستغرام
ضيفوني qwerty1119
سويت الاكاونت جذي بس عشان اضيف ناس و شوي شوي حبيت لبرنامج حيل يالله خنضيف بعض و نسوى برايفت

 

[Le chat]

اهلين كويتيه شخبارج عاد ياكثر مايعلق المنتدى عذاب يلا الحين اضيفج

 

[توحه1]

هلا نخنوعه اخبارج واخبار الحلو

 

[q8ya حتى النخاع]

تسلمين توحه ولو شات ياحلو سوالفكم والله
انا و وليدي تمام حمدلله امس ضحكت عليه ضحك انا مسويه شعري سشوار و فالته مستانسه عليه و اهو تله حييييل ولا راضي يهد صاير عنيف الاخ هههه
بلست خالتي توكل عيش ناعم و فواكه وانا مرات اعطيه فارلز

 

[Le chat]

وااااي كويتيه هالعمر لي جلبو بالشي مايهدونه عردين اسم الله عليهم انا جذي جنوي كله تكمشني وتشمخني قطوه

 

[توحه1]

الله يحفظهم ويخليهم لكم ويحرسهم من كل شر

 

[توحه1]

سلقي صدردجاجه كانك بتسوين مكبوس دجاج وحطي معاها بطاطه حجم وسط ولمن تستوي البطاطة حطيها بالخلاط
ولمن تستوي الصدور فتتيهم مثل الشاورما
قطعي بصلة صغار صغار وهرسي فصة ثوم وجهزي علبة حبيبات الذره وكوب بقدونس مقطع ورقه ورقه
قومي بحمس البصل لمن يشوقر ضيفي الدجاج وحمسيه معاه ثم البصل وحركيه وسكبي البطاط فوقهم حركيه لمن يبقبق ضيفي ماي الدجاج ٤ كواب ولمن يطبخ ويدخن حطي الذره وبعدهاعلى طول بهارات الدجاج ومن ضمنهم مكعب ماجي وخليه على نار هاديه ١٠ دقايق او لمن تستوي الذره
وعصري عليها قطرات من الليمون واسكبيه بطوس وزينيه بالبقدونس وبالعافيه شوربه لذيذه وسهله ٣٠ دقيقه وتجهز

 

[توحه1]

احمسي ثم = احمسي الثوم

 

[Le chat]

يه يه يه توحه خوش شي شكلي بييبلي دفتر واسجل وكل يوم اسوي صفحه

 

[توحه1]

بالعافيه عليج عطي من الشوربه حق جنون انا اذوق يويو منها لذيذه

 

[توحه1]

معكرونية القواقع يمي يمي
١كيس معكرونيه شكل قواقع
٢ بطاطه حجم وسط
٢ حبه جزر
٢كوسا
١ فلفل رومي(فلفل بارد)
كلهم مقطعتهم مكعبات حجم وسط مثل المرق
لومي اسود عدل
٢/١ملعقه بهارات مشكله
ملح فلفل اسود
ملعقه الحوس الصغيره((بهارات دجاج))
١ مكعب ماجي
علبة معجون طماط
٦ طماطات مضروبين بالخلاط
بصله كبيره مقطعه مكعبات صغيره
٤فص ثوم مهروس
شده شبنت وكزبر مفرومين
وملعقة كبيره ليمون معصور
كيتلي ماء مغلي

الطريقه
احمسي البصل لمن يشوقر اضيفي البطاط وبعد ٣ دقايق الجزر وحركيه وبعد٣ دق الفلفل الاخضر وبعد٣دق اللومي + الكوسا حركيهم جيدا
اضيفي البهارات واحركه وجزء من الثوم (( موكله)) وحركه
اضيف علبة المعجون طماط وحركها لمن يحكك بالجدر عادي حلات الاكله بحماسها
بعدها اسكب الطماط من الخلاط واغطي الجدر لمن يبقبق تقريبا ٦ دقايق ثم احركه واسكب عليه ماء مغلي وبس يدخن اضيف مكعب ماجي
وبعدها المعكرونه وتركها تستوي على نار متوسطه مدة (١٥) دقيقه واتاكدمن نضوج المعكرونه ثم اضيف باقي الثوم والشبنت وكزبروحركه واحط تحت الجدر حديده وخليه يتسكر على نار هاديه ١٥ دقيقه
ملاحظه مو ينشف حلاته فيه صوص

وبالعافيه مدة التحضير٤٠ دقيقه ومدة الاكل ١٠ دقايق هههههه

 

[توحه1]

سوي معاها الشوره السابقه
وطاسة فتوش وبطاط شبس مقروش وبيبسي مطلعة من الفريزر نصه مثلج ونصه لا وذره مسلوقه
وصحتين وعافيه على جبدكم

 

[al505a]

توحة يوعتبني
عاد لي سويتي طرشي لي
احب الراحة

شخباركم كلكم

حنونة شفيه ولدج

انا عيالي بعد بس يسحبون بشعري مايهدونة


لي لي بتكونين بامريكا برمضان

 

[توحه1]

ان شاء الله :* :* :*

 

[Le chat]

توحه شوقتيني احب السفره جذي متروسه منظرها يشوق بس انا وريلي حدنا طبق واحد اثنينا مقصقصين معدتنا هههههههههههه الباجي ببطن جنوي بس خل تشد حيلها
خوخه اييييييي مددولنا توه ضاق خلقي يوم دريت بس شسوي عشان هالبنيه بس لي الحين متامله الحق على باجي رمضان بالديره يوم تزوجت كنت مااتخيل افطر بروحي انا وريلي في بيتنا تعودت على لمه اهلي وفعلا رمضان الي طاف كنت قاعده عندهم مارحت شقتي موووومتخيله الحين برمض بديره ثانيه لا ويقولولي البنات بامريكا احنا نسوي قرقيعان ان شاء الله مو اول قرقيعان حق بنتي اسوي حق غرب مااعرفهم وبعيد عن اهلي والله ماراح اسوي شي حتى عيد ماراح اشتري يديد الا اذا رديت طقت جبدي *

 

[توحه1]

حبيبتي سوي بالعكس وصوري للذكره بس سوي شعبي بسيط لاتخبين نفسج لا تمر سنه وماعندج صور ذكره لها شلون جنينج ماشفتيه شوضاعه شخباره

 

[Le chat]

لا توحه مااقدر مايهياني قلبي الله يحيينا واشوف اذا بسوي او لا
والله ليما الحين ناطره الدكتوره ترد من السفر بس دام اشتغلت النساه تطمنت انه عايش كنت خايفه انه ميت وانا ماادري عنه
بنات منو فيكم طلعلها بيت او تعرف احد توه مخلص بنيان اذا بتبنين دورين شكثر يكلف من غير الاثاث بس بنيان ؟