تجمع مواليدديسمبر2011ومواليديناير2012

[توحه1]

البقصم بالصور

المقادير : 3 كوب طحين فاخر
3 بيضات
1كوب زيت (( دهن الطباخ))
1 كوب سكر
1 ملعقة أكل بكينغ بودر
3 ملعقة شاي هيل ناعم
للتغطية : 1 كوب سمسم + 1 كوب حبه البركه
الطريقة : يخلط بالخلاط الكهربائي كل من البيض مع الزيت والسكر والهيل لمدة 5 دقائق
يضاف الطحين مع البكينغ بودر الى الخليط ويعجن باليد جيدا
تقطع العجينة الى كرات صغرة ثم تغمس بالسمسم او الفستق

ثم تشكل على هيئة اصبع صغر وتصف في صينية فرن مدهونة
ثم تشوى في فرن ساخن
عند درجة 180 لمدة نص ساعة او حتى يحمر
ترك حتى يبرد تماما ثم قدم مع الحليب مهيل
اوشاي بالزعفران
لذيذ بنات يهبل وسهل

 

[Le chat]

لا توحه ماحلمت بس قلتلج حلم ريلي وحلومه دايما تصدق صدقت بجنوي وبوايد اشياء قبلها يخرع والاكل ماكو غير الفلفل النساة والتوحم تقريبا مختفين بهالحمله بس يلا بنيه صبي على قولتج اهم شي الصحه بس ان طلع صبي بحمل وراه على طول لين اييب بنوته ههههههههههههه ادماااان احبهم فيني نقص بنات

 

[حنان المحبه]

السلام عليكم
شلونكم بنات وشلون صغاركم
انا الحمدلله بأحسن حال … بس ولدي طعمته اليوم وفيه شوية حراره بس احسن من قبل شوي
عسوله
حبيبتي الله يتمم لچ على خيير … جزاچ الله ماقصرتي
خوخه
ياهلا ومرحبا شخبارج واخبار الحلوين … تسلمين ياعمري ماقصرتي الله لايحرمني منكم ياأعز خوات بالدنيا
توحه ياتحتوحه
عسى ربي يسلمچ ايدينچ من النار ويبارك لچ بعيالچ … طلعتي طباخه اجل … يالله تدخلين تحدي وياي
شوشو
اهلين شخبارج واخبار حمودي
لي لي
اختي اللي ماأستغني عنها … الله يتمم لچ على خير … ويرزقچ الذريه الصالحه المعافاة لازياده ولا نقصان … امين يارب العالمين
شفتي مافي الدنيا مستريح الا بن جريح >> امثال جداتنا الله يرحمهم
عسى الله يعينا على ذكره وشكره وحسن عبادته يارب
ياليتني بسكوته تاكلني جنوي … الحمدلله انها احسن وان شاءالله الجايات احلى واحسن من الرايحات
تعالي شنو سالفة الانستغرام ماعرفتله كلللللش نزلت البرنامج بس انصدمت تطلعلي صور بايخه لاعت چبدي على فكره انا نزلته بس مااشتركت فيه
تبين الصراحه مو عارفه طريقة التسجيل حماتي الله يسامحها تضحك علي تقول اذا سجلتي فيه نشوف صورج اللي بايفونج كلها لاني سالتها اذا سجلت تعرفيني وتشوفين صوري قالت اي دريت انها تستعبط علي فمشيتها
قلت ماكوالا لي لي هي بتعلمني الطريقه
الحين اذا سجلت يبين رقمي ؟؟
ويشوفون صوري ؟؟؟
وشلون طريقة التسجيل ؟؟؟
ترى ماعرف ب هـالسوالف …
تسلمووووون … الله لايحرمني منكم … آمين

 

[Le chat]

حنونه حياتي انتي فديتوووج شوفي اول شي تسجلين اقدر اسويلج اكاونت بس الاحسن انتي سوي لازم تتعلمين عشان عيالج باجر لي دشو هالبرامج تقدرين تكونين معاهم اول باول وماتحاتينهم المهم عقب ماتسوين الاكاونت في بالاعدادات تقدرين تخلين صفحتج برايفت محد يشوفها الا الي انتي تسمحينلهم وانتي تنزلين الصور الي انتي تبينها ماتنزل عشوائي انتي الي تحطينهم يونس البرنامج جربي تعبثي لين تعرفينله ترا هذي احسن طريقه الي اهي التعبث واي شي يديد يهبون فيه الناس تعلمي مو شرط تهبين فيه بس المهم انج ماتكونين ضايعه بالطوشه ومفتحه باللبن

 

[Le chat]

واذا كلش كلش ماعرفتي انزلج الطريقه وبالصور واذا سويتي قوليلي خل اضيفج

 

[توحه1]

حتى انا علميني لي لي بالتقصيل الممل وبالصور

 

[توحه1]

حنون عيل شلون عيل عشان نمسك الريال ونوصل لي قلبه عيل بدزلكم كذه وصفه تساعدكم حق شهر رمضان
يمي يمي

 

[Le chat]

ان شاء الله الحين اسوي بالصور انزله .. عفيه توحه ضبطينا ابي اشياء سهله غير المجابيس وهالسوالف نبي نغير عاد انا هني بروحي لازم اطبخ مطاعمهم تييب المرض

 

[Le chat]

اول ماتدشين البرنامج بتلقين هالصفحه

اختاري login تطلعلج هالصفحه

سجلي بياناتج الايميل والاسم الي تبينه والباسوورد ورقم تلفونج اذا تبين الي بلستت تلفونج الي اهم اهلج وربعج يعرفون انج داشه هالبرنامج عشان يضيفونج واذا ماتبين مو الا تحطينه اختياري والصوره نفس الشي اختياري اذا خلصتي حطي done تطلعلج هالصفحه

اول اختيار يخليج تشوفين منو من لستتج موجود بالبرنامج مايطلع الا الي حاط رقمه والثاني تضيفين ربعج الي بالفيس بوك والي وراه ربعج الي بيتويتر والاخير انتي تكتبين الاسم ويطلعلج اذا موجود او لا اذا اخترتي اول اختيار بتطلعلج هالصفحه

اذا بتضيفين شخص تدوسين على follow اذا حاط صفحته برايفت لازم تنطرين يسوي اكسبت اذا مو حاطه برايفت راح تقلب الدقمه لون اخضر يعني ضفتيه اذا بتشيلينه من لستتج دوسي الدقمه مره ثانيه راح تصير زرقه يعني موضايفته اذا خلصتي دوسي نيكست تطلعلج هالصفحه

شوفي الدقم الي تحت اول وحده ان دستيها تطلعلج هذي الصفحه البيضه يصير فيها الصور الي يحطونها الناس الي ضايفتهم والي يمها النجمه هذي تطلعلج الصور الي الناس حابتها اكثر شي والي يمها الكاميرا لي دستيها تطلعلج هالصفحه

اذا بتصورين تدوسين علامه الكاميرا الي بالنص وعلامه المربعين الي عاليسار هذي اذا بتحطين صوره من الالبوم ان اخترتي الصوره بتطلعلج هالصفحه

عدلي الصوره واذا خلصتي اختاري choose بتطلعلج هالاختيارات الي تحت تغيرلج الافكت مال الصوره

اذا خلصتي اختاري علامه صح الي تحت بتطلعلج هالصفحه

اول فراغ تكتبين تعليق اذا تبين وثاني اختيار اذا تبين تحطين موقعج الي مصوره فيه الصوره لي خلصتي حطي done وتنزل الصوره بصفحتج الاختيار الي يم الكاميرا الي على قلب الحب هذا لي دستي تطلعلج هالصفحه

هذي الصفحه فيها اختيارين فوق الاول تشوفين ربعج الي معلقين على صورج والي مسوين لايك حق صورتج يعني حابينها والثاني هالصفحه

والي اهي تشوفين تعليقات ربعج على صور ربعهم والصور الي عاجبتهم اخر اختيار اهو الاعدادات ان اخترتي بتطلعلج هالصفحه

ولو تنزلين تحت بتلقين اهم شي بهالصفحه

الي اهو اخر اختيار لي دستي عليه وصار ازرق يعني صفحتج برايفت محد يشوفها الا الي تسوين له اكسبت وتوافقين عليه الحين نيي حق صور ربعج اذا صوره عجبتج دوسي عليها مرتين يطلعلج قلب الحب ويبين عندها انج حابه صورتها هيك

واذا بتعلقين عليها تحت الصوره يكتبونلج comment دوسي وكتبي الي تبين
واخر شي صفحتج او صفحه غيرج اذا بتشوفين كل الصور دوسي عالاسم وتدشين الصفحه

وفي الدقمه الي تحت المكتوب عليها load more هذي عشان تطلعين باجي الصور الي بالصفحه وووبس اي سؤال انا حاضره

 

[توحه1]

واي ببدع شكلي علي مااسوي البرنامج

 

[توحه1]

لي لي ولا يهمج ان شاء الله انا بالخدمه عيل خل اطرشلج اشياء السهله هالايام سوالف حلوه وحق شهر رمضان نبدي بالدسم

 

[توحه1]

2كوب طحين. 3ملاعق كبيرة سكر بودر. ملعقة صغيرة بيكنج بودر. ملعقة كبيرة هيل.
تخلطين المقادير هذه مع بعض. حليب وتعجنينها وتخلينها ترتاح 20 دقيقة.
بعدها تخذين عجينة صغيرة تحشينها لوز مطحون تكونين خالطته بسكر بودرة ودارسين تكورينه كانهم بيضات صغيره مو وايد عجين ((ويكرر لمن تخلص العجينه))
وتقلينهم في زيت غزير وبعد مايبرودن تغلفينهم بسكر بودر

اكله كويتيه قديمه بيض القطا

 

[توحه1]

2 كوب طحين
1 قالب زبدة صغير
ملعقة صغيره بيكنج باودر
ملعقة كبيره هيل بودره
2 ملعقه كبيره سكر بودره
2/1 كوب حليب
سكر بودر للتقديم

الحشوه:
جوز مجروش
سكر بودره
قرفه بودره
طريقة التحضير
1 – في محضرة الطعام نضع المقادير الجافه ثم نضع الزبده المقطعه والبارده ونشغل حتى يصبح مثل الفتات.
2 – نضيف الحليب حتى تصبح عجينه.
3 – تترك ترتاح 20 دقيقه.
4 – نأخذ قطع صغيره اصغر من حبة الجوز وتحشى بالحشوه ثم تقفل وتشكل على شكل بيضه صغيره حتى ينتهي المقدار.
5 – تقلى حبات البيض في زيت غزير حتى تتحمر ثم توضع في السكر البودر بعد ان تصفى من الزيت وتقدم بارده.

الكمية تكفي: 5- 6 اشخاص
مدة التحضير: 30 دقيقة + 20 دقيقة (لترتاح العجينة)
مدة الطهي: تقلى إلى أن تصبح ذهبية اللون
كتبتها مره ثانيه حسيتها لويه الاولى

 

[توحه1]

تقدرين تسوين كميه وتخشينها بالفريزر وحزت الي تبونها تقلون كم حبه ومع شاي او قهوه اوحليب ومذاك البقصم هبسوا وبالعافيه
هذا كله للعصاري

 

[حنان المحبه]

تسلم ايدينچ … ربي يسلمها من النار
ايوا هذا اللي ابيه مابي احد يعرفني …
صراحه كفيتي ووفيتي … نخدمچ بالافراح
مشكلتي ماعرف بالانقلش عشان جذيه اخاف ادخل اي برنامج ماعرفه لازم اتاكد منه واسال عنه
ان شاءالله بسجل فيه … بس صور تكرمين قمة القذاره يعني لبسهم بس قطعتين وهذا اللي خوفني شلون اتحاشاهم هالصور ؟؟؟؟
توحه
صاجه والله اقرب طريق لقلب الرجل معدته …. انا شغاله عليه بالصواني يحبهم وانا من طبعي احب الطبخ الحمدلله

 

[توحه1]

الحمدالله
انا ماحب وايد الطبخ مكابيس وهالسوالف
احب الاكلات السريعه واحب سوالف صواني بالفرن وحمسي وحشي هههه معجنات
حق المتن هههه

 

[Le chat]

توحه تسلم ايدج احسه لذيذ انا جذي ابي شغل صواني اسهل حتى لي ييت اغسل الصحون مااكود جدور على قلبي
حنونه لاتدوسين علامه النجمه اهي الي فيها هالصور ماتحتاجينها لا تضغطين عليها بجذي تتحاشينهم

 

[توحه1]

ان شاء الله لي لي :* :*

 

[حنان المحبه]

لي لي
بدخل البرنامج …
انتي قلتي باول صفحه نضغط على لونق مادري اذا صح
بس اذا ضغطت عليها تًطلع الصفحه هذي

مونفس وصفج
وصفج على الدقمه الثانيه اللي هي هذي سنق ان اللي فيه الباسوورد والايميل والاسم والسوالف هذي كلها

 

[حنان المحبه]

خلاص لي لي
فهمت
انتي غلطتي بالكلمه