تجمع مواليدديسمبر2011ومواليديناير2012

[غلا عموري]

هلا توووووووحه شلونك وصقوورك عساكم بخيييير
انسى التجمع ولاذكرت دخلت اتابع لكم

 

[عسووولــــة]

مرحبا

من يومين واحس بالثقل والتعب عندي الم اسفل الظهر وتقلصات خفيفة ما ادري ليش

توحة فدتيج شخبارج وكيف الشباب ؟؟؟

لي لي اخبار جنون وبيبي الحين في اي اسبوع ؟؟؟

 

[توحه1]

غلوي وعسوله
انا ويويواتي بخير والله يسهل عليج عسوله راح الكثير مابقى الا القليل بحروة ٤٠ يوم وتولدون انت لي لي من عسركم لي يسركم ربي يسهل عليكم ان شاء الله جهزتي حق عسولتج خلصتي
صج شنو الاسامي الي اخترتوها

 

[Le chat]

عسوله الحمدلله اليوم دخلت الاسبوع ٢٩ وكان عندي مراجعه كل شي تمام بس دكتوري حولني حق دكتور قلب عشان تييني رقعه بيسويلي سونار حق قلبي باجر موعدي مال القلب
توحه انا اليوم حددلي موعد ولاده قالي ٨-١ ان شاء الله عمليتي يعني بعد شهرين الله يسهل

 

[توحه1]

الله يسهل ويسر امورج لي لي ليش مو ١/١ ياحظي عليهم
هههه اتشرط مو

 

[توحه1]

شلون جنوي شنو اخر تطوراتها
طلع لولو ولا لي الحين
انا يويو ولله الحمد والمنه وقف اسهاله وانتو بكرامه والحمدالله اموره مستقره صاله ٣ ايام وعند ٦ لولوااات ٤ فوق و٢ تحت ربي لك الحمد وماتجراء لي الحينه يوقف بمساعده وماينجز خوووواف هههه
اشتقت حق خوخو ودي اعرف اخبارها مع توئمها الله يحفظهم ويحرسهم من كل شر

 

[حنان المحبه]

صباح الخير
مرحبا بنات
توحه
شخبارچ وشلون يويواتج واخبار الصغير الحين ان شاءالله احسن …بشري عسى جتچ خدامه الله يعينچ كثري من الحوقله باذن الله بتعينچ عالشغل بالبيت عسى الله يعطيج الصحه والعافيه يارب
لي لي
اسم الله عليج بشري شلون السونار شنو طلع وياج … حافظچ الله ياقلبي … اخبار جنوي وياچ … الله يهون عليج الولاده يارب
غلاوي
شخبارج واخبار بناتج الله يحفظهم لج ويبارك فيهم
عسوله
شلونج وشلون وليدج الله يعينچ عالثقل ويهون عليج يارب العالمين
تووووووحه
ولدي جننني مايقعد بالدراجه ينط منها يروح عند اي شي مرتفع ويطلع لعوزني ماقدر ادرس اخوانه الا اذا خذا قيلوله اسم الله عليه … والشي الاي يضحكه العطسه بس احد يعطس يموت ضحك عليه تشوفين اخوانه مستانسين …هو تو فاك عنه تعب صارله يومين مايشوب ولاياكل كسر خاطري مسيكين عند التهاب بحلجه وطالع صديد عشان جذيه اي شي ياكله يعوره من داخل والحمدلله اخذ مضاد الاول مافاده والثاني الحمدلله وخفت الحراره
وتقبل الله طاعتكم والحمدلله على سلامة حجاجكم … وعساكم بخير وصحه وسلامه يارب
اللهم احفظ الكويت وامنها وآمانها واهلها وحكامها من كل شر وعين وعدو ويارب زيدنا من فضلك ولاتحرمنا اجرك يارب العالمين

 

[عسووولــــة]

توحة لحد الحين مو مستقرين على اسم معين

وباقي لي ملابس بيبي ان شاءالله ع شهر 12 بروح مذركير و سنتربويت

امس بليل مشيت ربع ساعة ،،، انا الحين في الاسبوع 28 عادي توحة من الحين ابدأ رياضة صح ؟؟؟


لي لي ان شاءالله خير وطمنينا شنو يقولج الدكتور

جنون متى تاريخ ميلادها <<< يعني ولادتج باذن الله قبلي الله يسهلج حبيبتي وتقر عينج بشوفة ضناج حبيبتي

حنون شخبارج حبيبتي ،،، الله يشفية ان شاءالله ما يشوف شر فديتة

 

[Le chat]

هههههههههه توحه افا عليج مايطوفني قلتله ليش مو ١-١ قالي عادي بس شوي مبجر بعد خفت اتشرط واستاثم بالصبي اهم شي صحته وجنون والله لي الحين ماكو ضروس الحمدلله عساها ماتطلع ياختج خايفه منهم يمكن تاذي نفسها تعض لسانها مااعرفلها خنروح امريكا وتسوي الي تبي تبيه هناك
حنون لي الحين مارحت موعدي ٦ المغرب ان شاء الله خير
عسوله انا لي الحين ماشريت حق البيبي ولا شي بس ابو يابله اوفراول واحد على فريقه ههههههههههه متفرغ ان شاء الله الشهر الياي بشتري جم شغله وان شاء الله لي رحت امريكا اشتريله من هناك

 

[توحه1]

حنون وعسوله وام جنوي انا الحمدالله بخير
ومايتني خادمه لي الحين صارلي شهر طالبه
حنون الحال من بعضه بس اروح ادرس اخوانه يسوي حركات مايبيني ان شغل عنه والدراااي مايحبها قام يناقز ولا يحن ويبكي اذا قعدته فيها

 

[Le chat]

الله يعينج واي انا خدامتي تروح يوم اجازه اضيع
اليوم سويت سونار حق قلبي وطلع في ارتخاء بسيط بالصمام ومع فقر الدم والثالاسيميا كل هذيل يسببون رقعه قالي الصمام يحتاج متابعه كل جم سنه بس حاليا مو خطر وضروري اراجع عند دكتور دم عشان يعطيني علاج الظاهر الحديد مو كافي ووووووبس هذي اخر الاخبار

 

[توحه1]

الله يعينج واجر وعافيه حبيبتي لي لي
عسوله لاتمشين الحين من تكملين ٣٣ سبوع يعني نهاية الشهر ابدي

 

[عسووولــــة]

لي لي الله يشفيك حبيبتي وتقومي بسلامة انتي وبيبي


توحة حدي مستعيلة ودي امشي خخخخ ،، مشكورة حبيبتي

هاه شنو اخر الاخبار ماكو حمل ؟؟؟

 

[توحه1]

لاوالله ماكو شي بالطريج ان شاء الله ناطرتكم انت ولي لي اطمن عليكم ونفسكم وطلعون من غير شر بعدها احمل عشان تكووونون معاي بكل خطوه

ادعووووولي دعاء خاص

 

[Le chat]

ان شاء الله توحه عاد احسنلج حملي شهر ١ عشان تولدين شهر ١٠ الجو حلو لا حر ولا برد ههههههههههه جنه على كيفي

 

[توحه1]

الله الرزاق بسماه
وانتوا لاتنسوني بدعاكم كمال الخلقه والخلق لا زياده ولا نقصان مافيه اي مرض ان شاء الله
والي ايي من الله حياه الله ولد بنت توم خير وبركه

 

[توحه1]

سلاااام

 

[عسووولــــة]

توحة <<الله يرزقج ان شاءالله وتقر عينج ببنوتة كاملة الخلق والخلق اميييييييييييييين يارب العالمييييييين

 

[توحه1]

الاهي امين اجمعين عسووله
حبيت ابارك لكل كويتيه بالمنتدى
والله يحفظ ديرتنا من كل مكرووه

 

[توحه1]

صبااااح الخير خدامتي وصلت كلللوووًوووووش
سيلانيه عمرها ٣٢ سنه متزوجه وعندها بنتين ١٠ و٦ سنوات
مسيحيه مشتغله بالامارات والسعوديه
هاشرايكم