تجمع مواليدديسمبر2011ومواليديناير2012

[توحه1]

عسوله نطري المعاشات وجهزي لان بتبدي التنزيلات خلال ١٠ ايام اول ١٢ تنزيلات
ومذر كير باجر تنزيلات

 

[عسووولــــة]

اية توحة ان شاءالله ببدي تجهيز في تنزيلات عشان استغل الفرصة...

واغرض الجمعية بروح اي وقت اجهزها...

وبخصوص العناية ببشرة اخذت كل الاغراض من حمام مغربي وسنفرات والخ...

 

[توحه1]

يعطيج العافيه وربي يسر ويسهل امورج انت وكل حوامل المنتدى
والله يرزق كل الي يبون باذن الله

 

[.. BNT ..]

سلام علبكم شلونكم بنات

وحشتوني من زمان عنكم شخبار يوياتكم ربي يحميهم

من جد عفسه مع اليهال الواحد حتى ماعنده وقت يجوف شوشته بالمرايا


الا بنات شخبار هبونه فقدتها بالانستقرام اخر صوره لها تعور القلب وماعاد طلت

 

[توحه1]

صج شنو عسى ماشر شفيها لي لي
بنت انت شخبارج شعلومج

 

[.. BNT ..]

توحه انا الحمدلله زوينه .. حملت وماكنت عارفه جاني نزيف واجهضت
من الكراف كله افتررررررررر ظهري نار من الشغل ومالي حظ بالخدم
جبت 4 وحده حامل والثانيه ماتبي بيت صغير والثالثه غبيه ماتفهم جننتني والرابعه تركض ورا ريلي
والحين صار لي شهرين مقدمه نيباليه ومايت



اما هبونه اخر علمي فيها بالانستقرام حطت صوره يد فيها درب وبسسس ماعاد ردت على احد
الله يستر عليها كلت قلبي بسم الله عليها الله يحفظها ويخليها حق عيالها وريلها ولكل عين ترجيها


انتي توحه شحالج ويويواتج ربي يستر عليهم ويحميهم و يحنن قلوبهم عليج يارب

 

[Le chat]

حبيبتي بنوته اسم الله على قلبج حياتي انا من جم يوم زاد علي عوار ظهري وبطني ماقدرت استحمل رحت المستشفى وله ينيموني بس ماهمهم العوار الي انا فيه بس شافو مافي طلق تطمنو قالو معاي جفاف واستيون وهذا الي ركزو عليه بس حاطيلي درب وانا بمكاني الووي من العوار ماتحملت قلت حق ريلي طلعني ماعندهم سالفه انا اشرب ماي بالبيت ابركلي من هالحكره بالمستشفى حتى مسكن ممنوع ماعطوني شي بس الحين العوار شوي يصير احسن ويخف وفجاه يشب لي زاد خذيت شور حار يطخخه وبس كله منسدحه عاد تذكرت ام عفاف شلون اييها عوار بايدها مع الحمال حبيبتي كانت تقول مهي قادره تتحمل تكتبلنا وتبجي صج حسيت فيها من العوار اقول حق ريلي بس ودني خيولدوني موقادره وماكو حل غير الولاده بس الحمدلله كل ماقريت على مكان العوار اهدا واقدر اتحمله

 

[.. BNT ..]

حياتي هبونه ماتشوفين شر يابعد عمري تكفير ذنوب حبيبتي
عاد انه من زمان عن الانستقرام دشيت عشانج بسئلج
الا انصدم بصورتج بعد عمري خطاج السووووووووووو
الحين شفتي تقولين كل ماقريت على الالم هدا وارتحتي
الله يهداج الناس ماترحم وانتي منهده صور بالانستقرام ..
واكو عالم مايدرون شحال الوحده يجوفون لصور ويقولون هذي مايحتاج فوق النخل
الله يكافيج شرهم يارب
ماعليه تروح كلها وتنسينها بس تجوفين عوينات فرخج سالم معافى بحظنج يارررب
عيل دهني الالم بزيت مقري عليه بعد جود يخف الله يهون عليج حمله وولادته
واي ياكثر قرقي هههه بس والله كنت خايفه عليج ماصدقت اجوف ردج ربي يحفظج ويحفظ لج

 

[توحه1]

حبيبتي بنت معوضه بالافضل ان شاء الله
والخدم شر لابد منه روحي مكتب بوحمد بمجمع الرميح بالسرداب كلمتهم وحده من 25 يوم لي 3 شهور وتوصل الخادمه انا 33 يوم ووصلت لوله العيد والعطل جان وصلت ب25
ولي لي اجر وعافيه الله يتمم عليج وتقومين لنا بالسلامه

 

[توحه1]

عسوله شنو اخر اخبارج وحنون وينج وباقي البنات مالكم حس

 

[.. BNT ..]

بعد عممري تووحه ..
شكلي بقدم ثانيه صج .. ماعاد فيني نطره بس اتحلطم وابجي جني ياهل خخخخخ

 

[توحه1]

صاجه مرينا فيها وصاجه نتبهذل

 

[توحه1]

? احبكم جميعا فالله

 

[عسل حدي]

رب لا تذرني فردا وانت خير الوارثين

 

[توحه1]

الاهي امين ويرزق كل محروم وكل وحده تبي
ويكتبلج الي فيه الخير ياعسل

 

[توحه1]

اليوم عيد ميلاد ام عفاف جان تذكرونها لها طولت العمر وتقضيه بالخير
وبعد يومين عيد ميلاد اول وحده نورت تجمعنا جنوي بنت لي لي ويوم الخير تلبسها شبكتها وتفرح فيها وببرهومه اخوها

 

[Le chat]

حبيبتي والله الي ذاكر فديتج توحه والله انج عسل

 

[miss_Ba6oOo6a]

اهلا بنات

بنتي ليلحين ما سننت شكلها مطوله وليلحينها نتفه
توقف روحها مستعيله بتمشي

والكبيرة ليلحين مع العسارة والعناد دخلت مدرستها يساعدوني معاها


وبس باجي إخباري بالانسقرام

وكل عام وأم عفاف بخير وتقبل الله توها رادة من العمرة

 

[توحه1]

صج تقبل الله اعمالها
لي لي شلون ماذكر اول من افتتحح مواليدنا
بطوووط روحي سوي تحاليل حق بنتج بس تكمل سنه وشوفي الكالسيوم شلونه
انا يويوي بس يوقف ويخط بمساعده وبس

 

[miss_Ba6oOo6a]

اي انشالله
اختها سننت سنه وشهر

واختي مسننه ماخر بعد فوق السنه انطر عليها تكمل ١/١٣ سنه واشوف هالبنيه متا اتسنن